articles stringlengths 138 64k |
|---|
هامسەرۆکۆو دەسەو ڕاوەبەری کەجەکەی بەسێ هۆزاتە جە بەرنامێوە تایبەتی کەناڵو مەدیا خەبەرینە پرسە گەرم و رۆژەڤەکێش هۆرسەنگنۍ. هۆرسەنگنایەکۍ بەسێ هۆزاتۍ پی جۆرەنۍ:
"جە ئاکامو ئەرەکۆشایۍ گۆرەینە رابەر ئاپۆ چنی عومەر ئۆجالانی دیڎارش ئەنجامدا. بێگومان ئانە دیڎارێوە خێزانی بۍ. وەڵۍ ئانەینە، پێوەس بە ئاژەو تەندروسیی رابەر ئاپۆی بڕۍ زانیاریۍ پەی رای گرڎیی وەڵۍ کریێوە.
جە قۆناغەکا وەڵتەریچەنە بەردەوام ئانۍ بیێنۍ. جە ماوەو ٢٦ ساڵی ۋییەردەینە جە بارەو ئاژەو تەندروسی و سلامەتی رابەر ئاپۆیۆ سەرەتا دۆڵەت، حکومەتو جەنگی تایبەتی بڕۍ زانیاریۍ پا جۆرەیە وەڵا کەرێنێوە، جە ڕاو بڕۍ ئەنداما جەنگی تایبەتی ۋێشاوە، دلۍ گەلوو کوردینە تەرسی و نیگەرانی فرە ساز کەرێنۍ، دماتەریچ بڕۍ دیڎارۍ پەی چن جارۍ یاخود دیڎارێوە پەی یەکجاری ئەنجام دریێ. دلۍ رای گرڎینە ئەنەیاوایۍ پا جۆرە ساز مکەرا، کە گوایە گۆشەگیری هۆرگیریان. پا جۆرە هەوڵ مڎا مڎرامان لاواز بکەرا و کاریگەرییەکاش کەم بکەراوە.
دلۍ رای گرڎییی دیموکراتیکی، رای گرڎیی تورکیای، ناوچەکەی و جەهانینە پېسە ئانەی گۆشەگیری هۆرگیریان ئەنەیاوایۍ ساز مکەرا. دماتەریچ جەنگی تایبەت بە شێوۍ دژوار، پېسە وەڵتەری درێژە پنەمڎا.
ئیساتێچ ئێمە ئینایمۍ هەمان قۆناغەنە. هەڵمەتەی مېیاننەتەوەیی ئازادی کە پەی ئازادیی رابەر ئاپۆی دەسشپنەکەرڎەن، ئاستێوە فرە گرنگ و کاریگەرش خوڵقنا. سەرانسەرو جەهانیوە پەی ئازادیی جەسەیی رابەر ئاپۆی مڎرامانی قەوەت، ئاستو خاەنداریش وەشکەرد. سەرو ئاستی ئەکادیمی تا فرەو رێکوزیا مەدەنی و رێکوزیا پەیوەندیدارەکا چڼین لایەنۍ سیستەمو ئەشکەنجەی و گۆشەگیریشا جە ئیمراڵینە وست ۋەرو باسی. ناڕەزایی ۋێشا جە ۋەرا ۋەرو ئانەینە نیشانەدا. مڎرامانی کۆمەڵایەتی جە گرڎ یاگێنە پەرەش سانا. هەر پۊکەی چنی ئانەی هەڵمەتۆو ئازادیی مېیاننەتەوەیی یاوا ئا ئاستە، جە لاو ۋێشۆ دۆڵەتو تورکیچ ئی گەمەشە ئارڎ ۋەرو باسی. چونکی تەنگش پنەهۆرچنیابۍ، فرە کۆتەبۍ چێرو فشاری. جە هەمان کاتەنە ئا ڕووەدایۍ کە جە هەرێمەکەنە ڕووە مڎا دۆڵەتو تورکیایشا تەنگەتاو کەردەن. جە سیاسەتو دلێینەی، سیاسەتو جبەرینە بە بنبەس یاوای هەن. کاتێ کە ئینیشا گرڎ جەمۍ کەرمۍ، موینمۍ جە ئاژێوە چامنەنە دیڎارەکە ئەنجام دریا.
هەر ئاژێوە پەنهان جە ئیمراڵینە ئاسایی نییا
بێگومان ئانە بە هیچ جۆرێ بە ماناو ئانەی نمۍ کە گۆشەگیری هۆرگیریان. واتە دۆڵەتو تورکی هەوڵ مڎۆ پاسە نیشانەش بڎۆ کە گۆشەگیری تەمام بیەن. ئانە هیچ فڕێوەش بە حەقەتینیۆ نییا. ئا ئاژە هەر ۋێش جەنگێوە تایبەتا.
دۆڵەتو تورکی پرۆپاگەنڎە و زانیاری جەنگی تایبەتی جە بارەو سڵامەتی و تەندروسی رابەر ئاپۆیۆ بە چ ئامانجێوە وەڵا مکەرۆوە با بکەرۆش، دماجار بە شێوێوە خراپ سەرو دۆڵەتو تورکیرە مەڕیۆوە. گەرەکما بە تایبەتی ئانەی وزوڕووە.
رابەر ئاپۆ جە ساڵانی ۋییەرڎەنە بەردەوام واچۍ. گرڎ ئاژێوە پەنهان و شاراوە ئیمڕاڵینە بە هیچ جۆرێ جە لایەنو ئی جمېیەرەیە، جە لایەنو ئی گەلەیۆ، گلێرگەی دیموکراتیکیوە بە ئاسایی نمەنریۆرە. ئیمراڵینە هیج چێوۍ بە شێوێوە ئاسایی ڕووە نمەڎۆ. گرڎ چێوۍ ئیمراڵینە پېسە دەرەنجامو سیاسەتو قڕکەردەی ڕووە مڎۆ. هەرپۆکەی ئەگەر زەرەر بە تاڵە موێوە رابەر ئاپۆی بیاوۆ، ئی گەلە جەهانی سەرو دۆڵەتو تورکیرە وڕنانە. تورکیا بیەیش نمەمەنۆ، دۆڵەتو تورکی بیەیش نمەمەنۆ. تورکیا بۆ بە جەحەنەمۍ گۆرە. ئینە پەی تورکیای بە ماناو جەنگێوە دلێینەی بێکۆتایی مۍ. دماییەکەش وڕای دۆڵەتو تورکی و دلێنەشیەی کۆمارو تورکیای بۆنە.
ۋەرو ئانەی رابەر ئاپۆ کۆڵەکۍ و بناغەو هامپەیمانی، یۆبیەی و پێوەرە ژیۋای گەلوو کوردی و گەلوو تورکی مسۆگەر مکەرۆ. مسۆگەری و گرەنتی ئانەنە. رابەر ئاپۆ بە ماناو گەلوو کوردین. رابەر ئاپۆ بە ماناو یۆبیەی هامپەیمانی کورد-تورکین. رابەر ئاپۆ بە ماناو دیموکراتیکبیەو تورکیایا. بە ماناو ئازادیی گەلا تورکیاین. هەرپۊکەی هەر کردەوە و مامەڵێوە کە هەڕەشۍ جە تەندروسی رابەر ئاپۆی و سڵامەتی رابەر ئاپۆی بکەرۆ، ئانە دمایی بە تورکیای مارۆ. مشۆم ئانەی عال بزانا.
بە ئەنجامدای دیڎارێوە هەوڵ مڎا بڕۍ ئەنەیاوای کە خزمەت بە جەنگی تایبەتی مکەرا دلۍ گلێرگەینە وەش بکەرا. هەوڵ مڎا گلێرگەی سست و بێکاریگەر بکەرا و جە جوڵەیش وزا. هەوڵ مڎا ئەرەکۆشای ئازادی، هەڵمەتەو ئازادیی جەسەیی رابەر ئاپۆی لاواز بکەرا. دماتەریچ سیستەمو گۆشەگیری و ئەشکەنجەی بە شێوێوە دژوار درێژە پنە بڎا. سەرو گەلوو کوردی هرووژمو قڕکەردەی بەردەواما. کۆنسێپتو قڕکەردەی ملۆڕاوە. ئانەی چی قۆناغێنە ڕووە مڎۆ ئانەنە.
ئیدامەش هەن...... |
ئەڎایا ئاشتیی بەشداریشا جە تەعزیەو گەشمەرڎە شۆڕش قەڵاتینە کەرد
ئەڎایا ئاشتیی موکریانی بەشداریشا جە پرسەو گەشمەرڎە شۆڕش قەڵاتی ئەندامو مەجلیسی پەژاکینە کەرڎ، کە جە دەگاو سیسێری سەردەشتینە تەعزیەش پەی نریێنەرە.
ئەڎایا ئاشتیی موکریانی بەشداریشا جە پرسەو گەشمەرڎە شۆڕش قەڵاتی ئەندامو مەجلیسی پەژاکینە کەرڎ، کە جە دەگاو سیسێری سەردەشتینە تەعزیەش پەی نریێنەرە.
جە دەگاو سیسێری سەر بە شارو سەردەشتوو ۋەرکۆتوو کوردەسانی جە یانەو ئەڎاو گەشمەرڎە شۆڕش قەڵاتی (مەولان رۆستەمی) تەعزیە نریێنەرە و ئەڎایا ئاشتیی موکریانی پەی بەرزڕاگێرتەی یاڎو گەشمەرڎە شۆڕشی بەشداریشا جە مەراسیمەکەینە کەرڎ.
رۆو یەکشەممەی پارتو ژیۋای ئازادی کوردەسانی ئەرەیاۋنابێش، "٧و خەزەڵوەرینە سەرو جاڎەو مەهاباد- پیرانشاری جە لایەنو هێزەکاو ئیتلاعاتی، سوپاو پاسدارا و بەکرێگیریایا ناوچەکەیۆ، بەشێوێوە نامەردانە ئەندامو مەجلیسی پەژاکی شۆڕش قەڵات گەشمەرڎە کریان.
جە ئەرەیاۋناکەو پەژاکینە ئامابۍ کە گەشمەرڎە شۆڕش قەڵات جە چوارچێوەو هەرمانەو ڕێکوستەیی و چالاکییە سیاسییەکاشەنە بەردەوام جە دلێینەو وڵاتی و دلۍ گەلەکەیشەنە بۍ. |
هەزاران کەسۍ ئێلحەنە ڕاپیمایشا کەرڎ: بې سەرۆکی ژیۋای نمەبۊ!
ئێلحەنە هەزاران کەسې دژو دەسسەرەرەگېرتەی ڕاپیمایشا کەرد، جوانێ بە تەوەنی جواب و هجومەکا پۆلیسیشا داوە، هاوارشا پەی ئازادی ڕابەر ئاپۆی کەرد.
ئێلحەنە هەزاران کەسې دژو دەسسەرەرەگېرتەی ڕاپیمایشا کەرد، جوانێ بە تەوەنی جواب و هجومەکا پۆلیسیشا داوە، هاوارشا پەی ئازادی ڕابەر ئاپۆی کەرد.
ئێلحەنە هەزاران کەسێ دژو نیایرەو قەیومی ڕاپیمایشا کەرد. جەماوەر چوارڕاو باسینە گلێرۍ بیێوە، هامسەرۆک و نوێنەرا کۆنگرەو دیموکراتیکی گەلا (هەدەکە)ی، پارتو سۆسیالیسو چێردەسا، پارتی شۆڕشگێڵن، پارتو هەرێمە دیموکراتیکەکا، پارتو ڕزگاریی سۆسیالیستی، پلاتفۆرمو پەشتیوانی سۆسیالیستی، یانەکا گەلی، پارتو کۆمۆنیسو کوردەسانی (کەکەپە)، پارتو ئینسانی و ئازادی، فیدراسیۆنو عەلەوییەکا بێکتاشی، جەمەو کلتووری پیر سوڵتان عەبدالی، کۆنفیدراسیۆنو سەندیکاکا کرێکارا جەماوەری (کەسک)ی و سەندیکاکا سەر بە کۆنفیدراسیۆنەکەی. پارتو کرێکارا تورکیای (تیپ)، پارتو جمېیەرو کرێکارا (ئیهەپە)، پلاتفۆرمو ئازادی کۆمەڵایەتی، فیدراسیۆنو مەجلیسو سۆسیالیستیییەکا، پارتو ڕەنجی (ئەمەپە و هەدەپە) بەشداریشا کەرڎ.
جەماوەر بەرەو ڕێکوزتەو دەم پارتی ئێلحی دەسشا بە ڕاپیمای کەرد، درووشمەکۍ "بژیۋۆ سەرۆک ئاپۆ" و "بێ سەرۆکی ژیۋای نمەبۆ" و "ژەنی، ژیوای، ئازادی"شا بەرزۍ کەردۍ.
پۆلیس بە گازی هەڵسمچ و ئاوی تیژە هجومشا کەرد، جوانێچ جە ۋەرا ۋەرەنە مدرامانشا کەرد. |
ئێلحەنە پۆلیس هجومش کەرد، گەلیچ مڎرامان مکەرۊ
وەردەمو شارەوانی ئێلحینە گەل دژو هجومو پۆلیسی مڎرامان مکەرۊ. هجومەکەنە چنین کەسې باڵبەسۍ کریۍ کە دوېشا ڕۊنامەنوویسێ بېنې.
وەردەمو شارەوانی ئێلحینە گەل دژو هجومو پۆلیسی مڎرامان مکەرۊ. هجومەکەنە چنین کەسې باڵبەسۍ کریۍ کە دوېشا ڕۊنامەنوویسێ بېنې.
پۆلیس وەردەمو شارەوانی ئێلحینە هجومش کەرد سەرو ئا جەماوەرەیە کە بەمەبەسو شەرمەزارکەردەی قەیومی گلێرێبیێوە. پۆلیس سەرەتا بە گازی هەڵسمچ و ئاوی تیژە هجومشا کەرد سەرو جەماوەری و پا مەڵامەتۆ ڕوو بەڕوبییەیۆ ڕووەشدا. جەماوەر چڼین یاگێنە وەربەسشا نیارە و دژو پۆلیسی مدرامانشا کەرد، ڕووەدایەکۍ جە جاڎەوشارەکەینە تەشەنەشا ئەسا.
پەیامکیانەو ژن نیوزی پەلشین چەتین کایا کە کاتو هجومەکەو پۆلیسینە هەواڵەکا فاڕێوە، دریاش ۋنە و باڵبەسە کریا. پۆلیس کاتو باڵبەسکەردەیشەنە، چەتین کایایەش سەرو زەمینیرە کیشنا. هامکات کارمەندو ڕۆنامەو یەنی یاشام وەیسی ئاکورەنی باڵبەس کریا. |
داواکاری تازە پەی دیڎاری چنی رابەروو گەلوو کوردی وزیا ڕووە
پارێزنەراو نویسینگەو یاسایی سەڎەی بەمەبەسوو دیڎاری چنی رابەروو گەلوو کوردی عەبدوڵا ئۆجالانی و زیڼانیا تەرو ئیمڕاڵی، جارێوەتەر داواکاریشا وست ڕووە.
پارێزنەراو نویسینگەو یاسایی سەڎەی بەمەبەسوو دیڎاری چنی رابەروو گەلوو کوردی عەبدوڵا ئۆجالانی و زیڼانیا تەرو ئیمڕاڵی، جارێوەتەر داواکاریشا وست ڕووە.
بەمەبەسوو دیڎاری چنی رابەروو گەلوو کوردی عەبدوڵا ئۆجالانی کە ئینا چێرو گۊشەگیری سەختوو ئیمڕاڵینە و چەمپنەکۊتەی زیڼانیا تەرو ئیمڕاڵی، پارێزنەراو نویسینگەو یاسایی سەڎەی سەردای داواکاروو گرڎیینوو کۆماریشا جە بورسا و ڕاوەبەرایەتی زینڎانوو ئیمراڵی کەرد.
پارێزنەراو نویسینگەو یاسایی سەڎەی رەزان ساریجا، رازیە ئۆزتورکە، فایەق ئۆزگور ئەرۆڵ و مەزڵوم دینچی پۍ ئانەی بتاوا موەکیلەکاشا عەبدوڵا ئۆجالان، عومەر خەیری کۆنار، حامیلی یەڵدرمی و وەیسی ئاکتاشی بوینا، داواکاریشا وست ڕووە. |
خەلفەتینە مڎارامانوو گەلی بەردەواما
ناوچەو خەلفەتینە مڎرامانوو گەلی جە دژو دەسسەرەرەگێرتەی و زەوتکەردەی شارەوانی جە دووەم رۆشەنە بەردەواما.
ناوچەو خەلفەتینە مڎرامانوو گەلی جە دژو دەسسەرەرەگێرتەی و زەوتکەردەی شارەوانی جە دووەم رۆشەنە بەردەواما.
ناوچەو خەلفەتی رحاینە گەل جە دژو نیایرەو قەیومی جە دووەم رۆشەنە ۋێڕاگری مکەرا و ناڕەزایی بەربڕا. گەل سەرسەعبەنە ۋەردەمو بیناو شارەوانینە کوۍ بیێوە. هاموڵاتیۍ هۆرپڕایشا کەرڎ. ئەڎایا ئاشتیچ جە مڎرامانی دژو قەیومی بەشدارێنۍ. دروشمەو "بژۋۆ مڎرامانوو خەلفەتی" بەردەوام وچیۆوە. بیناو شارەوانی جە لایەنو پۆلیسەکاوە تەوقە دریان.
پەرلەمانتاراو دەم پارتی عومەر ئۆجالان، زولکوف ئوچار، ئایتەن کۆردو، فەرید شەنیاشار، میدحەت سینجار و دیلان کونت ئایان، هامسەرۆکاو شارەوانی خەلفەتی سانیە بایرامە و محەمەد قەرەیلان و هامسەرۆکاو شارەوانیەکا تەرو رحایچ بەشدارۍ چالاکییەکەی بێنۍ.
جە چالاکییەکەنە قسۍ کریۍ و لاو وێشۆ میتحەت سانجار پەرلەمانتارو بازنەو رحاو دەم پارتی کاروەدایش ۋەرا ۋەر بە نیایرەو قەیومی نیشانەدا و واتش، "نیایرەو قەیومی بەردەواما. قەیوم بە ماناو زەوتکەردەی ئیراڎەو گەلی مۍ. رێبازو بەکارئاوردەی قەیومی پاشێلکەردەی مافی یاساییا. یاسا پاشێلە مکریۆ. بە نیایرەو قەیومی ناچارەسەری پرسو کوردی زیاتەر قووڵ مکەراوە. ئینە مایۍ قبوڵکەردەی نییا. ئێمە موینمۍ کە چارەسەرنەکەردەی پرسو کوردی چێشا. مردایۆ جە دژو نیایرەو قەیومی داواکارییا پەی چارەسەرکەردەی پرسو کوردی. دەم پارتی پەی گرڎی داواو چارەسەریی دیموکراتیکی مکەرۆ. ئێمە پەی دیموکراسی و ئاشتی ئەرەکۆشمۍ. ئاشتی مەڵامەتوو بیەو ئێمەن. گەلوو کوردی جە ۋەرا ۋەرو قەیومینە چۆک نمەڎۆرە و حەجگیزیچ نمەلۆ چێرو بارو سەپنای قەیومی. ئیتر وەسێن ۋۍ خەڵەتنای، گەلوو کوردی سەرەمەنامنۆرە. مشۆم بە شێوێوە هامبەش ئەرەکۆشای جە دژو قەیومی ڕاوەبەر بکەرمۍ".
دماو تەمابیەو قسەکا دروشمۍ وچیێوە و مڎرامانوو گەلی ۋەردەمو شارەوانینە بەردەواما. |
هەبەدەهە: مشۆم بەچالاکی شۆڕشگێڵنی دژو فاشیزمی مردمێوە
هەبەدەهە جە ئەرەیاۋناکەو دژ بە دەسسەرەرەگێرتەی شارەوانییەکانە واتش، "ئا زۋانەی کە فاشیزم چنەش مېیاوۆنە، چالاکی شۆڕشگێڵنیا."
هەبەدەهە جە ئەرەیاۋناکەو دژ بە دەسسەرەرەگێرتەی شارەوانییەکانە واتش، "ئا زۋانەی کە فاشیزم چنەش مېیاوۆنە، چالاکی شۆڕشگێڵنیا."
کۆمیتەو ڕاوەبەری تەڤگەری شۆڕشگێڵنی یۆگێرتەو گەلا (هەبەدەهە)ی جە دژو دەسسەرەرەگێرتەی شارەوانییەکا دەم پارتی ئەرەیاۋنێوە نویسیاش وەڵا کەرڎۆ پەیامو 'فاشیزم تەنیا جە زۋانو چالاکی شۆڕشگێڵنی میاوۆنە'یش دا.
'ئەرکی سەرەکی ئەرەکۆشایۍ شۆڕشی یۆگێرتەن'
جە سەرەتاو ئەرەیاۋناکەینە ئاماژە بە دووڕوویی سیاسەتەکاو دەسەڵاتداری ئاکەپە-مەهەپەی فاشیستی کریان و ئامان: "جە لێوە چێرو نامۍ پرۆسێوە بەنام 'ئاشتی و چارەسەری' درێژە بە سیاسەتەکا جەنگی تایبەتی مڎا و جە لێوەتەرۆ بە سەپنای قەیومی دەسسەرو ئیراڎەو گەلیرە گێرۆنە." ئاماژەیچش پانەی دا هەرکاتێ دەسەڵاتداری فاشیست دژو مڎرامانو گەریلای و هێزە شۆڕشگێڵنەکا ڕووبەڕوو شکسی بۆوە ئا کاتە ڕاو دەسسەرەرەگێرتەی مافی و ئۆپراسیۆنی قڕکاری گێرۆنە ۋەر و ماچۆ: "جە دژو سیاسەتو سەپنای قەیومی بەڕێکوستەکەردەی سیاسەتو شۆرشگێڵنی و بەرزکەردەیۆ ئەرەکۆشای شۆرشی یۆگێرتەی، ئەرکی سەرەکی ڕۆو بەزرکەردەیۆ شۆڕشی یۆگێرتەیا."
جە بەردەوامینە ئاماژە پانەی کریان کە دەسەڵاتداری فاشیستو ئاکەپەی بە واتەی' بەردەوامۍ بیمۍ چی هەرمانا' بەروزو ئانەین کە سیاسەتی کۆلۆنیالیزم، گۆشەگیری و تاونایۆ بەردەواما و ماچۆ: "جە چوارچێوەو پلانەو هۆرشێونایۆینە. بە واردەیی مافو چینو کرێکارا، بە بەکارئاوردەی چەکی کیمیاوی جە دژو گەریلاکا ئازادی کوردەسانی، هرووژم سەرو ۋەرنیشتی، سەپنای قەیومی و ئەنجامدای گۆشەگیری بەرهەمو سیاسەتو جەنگەکەی جە لایەنو فاشیزمیوە ڕاوەبەر مکریۆ."
'فاشیزم تەنیا جە زۋانو چالاکی مېیاوۆنە'
جە دما دمایی ئەرەیاۋناکەینە پەیامو حەقکەردەیۆ جە فاشیزمی دریان و ماچۆ: "ڕۆو بەرزکەردەیۆ ئەرەکۆشای شۆڕشی یۆگێرتەین جە دژو نەریتو جەنگی. مشۆم ڕیزو ئیرادەو گەلا کوردەسانینە مردمۍ و حەقە جە فاشیزمی بکەرمێوە. تەنیا زۋانێوە کە فاشیزم چنەش میاوۆنە، زۋانو چالاکی شۆڕشگێڵنیا. مشۆم سەرو ئی بنەمایۍ جمێوە و حەقە جە فاشیزمی بکەرمێوە.' |
هەشتەمین فێستیڤاڵی مېیاننەتەوەیی شانۆو جاڎەو کەرکوکی دمایش ئاما
دماو یەرێ ڕوا جەبەردەوام بیەیش، فێستیڤاڵی میاننەتەوەی شانۆو سەروجاڎەو کەرکوکی بە بەردەیۆ گروپێوە شانۆیی شارو ئیلامو وەرکەوتوو کوردەسانی دمایش ئاما.
دماو یەرێ ڕوا جەبەردەوام بیەیش، فێستیڤاڵی میاننەتەوەی شانۆو سەروجاڎەو کەرکوکی بە بەردەیۆ گروپێوە شانۆیی شارو ئیلامو وەرکەوتوو کوردەسانی دمایش ئاما.
دماو یەری ڕوا جە پێشکەش کەردەی زنجیرێوە شانۆیۍ سەرو جاڎەی جە زانیشتگە و یاگە گردییەکا شارو کەرکوک و پانیشتوو کوردەسانی، بە ئامادەبیەی ٢٥٠ مێمانا جە ١٤ ووڵاتا جیاوازینە، شەوەی ویەردۍ هۆڵو شاهانەی بۆلیڤاردینە، هەشتەمین فێستیڤاڵو میاننەتەوەی شانۆی سەروجاڎەو کەرکوکی چێرو نامونیشانو (پێوەرە ژیوای) دمایش بە چالاکییەکاش ئارڎ.
دماتەر مەڕاسیمو خەڵات بەخشای دەسش پنەکەرد و جە دمادمایی فێستیڤاڵەکەینە جەلایەنو لوجنێوە دادوەری خاستەرین شانۆکارەکێ هورچنیێ و سەوقاتیشا پنە دریا.
یاگێ باسیا، خەڵاتو خاستەرین بەرهەمو فێستیڤاڵەکەی پێشکەش بە شانۆو "کەرگەو هامساکەیما قازە نیەنە" کریا، کە شارو ئیلامو وەرکەوتو کوردەسانیوە بەشداریشا کەردەبێ.
شانۆکارا فێستیڤاڵەکەی فرە وەلێکەوتۍ و ئەکادیمیۍ بێنێ
گوڵستان تاهیرە ژەنە ئەکتەرێوە شانۆییەو خەڵکو وەرنیشتوو کوردەسانینە کە نامێ هونەرییەش "سۆباری"یەنە، گوڵستانە جە ئیسەنە ووڵاتو ئەڵمانیاینە مژیۋۆ، پێسەو ئاکتەرێوە شانۆکارۍ بەشداریش جە هەشتەمین فێستیڤاڵی میاننەتەوەی شانۆو سەروجاڎەو کەرکوکینە کەردەن و سەبارەڎ بە فێستیڤاڵەکەی پەی ئاژانسو هەواڵو فوڕاتی (ANF)ی واتش: "ماوەو یەرێ ڕوا ویەردەینە فرە ئیسفاڎەم چی فێستیڤاڵەینە کەرڎەن و بەشدارەو وۆرک شۆپی بێنا و ئەکتەرێ فرە بەتوانێم ئشناسێ، ئی فێستیڤاڵە فرە دڵگیرا و چێوی تازە بۍ پەی من پۆکەی یاگێ وەشحاڵی بێ کە بەشدارەو ئی فێستیڤاڵەیە بێنا، بەڕاسی ئەکتەرێ بەشدارۍ شانۆیۍ فێستیڤاڵەکەی فرە وەلکەوتێ و ئەکادیمیۍ بینێ ئینەیچ یاگێ وەشحالیا".
واتیچش: "من ئەکتەرێوە وەرکەوتوو کوردەسانینا و ئەڵمانیاوە ئامێنا پەی کوردەسانی تا بەشداری چی فیستیڤاڵەینە بکەرو، هیواو سەرکۆتەی پەی فێستیڤاڵی میاننەتەوەی شانۆی سەروجاڎەو کەرکوکی موازونە، هومێڎەوارەنا ساڵۆو ئاینڎەینە پێسەو ئەکتەرێوە بەوە شانۆ پێشکەش پی فێستیڤاڵەیە بکەرو تا بتاوو ملەملانۍ چنی ئی ئەکتەرە بەتوانایا و ئەکادیمیا بکەرو، ئێمەیچ نمایشێوەما جە جۆرو نمایشی بێ دەنگی پێشکەش کەرڎ کە باس جە ئاژەو کوردەسانی مکەرێ کە جەنگ و زەحمەتی بۍ بەڵام دماتەر یۆگێرتەی و یەکڕیزی وەش بی، هەرپێسەو ئی ئاژەیە کە ئیسە کەرکوکەنە گوزەرمکەرۆ". |
مېیانو ئەرەیاۋنای و چاپەمەنی هەپەگەی جە ئەرەیاۋناکەیشەنە دەربارەو ئا گەریلایا جە هەرێمەکاو پارێزنای مەدیاینە گەشمەرڎۍ بیۍ ئینەش وست ڕووە:
"٥و تشرینی دووەمو ٢٠١٩ جە دژو هرووژمەکا دژمنی سەرو هەرێمەکاو پارێزنای مەدیای هەمڕێما دەمهات، سەما، نالینە، عەلیشێر و سەرهەڵدان گەشمەرڎۍ بیۍ. جە ساڵوەگەڕو گەشمەرڎەبیەیشانە بەڕێز و پنەزانایۆ یاڎو هەمڕا گەشمەرڎەکاما مکەرمێوە و قەولما واوەی مکەرمێوە کە یاڎکەردەیۆیشا بکەرمۍ بە مەڵامەتو بەرزکەردەیۆ ئەرەکۆشایما.
هەمڕێما دەمهات، سەما، نالینە، عەلیشێر و سەرهەڵدان پەی ئانەی ئەرەکۆشای ئازادی گەلەکەیما قەوەتتەر بۆ، جە هەرێمە جیاوازەکا سەرنیشتوو کوردەسانیوە بەشدارۍ دلۍ ڕێزەکاو گەریلای بیۍ و پەی ئانەی جە هەر ساتێوە ژیۋای گەریلاینە ئی مەرامە پیرۆزەیشا جابەجێ بکەرا، جە ئەرەکۆشای بەردەوامەنە بێنۍ. هەمڕاکێما بەقیمەتتەرین رۆڵۍ ئی گەلەیمانۍ. هەمڕاکێما پەی ۋییەرنای ئەرکەکاشا، بە بێ ئانەی واچا هامنا یاخوڎ زمسانا، شەوەنە یاخوڎ رۆن، بە پاگیری فرۆ ئەرەکۆشۍ. پېسە جەنگاوەرا راس و دروسو پاڕادایمی 'دیموکراتیکی، ئیکۆلۆژیکی و ئازادیوازی ژەنا'_و رابەرایەتی ئامانجشا بنیاڎنیای گلێرگەی ئازاد و کوردەسانی بۍ و ئانەی بە سەرەکیتەرین ئەرکو ۋێشا زانێنۍ. هەمڕاکێما جە روو ئایدۆلۆژیا و سەروازییوە یاوۍ بە ئاستی پسپۆری و ئەرکەکۍ سەردەمو ۋێشا بێ کەموکوڕی جابەجۍ کەرڎۍ.
هەمڕێما دەمهات، سەما، نالینە، عەلیشێر و سەرهەڵدان جە کەسایەتی ۋێشانە نوێنەرایەتی سادەیی، راسی و دروسی، گیانبازی و خاکەڕایی کەرێنۍ، کە ئانۍ تایبەتمەندیۍ هامبەشۍ گەریلاکاو ئازادیی کوردەسانینۍ. هەمڕێکێما بە مڎرامانی ئەفسانەیی دژو دژمنی، یاگۍ ۋێشا جە تاریخو ئەرەکۆشایمانە کەرڎۆ.
پېسە هەمڕایاشا سەرەوەشی جە بنەیانەی قارەمانو هەمڕایاما دەمهات، سەما، نالینۍ، عەلیشێر سەرهەڵدانی و گرڎو گەلی وڵاتپارێزنو کوردەسانی مکەرمۍ و قەول واوەی مکەرمێوە کە یاڎو گەشمەرڎە قارەمانەکاما جە کوردەسانی ئازاڎەنە بە زیڼەیی ڕاگێرمۍ.
زانیاری جە بارەو ئشناسنامەو هەمڕا گەشمەرڎەکاما پی جۆرەنە:
ناسنامۍ /دەمهات گەڤەر
نامۍ و دما نامۍ / هاکان فیرات
شۆنەماو جە ئەڎابیەی / گەڤەر
نامۍ ئەڎۍ و نامۍ تاتەی / فاتمە- فارس
شۆنەماو کاتو گەشمەرڎەبیەی / ٥و تشرینی دووەمو ٢٠١٩/ هەرێمەکاو پارێزنای مەدیای
*****
ناسنامۍ /سەما دێرسیم
نامۍ و دما نامۍ /دێرسیم تەمیز
شۆنەماو جە ئەڎابیەی /ئامەد
نامۍ ئەڎۍ و نامۍ تاتەی / خەزال- حەسەن
شۆنەماو کاتو گەشمەرڎەبیەی /٥و تشرینی دووەمو ٢٠١٩/ هەرێمەکاو پارێزنای مەدیای
*****
ناسنامۍ /نالین دڵگەش چیا
نامۍ و دما نامۍ /ئایشە داغدەڵەن
شۆنەماو جە ئەڎابیەی /مێردین
نامۍ ئەڎۍ و نامۍ تاتەی / شەمسی- سادق
شۆنەماو کاتو گەشمەرڎەبیەی /٥و تشرینی دووەمو ٢٠١٩/ هەرێمەکاو پارێزنای مەدیای
*****
ناسنامۍ / عەلیشێر کوفران
نامۍ و دما نامۍ /عەلی ئاموشتەکین
شۆنەماو جە ئەڎابیەی /سێرت
نامۍ ئەڎۍ و نامۍ تاتەی / جەمیلە- محەمەد
شۆنەماو کاتو گەشمەرڎەبیەی /٥و تشرینی دووەمو ٢٠١٩/ هەرێمەکاو پارێزنای مەدیای
*****
ناسنامۍ /سەرهەڵدان دێرسیم
نامۍ و دما نامۍ /ئەحمەد ڤارساک
شۆنەماو جە ئەڎابیەی /ئامەد
نامۍ ئەڎۍ و نامۍ تاتەی / نازیمە - شوکرو
شۆنەماو کاتو گەشمەرڎەبیەی /٥و تشرینی دووەمو ٢٠١٩/ هەرێمەکاو پارێزنای مەدیای |
دۆڵەتو تورکی قڕکەر و فاشیستی جە هجوم و ئەرەگیری پەی سەرو پانیشتوو کوردەسانی و وەرنیشتو کوردەسانی بەردەواما و دەسەڵاتدارا پانیشتوو کوردەسانی و دۆڵەتو عێراقیچ بێدەنگێنێ و تائاستێوە هامکارێ ئا هجومە ئەرەگیریانێ. سەربارو بەردەوام ببیەی ئا هجومە ئەرەگیریا، بەڵام وەرپەرسا دۆڵەتو تورکی بانگەشەو پەنەوازی ئاشتی و چارەسەری مکەرا. چی بارۆ نویسەر عادل عوسمان پەی ئاژانسوو هەواڵوو فوراتی (ANF)ی قسێش کەرڎۍ.
سەرەتاو قسەکاشەنە عادل عوسمان باسش چانەیە کەرد جەنگێوە تاریخی چنی دۆڵەتو تورکی کوردەسانەنە ملۆ ڕاوە و واتش: "دۆڵەتو تورکی ئیسە هجومەکێش چڕ کەردێنێ پەی سەرو پانیشتوو کوردەسانی و هەرێمەکا پارێزنای مەدیای گەرەکشا ئەنجامێوە بەدەسبارۆ پەی جابەجێکەردەو سیاسەتو قڕکەردەی. جە ۋەرا ۋەرو هجومەکانە مڎرامان و ئەرەکۆشای گۆرە هەن، دۆڵەتو تورکیش ناچار بە مردای کەردەن جە پانیشتوو کوردستانینە و خنیکنانش.
هەر پۆکەی دۆڵەتو تورکی هەوڵمڎۆ گردو مېڎانەکانە دەسکۆت بەدەس بارۆ تا بتاوۆ جارێوە تەر وێش زینە کەرۆوە و هجوم بکەرۆ سەرو گەلوو کوردی. هجومەکاشەنە ئەنجامش بەدەست ناردەن، جە مێڎانەکا جەنگینە و جەهانیچەنە بە تەنیا مەنەنۆ هەرەکەتو سەرکۆتەیش نییا."
'دۆڵەتو تورکی سیاسەتو فێڵە و ساختەکاری پەیڕەو مکەرۆ'
واتش: "دۆڵەتو تورکی سیاسەتو فێڵۍ و ساختەکاری پەیڕەو مکەرۆ، کە چی ماوەنە جە ئەنجامو جەنگی گەرمینە شکسش ئاردەن، بانگەوازو ئاشتی مکەرۆ بەڵام ئانە ئاشتی نییا شێوازێ تەرو جەنگی تایبەتیا، گەرەکشا بەڕێز ئۆجالانی بارۆ پەرلەمان و واچۆ پەکەکەی هۆرشێونۆوە. پەشتەو ئینیشاوە ئامانجێوەش هەن دۆڵەتو تورکی ئاڎیچ ڕەوایەتیداین بەهجومەکا و وێ ئاماڎەکەردەی پەی هجومێ تەری.
هەلومەرجو ئیساتێنە حکومەتو عێراقی بە دەزگاو پارێزنا و سیخورییەکاشۆ گەرەکشانە بلا لاو پەدەکەی و دماتەر پەی تورکیای پەی ئانەی ڕێککۆتەی بکەرا. دۆڵەتاو مەنتیقەکەی دەورشا هەن چینەینە کە جارێوە تەر ستاتۆو ئی هەرێمەیە هۆرشێویۆوە، هێزە کوردییەکێ پانیشتوو کوردەسانیچ کۆتێنۍ دلێ ئی خراپەکارییاوە.
هەرپاسە جارێوەتەر بەچڕی هجومش کەردەن سەرو وەرنیشتو کوردەسانی و گەرەکشا خەڵکەکەیش ئاوارە بکەرۆ پۆکەی ئی جەنگە جەنگێ کاریگەرا مشۆم گەلو کوردی دژو ئی جەنگا مردۆوە و یۆبیەی وێش پێکبارۆ دژو ئی ئەرەگیریا مردۆوە."
'ڕابەر ئاپۆ و پەکەکە جە فێڵە و ساختەکاری دۆڵەتو تورکی یاوێنێنە'
هەرپاسە عادل عوسمان ئاماژەش پانەیە کەرڎ کە ڕابەر ئاپۆ و پەکەکە کەسێ ئاسایۍ نییەنێ تا بتاوانە هۆرۍ بخەڵەتیا پی جۆرە بەردەوامبێ: "جە ئەزموونەنە ڕابەر ئاپۆ و پەکەکە جە ساختەکاری دۆڵەتو تورکی یاوێنێنە جە قۆناغێوەنە گفتوگۆ بۍ بە پڕۆژەو دۆڵمە باخچەی یاوا، بەڵام سیستەمو فاشیستو دۆڵەتو تورکی و ئەردۆغانی ئینەشا هۆرشێوناوە چونکە زانێنێ ئاشتی چنی بەرژەوندییەکا ئاڎیشا یۆ مەگێرۆوە.
وەرو ئانەیە پەرسو چارەسەری دۆزو کوردی مشۆم واقعی بۆ بەساختەکاری دۆڵەتو تورکی مەبۆنە. بەڕێز ئۆجالان و موراد قەرەیلانیش ئانەشا ئەرەیاونا کە پەرسو ئاشتی حەقەتینە بۆ متاومێنە ئی پەرسیە جە تنوتیژییۆ فاڕمێ پەی یاسایی و سیاسی، چونکی کە بی بە یاسایی ئاوەختە دڎان بەبیەو کوردیرە منریۆ.
دۆڵەتو تورکی باسو پڕۆسەو ئاشتی مکەرۆ کەچی وەرنیشتو کوردەسانیش کاولکەردەن، هەوڵمڎۆ چنی حکومەتو ئێراقی ڕێک گنۆنە پەی ئانەی جەنگو گەریلای بکەرۆ ئایا ئینەنە نیازو ئاشتی؟ ئینە سیاسەتو هۆرخەڵەتناین ئەرەکۆشاو گەلو کوردی پی سیاسەتەیە ئاشنان و ڕا مەڎۆنە جارێوە تەر واوەی بۆوە."
'نمەبۆنە گەلوو کوردی چەمش جە پروپاگەندەکا دۆڵەتی ئەرەگیری بۆ'
دماینو قسەکاشەنە عادل عوسمان سەرنجش وست سەرو ئانەی ئەگەر گەلێوە بە ویژدانما بۆ مشۆم بە ویژدانۆ چنی دۆزو وێش بۆ و واتش: "نمەبۆ گەلوو کوردی چەمش جە پڕوپاگەندەکا دۆڵەتو ئەرەگیری بۆ بە تایبەتی پانیشتوو کوردەسانینە داوا ۋنەو خەڵکی مکەرو باوەڕ پا بانگەوازو ئاشتیەو دۆڵەتو تورکی نەکەرا و فریو نەوەرا پانەیە واچا پرۆسەو ئاشتی هەن و پەکەکە نمێ وەڵێوە چونکی جە حەقەتینەنە ئینە ئاشتی نییا و سیاسەتو فریوداین.
جەجبەرو گفتۆگۆکەردەی چنی ئێژا ئۆجالانی ئاشتی نییا، پەنەوازا مێزەو گفتوگۆکەردەی کوردش چنەبۆ نەک ئانەی دۆڵەتو تورکی وێش قەرارەکا بڎۆ. پەنەوازا یاواینەو ڕۆشنۋیرا و خەڵکو پانیشتو کوردەسانی بە ویژدانۆ بۆ، پەنەوازا یاواینە بۆ ۋەرا ۋەر بە هەوڵو ئەرەکۆشای سەرنیشتو کوردسانی و ئەرەکۆشای ئازادی گەلو کوردی، بە پیمانەکا ئاڎیشا جماوە و گرد وەختۍ دژو دۆڵەتو تورکی با." |
ئەرەیاۋناکەو هامسەرۆکایەتی کۆنسەو ڕاوەبەری کەجەکەی، پی جۆرەنە:
"سەرسەعبو ئارۆی، دەسەڵاتو ئاکەپە-مەهەپەی فاشیستی جە شارەوانییەکا مێردین، ئێلح و خەلفەتینە قەیومش نیارە، دیسان ئیراڎەو گەلیش دەسسەرەرەگێرت و ئیراڎەو گەلوو کوردیش بە بارمتە گێرت. جە قۆناغێوەنە، جە تورکیانە باس جە چارەسەری و پرۆسەی تازەی مکریۆ، دیسان دەسسەرەرەگێرتەی ئیراڎەو گەلی بەرش وست جە حەقەتینەنە هیچ نیازێوە چارەسەری بیەیش نییا، بەپێچەوانۆ، زیهنیەت و سیاسەتی قڕکەر بەردەواما. ئیتر ئاشکرا بیەن، ئانەی بەدەم وچیۆ و ئانەی بە کردار جابەجێ مکریۆ، تەمام پێچەوانەو یۆترینینۍ. سەلەمنۆش ئا چێوۍ وچیا، تەنیا ئامانج چنەش هۆرخەڵەتناین. دەسەڵاتو ئاکەپە-مەهەپەی هیچ نیازێوە ئاشتی و واڵە و برایەتی و چارەسەریش نییا، پلانێوە چامنێچش نییەنە. ڕێک بە پێچەوانۆ، خاوەنو زیهنیەت و سیاسەتو ئەسڕیەیۆ ئاشتی و واڵە و برایەتی و چارەسەرین. تەنیا پلانێوەش هەنە، ئاڎیچ پلانەو تەسفیەی و قڕکەردەین.
واوەی دەسسەرەرەگێرتەی ئیراڎەو گەلوو کوردی، نیەتو حەقەتینە و پیلانەو دەسەڵاتو ئاکەپە_مەهەپەی ئاشکرا مکەرۆ. پۊکەی مشۆم کەس باوەڕ بە قسەکا ئی دەسەڵاتیە نەکەرۆ، جە زیهنیەتو ئاکەپە_مەهەپەینە ئاشتی و دیموکراسی و چارەسەری کێشەکا و دڎانیایپۆرەی ئیراڎەی، بیەیش نییا. زیهنیەتو ئی دەسەڵاتیە سەراپا دژو دیموکراسییا. نەژاڎپەرس و فاشیست و قڕکەر و فریودەرا. گرڎو قسەکاش ئینۍ چوارچێوەو جەنگی تایبەتینە. بە ڕێبازو جەنگی تایبەتی هەوڵمڎۆ زیهنیەتو گلێرگەی تێکبڎۆ و گلێرگەی هۆرخەڵەتنۆ و ملکەچشا بکەرۆ. قسەکۍ ئی دماییەیچشا، هەر پی مەرامەینۍ.
پەنەوازا گرڎو گەلوو کوردی ئەرەپڕۆ و خاوەنداری جە ئیراڎەو ۋێش بکەرۆ. پەنەوازا بە هیچ جۆرێ ئی ئاژەیە قبووڵ نەکەرۆ، ناڕەزایی نیشانە بڎۆ، پەنەوازا نەمردا تا دەسەڵات پاشکەشە نەکەرۆ و واز جە دەسسەرەرەگێرتەی نارۆ و شارەوانییەکا ڕادەسو گەلی نەکریاوە. ئانەی مکریۆ، چڼۍ دەسسەرەرەگێرتەی و قڕکەردەین، هامکات پاشێلکەردەی یاسای و دیموکراسییا. ئەرەکۆشای دژو ئی سیاسەتە دژە دیموکراسیی و قڕکەری و تاڵانکەریە، تەنیا دەرفەتا پەی دیموکراسی. داوا جە گەلەکەیما مکەرمۍ، خاوەنداری جە شکۆ و ئیراڎە و ئازادیی ۋێشا بکەرا. هەتا دەسسەرەرەگێرتەی هۆرگیریۆ، پەنەوازا گەلەکەما درێژە بە چالاکیەکاش بڎۆ.
بانگەواز جە گلێرگەو تورکیای و هێزە دیموکراسییەکا تورکیای مکەرمۍ پەشتیوانی جە گەلوو کوردی بکەرا. خاوەنداری جە ئیراڎەو گەلوو کوردی و داواو ژیۋای ئازادی و دیموکراتیکی ماناو خاوەندارییا جە دیموکراتیکبیەو تورکیای. هەر کودەتێوە دژو ئیراڎەو گەلوو کوردی، بە ماناو کودەتاین دژو دیموکراتیکبیەو تورکیای. دەسسەرەرەگێرتەی شارەوانییەکا مێردینی و ئێلحی و خەلفەتی کودەتان. هامکات کودەتان دژو دیموکراسیی تورکیای و پێوەرەژیۋای. کودەتان دژو دیموکراسی تورکیای و ئیراڎەو پێوەرەژیۋای. ئاشکران دەسەڵاتوو ئاکەپە_مەهەپەی نمەمدرۆ، جە کوردەسان و تورکیانە بەردەوام مەبۆ جە دەسسەرەرەگێرتەی ئیراڎەو گلێرگەی. سەرەتا شارەوانی ئەسەنیورتی، ئیساتێچ شارەوانییەکاو مێردین ، ئێلح و خەلفەتیش دەسسەرەرەگێرتێنۍ، ئینە بەرش وزۆ کە بەردەوام مەبۆ. پۊکەی مشۆم گەل ۋەرا ۋەر بە فاشیزمی و تاڵانی و دەسسەرەرەگێرتەی و قڕکەردەی پێوەرە مڎرامان بکەرا و هەتا ئیراڎەو دەسسەرەرەگیریای واوەی بە دەس نێوە، درێژە بە چالاکییەکاشا بڎا". |
کەجەدەکە_ئە دەربارەو دەسسەرەرەگێڕتەی شارەوانییەکا مێردینی و ئێلحی و خەلفەتی ئەرەیاۋنێوە نویسیاش وەڵا کەرڎۆ.
کەجەدەکە_ئە ئەرەیاۋناش ئی هەوڵە پاگیرین سەرو سیاسەتو جەنگی، واتش: "ڕووبەڕوو واقیعێوە بیمێوە کە ماف و ئازادییە دیموکراتیکەکۍ دلێنەبریا و سیاسەتو جەنگی سەرو گەلوو کوردیرە مسەپیۆ".
کەجەدەکە_ئە بانگەواز جە گرڎ لێوە مکەرۆ کە مجیارە مېڎانەکا و ناڕەزایی بەربڕا، واتش: "بە هیچ هەوڵ و زۆرداریێوە نمەتاوا ڕا جە ئەرەکۆشای ئازادی گەلوو کوردی بگێرا. مشۆم بزانیۆ کە قسەکۍ دیکتاتۆرە دەس سورەکا بە ۋنۍ ئەردۆگان و باخچەلی، بێجگە جە هۆرخەڵەتنای هیچی تەر نیا.
پەنەوازا بزانیۆ ئا گۆشەگیرییەی سەرو ڕابەر ئاپۆی هەن، جە گرڎو کوردەسانی و تورکیانە ۋێش نیشانە مڎۆ، پەنەوازا گەلەکەما بە پاگیریۆ خاوەنداری جە ئەرەکۆشای بکەرۆ". |
کەنەکە دژو دەسسەرەرەگېرتەی ئیراڎەو گەلی ناڕەزایش نیشانە دا
دەسەو ڕاوەبەری کەنەکەی دژو سەپنای قەیومی سەرو شارەوانییەکارە ناڕەزاییش نیشانە دا و داواش جە گەلو کورڎی و ئۆپۆزسیۆنو دیموکراتیکی تورکیای کەرد کە دژو ئی نا دادپەرەوەرییە مرداوە.
دەسەو ڕاوەبەری کەنەکەی دژو سەپنای قەیومی سەرو شارەوانییەکارە ناڕەزاییش نیشانە دا و داواش جە گەلو کورڎی و ئۆپۆزسیۆنو دیموکراتیکی تورکیای کەرد کە دژو ئی نا دادپەرەوەرییە مرداوە.
دەسەو ڕاوەبەری کۆنگرەو نەتەوەیی کوردەسانی (کەنەکە) پێوەس بە سەپنای قەیومی سەرو شارەوانییەکا گۆرە شارو مێردینی و ئێلحی و خەلفەتی ڕەحایرە، ئەرەیاۋنێوەش وەڵا کەردۆ و ئاماژەش پانەی دا کە دۆڵەتو تورکی جە ماوەو ١٠ ساڵی دماینە ئینە یەرەم جارا ئیراڎەو دیموکراتیکی گەلوو کوردی پاشێل مکەرۆ و بە شێوێوە نایاسایی دەسگێرۆ سەرو ڕاوەبەریە هەرێمییەکا کوردەسانیرە.
"سەپنای قەیومی درێژکەردەیۆ سیستەمو فاشیستی و تاڵانکەریا"
جە بەردەوامینە کەنەکە سەپنای قەیومیش سەرو شارەوانییەکارە بە بێڕێزی ۋەرا ۋەر بە ئیراڎەو گەلی نیانەرە و ئامان: "ئی کردەوۍ نەک تەنیا گۆش نەڎاین بە دەنگ و ئیراڎەو خەڵکی، جە هەمانکاتەنە بەردەوامیداین بە درێژکەردەیۆ سیستەمو فاشیستی و تاڵانکاری. پېسە کەنەکەی بە تنی ئی هەوڵدایە شەرمەزار مکەرمۍ."
جە بەشێوە تەرو ئەرەیاۋناکەینە ئاماژە پانەی کریان کە بێدەنگی ئەرەمەرزیا مېیاننەتەوەییەکا مەڵامەتوو کارە نایاساییەکا دەسەڵاتدارو فاشیستی ئاکەپە-مەهەپەین و ئامان: "داوا جە هێزە دیموکراتیکە جەهانییەکا و ئەرەمەرزیا مېیاننەتەوەییەکا مکەرمۍ کە جە ۋەرا ۋەرو ئی کردەوانە بێدەنگۍ نەبا و جە دژو یاسا ماڕای و نادادپەروەری مرداوە."
بانگەواز پەی خاوەنداری جە شارەوانییەکا
جە درێژەو ئەرەیاۋناکەینە بانگەواز پەی خاوەنداری جە شارەوانییەکا کریان و ئامان: "داوا جە گرڎو شارەوانییەکا جەهانی مکەرمۍ کە دژو ئی یاسا ماڕیە و سەپنایە مرداوە و پەشتیوانی جە شارەوانییەکا کوردەسانی بکەرا."
'جەخت مکەرمێوە سەرو مافو چارەو ۋێنویستەی، دیموکراسی و ئیراڎەی ئازادی'
جە دما دمایی ئەرەیاۋناکەینە داواو لابەردەی و دماییئاردەی دەمودەسو سەپنای قەیومی کریان و داواش جە گەلوو کوردی و ئۆپۆزسیۆنی دیموکراتیکی تورکیای کەرڎ جە دژو ئی نا دادپەرەوەرییە مرداوە و ئەرەیاۋییان: "جەخت مکەرمێوە سەرو مافو چارەو ۋێنویستەی، دیموکراسی و ئیرادەی ئازادی." |
بانگەوازو دەم پارتی: ۋەراۋەر بە ئاوەزیەتو کودەتاچیەکا ئەرەپڕدۍ
دەم پارتی ۋەراۋەر بە دەسسەرەرەگېرتەی شارەوانییەکا ناڕەزایش بەربڕی و ئەرەیاۋناش: "گرڎ کەسۍ مشۊم جە بەرزتەرین ئاستەنە دەنگو ۋېشا دژ پی کودەتا ناڕەوایەو دەسەڵاتی بەرز بکەراوە."
دەم پارتی ۋەراۋەر بە دەسسەرەرەگېرتەی شارەوانییەکا ناڕەزایش بەربڕی و ئەرەیاۋناش: "گرڎ کەسۍ مشۊم جە بەرزتەرین ئاستەنە دەنگو ۋېشا دژ پی کودەتا ناڕەوایەو دەسەڵاتی بەرز بکەراوە."
دەسەو ڕاوەبەری مېیانو پارتو دیموکراسی و یەکسانی گەلا دەم پارتی ئەرەیاۋنێوەش سەبارەت بە نیایرەو قەیومی پەی شارەوانیەکا مێردین، ئێلیح و خەلفەتی روحای و تەوقدای شارەوانییەکا وەڵا کەردۆ. جە ئەرەیاۋناکەینە ئاماژە پانەی کریان کە حکومەتو ئاکەپە – مەهەپەی جە دماو جۆلەمێرگی و ئەسەنیورتی بەردەواما جە دەسسەرەرەگێرتەی شارەوانییەکا.
دەم پارتی، نیایرەو قەیومیش بە کودەتا وەسف کەرد و ئەرەیاۋناش: "یاگۍ سەرنجیا کە جە ساڵیاڎو کودەتاکەو پەرلەمانینە جە ٤و تشرینو دووەمو ٢٠١٦ ی دژو ئیراڎەو گەلوو کوردی کودەتا مکریۆ. هرووژمەکۍ بە مەرامو دمای ئاردەی بە سیاسەتو دیموکراتیکی گەلوو کوردی ملاڕاوە. جە ساڵۆو ١٩٩٤یوە ئی سیاسەتۍ بەردەوامێنۍ و سەرکۆتۍ نەبێنۍ. ئانەی کریان تەنیا واوەی بیەیۆ هەمان ئاوەزیەتو ٣٠ ساڵەین. ئێمە جارێوەتەر ماچمۍ ئی هرووژمۍ کودەتێوە ئاشکران جە دژو ئیراڎەو گەلی. جە ۋییەردەنە کودەتاو قەیومەکا جە لایەنو گەلیۆ ڕەڎکریانۆ و سیاسەتەکێشا جە هۆرچنیەکانە شکسێوە گۆرەش ۋنەکۆتۆ و گەلەکەما دەم پارتیش پېسە ئیراڎەو ۋێش هۆرچنی.
کودەتا نیشانۍ شکسی سیاسییا، حکومەتو ئاکەپە-مەهەپەی جە ڕاو دادگا و هێزە ئەمنییەکاوە هەوڵو دەسسەرەرەگێرتەی ئا شارەوانیا مڎا کە نەتاواشا جە ڕاو هۆرچنیەیۆ بە ڕێبازێوە یاسایی بەدەسشا بارۆ. ئی هرووژمە، هرووژما جە دژو مافو دەنگدای گەلوو کوردی. هەرپاسە دەسەڵاتو سیاسی ئیساتۍ شەرعیەتو دیموکراسی ۋێش جە گرڎ ڕووێوە جە دەس دان.
هیچ دەسەڵاتێوە نەتاوانش چی وڵاتەنە بە چەوەسنایۆ و زۆرداری سەرکۆتە بۆ و نمەبۆیچ. گەلاو تورکیای ئیتر مل بە ستەمی و چەوەسنایۆ نمەڎا. کودەتاو قەیومی کێشەو دیموکراسی و ئازادیی ٨٥ ملیۆن هاموڵاتیا تورکیاین و ئەگەر ڕاش ۋنە نەگیریۆ، تەنیا بە هۆرشێونایۆ شارەوانییە کوردییەکاوە سنووردار نمەبۆ، بەڵکم جە گرڎ شۆنۍ تورکیاینە ئی ئاوازیەتەیە مسەپنا.
ئی شێواز و هرووژمۍ گرڎو هەوڵدای و جە یۆ نزیک بیەیۆکا پەی چارەسەری شێونانە و گومانێوە گۆرێش سەرو ڕاسی حکومەتی وەش کەردەن. ئێمە چەمەڕۍ بێنمۍ دەسشا پەی ئاشتی و چارەسەری درێژ بکەرا، بەڵام دەسشا پەی دەسسەرەرەگێرتەی ئیراڎەو گەلی درێژ کەرڎ. هەرپاسە چەمەڕۍ ئانەی بێنمۍ ئی پرسە بە گفتوگۆو ئەرەنیشتەی چارەسەر بکریۆ، بەڵام ئاڎۍ دامەشا پەی ئیراڎەو گەلی نیارە. ئێمە بە هیچ جۆرۍ تەسلیمیەت قبووڵ نمەکەرمۍ و جە ئەرەکۆشای ۋێما پاشەکشە نمەکەرمۍ. حکومەت ڕووبەڕوو شکسێوە گۆرەی بیەنۆ و پی جۆرە جە قەیرانەکا ڕزگارش نمەبۆ. هامکات مشۆم گەلەکەما جە گرڎ هەلو مەرجێوەنە خاوەنداری جە ئیراڎەو ۋێش بکەرۆ." |
هەپەگە ئامارەو مانگەو ئۆکتۆبەریش ئەرەیاۋنا: چالاکی دژو توساشی دۆڵەتو تورکیش شۆک کەرڎ
هەپەگە ئامارەو مانگەو ئۆکتۆبەریش ئاشکرا کەردە و ئەرەیاۋناش، "چالاکییەکەو دژ بە ناوەندو ئامرازو کوشتەی 'توساش'ی دۆڵەتو تورکیش شۆککەرڎ."
هەپەگە ئامارەو مانگەو ئۆکتۆبەریش ئاشکرا کەردە و ئەرەیاۋناش، "چالاکییەکەو دژ بە ناوەندو ئامرازو کوشتەی 'توساش'ی دۆڵەتو تورکیش شۆککەرڎ."
مېیانو ئەرەیاۋنای و چاپەمەنی هەپەگەی بە ئەرەیاۋنێوە ئامارەو مانگەو ئۆکتۆبەریش ئاشکراکەرد.
ئەرەیاۋناکەی پی جۆرەنە:
"گەریلاکۍ ئازادیی کوردەسانی جە ۋەرا ۋەرو هرووژمەکا دۆڵەتو تورکی ئەرەگیرینە جەنگی ڕەواو پارێزنای گەلەکەیماشا ڕاوەبەر کەرڎ، بە شێوێوە قەوەت مڎرامانشا کەرڎ و بە چالاکییە گۆرەکاشا جوابی پەنەوازشا داوە. مانگەو ئۆکتۆبەری کە فەرماندۍ سەرمەشقە و ئازادیما هەمڕا بێریتانە (گوڵناز کاراتاش)ەش چنە گەشمەرڎۍ بییە، هامکات چا مانگێنە سوپاو ژەنۍ ئازادێما ئەرەمەرزیا، ئەرەکۆشای گەریلای بە شێوێوە فرە گۆرە بەردەوام بی. گەریلاکێما سەرو ڕاو بێریتانۍ و گرڎو گەشمەرڎا ئۆکتۆبەری چالاکی کاریگەرشا ئەنجامدا.
دۆڵەتو تورکی قڕکەری کۆلۆنیالیستی سەرەمڕە هرووژمش کەرڎ سەرو ئەیالەتەکا سەرنیشتوو کوردەسانی و گرڎو ئەیالەتەکا هەرێمەکاو پارێزنای مەدیای. سوپاو تورکی ئەرەگیری کە ئۆپراسیۆنەکێش سەرنیشتوو کوردەسانینە هیچ ئەنجامێوەش نەبۍ، بۆمبوارانێوە فرە سەختش سەرو هەرێمەکاو پارێزنای مەدیای ئەنجامدا. دلۍ مانگەو ئۆکتۆبەرینە هەرێمەکۍ پارێزنای مەدیایما ٣٠٢ جار بە فرۆکەی جەنگی، ٣٤٧ جارۍ بە هەلیکۆپتەری جەنگی، جارێوە بە چەکی کیمیاوی، ٢ جارۍ بەدرۆنی جەنگی و ١٠١ جاریچ بە تەقەمەنی قەڎەغەکریا بۆردمانکریان. سوپاو تورکی ئەرەگیری بە بەکارئاوردەی چەکی قەڎەغەکریای سەرەمڕە تاوانەو جەنگیش کەردێنە. بەڵام گەریلاکۍ ئازادی کوردەسانی گرڎو هێرشەکۍ سوپاو تورکیش پوچۍ کەردێنۍ. هامکات جوابی پەنەوازش بە سوپاو ئەرەگیری دانۆ و وەڵۍ گرڎیۆ بە چالاکیێوە ئاسمانی، ٩٦ چالاکیۍ زەمینیۍ بە ڕای جیاواز و ئۆساییانە بە گرڎیی ٩٧ چالاکیێش کەردێنۍ. جە ئەنجامو ئی چالاکیانە ٣٦ ئەرەگیرۍ سزا دریێنۍ، ١١ ئەرەگیرێچ زامڎارۍ بیێنۍ.
چالاکی تابوورو نەمراما جە ناوەندو ئامرازو کوشتەی-توساشی کە ٢٣ۍ ئۆکتۆبەرو ٢٠٢٤ جە ئەنقەرەنە ئەنجامدریا، بێگومان جە کات و شۆنۍ چامنەنە ئەنجامدریا کە جە چەمەڕایی دۆڵەتو تورکی قڕکەرینە نەبۍ، پۊکەی توشو شۆکی بی. ئی چالاکییە فیداییە پرۆفیشناڵ و بۍ وێنە کە جە لایەنو هەمڕا ئاسیا عەلی و ڕۆژگەر هێلینیوە ئەنجامدریا، داشا ۋنەو زېڵۍ دژمنی. هەمڕا فیداییەکێما گرڎو کۆسپەکۍ ۋەرو دەمیشا ماڵۍ، ۋێشا یاۋنا ئەنقەرەو پایتەختو دۆڵەتو تورکی و مەرامەکەیشا. بە بێباکی و قارەمانی و ئۆسایانۆ هۆرشا کوا سەرو ئامانجەکەیشا و فرە بە ڕۆشنی ئانەشا نیشانە دا کە کاتێ فیدایۍ ئاپۆیی ئامانج مگێرا هیچ جۆرە کۆسپێوە نمەواناوە. فیداییا ئاپۆیی هەمڕا ئاسیا و ڕۆژگەر گرڎو جەندرمۍ دژمنی، چەتۍ بەکرێ گرتۍ، سوپا و پۆلیسی تایبەتشا جە مېیانو ئەنقەرەینە تەفروتەنا کەرد، ئامانجەکەو ۋێشا فەتح کەرڎ، ماوەو ٧٤ دەیەقا وستشا چێرو کۆنترۆڵو ۋێشاوە، بەشێوێوە داستانی جەنگشا کەرڎ و ئێرشا ۋنەو دژمنی ۋەردا. پێوەس بە چالاکیەکەو توساشی، بە پاو ئا زانیاریا کە جە سەرچەمەکاوە هۆرماگێرتەن؛ ٤٠ کەسۍ جە دژمنی کوشیێنۍ و زیاتەر جە ١٠٠ی تەریچ زامڎارۍ بیۍ. فیداییەکاو تابووری نەمرانی هەمڕایا ئاسیا و ڕۆژگەر پیمانەو چالاکییە فیدایەکاو پەکەکەی کە بە مڎرامانو زینانیا جە ئامەدەنە دەسشپنە کەرڎ و بە چالاکی زیلانۍ هۆرچەرخیا پەی هێڵۊو فیدایی، فرە زیاتەر پەرەشا پنەدا و یاۋناشا بە ئاستێوە هەرە باڵا. فیداکاری، ئازایی، ڕێبازی سەروازی، پڕۆفیشناڵی و قارەمانیەتی ئەفسانەیی چالاکی هەمڕا ئاسیۍ و ڕۆژگەری ڕێبازو فیدایی ئاپۆییش یاۋنا بە ئاستێوە تازە. دۆڵەتو تورکی قڕکەری پەی کەمکەردەیۆ کاریگەرییەکا چالاکیەکەی چڼین هەوڵێش دۍ، بەڵام گرڎو هەوڵەکاش بێکاریگەرۍ مەنێوە. چونکی چالاکی تابوورو نەمرانی جە دنیانە دەنگش داوە، بە شێوێوە فرە ڕۆشن پەیامش دا بە گەلەکەیما، دۆس و دووژمنی.
هەڤاڵا فیداییێما ئاسیا و ڕۆژگەر بە نامە پەڕ مانا، سەرنجکێش، قووڵ و تاریخیەکاشا پەیامێوە گۆرەشا بە گرڎیما بەخشا و ئەرکەکێماشا یاڎ ئاوردیمۍ جە هەمان کاتەنە، سەلەمناشا کە شۆڕشگێڵنا فیدایی ئاپۆیی دەس دلۍ دەسی، شان بە شان، چنی متاوا جە گرڎ شۆنێنە سوپاو ئەرەگیری بماڕانە. ئی چالاکییە فیداییانەو ئێمە نیشانەش دا کە جە جەنگەنە هەژمار، چەک و تەقەمەنی، دەرفەت و هەلومەرج گرنگ نییا، ئانەی گرنگا ڕۆحی فیدایی بیەین و شێوازو ژیۋای ڕاس و خوڵقنەرو عەقڵ و هونەرو بەکارئاوردەی زانایانەن. پۊکەی بەرکۆت کە کەسایەتیەکۍ بە ڕۆحی فیدایی بیەی ئاپۆیی و هەمڕایی حەقەتینەی و پیمانەکا ژەنەی ئازادۍ و پیای ئازادی کە جە کەسایەتی ۋێشانە وەششا کەردەن متاوا گۆرۍ با.
ئی چالاکیە جە سەروبەڼو ساڵیاڎو گەشمەرڎەبیەو هەڤاڵ بریتانێنە ئەنجامدریا کە فرە ماناڎار بۍ و هەڵوێسو فیدایی بیەی ئاپۆیش جە دژو ۋێدایدەسۆی و خیانەتی نیشانەدا. شۆڕشگێڵنا فیدایی ئاپۆیی، هەڤاڵ ئاسیا عەلی-ە، بیە بە گلکەو بێریتانەکا کە پەی ئازادی جە زینانەنە بە گرڎو قوەتیشۆ ۋنەو زېڵۍ دژمنیش دا. هەڤاڵ ئاسیا بە چالاکی تاریخی ۋێش بیە بە کۊششکارێوە سەرمەشقەو ژەنا ئازادۍ کوردی، پانتایی ئەرەکۆشایش پەی ئازادی ژەنا، قەوەتکەردەی ڕۆحی فیدایی بیەی، پاگیری سەرو ژیۋای ئازادی، هۆرگێرتەی ۋەرپرسیاری، سووربیەی سەرو هێڵۆو ئاپۆیی، چنەئامایی جە هونەری سەروازی و پیمەرو ژیۋای ئازادیش سەلەمنا. هەڤاڵ ئاسیا کە بە عەشقو کوردبیەیۆ گەشتەکەش دەس پنەکەرڎ، بە ئەرەکۊشای و چالاکییەکەیش یاوا بە ئاستو حەقیقەتو عەشقی ئازادی کوردی و بیە بە هێما پەی گەل و نەتەوەکەیش.
جە کەسایەتی هەڤاڵاما ئاسیا عەلی، ڕۆژگەر هێلینی و مەمەد جودی کە جە مانگەو ئۆکتۆبەرینە گەشمەرڎۍ بیۍ، بە سۆز، وەفاڎاری و حورمەتۆ یاڎو گرڎو گەشمەرڎاما مکەرمێوە. جە هەمان کاتەنە قەولو ۋێما واوەی مکەرمێوە کە پېسە گەریلاکاو ئازادیی کوردەسانی ڕێبازو گەشمەرڎاما پیمۍ و درێژە بە کۆشش و ئەرەکۆشایشا مڎەیمۍ.
ئامارەکۍ جەنگو مانگەو ئۆکتۆبەری پی جۆرەنۍ:
هرووژمەکۍ سوپاو تورکی
هرووژمو فڕۆکەی جەنگ: ٣٠٢
هرووژمو هەلیکۆپتەری: ٣٤٧
هرووژمو چەکی کیمیاویی: ١
هرووژمو فڕۆکەی بێ فڕۆکەوانی: ٢
هرووژم بە تەقەمەنی قەڎەغەکریا: ١٠١
هەڤاڵۍ گەشمەرڎۍ :
٣ هەڤاڵێما گەشمەردۍ بیێنۍ
چالاکییەکۍ گەریلای
چالاکی ئاسمانی: ١
چالاکیی زەمینی: ٩٦
کۆو گرڎی چالاکییەکا: ٩٧
زەرەرەکۍ دژمنی
بە سزا یاۋنای ئەرەگیرا: ٣٦
بە سزا یاۋنای ئەرەگیرۍ پلەدارۍ: ١
ژمارەو ئەرەگیرە زامڎارا: ١١
ئا ئامێر و کەلوپەلۍ کە دلێنەبریێنۍ:
شۆڤڵ: ١
ترۆمبێلی سەروازی: ١
گەڵابەی سەروازی: ١
سیستەمو ڕاداری:١
فڕۆکەی بێفڕۆکەوان: ٦
بۆمب شان: ١
کامێرەی چەمڎاری: ٤
مۆڵگەی سەروازی : ١
تەقەمەنی: ٨٠ کیلۆگرامۍ
ئا ئامێر و کەلوپەلۍ کە گورزەشا ۋنە شنیێنە:
هەلیکۆپتەری سکۆرسکی:١
شۆڤڵ: ٢
ترۆمبێلی سەروازی: ٢
تراکتۆر: ١
کامێرەی چەمڎاری: ١
مۆڵگەی سەروازی: ١
ئا کەلوپەلۍ دەسشا سەرەرە گیریان:
چەکی تاکەکەسی HK-416 : ١
مەخزەن: ١
گولـلۍ چەکی: ٣٠
لەیزەرو چەکی: ١
لەیزەرو چەکی: ١
کاردی: ٢
ڕەختە: ١
ئامێری بێتەلی ئاسەلسەن: ١ |
زوبەیدە زومروتە: گلېرۊبییەی کۊڵنی فرە گرنگا
هامسەرۊکۆو کەجەدکە-ئە زوبەیدە زومروتە دەسنیشانش کەرڎ کە گلېرۊبییەی ١٦و تشرینو دوەمی پەی ئازاڎی ڕابەر ئاپۆی فرە گرنگا و واتش: "پەنەوازا گەلەکەما بە دروشمەو ئازادی پەی ڕابەر ئاپۆی مېڎانەکەی تەنۆ."
هامسەرۊکۆو کەجەدکە-ئە زوبەیدە زومروتە دەسنیشانش کەرڎ کە گلېرۊبییەی ١٦و تشرینو دوەمی پەی ئازاڎی ڕابەر ئاپۆی فرە گرنگا و واتش: "پەنەوازا گەلەکەما بە دروشمەو ئازادی پەی ڕابەر ئاپۆی مېڎانەکەی تەنۆ."
هامسەرۊکۆو کەجەدکە-ئە زوبەیدە زومروتە سەرو ئاماڎەکارییەکا و بانگەواز پەی بەشداربیەی گەلی پەی گلێرۆبیەکەو کۆڵنی قسێش پەی ئاژانسوو هەواڵوو فورات (ANF)ی کەرڎۍ و تەئکیدش کەردۆ کە ئامانجو گلێرۆبیەکەی پەی ماڕای گۆشەگیری و ئازادیی جەسەیی ڕابەر ئاپۆیا.
هەرپاسە زوبەیدە زومروتە ئاماژەش پانەیچ کەرڎ کە سیستەمو ئیمراڵی پېسە سیستەمێوە نایاسایی بەردەواما، پۊکەی گەل جە چوارچێوەو هەڵمەتەو جەهانی ئازادینە پەی ڕابەر ئاپۆی ئینا دلۍ ئەرەکۆشاینە و واتش: "گەرەکمانە هەڵمەتەکۍ جە تەمامو جەهانینە وەڵا بکەرمێوە."
'ئەرەکۆشای ۋەرفراوان پەنەوازا '
جە بەردەوامینە زومروتە جەختش جە ۋەرفراوانکەردەی ئەرەکۆشای پەی یاوای بە مەرامەکاش کەردۆ و واتش: "گەر بە قەوەتۆ بەشدارۍ هەڵمەتەکۍ بیمۍ و ناڕازیبیەی دیموکراتیکیما نیشانە بڎەیمۍ، ئا کاتە متاومۍ پاسە بکەرمۍ کە ئەرەمەرزیێکۍ مافو مرۆڤی ئەرکو ۋێشا جابەجۍ بکەرا. قەرارو کۆمیتەو شالیارا کۆنسەو ئۆروپای سەبارەت بە ڕابەر ئاپۆی دەرەنجامو ئەرەکۆشایما بۍ، پۊکەی ۋەرفراوانکەردەی ئەرەکۆشای پەنەوازا."
جە دما دماینە زومروتە باسش جە گرنگی گلێرۆبیەکەی کەرڎ و جەختش چانەی کەرڎۆ کە جە گرڎ کۆشش و گێڵایێنە پەی ئانەی مېڎانوو کۆڵنی جە ١٦و تشرینو دووەمینە پەڕ بۆ. بە درووشمەو ئازادی پەی ڕابەر ئاپۆی مێڎانەکە پەڕ بۆ جە گەلی. |
ئشناسنامەو گەریلێوە گەشمەرڎەی ئەرەیاۋییا
هەپەگە ئشناسنامەو گەریلێوە گەشمەرڎەیش ئاشکرا کەرڎ و ئەرەیاۋناش، "هەمڕاما رێگەش قەلقەلی گرڎ کاتۍ ئیراڎەو ئەرەکۆشای ۋێش هێقمتەر کەرۍ و بی بە خاوەن پراتیکێوە سەرکۆتە".
هەپەگە ئشناسنامەو گەریلێوە گەشمەرڎەیش ئاشکرا کەرڎ و ئەرەیاۋناش، "هەمڕاما رێگەش قەلقەلی گرڎ کاتۍ ئیراڎەو ئەرەکۆشای ۋێش هێقمتەر کەرۍ و بی بە خاوەن پراتیکێوە سەرکۆتە".
مېیانو ئەرەیاۋنای و چاپەمەنی هەپەگەی جە بارەو گەریلای گەشمەرڎەیۆ ئی زانیاریێشە ئەرەیاۋنۍ:
جە ٣٠-٣١و تەمووزو ٢٠٢٤ی هەمڕاما رێگەش قەلقەلی جە ئۆپراسیۆنۍ دژمنینە جە هەرێمو ئەلکێی بۆتانی، تا دما هەناسەش ئەرەکۆشا و نوێنەرایەتی رۆحو مڎرامانوو پارتەکەیما پەکەکەیش کەرڎ. ڕاپیمای ئازادی کە بە ئیراڎە و پاگیریۍ گۆرۆ دەسشپنە کەردەبۍ، بە گەشمەرڎە بیەی ۋێش تاجدارش کەرد.
رۆڵەی ئازاو سەرحەدی، جەنگاوەری بەقیمەتی ئاپۆیی هەمڕاما رێگەش بەشداربیەیش جە دلۍ ریزەکا گەریلاینە پېسە هەنگامنیای بەرەو ئازادی پێناسەکەرد. گرڎ کاتۍ پاگیری و رژدبیەی ۋێش سەرو ئەرەکۆشای گۆرەتەر کەرد و بی بە خاوەن پراتیکێوە سەرکۆتە. دلۍ کۆششی ستراتیژیکینە بەشداریش کەرڎ و بی بە لایەق و متمانەو هەمڕاکاش. سەرەمڕە سەرنیشتوو کوردەسانی یاگۍ ئەرەکۆشای هەمڕاکەیما بۍ. پا هێزەی جە هەمڕاکاشۆ کە بەشێوۍ فیداییانە جە زاپ، ئاڤاشین و مەتینانە جەنگ کەرێنۍ، هۆرشگێرتەبۍ، ڕووەش کەرڎە سەرنیشتوو کوردەسانی و قەناعەتش چامنە بۍ کە بە ئەرەکۆشای چا دژمنی دلێنە بەرۆ. هەمڕاما جە گرڎو مېڎانەکا سەرنیشتوو کوردەسانینە نوێنەرایەتی رۆحو مڎرامانی و حەقکەردەیۆ سەردەمی کەرۍ. هەمڕاما رێگەش بە پراتیکی سەرکۆتانەو ۋێش، هێزی نەبەزیاو جەنگاوەریی ئاپۆییش سەلەمنا و پا میراتو ئەرەکۊشایەی کە دماو ۋێش جیاش ئاست، گرەنتی مڎرامانێوە کاریگەرتەریش کەرڎ.
پېسە هەمڕایاش، سەرەوەشی جە گرڎو گەلی وڵاتپارێزنیما جە قەلقەلی و کوردەسانی و بە تایبەتی بنەیانە قارەمانەکەو هەمڕا رێگەش قەلقەلی مکەرمۍ. قەول واوەی مکەرمێوە کە بە دڵنیاییوە ئاواتو هەمڕایما رێگەشی، کە بریتی بۍ جە رابەرایەتی ئازادی و کوردەسانی ئازادی، بارمێنە دی.
زانیاری جە بارەو ئشناسنامەو هەمڕا رێگەشی پی جۆرەنە:
ناسنامۍ / رێگەش قەلقەلی
نامۍ و دمانامۍ / نورشین بەدر
شۊنەماو جە ئەڎابیەی / وان
نامۍ ئەڎۍ و نامۍ تاتەی / یازگوڵ- حسێن
شۊنەماو کاتو گەشمەرڎەبیەی / ٣٠-٣١و تەمووزو ٢٠٢٤/ بۆتان |
شارەوانییەکۍ مێردین، ئێلیح و خەلفەتی دەسشا سەرەرە گیریا
شارەوانی گۊرەشارو مێردینی، شارەوانی ئێلیحی و خەلفەتی دەسشا سەرەرە گیریا و قەیومشا پەی دیاریکریا.
شارەوانی گۊرەشارو مێردینی، شارەوانی ئێلیحی و خەلفەتی دەسشا سەرەرە گیریا و قەیومشا پەی دیاریکریا.
شالیارو دلێینەو دۆڵەتو تورکی قەیومش پەی شارەوانی گۆرەشارو مێردینی کە جە لایەنو دەم پارتییوە ملۆڕاوە دیاریکەرد. پۆلیسەکۍ سەرسەعب بیناو شارەوانیشا تەوقەدا.
هامکات قەرارو نیایرەو قەیومی بە ئەحمەد تورکی هامسەرۆکو شارەوانی مێردینی ئەرەیاۋییا. |
گوڵستانە و هێرۆ جە لیستو ڕۊنامەوانە تیرۆرکریایەکا یونسکۆینە نامېشا تۊمارەکریا
گوڵستان تارا و هێرۆ بەهادینە کە سلېمانینە جە لایەنو دۆڵەتو تورکیۆ تیرۆرۍ کریۍ، جە لیستو ڕۊنامەوانە تیرۆرکریایەکا یونسکۆینە نامېشا تۊمارە کریا.
گوڵستان تارا و هێرۆ بەهادینە کە سلېمانینە جە لایەنو دۆڵەتو تورکیۆ تیرۆرۍ کریۍ، جە لیستو ڕۊنامەوانە تیرۆرکریایەکا یونسکۆینە نامېشا تۊمارە کریا.
رۆنامەوانۍ گوڵستان تارا و هێرۆ بەهادین کە ٢٣ۍ ئابی جە ناوچەو سەیسایەقی سەر بە پارێزگاو سلێمانی جە لایەنو دۆڵەتو تورکیوە بە درۆنی هجومکەر تیرۆرۍ کریۍ، جە لایەنو یونسکۆ (ئەرەمەرزیای کولتوری، زانسی و پەروەردەیی سەر بە نەتەوەیۆگێرتەکا)وە نامێشا جە لیستو رۆنامەوانە تیرۆرکریاکانە تۆمارە کریا.
لیستە ئاماژە پنەکریاکە جە ساڵۆو ١٩٩٣ێوە نامۍ و زانیارییەکا ئا رۆنامەوانا وەڵا مکەرۆوە کە جە کاتو ۋییەرنای ئەرکەکاشانە تیرۆرۍ مکریا.
جە لیستەکەنە زانیارییەکۍ پېسە شۆنەماو تیرۆرکریای، ئا دەزگاو ئەرەیاۋنۍ کە هەرمانەشا چنەکەرڎەن، ئاماژەش پنەدریان. سەرەڕاو ئانەی گوڵستان تارا و هێرۆ بەهادینە جە ناوچێوە مەدەنی نشین و دوور جە جەنگی کریۍ ئامانج، بەڵام جە لیستەکەنە پا جۆرە نیشانەدریان، کە جە ناوچێوەنە کە جەنگش چنە بۆ هرووژمشا کریان سەر.
رێکوزو گرڎیی یونسکۆی ئۆدری ئازۆلای جە بارەو مژارەکەیۆ جە ماڵپەڕی ڕسمی یونسکۆینە پەیامێوەش وەڵاکەردەنۆ و تیرۆرکەردەی گوڵستان تارۍ و هێرۆ بەهادینیش شەرمەزارکەردەن.
ئۆدری ئازۆلای قەرارو ژمارە ٢٢٢٢/٢٠١٥و ئەنجومەنو ئاسایشو نەتەوە یۆگێرتەکاش یاڎ ئارڎۆ و دەسنیشانش کەردەن کە مشۆم رۆنامەوانا و کۆششکارا میدیای پېسە مەدەنییەکا پاڕێزگاریشا ۋنە بکریۆ.
ئۆدری ئازۆلای ئاماژەش پانەیچ کەرڎ کە گوڵستانە و هێرۆ جە کۆمپانیاو چەتر پرۆدێکشنینە هەرمانە کەرێنۍ، کاتێ پەی هەرمانۍ رۆنامەوانی کۆتێبێنۍ ڕا جە ڕاو درۆنێوە تیرۆرۍ کریۍ. هامکات داوایچش کەردەن کە ۋنەپەرسایۆیۍ ورد و قەوەت سەرو مژارەکەی ئەنجام بڎریۆ.
بەپاو ئامارەو یونسکۆی، جە مابەینو ساڵەکا ٢٠٠٦ پەی ٢٠٢٤ زیاتەر جە هەزار و ٧٠٠ ڕۆنامەنوویسا جە سەرانسەرو جەهانینە کوشیێنۍ و چا ژمارەیچە ٩٠٪ و ئی کوشتاریە نەتاوییان بە شێوێوە یاسایی چارەسەر بکریا یاخود بکوژەکۍ بە سزا بیاوا، یونسکۆ بە ئاماژەدای پانەی کە بێ سزایی مەبۆ بە مەڵامەتوو کوشتەی زیاتەری، ئەرەیاۋنانش: "ئی ئاژە فرەو قەختی نیشانۍ خراپتەربیەی ملەملانێ و وڕای سیستەمی یاسایی و دادوەرییا". |
پانێلێوەنە جە سانت گالێن باس جە کۆمکوژی دێرسیمی کریا
تاریخ شناس سەدات ئولوگانا جە پانێلێوەنە سانت گالێننە باسش جە پەشتەو پەرڎەی و تاریخو کۆمکوژی دێرسیمی کەرڎ.
تاریخ شناس سەدات ئولوگانا جە پانێلێوەنە سانت گالێننە باسش جە پەشتەو پەرڎەی و تاریخو کۆمکوژی دێرسیمی کەرڎ.
شارو سانت گالێنی سویسراینە بە سەرمەشقایەتی ناوەندو جەمەو دیموکراتیکی کوردی (نەجەدەکە-سانت گالێن)ی بۆنەو ٨٧ەمین ساڵیاڎو کۆمکوژی دێرسیمیۆ پانێلێوە سازکریا.
پانێلەکە بە دەیەقێوە بێدەنگی پەی رێزۋنەگێرتەی جە گەشمەرڎا کۆمکوژی دێرسیمی و گرڎو گەشمەرڎا ڕاو ئازادی کوردەسانی دەسش پنەکەرڎ.
تاریخ شناس سەدات ئولوگانا جە پانێلەکەنە قسێش کەردۍ و باسێوە تاریخیش جە بارەو وردەکاری و پەشتەو پەردە تاریخیەکا کۆمکوژی دێرسیمی و چنەکۆتەکێش وستۍ ڕووە.
جە پانێلەکێنە سادات ئولوگانا هەڵوێسەش سەرو ئەرکی تاریخی سەید رەزا دێرسیمی و هەرپاسە مەرامەکۍ دۆڵەتو تورکیچش چا کۆمکوژییەنە بە وردی شیکەردێوە و جوابو پرسیارەو ئامادەبیایچش داوە. |
ئێرانەنە جە مانگۆو ئۆکتۆبەرینە لاوکەمیۆ ١٦٦ کەسۍ جە قەنارەدریێنۍ
بەپاو ئامارەکا رێکوزیاو مافەکا مرۆڤو ئێرانی، تەنیا جە مانگۆو ئۆکتۆبەرینە لاو کەمیۆ ١٦٦کەسۍ ئێرانەنە جە قەنارە دریێنۍ.
بەپاو ئامارەکا رێکوزیاو مافەکا مرۆڤو ئێرانی، تەنیا جە مانگۆو ئۆکتۆبەرینە لاو کەمیۆ ١٦٦کەسۍ ئێرانەنە جە قەنارە دریێنۍ.
ڕێکوزیاو مافو مرۆڤو ئێرانی ئەرەیاۋناش، کە تەنیا جە ماوەی مانگۆو ئۆکتۆبەرینە لاو کەمیۆ ١٦٦کەسۍ ئێرانەنە دریێنۍ قەنارە کە ئی ڕێژە مقارنە بە ساڵۆو ٢٠٠٧ ی بەرزتەرین ڕێژەن.
بە پاو گوزارشتەو ڕێکوزیاو مافو مرۆڤو ئێرانی، جە کۆو ئا ١٦٦کەسەی جە قەنارە دریێنۍ، ١٣ کەسێشا هاموڵاتیۍ ئەفغانیێنۍ و ٦ کەسێشا ژەنیێنۍ و یووەشا هاموڵاتیۍ ئێرانی-ئاڵمانییەنە.
بەپاو ئی گوزارشتۍ، تۆمەتو زینانیا جە قەنارە دریای بریتیا جە: ٨٠کەسۍ بە تۆمەتو کوشتەی بە ئەنقەسی، ٦٤ کەس بە تۆمەتو مادەی هۆشبەری، ١٢ کەسۍ بە تۆمەتو خراپەکاری سەرو زەمینی".
هەرپاسە دووۍ چا کەسا ۋەرو چەما خەڵکینە جە قەنارە دریێنۍ.
ڕێکوزیاو مافو مرۆڤو ئێرانی ئاگایش دا جە زیاڎبیەی جە قەنارەدایەکا جە چن مانگی ئاینڎەنە بە مەڵامەتوو جەنگو ئێرانی و ئیسرائیلیوە و ویستو هەوڵدای تایبەتی گلێرگەیی مېیاننەتەوەیی، ئەرەیاۋنای و ئەرەمەرزیا مەدەنییەکان دژ بە پەرە ئەسای جە قەنارەدایەکا جە ئێرانەنە.
بە پاو ئامارەو ئی ڕێکوزیایە، جە ماوەو ١٠مانگا یووەمو ساڵۆو ٢٠٢٤،ینە لاوکەمیۆ ٦٥١ کەسۍ جە زینانەکا حکوومەتو ئێرانینە جە قەنارە دریێنۍ. |
هەشتەمین فیتستیڤاڵی مېیاڼەتەوەیی شانۆیی جاڎەی کەرکوکەنە دەسش بە چالاکییەکاش کەرڎ
بە بەشداری ژمارېوە فرە جە هونەرمەڼا و شانۆکارا ١٤ وڵاتا، بە مەراسیمێوە هونەری فێستیڤاڵی شانۆی جاڎەو کەرکوکی دەسش بە هەرمانە و چالاکییەکاش کەرڎ.
بە بەشداری ژمارېوە فرە جە هونەرمەڼا و شانۆکارا ١٤ وڵاتا، بە مەراسیمێوە هونەری فێستیڤاڵی شانۆی جاڎەو کەرکوکی دەسش بە هەرمانە و چالاکییەکاش کەرڎ.
رۆو ٦و مانگەی ۋییەرڎۍ بە بەشداری هونەرمەڼا و هونەردۆسا، جە بازاڕو بۆلیڤاردینە جە شارو کەرکوکو پانیشتوو کوردەسانی، چێرو نامونیشانو (پێوەرە ژیۋای) هەشتەمین فێستیڤاڵی شانۆی کەرکوکی بە بەشداری هونەرمەڼا و شانۆکارا ١٤ وڵاتا دەسش بە هەرمانەکاش کەرد. جە ماوەو فێستیڤاڵەکەینە زنجیرێوە شانۆیۍ جاڎەی و شانۆیۍ دلۍ هۆڵی پێشکەشۍ کریۍ و جە ڕوانی ئایندەیچەنە ژمارێوە شانۆیۍ تەرۍ پێشکەش مکریا.
**
شەوەو شەممەی، بە مەراسیمێوە هونەری شارو کەرکوکو پانیشتوو کوردەسانینە فێستیڤاڵی شانۆی جاڎەی مېیاننەتەوەیی کەرکوکی چێرو دروشمەو (پێوەرە ژیۋای)نە ئەرەیاۋییا، سەرەتاو مەڕاسیمەکەینە، هونەرمەڼا و هونەردۆسا و شانۆکارا جە جاڎەو پارێزگاو کەرکوکینە کوۍ بیێوە و زەماۋنەشا گێڵنا، دماتەر دەسشا بە ڕاپیمای کەرد پەی ماوەو دووۍ کیلۆمەترا و بەدرێژایی جاڎەکەی شانۆو هەرمانەی هونەریێشا پێشکەش بە هاموڵاتیا کەردۍ.
دماو یاوای هونەرمەڼا و شانۆکارا بە هۆڵو بۆلیڤاردی سەعات ٥:٣٠ دەیەقۍ وێرەگای دەس بە چالاکییەکا کریا کە چن نمایشێوە هونەری پێشکەش کریۍ و چڼین هونەرمەڼۍ خەڵاتو ئاڵتونی فێستیڤاڵیشا پنە بەخشیا.
'ئێساڵ فێستیڤاڵی فاڕمێوە پەی ناوچەکاو پێکئامایەکا تەری'
نەژاد نەجم سەرۆکو فێستیڤاڵی پەی ئاژانسو هەواڵوو فوڕاتی ی(ANF) قسێش کەرڎۍ و واتش: "ئی فێستیڤاڵە پەی ماوەو یەرۍ ڕووا بەردەوام بۆ، چا چوارچێوەنە یەرۍ وۆرکشۆپێما هەنۍ و هەرپاسە پەنج کتێبۍ چاپکریۍ تایبەت بە شانۆیما هەنۍ چنی پانێڵ و تۆژینەوەی، ئا کەرنەڤاڵ و مەڕاسیمە گۆرەی کە ئارۆ گرڎو شاریش مردنا یۆن جە هەنگامە گۆرەکا کە ساڵانە ئی فێستیڤاڵە وەڵێکۆتەی پۆ ۋێشۆ موینۆ، زیاڎ جە ٢٥٠ مێمانا جبەریما هەنۍ چی فێستیڤاڵەنە، ئا شۆنۍ کە دەسنیشان کریێنۍ پەی نمایشو شانۆکاری بریتییا جە جاڎەکا مېیانو شاری و زانشتگە و مۆڵەکا جە ۋێش گێرۆنە ئۍ ساڵ جیاواز جە ساڵا ۋییەردەی زیاتەر گرنگیما پانەی دان کە شانۆکا فاڕمێوە پەی ناوچە عەرەبی و تورکمانییەکان"
'ئی فێستیڤاڵە وێنێوە زەریفو کوردەسانیش نیشانەو جەهانیدا'
لەیلا مەجیدیە ژەنە ئاکتەرێوە سینەمای و شانۆینە و لەیلا سەبارەت بە فێستیڤاڵەکەی واتش: "فێستیڤاڵی مېیاننەتەوەیی شانۆیی جاڎەو کەرکوکی یۆن چا فێستیڤاڵا کە ساڵانە بەشێوێوە زەریف نیشانە مڎریۆ و ساڵ دماو ساڵی ئی فێستیڤاڵە سەرو ئاستی مېیاننەتەوەیی وەڵێکۆتەی زیاتەر بەۋێشۆ موینۆ، چی فیستیڤاڵەنە فرەو وڵاتاما دیۍ کە هەریۆشا و دەنگ و ڕەنگێوە تایبەت بە ۋێش بۍ، جە شارە زەریفەکەو کەرکوکینە گرڎو شێوە جل و بەرگۍ کوردی و زاراوەکا کوردی (سۆرانی، کرمانجی، کەلهوری، هەورامی و بادینی) چۍ ئامادەیشا بۍ ، ئینەیچ وێنێوە زەرفو کوردەسانیش نیشانەو جەهانیدا".
'تاتەم خەڵکو ۋەرکۆتین و ئەڎام پانیشتیەنە'
هەرپاسە لەیلا مەجیدیە، سەبارەت بە بەشداری کەردەیش چی فێستیڤاڵەنە واتش: "ساڵانی ۋییەردەنە بە بەرهەمی شانۆیی بەشداریم چی فێستیڤاڵەنە کەردەن، جە زاوڵەییۆ ئەکتەرەو شانۆی سەر جاڎەی و سەر ستەیجی، ئەکتەرەو فیلم و درامای بیێنا، من خەڵکو ۋەرکۆت و پانیشتوو کوردەسانینا، چونکی تاتەم خەڵکو سنەین جە ۋەرکۆتوو کوردەسانی و ئەڎام خەڵکو خانقینینە جە پانیشتوو کوردەسانی".
ئی فێستیڤاڵە مەبۆ بە مەڵامەتوو ئشناسای کولتور و هونەری کوردی بە جەهانی
لاو ۋێشۆ، مسەفا ئەحمەڎ ئەکتەری نامیەو پانیشتوو کوردەسانی، سەبارەت بە فێستیڤاڵەکەی واتش: "ئی جۆرە فێستیڤاڵە مېیاننەتەوەیۍ بانۍ بە مەڵامەتوو ئشناسایما بە ووڵاتا جەهانی ئینەیچ یاگۍ دەسوەشی میللەتەکەیمانە، ئی فێستیڤاڵاۍ دەوری گۆرەشا مەبۆ جە ئشناسای کولتوری و هونەری کوردی بە هونەرمەڼا ووڵاتا جەهانی، شارو کەرکوکو کوردەسانی گرنگی ۋێش هەنش پەی ئێمەی هونەرمەڼا کوردی، کەرکوک بەردەوام ڕووبەڕوو ستەمی بیەنۆ سەرو دەسو تەمامو رژێمەکا عێراقینە پۊکەی کۆششەکا ڕێکوزا فێستیڤاڵی شانۆی جاڎەی مېیاندەوڵەتی بەرز هۆرسەنگنمۍ، بەدرێژایی تاریخی شارو کەرکوکی هونەرمەڼۍ و رۆشنۋیرۍ هۆرکۆتێش چنەبیێنۍ، بەڵام داخەم نمەشۆ بەمەڵامەتوو ئانەی کە چێردەسۍ رژێمەکا وەڵتەری بیێنمۍ پۊکەی نەتاوانما هونەر و هونەرمەڼاما بە جەهانی بشناسمۍ". |
هەڤال عومەرو حاجی حسێنی پێشمەرگەی قەڎیمی و وڵاتپارێز، کە ٤٥ ساڵۍ تەمەنیش دلۍ ئەرەکۆشای نەتەوەیی گەلوو کوردینە بیەن و تا دما هەناسەش جە کۆششی نەتەوەیی و ڕەنج و وڵاتپارێزنیی نەبڕیارە و جیانەمەن، شەوەو ٢ۍ تشرینو دووەمو ٢٠٢٤ بە مەڵامەتوو ۋنوەربیەی جگەریشۆ دماو چن ڕوۍ مەنەیۆیش جە خەسەخانەنە عەمرەو خوڎایش کەرڎە.
کۆمیتەو پەیوەندییەکا جبەرو کۆما جڤاکێن کوردەسان-کەجەکە، پا مەڵامەتۆ پەیامێوە سەرەوەشیش وەڵاکەردۆ.
دەقو پەیامەکەو کەجەکەی پی جۆرەنە:
پەی ڕای گرڎینی
بە داخ و ئەسەفێوە فرۆ هەواڵو کۆچی حەقەتینو کەسایەتی کۆششکاری و قارەمانی، پێشمەرگەی قەڎیمی و نیشتمانپەروەری “عومەرو حاجی حسێن”یما لا یاوا، پی بۆنە خەمناکۆ پەرسە و سەرەوەشی ۋێما ئاراسەو گرڎو گەلوو پانیشتوو کوردەسانی، گەلەکەیما جە کەرکووک و چەمچەماڵ و بەتایبەتیچ بنەیانەو ئێژا هەڤاڵ عومەری مکەرمۍ.
هەڤاڵ عومەرو حاجی حسێنی جە قولەپۆپەنە نوێنەرایەتی هەستی شۆڕشگێڵنیی و نیشتمانپەروەریی کەرۍ
و بە درێژایی ٤٥ ساڵا هەمیشە پەی ئازادیی و یۆبیەی گەلوو کوردی، سەرەمڕە کۆشش و ئەرەکۆشایش کەرڎ و بە درێژایی تەمەنو ۋێش جە دژو ئەرەگیرا سەرو کوردەسانی خاوەن هەڵوێس بۍ، ئاڎ پېسە خۆنکارێوە بە ئەمەکو گەشمەرڎەی سەرمەشقی و سەرکردەو گەلەکەیما هەڤاڵ ئارامی، پېسە پێشمەرگێوە قارەمانی، بە هەست و بە ئیراڎە و بە جەسەو ۋێش وەرگەو زینانیی کەردەی و ئەشکەنجە و گوللەوارانو ڕژێمو سەدامیش گێرت و جە ۋەرا ۋەرو زوڵم و ئەرەگیری سەدامو سەردەمینە واتە ئەردۆغانی فاشیستی و چەتە بەکرێگرتەکاشەنە بە هەمان هەست و ئیراڎۆ درێژەش بە ئەرەکۆشای و ۋێڕاگری دا، ژیۋای هەڤاڵ عومەرو حاجێ حسێنی داسانی ئازایەتیی و گیانبازیی و قارەمانیی و سەرچەمەو ورەین، هەستی نیشتیمانپەروەریی و نەتەوەیی هەڤاڵ عومەری تەنیا بە پانیشتوو کوردەسانیوە سنووردار نەبۍ، بەڵکم سنوورە دەستکردەکێش ۋییەرنۍ بێنۍ و جە ناخو زېڵێشۆ بڕواش بە یۆبیەی نەتەوەیی بۍ، هەر پۊکەی جە دژو جەنگی سەپیاو دلێینەی جە پانیشتوو کوردەسانینە هەڵوێسش هۆرگێرت، ئا زیهنییەت و سیاسەتەشە ڕەڎکەردۆ کە ڕاش پەی وەش مکەرۆ و جە زێلە گۆرەکۍ ۋێشەنە ڕا پەی گرڎ گەلۍ و گرڎو کوردەسانی و گرڎو مرۆڤایەتی کەردۆ، سەرو ئی بنەمایۍ بە ئەنەیاوایۍ قووڵ جە فەلسەفە و ژیۋای ڕابەر ئاپۆی، بە پارادایم و ویرۍ تازۆ، پەی ئاردەینە زیهنییەت و سیاسەت و کلتوورێوە تازەی جە پانیشتوو کوردەسانی و ئازادیی و یۆبیەی نەتەوەیی جە هەر چواربەشو کوردەسانینە درێژەش بە ئەرەکۆشایۍ هەمەلایەنەی دا و جە هیچ فیداکاریێ و جە ۋۍ ۋییەردەیۍ درێخیش نەکەرد.
کۆچو هەڤاڵ عومەری خەسارەتێوە گۆرەن پەی گەلەکەیما و ئاڎ پێسە گەشمەرڎێوە سەربەرز و خاوەن میراتێوە گۆرەی شۆڕشگێڵنیی هەمیشە جە یاڎ و ویرەوەری گەلوو کوردەسانی و شۆڕشگێڵنا و وڵاتپارێزانە مەنۆوە و مەبۆ بە ڕانیشاندەرو کۆششی و ئەرەکۆشای، جارێوەتەر پەرسە و سەرەوەشی ۋێما پێشکەش مکەرمۍ، هیواڎارێنمۍ گیانو هەڤاڵ عومەری بە بەهەشتی بەرین شاڎ بۆنە و سەبووری و دڵنەوایی بە گەلی و هەمڕایا و بنەیانەیش بڎۆ". |
جە ئەرەیاۋنێوەنە پارتو ژیۋای ئازادی کوردەسانی ئەرەیاۋنانش: "رۆو ٧ی خەزەڵوەرو ١٤٠٣ (٢٨و ئۆکتۆبەرو ٢٠٢٤) سەرو ڕاو پیرانشار – مەهابادینە هێزەکۍ ئیتلاعاتی بە هامکاری سوپاو پاسدارا و بەرکرێگرتا ناوچەکەی بە شێوێوێوە ناجوامێرانە هەڤاڵما شۆڕش قەڵات (مەولان رۆستەمی)یشا بە دەسڕێژو گولـلا گەشمەرڎە کەردەن و دماتەر پەی شارایۆ ئی کردەوە نامرۆڤانەیشا سیناریوێشا متەنەرە کە گوایە هێزەکێشا گروپێوەشا دلێنە بەردەن کە جە هەرێمو کوردەسانیوە لوێنۍ دلۍ ئێرانی".
پەژاک سەرەڕاو ڕەڎکەردەیۆ ئا بانگەشا ئەرەیاۋنانش: "گرڎو ئا زانیارییە پەڕ جە چەواشەکارییەو رژێمو ئێرانی ڕەڎ مکەرمێوە و بە تنی رژێمو سەرکوتی و قەنارەی شەرمەزار و رسوا مکەرمۍ و جە هەمان کاتەنە رای گرڎیی گەلەکەیما، وڵاتپارێزنا، بنەیانە و کەسوکارو هەڤاڵی گەشمەرڎەیما و گەل و گلێرگەو ئێرانی ئاگاڎار مکەرمێوە کە هەڤاڵ "شۆڕش قەڵات" رۆڵەو ئی خاک و دەگا و بنەیانە وڵاتپارێزنەیە بیەن و ساڵۆو ٢٠١٥ ی پێوەس بیەن بە ریزەکاو رێکوستەی و پارتەکەیماوە و بە درێژایی ئی ماوەیە جە دلێینەو وڵاتینە سەرحاڵو هەرمانەو رێکوستەی و چالاکی مەدەنی و هوشیارکەردەیۆ گەلی بیەن و چی ڕێنە تا ئەندامیەتی جە مەجلیسو پارتەکەیمانە پلەکێش بڕیێنۍ و تا سەر قەناعەتش بە چالاکی و کاری مەدەنی و دلۍ بەرەو گەلینە بیەن و پەی ئینەیچ بەشێوێوە قارەمانانە ئەرەکۆشان. بە پێچەوانەو گرڎو بانگەشەکاو رژێمی، هەڤاڵما "شۆڕش قەڵات" کەسایەتیێوە تاسەر وڵاتپارێزن و شۆڕشگێڵنێوە قارەمان بۍ کە پەی ئاردەی دی ئاوات و داوکارییەکا گەلەکەیش و پێوەرە ژیۋای ئاشتیانەی و دیموکراتیکی گەلا گرڎو هەوڵەکاش وستێبێنۍ گەڕ و چی ڕێنە سڵ نەکەرێوە و هیچ چێوۍ نەتاوۍ بۆ بە لەمپەر و کۆسپ جە ۋەرا ۋەر بە هەوڵ و ئەرەکۆشای و چالاکییە رێکوزیایەکەیشەنە دلۍ گەلەکەیما و گلێرگەینە.
هەر جە ئەرەیاۋناکەو پەژاکینە ئامان: " بۆنەو گەشمەرڎەبیەو ئی رۆڵە بەقیمەتەو گەلەکەیما و ئەندامو مەجلیسو پارتەکەیماوە سەرەوەشی جە بنەیانە، زاوڵا و گرڎو هەمڕایا و وەشەسیایاش مکەرمۍ و قەول واوەی مکەرمێوە کە سەرو رێبازەکەیش کە رێبازو ئازادی، یەکسانی و مرۆڤایەتیا پەرە بە ئەرەکۆشایما بڎەیمۍ".
هەڤاڵ شۆڕش کەسایەتیوە جە ۋۍ وییەردە و کەسێوە کۆمەڵایەتی بۍ. هەرچڼە ژیۋای هامبەش و هامژینیش ئەزمون کەردەبۍ، بەڵام ئینەش نەکەرڎ بە لەمپەرێوە ۋەردەمو ئەرەکۆشای و کۆششی ئازادیوازانەینە و گرڎ کاتۍ جە هەڵوێس و قسەکاشەنە جەخت کەرێوە کە ژیۋای هامبەش و دیموکراتیک، تەنیا بە ئەرەکۆشای و کۆشش و وڵاتپاڕێزنی و وەشەسیایی وڵاتی دەسەبەر بۆ، پا جۆرە ئەرەمەرزیۆ، جگە چانەی ئامێتەو خیانەتین و سەرنجام ۋۍ دایدەسۆن.
هەڤاڵ شۆڕش قەڵات بە رەنج و هەوڵ و مانیایەکاش و بیەو کەسایەتیێوە کۆششکاری ئشناسیابۍ. پێوەس بۍ بە گەل و وڵات و ئازادی وڵاتەکەیش و پێوەرە ژیۋای گەلا و جە گرڎو بوارەکا ئەرەکۆشاینە بەبێ دڕدۆنگی و دووەدڵی بەشداری کەرۍ و گرڎو هەوڵ و تواناکاش جە ڕاو ئاردەی دی ئامانجەکاو شۆڕشی و ئازادی گەلینە بەکار بەرۍ. بە سادەیی ژیۋا و عیلاقێوە تنوتۆڵ چنی ناوەندە جەماوەرییەکا و هەڤاڵاش ساز کەرۍ و هەڤاڵیەتی و بنەما ئەخلاقییەکۍ بناغەو هەڵسوکەوتیش بێنۍ.
چالاکیی کۆمەڵایەتی و جەماوەری سەرەتاییتەرین یاساو گەلان، کە تەمامو دنیۍ ئانەشا بە ڕسمی ئشناسان، بەڵام رژێمو ئێرانی بە پاگیری سەرو سیاسەتی نادیموکراتیکی و نامرۆڤانەو ۋێش بە درێژایی زیاتەر جە ٤٠ ساڵا نیشانەدان کە هیچ کام چی بنەما و پیمەرە مرۆیی، ئەخلاقی، کولتوری و سیاسیا گەلا بە رەوا نمەزانۆ. گەلەکەما و گلێرگەو کوردی و گرڎو گلێرگەکا دلۍ ئێرانی مشۆم بزانا کە تەمامو بانگەشەکاو رژێمی پەی فاڕیای، دوورێنۍ جە حەقەتینی و هیچ چێوۍ نیەنۍ جگە جە چەواشەکەردەی خەڵکی و جە ئیساتێچەنە موینمۍ کە کوشتار و گێرتەی و جە قەنارەدای و سیاسەتە هامشێوەکا تەرو رژێمی پېسە ۋێشا بەردەوامێنۍ.
جارێوەتەر بە نوێنەرایەتی جمېیەرەکەیما، پارتو ژیۋای ئازادی کوردەسانی (پەژاک) چنی بنەیانەی و گرڎو کەسوکارو گەشمەرڎەکاما و گەلەکەیما و گرڎو ئازادیوازا پەیمان بینمۍ کە گەشمەرڎە بیەو هەڤاڵ "شۆڕش قەڵات"ی و گرڎو گەشمەرڎا تەرو ڕاو ئازادی ئێمە جە ئەرەکۆشای دوورۍ نمەوزۆوە و بە پێچەوانۆ پەی یاوای بە ئاوات و ئامانجەکا گرڎو گەشمەرڎا ڕاو ئازادی و پێوەرە ژیۋای ئازادی و دیموکراتیکی گەلا بە کۆششێوە زیاتەرۆ ئەرەکۆشای و چالاکییەکاما بەرەو وەڵۍ بەرمۍ. داوایچ جە گەلە وڵاتپارێزن و نیشتمانپەروەرەکەیما مکەرمۍ کە پەی بەرزڕاگێرتەی یادو گەشمەرڎە شۆڕشی و گرڎو گەشمەرڎاشا و پەی وەفاداری پایشاوە، ڕاو بنیاڎنیای ژیۋای ئازادی و ئەرەکۆشای بە ئەرکی ئەخلاقی و سیاسی ۋێشا بنیارە و جە ڕاو یاوای پی ئاستیە جە گرڎ ساتێنە کەسایەتی ۋێشا سەرو بنەماو ئازادیوازی پەروەردەبکەرا. پی جۆرە متاومۍ لایەق بە هەمڕای چنی هەڤاڵ شۆڕشی بیمۍ و تا هەتا هەتان بە هەرمانی و نەمری بازمێشاوە. پەیمان و قەولما پەی حەقکەردەیۆ، حەقکەردەیۆیۍ حەقەتینا چی جەهانە نامرۆڤانە و پەڕ جە هۆرخەڵەتناینە. گەشمەرڎۍ بە رێبازەکەیشاوە زیڼێنۍ، گەشمەرڎە شۆڕش گرڎ کاتۍ زیڼەن و گەشمەرڎۍ خاوەنو حەقەتینەو ئی خاک و وڵاتەینۍ.
زانیاریی سەرو ئشناسنامەو گەشمەرڎەی ئینەن:
ناسنامۍ: شۆڕش قەڵات
نامۍ و دمانامۍ: مەولان رۆستەمی
نامۍ ئەڎۍ: زەهرا
نامۍ تاتەی: حسێن
جە ئەڎابیەو: ١٩٧٩ دەگاو سیسێری سەردەشتی
پێوەسبیەی بە ریزەکاو ئەرەکۆشای: ٢٠١٥
گەشمەرڎەبیەی: ٧و خەزەڵوەرو ١٤٠٣- ٢٨و ئۆکتۆبەرو ٢٠٢٤ |
"ئەر دۆڵەتو تورکی ئاشتیش گەرەکا، مشۊم سەرەتا بەرەو ئیمڕاڵی بکەرۊوە"
نویسەرېوە و چالاکۍ ڕامیار، واتشا: "چارەسەرو پرسو ئاشتی ئینا ئیمڕالی پەی ئانەی چارەسەری بۊ مشۊم گۊشەگیری هۆرگیریۆ و مەرجەکۍ پرۆسەو ئاشتی قبوڵۍ بکریا."
نویسەرېوە و چالاکۍ ڕامیار، واتشا: "چارەسەرو پرسو ئاشتی ئینا ئیمڕالی پەی ئانەی چارەسەری بۊ مشۊم گۊشەگیری هۆرگیریۆ و مەرجەکۍ پرۆسەو ئاشتی قبوڵۍ بکریا."
دۆڵەتو تورکی قڕکەری و فاشیستی جە هرووژم و ئەرەگیری پەی سەرو پانیشتوو کوردەسانی و ۋەرنیشتوو کوردەسانی بەردەواما و دەسەڵاتدارا پانیشتوو کوردەسانی و دۆڵەتو عێراقیچ بێدەنگێنۍ و تائاستێوەیچ هامکارۍ ئا هرووژمە ئەرەگیریانۍ. چی بارۆ هەریۆ جە نویسەر سمکۆ سابیر و چالاکوابی ڕامیار جومعە کەریم پەی ئاژانسوو هەواڵوو فوراتی (ANF)ی قسێشا کەردۍ.
جە سەرەتاو قسەکاشەنە سمکۆ سابیر باسش چانەیە کەرڎ کە هەرکاتێ ئەرەگیرا کوردەسانی درکشا بەلاوازبیەی ۋێشا کەردەبۆ پەناشا پەی پرسو ئاشتی بەردەن و واتش: "وڵاتا ئەرەگیری جە پرسو ئاشتیینە ڕاسواچۍ نیەنۍ، هەمیشە گەرەکشانە کوردی گەلوو کوردی فریو بڎا. بەتایبەتی جە ئیساتێنە جەمۍ فاریایۍ مېیاننەتەوەییۍ ئینۍ ئارانە تورکیا تەرسۆ بەشێوە جە خاکەکەیش جە دەس بڎۆ و دما گنۆ.
هەرپۊکەی تورکیا جەمۍ سیناریۆیێش ئینۍ دەسۆ باسو ئاشتیی و مافوو گەلوو کوردی مکەرۆ بەڵام ئیمە مزانمۍ جە ۋییەردەنە چن جارێوە پەکەکە ئاێربەسش ئەرەیاۋنان دۆڵەتو تورکی پابەڼ نەبیەن پۆشۆ."
'حەجگیز قەندیل چەک نمەنیۆرە'
جە دما دمایی قسەکاشەنە ئاماژەش پانەی کەرڎ کە دۆڵەتو تورکی ڕاسواچ نییا باس جە پڕۆسەو ئاشتی مکەرۆ جە هەمانکاتەنە هرووژم مکەرۆ. واتش: "دۆڵەتو تورکی ڕاسواچ نییا ئا کاتەی باس جە پڕۆسەو ئاشتی مکەرۆ جە پانیشتوو ۋەرنیشتوو کوردەسانینە کۆمکوژی ئەنجام مڎۆ، دارسان و دەگایەکا کاولۍ مکەرۆ زەرەرۍ فرەش بە ۋەرنیشتوو کوردەسانی یاۋنان.
هەرچڼە دیڎارو سەرۆکایەتی بۍ و دۆڵەتو تورک گەرەکشا بەکارش بارۆ و قەندیل چەک بنیۆرە بێگومان ئینەیچ حەجگیز ڕووە نمەڎۆ پېسە ئانەی باسم کەرد جە ۋییەردەنە قەندیل ئاێر بەسش ئەرەیاۋنان بەڵام تورکیا پاشێلکاریش کەردەن و ئاشتیش گەرەک نەبیەن."
'مشۆم پرۆسەو ئاشتی جە ئیمڕاڵییوە بۆ'
لاو ۋێشۆ چالاکوانی ڕامیار جومعە کەریم باسش چانەی کەرڎ کەگەلاو ۋەرکۆتوو مېیامینی پەنەوازشا بە ئاشتیێوە حەقەتینی هەن و واتش: "مشۆم پرۆسەو ئاشتی جە ئیمڕالییوە بۆ ئەر نا پرۆسەو ئاشتیی نییا. ژنیما دەسەڵاتدارا تورکیای بڕۆ کەلیمێشا دەربارەو ئاشتی باس کەردۍ، بەڵام جە هەمانکاتەنە بۆمبۋاران و ئەرەگیری ئەنجام مڎا جە ۋەرا ۋەرو پانیشتوو کوردەسانی و ۋەرنیشتوو کوردەسانینە.
هەرپۆکەی ئی دووە چێوۍ یۆی نمەگێراوە مشۆم دۆڵەتو تورکی ۋێش یەکلایی بکەرۆوە یاخود ئاشتی ئەنجام بڎۆ و جە هرووژم کەردەی مردۆ یا ئانەن جە هرووژمەکاش بەردەوام بۆ کە سەرو ۋێشەرە مەڕیۆوە."
'جە جبەرو ئیمڕاڵی هیچ پرۆسێوە ئاشتیی حەقەتینە بیەیش نییا'
جە دما دمایی قسەکاشەنە جومعە کەریم ئاماژەش پانەی کەرڎ کە گەلوو کوردی دۆڵەتو تورکی مشناسۆ پۊکەی ئەر ئاشتیش گەرەکا مشۆم ڕاسواچ بۆ ئەرنا هیچکات ئاشتی بەرقەرار نمەبۆ. واتش: "گەلوو کوردی و تەڤگەرو ئازادی کوردیچ ئا حەقەتینیە مزانا کە پرۆسەو ئاشتی ئینا ئیمڕاڵیی، جە جبەرو ئیمڕاڵینە هیچ پرۆسێوە ئاشتی حەقەتینە نمەبۆ، پۊکەی ئەر دۆڵەتو تورکی ئاشتیش گەرەکا مشۆم بەرەو ئیمڕاڵی بکەرۆوە." |
کەژەکە پەیامێوەش پەی کۆچی دماینو ئەرەمەرزنەرێوە ئەڎایا دی پلازا دی مایۆی وەڵاکەردۆ
کەژەکە پەیامێوە سەرەوەشیش پەی کۆچی دماینو یووە جە ئەرەمەرزنەرا ئەڎایا پلازا دی مایۆی ئەرژەنتینی میرتا ئاکونا دی باراڤالۍ وەڵاکەردۆ.
کەژەکە پەیامێوە سەرەوەشیش پەی کۆچی دماینو یووە جە ئەرەمەرزنەرا ئەڎایا پلازا دی مایۆی ئەرژەنتینی میرتا ئاکونا دی باراڤالۍ وەڵاکەردۆ.
هێزی یووە جە ئەڎایا ئاشتیی ئەرژەنتینی میرتا ئاکونا دی باراڤالە جە تەمەنو ٩٩ ساڵینە عەمرەو خوڎایش کەرڎە. پەی کۆچی دماینو ئا ئەندامە ئەرەمەرزنەرۍ جمېیەرو ئەڎایا پلازا دی مایۆی، کەژەکە پەیامێوە سەرەوەشیش وەڵا کەردۆ.
ئینە دەقو پەیامەکەین:
"پەی ژەنا کۆششکارۍ ئەرژەنتینی و ئەڎایا پلازا دی مایۆی!
هێزی بە خەمێوە قووڵۆ زاناما کە میرتا ئاکونا دی یووە جە ئەرەمەرزنەرا ئەڎایا پلازا دی مایۆی کۆچی حەقەتینش کەرڎەن. پېسە جمېیەرو ژەنا کوردی کەژەکەی جە کەسایەتی قارەمانانەو میراتا ئاکونا دی باراڤالێنە، سەرەوەشی جە گرڎو ژەنا کۆششکارۍ ئەرژەنتینی و ئەڎایا پلازا دی مایۆی مکەرمۍ. هامبەشۍ خەمیتانمۍ. هەمڕۍ بە قیمەتەما باراڤالە، جە ساڵۆو ١٩٧٧یوە تا ١و تشرینو دووەمو ٢٠٢٤ تەمەنێوە پەڕ جە ئەرەکۆشایش ڕایی کەرڎ. تا کاتو کۆچی حەقەتینیش جە ژیۋاینە بیە بە دەنگو گرڎو ئا ئەڎایا کە بەمەڵامەتوو ستەم و فاشیزمیوە زاوڵێ و نەوەکێشا بێسەروشۆنۍ بیۍ.
جە حەقەتینەنە سەردەمو کودەتاینە جە ئەرژەنتینەنە ژەنی یووەمین چالاکیی رێکوزیایشا جە دژو پاشێلکارییەکا مافەکا مرۆڤی جە ڕاو پلازا دی مایۆیۆ ئەنجامدا. ئا ئەڎۍ کە زاوڵۍ و نەوەکێشا بە زۆرەملێ بێسەروشۆنۍ کریۍ و پەی زانای چارەنویسو رۆڵەکاشا، رووبەڕوو ناحەقی گۆرەی بیێوە. ئا مڎرامان و ئیراڎە ئیلهامبەخش بۍ پەی ئەرەکۆشای گەلا تەریچ، ئێژا میرتا ئاکونا دی باراڤالە درێژەش بە دۆسایەتی ۋێش چنی گەلوو کوردەسانی و بە تایبەتی ئەڎایا شەممەی دا. داخەم نمەشۆ سەرەڕاو گرڎو رەنج، مڎرامان، ئەرەکۆشای، هەوڵدای، تامەزرۆیی و پەرۆشیشۆ نەتاواش ۋێش بە نەوەکاش بیاونۆ.
سەرەڕاو ئا گرڎو ستەمە گۆرەیە، حەجگیز پاشەکشەش جە ئەرەکۆشای شکۆمەندانەیش نەکەرد. بە ویر، باوەڕ، ئازایەتی و تامەزرۆییوە، بیە بە هێماو ئەرەکۆشای. ئاڎۍ بە غیرەت و دڵسۆزی ۋێشا شۊنەماو ۋێشانە میراتێوە مڎرامانیشا وەشکەرڎ. جە دژو کاربەدەسا، دیکتاتۆرەکا و فاشیستەکا پەی ڕوێوەیچ جە وەرمو ئازادی، دادپەروەری و ناحەقی دوورنەکۆتۆ. ئێمە ئارۆنە پېسە جمېیەرو ژەنا کوردی ڕێوگارۍ ڕا و ئەرەکۆشای حەقیقەتو ئەڎایا پېسە میرتا ئاکنا دی باراڤالێنمۍ. ئێمە جە هەر ساتێوە ئەرەکۆشایمانە خیاڵەکاما پەی ژیۋایۍ دادپەروەرانەی و ئازادی گۆرە مکەرمۍ.
بەڵێ وەرگریکارەو دادپەروەری و ئازادی، دۆسەی بەقیمەتەما حەجگیز تۆ جە یاڎ نمەکەرمۍ. شمە سەلەمناتا کە گۆرەبیەی و گۆرەتەرین پیرۆزبیەی ئەرەکۆشاین پەی دادپەروەری. بێ خەمەبە ئەڎای کۆششکارە، وەرمو ئاواتەکا تۆیچ هۆرگێرمۍ. جە ئەرەکۆشایمانە شمە بە زیڼەیی مازمێوە. ئاڵاو مڎرامانیتا ئینا دەسو ئێمۆ.
ئێمە بە شۆکنایۆ سەرپۆشی چەرمەیما، بە دڵنیاییوە پرسو دادپەروەری سەروزمۍ." |
هەرێمو نۆرماندی فەرەنساینە سەبارەت بە پێشئامایەکا کوردەسان-تورکیای و ۋەرکۆتوو مېیامینی، هەرپاسە دیڎار چنی رابەر ئاپۆی، گۆشەگیری ئیمراڵی و هێڵۆو مڎرامانی گلێرۆبیەو گەلی ئەنجامدریا.
ڕامیاریمەدار مسەفا ساریکایا و ئەندامو دیوانو کۆنگرەو جەمە دیموکراتیکەکا کوردەسانیا جە ئۆروپا (کەجەدەکە-ئە) موراد جەیلان قسێشا کەرڎۍ.
مشۆم زیاڎ جە گرڎ چێوۍ پەی ئازادیی رابەر ئاپۆی ئەرەکۆشمۍ
مسەفا ساریکایا هۆرسەنگنایش پەی سیستەمو قڕکەردەی، گۆشەگیر و ئەشکەنجەو ئیمراڵی و ئەرەکۆشای جە دژو ئانەی کەرد و واتش، "گۆشەگیری سەرو رابەر ئاپۆی بەردەواما. ئەگەر گۆشەگیری بەردەوام بۆ، مشۆم مڎرامانیچ بەردەوام بۆ؛ مشۆم ئانەی بزانمۍ. ئا دیڎارەی ئەنجامدریا، بەرهەمو هەڵمەتەو ئازادی و مڎرامانی بۍ. ئانە پرۆسێوە چارەسەری نییا. مشۆم ئینسان پانەی هۆرنەخەڵەتیۆ و چەواشە نەکریۆ؛ تا ئا کاتەی ئازادی رابەرایەتی دەسەبەر بۆ، ئێمەیچ مشۆم پەرە پا هەڵمەتۍ بڎەیمۍ. ڕا بە دیڎاری دریا؛ فاشیزم یاوانە کە ئیتر چانەی زیاتەر جە ۋەرا ۋەرو مڎرامانینە نمەتاوۆ وەرگە گێرۆ. رابەرایەتی ئازاد مەبۆ، ڕێوەتەرە نیەنە. وەڵێکۆتەی و مشتومڕەکۍ گرڎ ئینۍ دەورو کوردی و کوردەسانیوە. ۋەرو ئانەیچ پەنەوازشا بە رابەر ئاپۆی هەن. رابەر ئاپۆ بە واتەی 'ئا قوەتمە هەن کە پرسو کوردی جە بوارو جەنگیوە فاڕووە پەی بوار و زەمینەی سیاسی و یاسایی؛، دەسوەردایش جە پرۆسەکەنە کەرد. پېسە گلێرگەی مشۆم جە گرڎ کاتۍ زیاتەر پەی ئازادی رابەر ئاپۆی ئەرەکۆشمۍ و بە رۆحو هەمڕایا ئاسیا عەلیۍ و رۆژگەر هێلینی کە ئەنقەرەنە ۋێشا فیدا کەرڎ، هەنگام بنیەیمۍ".
ئەندامو کەجەدەکە-ئەی موراد جەیلانیچ دەسنیشانش کەرد کە گەلوو کوردی مشۆم جە گرڎ شۆنێنە رێکوستەی ۋێش قەوەت بکەرۆ و واتش، "ڕاو دەسەبەرکەردەی و مسۆگەرکەردەی ئازادیی جەسەیی رابەر ئاپۆی، بە ۋێرێکوستەی بۆ، بە سەروستەی ئازادی بۆ.
جە گلێرۆبیەکەینە بانگەوازو بەشداری جە ڕاپیمای گۆرەو ١٦و تشرینی دووەمینە جە شارو کۆڵنو ئەڵمانیای ئەرەیاۋییا. گلێرۆبیەکەی بە دروشمەکا 'بێ سەرۆکی ژیۋای نمەبۆ' و 'بژیۋۆ سەرۆک ئاپۆ' دمایش پنە ئاما. |
گلێرۆبیەکا گەلی ئۆروپانە: ١٦ و تشرینو دووەمی کۆڵنەنە کوۍ بیمێوە
جە گلێرۆبیەکا گەلینە جە ئۆروپا پەیامو "ئازادی پەی ڕابەر ئاپۆی" واوەی کریاوە. بانگەوازکریا پەی بەشداربیەی جە چالاکی ١٦ و تشرینو دووەمینە جە کۆڵن.
جە گلێرۆبیەکا گەلینە جە ئۆروپا پەیامو "ئازادی پەی ڕابەر ئاپۆی" واوەی کریاوە. بانگەوازکریا پەی بەشداربیەی جە چالاکی ١٦ و تشرینو دووەمینە جە کۆڵن.
جە گلێرۆبیەکا گەلینە جە ئۆروپا کە بە سەرمەشقایەتی مەجلیسو گەلوو ئولمی ئەنجام مڎریا، گەلوو کوردی پەیامو "ئازادی پەی ڕابەر ئاپۆ"یشا واوەی کەرڎۆ.
جە گلێرۆبیەکانە تەئکید کریاوە کە، گۆشەگیری ئیمراڵی کۆسپا ۋەردەمو ئاشتیێوە بەردەوامینە جە ۋەرکۆتوو مېیامینی.
هامسەرۆکۆو کەجەدەکە_ئەی زوبەیدە زومروتە ئەرەیاۋناش جە سەرانسەرو ئۆروپای پەی هۆرگێرتەی گۆشەگیری ئیمراڵی سەفەربەریی گەلی دەسش پنە کەردەن. جەختش کەرڎۆ، ئی گلێرۆبیەیە تەنیا پەی شەرمەزارکەردەی نییا، بەڵکم هۆشیارکەردەیۆ گەلوو کوردیچا جە ماف و ئازادییە بنەڕەتییەکا.
زوبەیدە زومروتە ئەرەیاۋناش ئەگەر دەسەڵاتو ئاکەپە_مەهەپەی بەڕاسشا پرۆسەو ئاشتیش گەرەکا، پەنەوازا سەرەتا جوابو داواکا گەلوو کوردی بڎۆوە، واتش: "ئازادی ڕابەر ئاپۆی، داوای سەرەکی گەلوو کوردین".
بەشدارا ئەرەیاۋناشا پەیامەکەو ڕابەر ئاپۆی جۆشوخرۆشش وەشکەردەن.
"پەنەوازا دژو گۆشەگیری، چالاکییەکۍ گۆرەتەر بکریا"
جە قسەکانە تەئکید کریاوە، پەنەوازا گەلوو کوردی ناڕەزایی تنتەر ۋەرا ۋەر بە گۆشەگیری نیشانە بڎۆ.
هەرپاسە جەختکریاوە کە پێشنیارەکۍ ڕابەر ئاپۆی پەی چارەسەری فرە گرنگێنۍ و مشۆم گەل خاوەنداری چا پێشنیارا بکەرۆ، وچیا: "تا ڕابەر ئاپۆ ئازاد نەبۆ، درێژە بە ئەرەکۆشای مڎەیمۍ". |
کۆنسێرتو گرووپو ڕۆژدای سلێمانینە لواڕاوە
ئارۆ شارو سلێمانی پانیشتوو کوردەسانینە بە ئاماڎەبیەی ژمارێوە فرە جە تەرەفڎارا هونەری کۆنسێرتی هونەری 'ڕۆژدا'ی لواڕاوە.
ئارۆ شارو سلێمانی پانیشتوو کوردەسانینە بە ئاماڎەبیەی ژمارێوە فرە جە تەرەفڎارا هونەری کۆنسێرتی هونەری 'ڕۆژدا'ی لواڕاوە.
جە چوارچێوەو ئەنجامدای کار و چالاکییەکاشەنە رێکوزیاو نوێگەری بە هامکاری ڕاوەبەرایەتی ڕۆشنۋیری سلێمانی هۆرئێست بە ئەنجامدای کۆنسێرتێوە هونەری و گۆرانیۍ کوردیۍ پەی گرووپو هونەری ڕۆژدای.
کۆنسێرتەکە بە ئاماڎەبیەی ژمارێوە فرە جە هەوادارا هونەری ڕەسەنی کوردی جە هۆڵو ڕۆشنۋیری سلێمانی جە ۋێرەگانۍ هونەرینە سازکریا.
جە کۆنسێرتەکەنە هونەرمەنڎە'دڵنیا خان'ە گۆرانیۍ و ئاوازە ڕەسەنەکۍ هونەری کوردیش بە زاراوە جیاوازەکا زۋانی کوردی چڕیۍ. ئەنداماو گرووپەکەی کە پێکئامێبێنۍ جە ستافێوە ژەنیاری ژەنا بە ئامێرە هەواییەکا مۆسیقای، مۆسیقاشا پەی گۆرانییەکا ژەنا.
گرووپو هونەری ڕۆژدای گرووپێوە هونەریی ۋەرکۆتوو کوردەسانیا، ستافو گرووپەکەی گرڎ ژەنینۍ و کۆو کارە هونەریەکاشا ئینا چوارچێوەو ئاواز و گۆرانیا کوردینە. |
هەپەگە: ئەرەگیرێوە سزادریا و دووۍ حەفارێچ دلێنەبریۍ
جە چالاکی گەریلاکاو هەپەگەی و یەژا ستارینە سەروازێوە سوپاو تورکی ئەرەگیری بە سزا یاوا و پەنجی تەریچ زامڎارۍ بیۍ، وە دووۍ حەفارێچ دلێنەبریۍ و گورزە ۋنەو ترۆمبێلێوە زریپۆشی و حەشارگێوە شنیا.
جە چالاکی گەریلاکاو هەپەگەی و یەژا ستارینە سەروازێوە سوپاو تورکی ئەرەگیری بە سزا یاوا و پەنجی تەریچ زامڎارۍ بیۍ، وە دووۍ حەفارێچ دلێنەبریۍ و گورزە ۋنەو ترۆمبێلێوە زریپۆشی و حەشارگێوە شنیا.
ئەرەیاۋناکەو ناوەندو ئەرەیاۋنای و چاپەمەنی هەپەگەی پی جۆرەنە:
"هەرێمو گەشمەرڎە دەلیلی جە ۋەرنیشتوو زاپی؛
٢٩ و ئۆکتۆبەری سەعات ١٤:٤٠ دەیەقۍ جە مېڎانوو مڎرامانوو کەشو وەهاری هێزەکێما بە چالاکی هەماهەنگی گەریلایی جە دووۍ قۆڵێوە گورزەشا جە دووۍ حەفارا و ترۆمبێلێوە زریپۆشی شانا کە خجڵو وەشکەردەی جاڎەی سەروازی بێنۍ. قۆڵی یووەمو چالاکییەکەی؛ بە چەکی ئۆتۆماتیکی بە شێوێوە کاریگەر گورزەشا جە حەفارێوە شانا. قۆڵی دووەمو چالاکیەکەی؛ گورزەشا ۋنەو حەفارێوەتەری شانا. جە ئاکامەنە حەفارەکە دلێنەبریا و سایەقەکەش زامڎار بی. هەرپاسە گورزە ۋنەو ترۆمبێلێوە زریپۆشی کە ئەرکش پارێزنای حەفارەکا بۍ، جە ئاکامەنە ٤ ئەرەگیرۍ زامڎارۍ بیۍ. چی چالاکیەنە بە گرڎیی؛ ٢ حەفارۍ دلێنەبریۍ، گورزە جە ترۆمبێلێوە زریپۆشی شنیا، ئەرەگیرێوە بە سزا یاوا و ٥ ئەرەگیرێچ زامڎارۍ بیۍ.
هرووژمەکۍ سوپاو تورکی ئەرەگیری بە تەقەمەنی قەڎەغەکریا؛
٣١ و ئۆکتۆبەری و ١و تشرینو دووەمی مەڕەکێما جە مېڎانوو مڎرامانوو کەشو ئێف ئێمینە جە هەرێمو گەشمەرڎە دەلیلی جە ۋەرنیشتوو زاپی ٤ جارۍ بە تەقەمەنی قەڎەغەکریا بۆمبۋاران کریۍ.
٣١ و ئۆکتۆبەری مەڕەکێما جە مېڎانوو مڎرامانوو کەشو وەهاری جە هەرێمو گەشمەرڎە دەلیلی جە ۋەرنیشتوو زاپی بە درۆنی جەنگی بۆمبۋاران کریۍ.
٣١ و ئۆکتۆبەری مەڕەکێما جە مېڎانوو مڎرامانوو لۆلانی هەرێمو خواکوڕکی ٥ جارۍ بە تەقەمەنی قەڎەغەکریا بۆمبۋاران کریۍ.
هرووژمەکۍ سوپاو تورکی ئەرەگیری؛
٢٧ و ئۆکتۆبەری و ١و تشرینو دووەمی مېڎانەکۍ مڎرامانوو کەشو گەشمەرڎە شەریف، قەلە، لۆلان، کەشو گەشمەرڎە هاوارو هەرێمو خواکوڕکی ٨ جارۍ، مېڎانەکۍ کەشو ڕەشیدی، سێدارێ، زەنگل، ڕێبین، دەشتەو کافیای، دەرەو ڕۆبۆتکێی هەرێمو گارەی ٦ جارۍ، مېڎانەکۍ مڎرامانوو دەرگەلێ و سەری مەتینای هەرێمو مەتینای ٤ جارۍ، مېڎانوو مڎرامانوو کەشو وەهاری ٢٢ جارۍ، مېڎانوو مڎرامانوو کەشو وەهاری جە هەرێمو گەشمەرڎە دەلیلی جە ۋەرنیشتوو زاپی ٢ جارۍ، مېڎانەکۍ سلێ و کورتەکی جە هەرێمو قەندیلی ٢ جارۍ؛ بەگرڎیی ٤٤ جارۍ بە فڕۆکەی جەنگی بۆمبۋاران کریۍ.
٣١ و ئۆکتۆبەری و ١ تشرینو دووەمی مېڎانوو مڎرامانوو کەشو وەهاری جە هەرێمو گەشمەرڎە دەلیلی جە ۋەرنیشتوو زاپی ١١جارۍ، مېڎانەکۍ مڎرامانوو دەرگەلێ و سەری مەتینای جە هەرێمو مەتینای ٨ جارۍ؛ بەگرڎیی ١٩ جارۍ جە ڕاو هەلیکۆپتەری جەنگییوە بۆردوومان کریۍ." |
"مشۆم جە دژو گۆشەگیری ئیمراڵی پێوەرە دەنگ هۆربڕمۍ"
هامسەرۆکۆو گرڎیی دەبەپەی چیدەم کلیچگون ئوچارە واتش: "پرسو کوردی ئینا قەیرانەنە، پۊکەی مشۆم جە دژو گۆشەگیری ئیمراڵی بە هامبەشی دەنگ هۆربڕمۍ."
هامسەرۆکۆو گرڎیی دەبەپەی چیدەم کلیچگون ئوچارە واتش: "پرسو کوردی ئینا قەیرانەنە، پۊکەی مشۆم جە دژو گۆشەگیری ئیمراڵی بە هامبەشی دەنگ هۆربڕمۍ."
ئەنجومەنو کۆنگرەو دیموکراتیکی گەلا (هەدەکە) جە ناوەندو چاند و هونەری د. قادر تۆپباشینە ١٣ەمین کۆنفرانسو ژەناش ئەنجامدا. جە کۆنفرانسەکەنە واتەواچەو ئەنجومەنو ژەنا دەم پارتی خالیدە تورکئۆغلوە و هامسەرۆکۆو گرڎیی دەبەپەی چیدەم کلچگون ئوچارە قسێشا کەرڎۍ.
جە قسەکاشەنە تورکئۆغلووە ئاماژەش پانەی دا کە سەدەو ٢١ سەدەو تنوتیژییا جە دژو جوانا و ژەنا، بەڵام ژەنی بە ئەرەکۆشایشا کەردەنشا بە سەدەو ژەنا و پېسە هەدەکەی گرنگی بیەی و ڕێکوستەبیەیشا جە ئاژەی سەختەنە ئەرەیاۋنان.
جە بەردەوامینە تورکئۆغلووە سەرنجش وست سەرو گرنگی چەمپنەکۆتەی ئیمراڵی و جەختش چانەی کەرڎۆ کە تا گۆشەگیری بەردەوام بۆ گرفتەکۍ ڕووە جە چارەسەری نمەکەرا و واتش: "پەی لەبەردەی گۆشەگیری ژەنی ڕوانگەو ۋێشا جە سەردەمی تازەنە بەربڕیەن. فەلسەفەو ژەنی ژیۋای ئازادی ۋەرپرسیاری سەرهۆردای گێرمۍ ئەستۆ."
هەرپاسە هامسەرۆکۆو گرڎیی دەبەپەی چیدەم کلچگون ئوچارە سەرنجش قست سەرو چەمپنەکۆتەکەو ڕابەر ئاپۆی و واتش: "واوەی نیایرەو قەڎەغەو چەمپنەکۆتەی بە گرڎ جۆرۍ نایاساییا. ئینەیچ بە ماناو بەردەوامیداین بە فشاری و زۆرداری سەرو گەلوو کوردی."
ئۆچارە سەبارەت پانەی کە ئی سەدە چ نەهامەتیێوەش سەرو گەلوو کوردیرە کەردەنۆ واتش: "ڕووبەڕووبیەیۆ فرە گرنگا و بەبێ ڕووبەڕووبیەیۆ گرفتەکۍ چڼین جارۍ واوەی باوە. بنیاڎنیای هەدەکەیچ ئاماژەن پەی ئینەیە. جە لایەنو دۆڵەتیوە دەسەڵاتوازی و پیا سالاری سەپیۆنە و هەدەکەیچ ئەڵتەرناتیڤێوە گۆرەش وست ڕووە. ئێمە پا هەنگامۍ کە هۆرما گێرتە وەڵۍ کۆتیمۍ و گۆرۍ بیەیمۍ. جە بێ-هیوایینە گلێرگە جە ئاژێوە شپرزەیینە مەبۆ. چی ئاژەی کە کوردش کۆتەنەنە، دژ بە گۆشەگیری سەرو ئیمرالی مشۆم ۋێما یۆ وزمۍ و بیمۍ بە دەنگی هامبەش." ئۆچارە پی جۆرە دمایش بە قسەکاش ئارڎ: "ئەرەکۆشای ژەنا بەردەواما و هیواش جە دەس نەڎان و سەرەڕاو گرڎو فشارەکا ۋێش ڕێکوست. هەر تاڵێ جە قژاما چالاکیێوەن. بۆنەو ١ و تشرینی دووەمیۆ ڕۆی جەهانی کۆبانێ-وە، درووشمەو ژەنی چالاکییا. ئی شوناسە وەرگەش گێرتەن و ئارۆ ئینا ئامانجەنە. ئێمە ئینایمۍ ئاژێوە هەستیارەنە. ئێمە بایی ئانەی میراتی سیاسی و یاساییما هەن کە مشۆم چیولای درێژە پا میراتییە بڎەیمۍ. با ڕێکێما واڵا بۆ." |
ژینا مودەریس گورجیە پەی تەمامکەردەی ماوەو سزاکێش رەوانەو زینانی کریا
ژینا مودەریس گورجیە كە یووەنە جە دەسبەسەرکریایا ۋێنیشانداکا شۆڕشو”ژەنۍ ژیۋای ئازادیی” بە مەبەسو ۋییەرنای ماوەو سزاکێش ڕەوانەو زینانو ژەنا سنەی کریا.
ژینا مودەریس گورجیە كە یووەنە جە دەسبەسەرکریایا ۋێنیشانداکا شۆڕشو”ژەنۍ ژیۋای ئازادیی” بە مەبەسو ۋییەرنای ماوەو سزاکێش ڕەوانەو زینانو ژەنا سنەی کریا.
ژینا مودەریس گورجیە ڕۆنامەوانە و چالاکەو بوارو ژەنا جە پەلیانەو ئینستاگرامو ۋێشەنە سەبارەت بە زینانیی کەردەکەیش پەیامێوەش وەڵا کەردۆ.
ژینا مودەریس گورجیە ئەرەیاۋنانش، ئارۆ ملو پەی زینانو ژەنا سنەی کە پەراوێز وستەی و جیاکەردەیۆ ڕەگەزی و چینایەتی و نەتەوایەتی چا یەرۍ ئانەن.
ئەرەیاۋنانیچش، "کاتێ کەلوپەلەکام پەی زینانی ئاماڎە کەرێنا وەڵۍ گرڎ چێوێنە هیوام وست دلۍ هەگبەکەیمۆ و من بە هیواوە ملو پەی وای."
جە چن ڕۆی ۋییەردەنە ژینا مودەریس گورجیە وەڵاش کەردەبێوە، جە لایەنو لقو ٤ و بەشو جابەجێکەردەی سزاکاو دادگاو سنەیۆ نامێوەش بە دەس یاوان، کە مشۆم ۋێش بە زینانو ژەنا سنەی بشناسۆ بە مەبەسو جابەجێکەردەی سزاکێش.
ئانەیچ جە كاتێنە، جە مانگەو حوزەیرانو ئێساڵینە، ژینا مودەریس گورجیە جە لایەنو لقو یوەمو دادگاو شۆڕشو سنەیۆ ٢١ ساڵۍ زینانیش سەرەرە سەپیا و دماتەر سزاکێش جە لایەنو لقو ٤و دادگاو سنەیۆ پەی ٢٦ مانگا زینانی کەمکریاوە، دماتەر بەپاو ماددەو ١٣٤، سزاکێش پەی ١٦ مانگا زینانی کەمتەر کریاوە.
یاگۍ ئاماژەینە ئا چالاکۍ وەڵتەریچ جە كاتو ۋێنیشانداکا شۆڕشو “ژەنۍ ژیۋای ئازادیینە” باڵبەسە کریێنە و تا ئیساتۍ چڼین ئەرەنیشتۍ دادگای کەردەیش لوێنۍ ڕاوە و سزاکێش پەی تازە کریێنۍ. |
جمېیەرو کولتور و هونەری: بەیدۍ پێوەرە بەشداری جە ڕاپیمای گۆرەو کۆڵنینە بکەرمۍ
جمېیەرو کولتور و هونەری داواو بەشداریکەردەیش جە ڕاپیمای ١٦و تشرینو دووەمو کۆڵنینە کەرڎ، کە پەی ئازادیی جەسەیی رابەر ئاپۆی ملۆڕاوە.
جمېیەرو کولتور و هونەری داواو بەشداریکەردەیش جە ڕاپیمای ١٦و تشرینو دووەمو کۆڵنینە کەرڎ، کە پەی ئازادیی جەسەیی رابەر ئاپۆی ملۆڕاوە.
جمېیەرو کولتور و هونەری (تەڤ-چاند) سەبارەت بە ڕاپیمای گۆرەو ١٦و تشرینو دووەمی جە کۆڵنەنە بانگەوازێوەش ئەرەیاۋنا و چنەشەنە ئاماژە بە جەنگی جەهانی یەرەمی کریان و ئانەیچ وزیان ڕووە، کە"جمېیەرو ئازادیی کوردەسانی بە سەرمەشقی رابەر ئاپۆی سات دماو ساتی رەوتو تاریخی فاڕۆنە. هەڵوێسو جەنگاوەرا قارەمانی پېسە گەشمەرڎە ئاسیە عەلیۍ و رۆژگەر هێلینی بە عالی ئانەش بەروست، کە پەنەوازا ئەرەکۆشای بە چ شێوێوە ئەنجام بڎریۆ. هەر هێزێوە کە هەوڵو کوشتارو گەلوو کوردی بڎۆ، سەرەتا مشۆم رووبەڕوو مڎرامانو رابەرایەتی و گەریلای بۆوە. چالاکییەکەو گەشمەرڎە ئاسیە عەلیۍ و رۆژگەر هێلینی جە سەروبەڼو ساڵیاڎو ئازادی کۆبانێنە مەعنێوە زیاتەرش پێڎا کەرڎەن. کۆبانێ چێرو فەرماندەیی و سەرمەشقایەتی ژەنا جەنگاوەرینە ئازاڎ کریا و بی بە بەهێوە مرۆڤایەتی. هەر ئینەیچ پاسشە کەرڎ کە رژێمو فاشیستو ئاکەپە-مەهەپەی تا ئیساتێچ بەردەواما جە هرووژمە وەحشیانەکاش دژو خەڵکو کۆبانێ.
هەزاران گەشمەرڎۍ راسپاردەو ۋێشا یاۋونا بە جەهانی و ئا کەسێشا وستۍ سەتڵەو شەخەڵو تاریخیۆ کە واچێنۍ 'کۆبانێ ئینا کەوتەینە و هاکا کۆت'. مەڵامەتو دژمنایەتی ۋەرا ۋەر بە کۆبانێ پەی ئا مڎرامان و سەرکۆتە تاریخیە گێڵۆوە. بەڵام سەرەڕاو ئاستو هرووژمەکا، گەلوو کوردی و جمېیەرو ئازادیی کوردەسانی جە راسی کۆبانێ و رابەر ئاپۆینە سەرکۆتۍ بە یەکجاری مویناش. ئێمە ئینایمۍ دووەم قۆناغەو هەڵمەتەو مېیاننەتەوەیی 'ئازادی پەی رابەر ئاپۆی و چارەسەریی دیموکراتیکی پەی پرسو کوردی'نە. ئارۆنە ئەندێشەکۍ رابەر ئاپۆی سەرچەمەو ئازادیی پەی گرڎو چێردەسا و چەوەسیاکا و تا مۍ زیاتەر وەڵا مەبۆوە. هەرپۆکەی ئەرکو ئێمەن ئا هەڵمەتۍ فراوانتەرە بکەرمۍ کە پەی ئازادیی جەسەیی رابەر ئاپۆی دەسشپنەکریان. گرڎو رێکوزیا و ئەرەمەرزیا ئازادیوازەکا، گەل و هونەرمەڼا مشۆم ئا حەقەتینیە بوینا. مشتومڕ و پێشئامایەکۍ ئی دماییە نیشانەو ئێمەشا دان کە تەنیا ئا وەختە دیوارو فاشیزمی وڕۆ کە پەرە بە رێکوستەی و چالاکی یەکانگیری چنی رۆحو سەردەمی بڎەیمۍ و جە ئاکامو ئینەیچەنە ئازادیی جەسەیی رابەر ئاپۆی مسۆگەر مکەرمۍ.
فاشیزم جە گرڎ بوارەکانە کۆیلایەتی سەرو گەلوو کوردیرە مسەپنۆ. ۋەرو ئینەینە گۆشەگیری جە کەسایەتی رابەرایەتینە قووڵتەر مکریۆوە. مەڵامەتوو هرووژمەکایچ پەی سەرو کولتورو کوردیچ هەر ئینەنە. فاشیزم تەنانەت ۋەرا ۋەر بە گولانەتەرین بەشو بەهاکا کوردی نمەتاوۆ دڎان گێرۆ ۋێشەرە. کەواتە هونەرمەڼا و سەرمەشقا گلێرگەکەیما مشۆم پەشتیوانی جە هەڵمەتەکۍ بکەرا کە جە لایەنو دۆساو گەلەکەیماوە دەسشپنەکریان. چا چوارچێوەنە جەمۍ چالاکیۍ جە هەر چوار بەشو کوردەسانی و سەرانسەرو ئەوروپاینە ملاڕاوە. تەنیا بەشداری کەردەی چا چالاکیانە وەسۍ نییا. پەنەوازی وڵاتپارێزنی چی قۆناغێنە ئانەنە کە جە بەرزتەرین ئاستەنە شانە بڎریۆ ۋەرو بارو ۋەرپرسیاری. رێکوستەی و چالاکی، دیوارەکاو فاشیزمی وڕنۆنە و گۆشەگیری ماڕۆ. ئێمە پېسە جمېیەرو کولتور و هونەری جە ئەوروپانە داوا جە گرڎو وڵاتپارێزنا و هونەرمەڼاو کوردی مکەرمۍ کە بە رۆحو سەفەربەریۆ چی قۆناغێنە بەشدارۍ با. هونەرو ئی قۆناغۍ مشۆم جاڎە بە جاڎە بە دروشمەو 'هونەری ئازاڎ پەی ئازادی' وەش بکریۆ. هەرپۊکەی داوا جە گرڎ کەسۍ مکەرمۍ کە جە یووەم تا ١٦و تشرینو دووەمی بە رۆحی سەفەربەریۆ هەرمانە بکەرا و جە ڕاپیمای گۆرەو کۆڵنینە جە ١٦و تشرینو دووەمینە بەشدارۍ با". |
هرووژمەکا ئیسرائیلینە پەی سەرو غەززەی ٨٤ کەسۍ کوشیۍ
ئەرەیاۋییا کە هرووژمەکا ئیسرائیلینە پەی سەرو غەززەی ٨٤ کەسۍ تەرۍ کوشیۍ.
ئەرەیاۋییا کە هرووژمەکا ئیسرائیلینە پەی سەرو غەززەی ٨٤ کەسۍ تەرۍ کوشیۍ.
جە ئەرەیاۋناو نوسینگەو ئەرەیاۋنای حکومەتو غەززەینە ئاماژە پانەی کریان کە سوپاو ئیسرائیلی جە سەرنیشتوو غەززەینە بۆمبۋارانو بڕۍ یاگۍ ئەرەنیشتەیش کەردەن کە زیاتەر جە ١٧٠ مەدەنیاش چنە بیێنۍ و ئانەیچ وزیان ڕووە: "جە دووۍ هرووژمۍ وەحشیانۍ و کۆمکوژیۍ سوپاو ئیسرائیلینە پەی سەرو یاگۍ ئەرەنیشتەی مەدەنی، ٨٤ کەسۍ کوشیێنۍ و چا ژمارەیە ٥٠کەسێشا زاوڵۍ بیێنۍ، بەدەیان کەسێچ کۆتێنۍ چێرو داروپەرڎەو بیناکاوە و بێسەروشۆنێنۍ."
هەر جە ئەرەیاۋناکەینە دەسنیشان کریان کە سوپاو ئیسرائیلی جە هرووژمەکا سەرو غەززەینە بە بۆمبۋارانکەردەی یاگۍ ئەرەنیشتەبیەی مەدەنییەکا 'کومکوژی' ئەنجام مڎۆ.
ئاماژەیچ پانەی دریان بە مەڵامەتو هرووژمەکا سوپاو ئیسرائیلیوە پەی سەرو سەرنیشتوو کەرتو غەززەی بەتەمامی خزمەتگوزارییەکۍ کەرتو تەندروسی و خەسەخانەکا جە کار کۆتێنۍ و بێکاریگەرۍ بیێنۍ. |
هەردووە پەڕلەمانتارۍ پارتو چەپو سویدی ، نادییە عەوادە و هاکان سڤینیلیگ جەختشا سەرو پەنەوازی دەسەبەرکەردەی مافەکاو گەلوو کوردی کەردۆ و دواشا کەرڎە کە گۆشەگیری سەرو ڕابەر ئاپۆی لا بریۆ.
'پێوەرە سەرۍ گنمۍ'
نادییە عەوادە ئاماژەش پانەی کەرڎ کە پېسە پارتەکەیشا ئینۍ چنی هۆرگێرتەو گۆشەگیری ٢٦ ساڵۆو سەرو ڕابەر ئاپۆی و پی جۆرە داواش کەردە: "حەزکەرێنمۍ حکومەتو سویدی گرڎو کۆششەکاش پەی دمایئاردەی بە گۆشەگیری وزۆ گەڕ. کەچی سوید چنی تورکیای فاشیستو ئەندامو ناتوی ئینا هامکارینە و داواو دمایئاردەی بە گۆشەگیری نمەکەرۆ". نادییە باسش چانەیچ کەرڎ کە بە گرڎ جۆرۍ هرووژمە ئەرەگیریەکا دۆڵەتو تورکی فاشیستی پەی سەرو ۋەرنیشتی شەرمەزار مکەرا و یاگۍ قبوڵکەردەی نیا، واتیچش ئینایمۍ چنی مافە ڕەواکاو گەلوو کوردی و پێوەرە سەرۍ گنمۍ.
' دژو گۆشەگیری ئەرەکۆشمۍ'
هاکان سڤینیلیگی پەڕلەمانتارو پارتو چەپی و ۋەرپەرسو پەیوەندییەکا جبەرو پارتەکەی ئاماژەش بە گرنگی هەڵمەتەو جەهانی ئازادی پەی ڕابەر ئاپۆی کەرڎ و جەختش کەردۆ چانەی کە لابەردەی گۆشەگیری سەرو ڕابەر ئاپۆی پەنەوازیێوە بنەڕەتییا پەی ئاشتی ۋەرکۆتوو مېیامینی و واتش: "ئەرەکۆشایما پەی دەسەبەرکەردەی مافو زیڼانیا سیاسی بەردەواما و پەی ئانەیچ فشار جە تورکیای مکەرمۍ. پی جۆرە متاویۆ زینانیا سیاسیۍ ئازاڎۍ بکریا و گۆشەگیری سەرو ئۆجالانی لا بریۆ."
لقو جوانا پارتو چەپی پەشتگیری ۋێشا پەی گلێرۆبیەی ٢ۍ تشرینو دووەمی بەربڕی
هەر سەبارەت بە پاڵپەشتیەکا پارتو چەپو سویدی پەی مافەکاو گەلوو کوردی و ئازادی ڕابەر ئاپۆی؛ لقو جوانا پارتەکەی پەشتگیری ۋێشا پەی گلێرۆبیەی ٢ۍ تشرینو دووەمی بەربڕی، کە ستۆکۆڵمەنە پەی ئازادی ڕابەر ئاپۆی ئەنجام مڎریۆ. |
ڕابەر ئاپۆ ماوەو ٤٣ مانگا چێرو سیستەمو گۆشەگیری و ئەشکەنجەو ئیمراڵینە بە بەهانۍ یاساو دیسپلینیوە جە گرڎ مافێوەش بێبەشکریان. دماو ٤٣ مانگا چەمپنەکۆتەیش چنی عومەر ئۆجالانی ئەندامو بنەیانەکەیش کەرڎ و پەیامێوەش پەی ڕای گرڎی تورکیای کیاست و چنەشەنە ئاماژەش پانەی کەردەن؛ گەر هەلومەرجۍ عال بڕەخسیۆ تواناو ئانەیش هەن زەمینەو جەنگی ۋییەرنۆ پەی سەرو زەمینەی یاسای و سیاسی جە تورکیانە.
سەرو ئی مژاریە مافناس و پارێزنەری یاسایی ئەرجان کانار قسێش پەی ئاژانسو هەواڵوو فوراتی (ANF)ی کەردۍ و دەسنیشانش کەرڎ کە نمەبۆ مژارو گۆشەگیری و 'مافو هیوا'ی بۆ بە مژارو سات و سەودای و ئاماژەش پانەیدا کە هەر جە بنەڕەتەنە گۆشەگیری دژ بە بنەماو پیمەرەکا ماندێلایا، چونکی مافو هیوای مافێوە بنەڕەتی ئینسانیا.
کانار ئاماژەش پانەی دا کە مافو هیواو ئازادی تا ئیساتۍ دلۍ ڕای گرڎینە فرە باسنەکریان و دەسنیشانش کەرڎ کە جە ڕوو گۆشەگیری و مافو ژیۋایۆ مافو ئازادی پېسە مافێوە بنەڕەتی مرۆڤایەتی بە تایبەت جە ماوەو ٧٥ ساڵا دماینە قبوڵکریان.
'جگە جە تورکیای سزاو زینانی هەتاهەتایی جە هیچ وڵاتێوە تەرو ئۆروپاینە جابەجێ نمەکریۆ'
کەنار ئاماژەش پەی ئانەی کەرڎ کە مافو هیوای جە ژمارێوە فرە جە وڵاتانە جابەجێ کریان و واتش: "جە وڵاتا پېسە نەرویج، ئیسپانیا، پۆرتوگال، بۆسناو هێرسکینە چڼین ساڵێن سزاو زینانی هەتاهەتایشا مردنان. پۆرتوگال جە سەدەو ١٨ ینە سزای هەتاهەتاییش مردنا. ئیساتۍ جگە جە تورکیای جە هیچ وڵاتێوە ئۆروپینە سزای هەتاهەتایی جابەجێ نمەکریۆ."
کانار، باسش چانەیچ کەرڎ، باخچەلی جە پەرلەمانەنە دڎانش نیان گۆشەگیری ئیمرالیرە، ڕەجەب تەیب ئەردۆغانیچ جە قسەکاشەنە پەشڕاسش کەردۆ و واتش، دووۍ حەفتۍ چێوەڵی کۆمیسیۆنو پەرلەمانتاراو ئەنجومەنو ئۆروپای پێوەس بە گۆشەگیری پەرسانش کە ئایا گۆشەگیری هەن یان نا، واتەنشا گۆشەگیری نیا، پا جۆرەیچە ۋێشا وستۆ دروۍ.
کانار، باسو جە یۆ شیەی کەرڎ جە مابەینو ڕابەر ئاپۆی و ماندێلاینە جە پرسو گۆشەگیرینە واتش، "دماو هەر ناکۆکیێوە جە مابەینو هێزە دژبەرەکانە سەرەنجام ئاشتی پێکئامان. ئیساتۍ ئەگەر گەرەکشانە هەنگامێوە بە ئاراسەو ئاشتیرە بنریۆ مشۆم جە ڕاو چاکسازی جە یاسایۆ ئەنجام بڎریۆ، ئۆجەلانیچ مشۆم هامشێوەو ماندێلای وەڵۍ گرڎ چێوێنە گۆشەگیریش سەرۆ لا پشۆ، یاگۍ عالەش پەی وەشەبکریۆ، دماتەر بەتەمامی ئازاڎ بکریۆ." |
ژمارە ٥١٤و گۆڤارو سەرخۆبوونی وەڵاکریاوە
جە ژمارە ٥١٤و گۆڤارو سەرخۆبوونینە، بە شێوێوە هەمەلایەن هۆرسەنگنای پەی جەنگی جەهانی یەرەمی کریان، کە ۋەرکۆتوو مېیامینینە ئینا ئارانە.
جە ژمارە ٥١٤و گۆڤارو سەرخۆبوونینە، بە شێوێوە هەمەلایەن هۆرسەنگنای پەی جەنگی جەهانی یەرەمی کریان، کە ۋەرکۆتوو مېیامینینە ئینا ئارانە.
ژمارەی تازەو گۆڤارو سەرخۆبوونی کە بە شێوۍ مانگانە چاپکریۆ، وەڵا کریاوە. چی ژمارەنە بە وردی باس جە جەنگی جەهانی یەرەمی کریان؛ چا چوارچێوەنە پیلانگێڵنی مېیاننەتەوەیی جارێوەتەر هۆرسەنگیانۆ. هەرپاسە سەبارەت بە مېڎانەکا ئەرەکۆشای جە دژو مرۆڤایەتی و سەرمایەداریچ هۆرسەنگنای کریان.
جە ژمارە ٥١٤و گۆڤارو سەرخۆبوونینە، جە بەشی یووەمەنە جە زنجیرە نویستەیێنە بە نامونیشانو "جەنگەوانو ئازادی گەلێوە دلۍ لەپو پیلانگێڵنینە" کە جە پارێزنامەکاو رابەر ئاپۆیۆ هۆرگیریان، باس جە لایەنو دلێینەو پیلانگێڵنی مکریۆ.
هامسەرۆکو دەسەو ڕاوەبەری کەجەکەی جەمیل بایک سەبارەت بە پیلانگێڵنیی مېیاننەتەوەیی کە پایۍ منیۆ ٢٨ەمین ساڵەشۆ و هەرپاسە ئاستو ئەرەکۆشای جە دژو ئا پیلانگێڵنیە، وتارێوەش نویستێنە. بایک باس چانەی مکەرۆ، کە هەڵمەتەو جەهانیی ئازادی کە جە ١٠و ئۆکتۆبەرو ٢٠٢٣ دەسشپنەکریان، هەنگامێوە ستراتیجیکەنە.
ئەندامو کۆمیتەو ڕاوەبەری پەکەکەی دوران کاڵکانیچ جە بەشی دووەمەنە وتارێوەش بە نامونیشانو "جەنگی جەهانی یەرەم، پیلانگێڵنیی مېیاننەتەوەیی و گرنگی ئەرەکۆشای ئازادیی کورد"ی نویستێنە، چنەشەنە ئانە وزیان ڕووە کە ئاڵترناتیڤی حەقەتینەو رزگاربیەی جە قەیرانۍ و گێجاوەکا جەنگی جەهانی یەرەمی، ڕاو کۆنفیدڕالیزمی دیموکراتیکین.
مڎرامانی گیانبازیی رابەر ئاپۆی
ئەندامو کۆمیتەو ڕاوەبەری پەکەکەی دوران کاڵکان هەرپاسە پەی ئی ژمارەیە وتارێوەتەرەش بە نامونیشانو "ئازادیی کوردی جە ٩و ئۆکتۆبەرو ١٩٩٨ی جە ڕاو گیانبازی رابەر ئاپۆینە بەردەوام" نویستێنە.
ئەرەکۆشای ژەنۍ ئازاڎۍ
چی بڕگەنە نویسەتەیۍ عەلی حەیدەر قەیتانی بە نامونیشانو "ئانەی جۆش و خرۆش بە مرۆڤایەتی بەخشۆنە، ئەرەکۆشا ئازادیی ژەنا کوردین" وەڵا کریانۆ. قەیتان ڕاپیمای جمېیەرو ئازادی، پېسە ڕاپیمایۍ بەرەو ژەنۍ ئازادۍ هۆرسەنگنان.
هێزو سەرمەشقی ئایدۆلۆژیاو ژەنی ژیۋای ئازادی
ئەندامەو کۆمیتەو ناوەندی پەکەکەیچ دڵزار دیلۆکەیچ وتارێوەش بە نامونیشانو "گەشمەرڎا ئۆکتۆبەری، ئەوەڵ خوڵقنەرا شۆڕشو ژەنی ژیۋای ئازادی " نویستەن. جە نویستەکەیشەنە ئا ژەنۍ کە سەرەتاوە بەشدارییشا جە ئەرەکۆشای ئازادیی کوردەسانینە کەردەن، پېسە ئا ژەنا کە بنەماو جمېیەری ئازادیشا سازکەردەن، هۆرمسەنگیا و ئەرەیاۋیۆ کە ئا ژەنۍ هێزی سەرمەشقو ئایدۆلۆجیاو شۆڕشو " ژەنی ژیۋای ئازادی "ینۍ.
کولتور و هونەر جە مۆدێرنیتەی دیموکراتیکەنە
ئۆرهان کەنداڵیچ جە نویستەیێنە بە نامونیشانو "وەڵۍ وستەی کولتور و هونەرو مۆدێرنیتەی دیموکراتیک"ی وەڵا کەردەنۆ. کەنداڵ ئاماژەش پانەی کەردەن کە هونەر و کولتور بە چ مەبەس و مەرامێوە بەکارمێنە و وەش مکریۆ.
کوردەسانیا ئەرەنیشتۍ وڵاتا ئۆروپای
ئەندامو کۆمیتەو ناوەندی پەکەکەی نەدیم سەڤەن جە نویستەکەیشەنە بە نامونیشانو "وڵاتپارێزنی؛ دلۍ جەرگەو مۆدێرنیتەی سەرمایەدارینە" باسش چانەی کەرڎەن، کە ئا کوردەسانیۍ بەرەو ئۆروپا کۆچشا کەردەن، جە گرڎ ڕوێوە پەشتیوانی جە ئەرەکۆشای شۆڕشگێڵنی کوردەسانی مکەرا و هۆشمەندیێوە بە بنەما مگێرا کە خاوەنداری جە وڵاتپارێزنی مکەرۆ.
پیشەسازی و ئیکۆلۆژی
خەلیل پۆیراز جە نویستەیێنە بە نامونیشانو "ئا گرفتۍ ئیکۆلۆژی کە جە پیشەسازییوە سەرچەمە مگێرا و کاریگەرییەکاشا سەرو گلێرگەی" باسش چانەی کەرڎەن کە بەپیشەسازیبیەی دژمنو ئیکۆلۆژییا و جە سەرەتانە بەدەسوەردایەکا جە دژو مرۆڤی دەسشپنەکەردەن.
هەر جە ژمارە ٥١٤و سەرخۆبوونینە ئەرەیاۋناو فەرماندەیی قەرارگەو ناوەندی پارێزنای گەلی سەبارەت بە چالاکی گیانبازی جە دژو توساشی وەڵا کریانۆ. |
قەڎەغەو دیڎاری چنی بنەیانەی پەی رابەر ئاپۆی بڕیاوە
'سزاو دیسپلین'ی تازەی پەی رابەر ئاپۆی بڕیاوە و پا مەڵامەتۆ دیڎار چنی بنەیانەیش ۋنە قەڎەغە کریا.
'سزاو دیسپلین'ی تازەی پەی رابەر ئاپۆی بڕیاوە و پا مەڵامەتۆ دیڎار چنی بنەیانەیش ۋنە قەڎەغە کریا.
بە پاو هەواڵێوە ئاژانسوو مێزۆپۆتامیای، زانیان کە 'سزاو دیسپلین'ی تازەی پەی رابەر ئاپۆی بڕیانۆ. پارێزنەراو نوسینگەو یاسیای سەدەی پەی ئەنجامدای دیڎارو بنەیانەی سەردای دادگاو جا بەجێکەرو سزاکا بورسایشا کەردەن. دادوەر ئەرەیاۋنانش، کە جە ١٦و ئۆکتۆبەرو ٢٠٢٤ینە 'سزێوە دیسپلینی تازۍ' پەی ماوەو یەرۍ مانگا پەی رابەر ئاپۆی بڕیانۆ.
سەبارەت بە بەهانۍ 'سزا' ئاماژە پنەکریێکۍ، هیچ زانیاریێوە ئاشکرا نەکریان. پارێزنەرا قەرارا تەعنە جە سەپنای ئا سزۍ بڎا.
جە ٢٣ۍ ئۆکتۆبەری پەرلەمانتارو دەم پارتی عومەر ئۆجالان دماو ٤٣ مانگا چەمش بە رابەر ئاپۆی کۆت. دماو دیڎارەکەی ٢ کەڕەتۍ بە مەبەسو دیڎاری تازەو بنەیانەی و پارێزنەرا چنی رابەر ئاپۆی داواکاری پێشکەش کریابۍ، بەڵام هیچ جوابێوەشا نەدریابێوە. |
ئۆروپانە ڕۆو جەهانیی کۆبانێ پیرۆزکریا
کوردەسانیا و دۆسەکێشا جە شارەکاو ئەسینا، فرایبۆرگ و ووپیەرتاڵینە ڕۆو جەهانیی کۆبانێشا پیرۆز کەرڎ.
کوردەسانیا و دۆسەکێشا جە شارەکاو ئەسینا، فرایبۆرگ و ووپیەرتاڵینە ڕۆو جەهانیی کۆبانێشا پیرۆز کەرڎ.
کوردەسانیا و دۆسەکێشا بۆنەو ١و تشرینی دووەمی ڕۆو جەهانی کۆبانێوە جە گەڕەکەو پرۆسفیگیکاو ئەسیناو پایتەختو وڵاتو یونانی چالاکیشا کەرڎ. جە چالاکیەکەنە درووشمەکۍ 'بژیۋۆ مڎرامانو ۋەرنیشتی، 'بژیۋۆ مڎرامانو یەپەگەی و پەپەژە'ی و 'بژیۋۆ سەرۆک ئاپۆ'یشا بەرزۍ کەردێوە.
دماو دەیەقێوە بێدەنگی پەی ڕێزگێرتەی جە گەشمەرڎا ڕاو ڕزگاری کوردەسانی، بەنامۍ ناوەندو چاندی دیموکراتیکیوە قسۍ کریۍ و ئاماژە پانەی کریا، "داعش و دۆڵەتو تورکی ئەرەگیری جە کەسایەتی کۆبانێنە شۆڕشو ۋەرنیشتیشا کەرڎ ئامانج، بەڵام جوانۍ و گەلاو کوردەسانی خاوەنداریشا جە مڎرامانو کۆبانێ کەرد." دماتەر بەشدارا مەراسیمەکەی ڕۆو کۆبانێ و شۆڕشو ۋەرنیشتیشا پیرۆز کەرڎ.
ووپیەرتاڵ
بە هەمان شکڵ کوردەسانیا و دۆسەکێشا بە سەرمەشقایەتی ژەناو ئەنداما تەژەکە- ئەڵمانیای ڕۆو جەهانی کۆبانێشا جە شارو ووپیەرتاڵو ئەڵمانیاینە بە چالاکیێوە پیرۆز کەرڎ.
جە چالاکیەکەنە قسۍکریا و دماو پیرۆزکەردەی مڎرامانو کۆبانێ و ئاماژەدای بە دەوری فیدایانەو جەنگەوانا یەپەژەی و یەپەگەی جە مڎرامانو کۆبانێنە، وچیا بە ماڕای داعشی ڕۆو جەهانیی کۆبانێ ئەرەیاۋییا.
جە چالاکیەکەنە درووشمەکۍ 'بژیۋۆ مڎرامانوو ۋەرنیشتی'، 'بژیۋۆ سەرۆک ئاپۆ' یشا بەرزۍ کەردۍ.
فرایبۆرگ
شارو فرایبۆرگو ئەڵمانیاینە ئەنجومەنو ژەنا نودای بۆنەو ١و تشرینی دووەمی ڕۆو جەهانی کۆبانێوە سیمینارێوەشا سازکەرڎ.
جە سیمینارەکەنە دەسنیشانکریا کە مڎرامانوو کۆبانێ سیمبولو ڕۆشنایی جەهانییا جە دژو تاریکی. هەرپاسە ئاماژە پانەی دریا کە پارادایمو مۆدێرنێتەی دیموکراتیکی چارەسەرو پرسەکا ۋەرکۆتوو مېیامینیا.
هەر جە سیمینارەکەنە پەی بەشداربیەی جە ڕاپیمای و گلێرۆبیەی گۆرەو کۆڵنی کە ١٦و تشرینو دووەمی ملۆڕاوە بانگەواز ئەرەیاۋییا. |
سەمسورەنە جەندرمە هۆرشکوا سەرو یانەو رۆنامەوانا
جەندرمەکۍ سەمسورەنە هۆرشا کوا سەرو پەیامکیانەو ژەنی نیوزی دەریا رەنۍ و پەیامکیانو ئاژانسوو پیرهای کامبەر یڵدزی.
جەندرمەکۍ سەمسورەنە هۆرشا کوا سەرو پەیامکیانەو ژەنی نیوزی دەریا رەنۍ و پەیامکیانو ئاژانسوو پیرهای کامبەر یڵدزی.
پەیامکیانەو ژەنی نیوزی دەریا رەنۍ و پەیامکیانو ئاژانسوو پیرهای کامبەر یڵدز کە پەی ئاماڎەکەردەی هەواڵ و کاری رۆنامەنوویسی جە مەلەتیوە لوۍ بێنۍ پەی سەمسوری، دماو ۋییەردەیشا بە نوقتێوە وشکنایرە و کۆنتڕۆڵکەردەی ئشناسنامەکاشا، دووۍ کەڕەتۍ جەندرمە هۆرش کوا سەرو ئا یانەی کە چنەش مەنێنێوە.
جەندرمەکۍ داواشا کەرڎە سەرجەنۆ تەماشەو ئشناسنامەکاشا بکەراوە و بەردەوامیچ پرسیارەو ئانەیشا چا دووە رۆنامەوانەیە کەردەبۍ کە چی گێڵایشانە پەی سەمسوری سەرشا ۋنەو کۆگەی دان.
هەرپاسە جندرمەکۍ جەبارەو دووۍ کەڕەتا هۆرکوای سەرو یاگۍ مەنەیۆیشا واتەنشا "با بەینو ۋێمانە مەنۆوە". |
پەی ماوەو ١٥ روا قەڎەغەو ئاماو لوای جە چن ناوچێوە ئەلباکینە ئەرەیاۋییا
ناوچەو ئەلباکی وانینە ئاماو لوای پەی ماوەو ١٥ ڕوا قەڎەغەکریا.
ناوچەو ئەلباکی وانینە ئاماو لوای پەی ماوەو ١٥ ڕوا قەڎەغەکریا.
چڼ ناوچێوە ئەلباکی سەر بە شارو وانی پېسە "هەرێمی ئەمنیی تایبەتی کاتی" ئەرەیاۋیۍ و پەی جاری دووەمی و پەی ماوەو ١٥ ڕوا ئاماو لوای چا ناوچانە قەڎەغەکریا.
ئا هەرێمۍ کە جە ما بەینو ٢-١٦و تشرینو دووەمو ٢٠٢٤ ئاماو لوایشا چنە قەڎەغەکریان ئینێنۍ: کارسز تەپە، کانلی گەچیت، بەیازپور تەپە، سیڤری تەپە، ئاڤجلار تەپە، سیڤیریتاش تەپە، ئارت تەپە، ئوچدەرە و بەدی.
ئا هەرێمۍ وەڵتەریچ جە ما بەینو ١٨و ئۆکتۆبەری پەی ١و تشرینی دووەمی ئاماو لوایشا چنە قەڎەغەکریا بۍ. |
یەجەوەکە گەڤەرەنە دژ بە ترۆمبێلێوە زرێپۆشی چالاکیش کەرڎ
یەکینەکاو یەجەوەکەی گەڤەرەنە ئەرەیاۋناشا، کە دژو ترۆمبێلێوە زرێپۆشو پۆلیسو تورکی چالاکیشا کەردەن.
یەکینەکاو یەجەوەکەی گەڤەرەنە ئەرەیاۋناشا، کە دژو ترۆمبێلێوە زرێپۆشو پۆلیسو تورکی چالاکیشا کەردەن.
یەکینەکاو یۆبیەی جوانا وڵاتپارێزنو کوردەسانی (یەجەوەکە) ئەرەیاۋناشا، کە جە چوارچێوەو هەڵمەتەو "بەئەرەکۆشای یۆگێردۍ، چنی رابەر ئاپۆی ئازادۍ بیدۍ" گەڤەرەنە چالاکیشا کەرڎەن. یەجەوەکە ئەرەیاۋناش کە جە گەڕەکەو کشڵەی ناوچەو گەڤەرو جۆلەمێرگی جە دژو ترۆمبێلێوە زرێپۆشو پۆلیسی چالاکیشا کەردەن.
یەجەوەکە باسش چانەی کەرڎەن، کە چالاکیەکەشا جە ٣١و ئۆکتۆبەری و بە مەبەسو یاڎکەردەیۆ فەرماندەو ئەیالەتو وانی گەڤەر زەفەری ئەنجامدریان، کە جە ٢٨و ئۆکتۆبەرو ٢٠١٨ینە جە کاتۆنە گەشمەرڎە بیەبۍ. |
مەراسیمو ١ و تشرینو دووەمی جە کۆبانێ: ئازادی جەسەیی ڕابەر ئاپۆی مسۆگەر مکەرمۍ
جە کۆبانێنە بۆنەو ١ و تشرینو دووەمی، ڕۆو جەهانیی کۆبانێوە مەراسیمێوە ئەنجامدریا، پەیامو " ئازادی جەسەیی ڕابەر ئاپۆی مسۆگەر مکەرمۍ" تەئکیدکریاوە.
جە کۆبانێنە بۆنەو ١ و تشرینو دووەمی، ڕۆو جەهانیی کۆبانێوە مەراسیمێوە ئەنجامدریا، پەیامو " ئازادی جەسەیی ڕابەر ئاپۆی مسۆگەر مکەرمۍ" تەئکیدکریاوە.
جە مېڎانوو گەشمەرڎە عەگیدینە جە کۆبانێ بۆنەو ١ و تشرینو دووەمی، ڕۆو جەهانیی کۆبانێوە مەراسیمێوە ئەنجامدریا، نوێنەراو ئیدارەو ۋێڕاوەبەری بەشدارۍ مەراسیمەکەی بێنۍ، جە مېڎانەکەنە وێنەو ڕابەر ئاپۆی و گەشمەرڎا هۆرواسیا.
هامسەرۆکو مەجلیسو ڕاوەبەری کانتۆنو فوراتی، فەرحان حاج عیسا قسێش کەردۍ و مڎرامانو ئەفسانەیی کۆبانێش پیرۆز کەرڎ.
یاگەگیرو هامسەرۆکایەتی مەجلیسو ڕاوەبەری سەرنیشت و ۋەرکۆتوو سوریای حەمدان ئەلعەبد واتش: "جە سەیەو فیکرو ڕابەر عەبدوڵا ئۆجالانی و بانگەوازەکەیشەنە، کۆبانێ ڕزگارکریا". سەرنجش وست سەرو هرووژمەکا دۆڵەتو تورکی و بێدەنگی هێزە مېیاننەتەوەییەکاش شەرمەزار کەرڎ.
بەنامۍ کۆنگرە ستاریۆ لالەشین عەبدوڵا ئەرەیاۋناش پی مڎرامانیە گرڎو دنیۍ چەمشا وست سەرو کۆبانێ، گرڎ کەسۍ پەی ژیۋایۍ ئازادی ئەرەکۆشۍ و ڕووەشا کەرڎە کۆبانێ، پاسەیچ کۆبانێ ڕزگارکریا.
جە فەرماندەکا یەکینەکاو پارێزنای ژەنۍ (یەپەژە)ی ژیان بەنگیە ئەرەیاۋناش کۆبانێ تەمامو دنیێنە بیەن بە نموونەو مڎرامانی، واتش: "سەرو داواو ڕابەر عەبدوڵا ئۆجالانی فرەو جەنگەوانا جوانۍ ئەنتەرناسیۆنالیستی ڕووەشا کەرڎە کۆبانێ، بەشدارۍ بیۍ چی مڎرامانە شکۆدارەینە و گەشمەرڎۍ بیۍ، ئێمە حەقەو ۋنەو گەشمەرڎاما مکەرمێوە".
ژیانە داواو گۆرەکەردەی مڎرامانیش کەرڎە پەی ئازادی جەسەیی ڕابەر ئاپۆی.
مەڕاسیمەکە بە گۆرانیۍ و هۆرپڕای دمایش پنە ئاما. |
سیناتۆرو پارتو سەوزو ئوسترالیای، دەیڤید شوبریج، بۆنەو ١ و تشرینو دووەمی، ڕۆو جەهانی کۆبانێوە پەیامێوە نویسیاش وەڵاکەردۆ. پەرلەمانتارەو پارتو سەوزی ئەبیگایل بۆیدە جە پەرلەمانو ویلایەتو وێڵزو پانیشتی تازەی وتارێوەش پێشکەش کەردە.
بە ئەرەکۆشای جەهانی پەشتیوانی گەلوو کوردی بکەردۍ
سیناتۆرو پارتو سەوزو ئوسترالیای، دەیڤید شوبریج جە پەیامەکەشەنە ئەرەیاۋناش سەرکۆتەی گەلوو کوردی ۋەرا ۋەر بە دڕندەیی داعشی جە کۆبانێنە، مایۍ ئیلهام و دڵوەشی گرڎو چێردەسا جەهانی بۍ، واتش: "ئێساڵ گەلوو کوردی ۋەرا ۋەر بە هرووژمەکا دۆڵەتو تورکی پەی سەرو خەڵکی مەدەنی و چێرخان و مېڎانەکا ژیۋای جە ۋەرنیشتەنە ئەرەکۆشا. بۆنەو ڕۆو کۆبانێوە، پەشتیوانی مکەرمۍ جە ئەرەکۆشای گەلوو کوردی پەی دیاریکەردەی چارەنوویس و ۋێش و ئەرەکۆشای ئازادی و دادپەروەری و ئاشتیی جەهانی".
پەنەوازا ئەرەکۆشای پەشتیوانی جە گەلوو کوردی گۆرەتەر بکریۆ
پەرلەمانتارەو پارتو سەوزی ئەبیگایل بۆیدە جە پەرلەمانو ویلایەتو وێڵزو پانیشتی تازەی وتارێوەش پێشکەش کەرڎە. واتش: "یوەمین ڕۆو جەهانیی کۆبانێ جە ١ و تشرینو دووەمو ٢٠١٤ پیرۆز کریا، ملیۆنان کەسۍ جە سەراپاو جەهانیوە مجیێرە مېڎانەکا و سەرکۆتەی کۆبانێشا پیرۆز کەرد کە دەرەنجامو مڎرامانێوە قارەمانانەی بۍ، پینەیچ پەشتیوانیێوە جەهانیشا پەی گەلوو کوردی نیشانەدا. شۆڕشو ۋەرنیشتی، جمېیەرێوە پەشتیوانی و مڎرامان و ئەرەکۆشای هامبەشو جەهانیش وەڵاکەردۆ کە ئارۆ گەلا چێردەسەو جەهانی جە ڕاشۆ پەی ئاشتی و دادپەروەری و ئازادی ئەرەکۆشا. ئەرەکۆشای کوردا پەی ئازادی و ۋێڕاوەبەری و کوردەسانێوە سەربەخۆی بەردواما. ئارۆیچ دۆڵەتو تورکی بەردەوامە جە پاشێلکەردەی مافەکا مرۆڤی. پەی مردنای ئی هرووژما مشۆم ئەرەکۆشای چنی گەلوو کوردی و شۆڕشو ۋەرنیشتی گۆرەتەر بکریۆ". |
تەرمو گەریلا نورشین بەدریۍ دماو ٣ مانگا هۆرگیریاوە
تەرمو گەریلۍ هەپەگەی نورشین بەدریە (ڕێگەش قەلقەلی)ە کە جە جەنگو ٣١ و تەمموزینە جە ناوچەو ئەلکێی شەرناخینە گەشمەرڎە بیەبۍ، دماو ٣ مانگا ڕادەسو بنەیانەکەیش کریاوە.
تەرمو گەریلۍ هەپەگەی نورشین بەدریە (ڕێگەش قەلقەلی)ە کە جە جەنگو ٣١ و تەمموزینە جە ناوچەو ئەلکێی شەرناخینە گەشمەرڎە بیەبۍ، دماو ٣ مانگا ڕادەسو بنەیانەکەیش کریاوە.
تەرمو گەریلۍ هەپەگەی، بەدرە کە جەنگەنە گەشمەرڎەبی، جە قەبرسانو بێکەسا شەرناخینە ئەسپەردە بە خاکی کریا، دماوبەرکۆتەی ئەنجامو وشکنای (DNA) ڕادەسو بنەیانەکەیش کریاوە.
بنەیانەکەش کە جە وانۆ ئامێبێنۍ پەی شەرناخی تەرمو کناچەکێشا هۆرگێرتۆ بە مەبەسو ئەسپەردەکەردەیش بەرەو وان گێڵناشاوە. |
سەرۆک شالیارو عێراقی ئیستەنبوڵنە چنی ئەردۆگانی کۆبیۆ
سەرۆک شالیارو عێراقی محەمەد شیاع سودانی ئیستەنبوڵنە چنی سەرۆککۆمارو تورکی ڕەجەب تەیب ئەردۆگانی کۆبیۆ.
سەرۆک شالیارو عێراقی محەمەد شیاع سودانی ئیستەنبوڵنە چنی سەرۆککۆمارو تورکی ڕەجەب تەیب ئەردۆگانی کۆبیۆ.
بەپاو زانیارییەکا، سەرۆک شالیارو عێراقی محەمەد شیاع سودانی سەردای تورکیایش کەردەن و جە ئیستەنبوڵنە چنی سەرۆککۆمارو تورکی ڕەجەب تەیب ئەردۆگانی کۆبیەنۆ.
شالیارو جبەری هاکان فیدانیچ گلێرۆبیەکەینە بەشدار بیەن.
سەرۆککۆمارو تورکی جە پەلیانەو ئێکسینە واتش: " سەرۆککۆمار ڕەجەب تەیب ئەردۆگان جە کۆشکۆو وەحدەدینینە چنی سەرۆک شالیارو عێراقی محەمەد شیاع سودانی کۆبیەنۆ".
وردەکاری زیاتەر دەربارەو گلێرۆبیەکەی نەوزیان ڕووە. جە کاتێنە هرووژمە ئەرەگیریەکۍ دۆڵەتو تورکی جە پانیشتوو کوردەسانینە و ۋەرنیشتەنە زیاتەرۍ بیێنۍ و جەنگو ئیسرائیلی جە غەزە و لوبنانەنە بەردەواما، ئی گلێرۆبیەیە ئەنجامدریا. |
تەژەکە_ئە بۆنەو ١ و تشرینو دووەمی، ڕۆو جەهانیی کۆبانێوە ئەرەیاۋنێوەش وەڵاکەردۆ، واتش: "جە شۆڕشو ۋەرنیشتینە، بە ڕێزۆ یاڎو گرڎو گەشمەرڎاما مکەرمێوە و قەول مڎەیمۍ شۆڕشو ژەنا ۋەرنیشتی کە ئاڎۍ پېسە میراتی پەیشا جیا ئاستێنمۍ، زیاتەر پارێزنمێش و بیاونمێش بە ئاستێوە بەرزتەر".
جە ئەرەیاۋناکەینە ئامان : "شۆڕشو ۋەرنیشتی کە ١٩ و تەمموزو ٢٠١٢ بە ئەرەکۆشای گۆرەو گەلوو ۋەرنیشتی پێکئاما، فاڕیا پەی ئەرەکۆشایۍ بێ وێنەی کە سەرانسەرو جەهانینە نموونەش نییا و گرڎو مرۆڤایەتیش سەرانسەرو جەهانینە یۆوست، ۋەرا ۋەر بە تاریکی، ڕۆشنای، وە ۋەرا ۋەر بە خراپەی، زەریفیش خوڵقنا".
جەخت مکەرۆوە، دۆڵەتو تورکی کە ئەرەکۊشای گەلوو کوردیش قبووڵ نەکەردەن، داعش و چەتەکۍ سەر بە دۆڵەتو تورکی، پەی دلێنەبەردەی ئی ئەرەکۆشا تاریخیە کۆششا کەرڎ، ماچۆ: "ئەرەکۆشای ژەنا کوردی، تاواش داعشی و دۆڵەتو تورکی کە پەشتیوانی داعشی کەرۍ، شکس پنە بارۆ. گەلوو کوردی پا سەرهۆردایاشە کە گرڎو کوردەسانینە دەسش پنە کەردەن، جە کەسایەتی کۆبانێنە، ئەرەکۆشایش بە گرڎو جەهانی نیشانەدا".
ئاماژە پانەی مکەرۆ، ئیساتێچ دۆڵەتو تورکی جە کۆبانێنە یاگۍ مەدەنیۍ و سرووشتی بۆمبۋاران مکەرۆ، زاوڵۍ و ژەنی و پیرۍ کوشۆ، ماچۆ: "پېسە تەژەکە_ئەی قەول مڎەیمۍ دژو ئی هرووژما گرڎ ڕوۍ جە مېڎانەکانە بیمۍ و ئەرەکۊشای ئازادی گۆرەتەر بکەرمۍ.
تەئکیدش مکەرمێوە شۆڕشو ژەنا کە بە ڕەنج و قوربانیدایۍ گۆرۆ بەدەسئامان، بیاونمۍ بە ئاستێوە بەرزتەر و ١ و تشرینو دووەمی ڕۆو جەهانیی کۆبانێ پیرۆز مکەرمۍ". |
رۆو جەهانی کۆبانێ مبارەک کریا، هرووژمە ئەرەگیریەکۍ شەرمەزارۍ کریۍ
جە ئەرەیاۋناو پارت و ئەرەمەرزیاکانە ڕۆو جەهانی کۆبانێ پێرۆز کریا و جەخت چانەی کریاوە کە خاوەنداری جە دەسکۆت و مڎرامانی مکەرا. هرووژمە ئەرەگیریەکۍ دۆڵەتو تورکیچ شەرمەزاکریۍ.
جە ئەرەیاۋناو پارت و ئەرەمەرزیاکانە ڕۆو جەهانی کۆبانێ پێرۆز کریا و جەخت چانەی کریاوە کە خاوەنداری جە دەسکۆت و مڎرامانی مکەرا. هرووژمە ئەرەگیریەکۍ دۆڵەتو تورکیچ شەرمەزاکریۍ.
ڕێکوستەی، پارت، ئەرەمەرزیاکۍ بە ئەرەیاۋنێوە ڕۆو جەهانی کۆبانێشا پیرۆز کەرد.
فەرماندەیی گرڎی یەکینەکاو پارێزنای گەلی (یەپەگە) بۆنەو ١و تشرینو دووەمی ڕۆو جەهانی کۆبانێوە ئەرەیاۋنێوەش وەڵا کەرڎۆ و سەرەڕاو یاڎکەردەیۆ ئا ڕوەیە و جەختش سەرو پارێزنای بەهاکاو مڎرامانو کۆبانێ کەردۆ و ئامان: "مڎرامانوو کۆبانێ جە جەنگو دژ بە داعشینە ماناڎارتەر بۍ؛ هێمێوە قوڵو ئەرەکۊشای مرۆڤایەتی بێ جە ۋەرا ۋەرو تاریکینە. یاگۍ بێ هیوایینە، هیواش هۆرچنی و بەها بنەڕەتییەکۍ ئازادی، یەکسانی و ژیۋای هامبەشیش پارێزنا." ئاماژە پانەیچ کریان کە تا دما نەفەس جە دژو ئامانجو ئەرەگیرا کە جە بەین بەردەی ئیدارەو ۋێڕاوەبەری دیموکراتیکیا درێژە بە ئەرەکۆشایما مڎەیمۍ.
جە بەردەوامی ئەرەیاۋناکەینە ئاماژە بە مەترسی ئەوەمەننەکا داعشی مکەرۆ و ئامان: "هەرچڼە داعش مەڕیان، بەڵام جە ڕوو ئایدۆلۆژییوە هەڵای مەترسیێوە فرەش هەن. هێزە هەرێمییەکۍ پېسە دۆڵەتو تورکی ئەرەگیری، بەشێوێوە پەنهان پەشتگیری داعشی و گرووپە تنڕەوەکا مکەرا، بە ئامانجو جە بەینبەردەی شۆڕشی و مۆدێلو ۋێڕاوەبەری دیموکراتیکی."
هەر جە ئەرەیاۋناکەینە قەولو بەردەوامیدای بە ئەرەکۆشای دریان و ئامان: "ڕۆو جەهانی کۆبانێ جە گەلەکەیما، گرڎو گەلا ناوچەکەی و گەلا ئازادیوازی پیرۆز مکەرمۍ."
دەم پارتی: ڕۆشنایی مڎرامانوو کۆبانێ حەجگیز نمەکوشیۆوە
دەسەو ڕاوەبەری مېیانو دەم پارتی بە نامونیشانو "هەڵای مڎرامانو کۆبانێ سەرچەمەو هیواو ئەرەکۆشای گەلان" ئەرەیاۋنێوە نویسیاش وەڵاکەردۆ و چنەشەنە ڕۆو جەهانی کۆبانێ مبارەک کریان و ئاماژە پانەی دریان کە مڎرامانوو کۆبانێ پېسە ئەرەکۆشای مرۆڤایەتی جە دژو ستەمی و تاریکی جە تاریخەنە نویسیانۆ.
دەم پارتی ئاماژەش پانەیچدان کە بەها و دەسکۆتەکا داستانو کۆبانێ هەڵای ئینۍ چێرو هەڕەشانە، وە هرووژمەکۍ دۆڵەتو تورکی شەرمەزارۍ کریێنۍ. جە بەردەوامینە ئامان کە ئا ڕۆشناییەی بە مڎرامانو کۆبانێ خوڵقیان حەجگیز نمەکوشیۆوە.
مەسەدە: کۆبانێ نموونەو یۆبیەی و هامکاری کۆمەڵایەتییا
ئەنجوومەنو سوریای دیموکراتیکی جە ڕۆو پەشتیوانی جە مڎرامانوو کۆبانێنە ئەرەیاۋنێوەش وەڵا کەرڎۆ.
جە بەیاننامەکەنە باس چانەی کریان کە مڎرامانو کۆبانێ بیەن بە نموونێوە جەهانیی ئەرەکۆشای دژو هێزە تاریک پەرەسەکا، هەرپاسە بیەن بە هێماو ئیراڎەو مرۆڤایەتی جە دژو زۆرداری و تیرۆری.
هەرپاسە مەسەدە جە بەیاننامەکەشەنە ئەرەیاۋنانش؛ پەشتیوانی جەهانی پەی مڎرامانوو کۆبانێ نیشانۍ چارەنوویسو مرۆڤایەتییا جە دژو تنڕەوی و ئامان؛ "ئا ۋنۍ سەرو خاکو کۆبانێنە مجیا، قارەمانە جوانا و ژەنا گرڎو پێکئامایەکا سوریای، یۆبیەی گەلەکەیماش بەرهەم ئارڎ و نیشانەشدا کە گلێرگەو سوریای یۆگێرتەن و قەڵغانێوە قەوەتا جە ۋەرا ۋەرو هەوڵە ئەرەگیری و پارچە پارچە کەردەیەکا وڵاتەکەیمانە."
جە بەیاننامەکەنە ئاماژە پەی ئانەیچ کریان کە هەرێمەکۍ سەرنیشتوو ۋەرکۆتوو سوریای جە لایەنو دۆڵەتو ئەرەگیرو تورکیوە هرووژم مکریۆ سەرش و ئەرەیاۋېیان ئی هرووژمۍ پەی شکسپنەئاردەی پرۆژەو ئیدارەو ۋێڕاوەبەری ئەنجام مڎریا، ئی هرووژمە دژو سەقامگیری و ئارامی گرڎو ناوچەکەی و ئاینڎەو دیموکراسی و دادپەروەری هەرێمەکەی وزۆ مەترسیۆ."
مەسەدە ۋەرا ۋەر بە پاشێلکارییەکا دۆڵەتو تورکی بانگەوازش ئاراسەو گلێرگەی مېیاننەتەوەیی کەرڎ و داواو کاروەدای جددییش کەرد دژ بە هرووژمەکا دۆڵەتو تورکی.
جە دما دمایی بەیاننامەکەینە ئامان کە مەسەدە بەردەوام بۆ جە پەرەپنەدای ئەزموونو ۋێڕاوەبەری پەی پارێزنای مافو گرڎو قەوم و نەتەوەکا تەری، هەرپاسە ئەزموونو کۆبانێ مکەرۆ بە نموونە پەی یۆبیەی و هامکاری کۆمەڵایەتی. |
بنەیانەکۍ پەی ئەنجامداو دیڎاری داواکاری تازەشا پێشکەش کەرڎ
پارێزنەر و بنەیانەو ڕابەرو گەلوو کورڎی عەبدوڵا ئۆجالانی پەی ئەنجامدای دیڎاری، سەردای داواکارو گرڎیی کۆماری بورسای و ڕاوەبەرایەتی زیڼانو ئیمراڵیشا کەرڎ.
پارێزنەر و بنەیانەو ڕابەرو گەلوو کورڎی عەبدوڵا ئۆجالانی پەی ئەنجامدای دیڎاری، سەردای داواکارو گرڎیی کۆماری بورسای و ڕاوەبەرایەتی زیڼانو ئیمراڵیشا کەرڎ.
براو رابەرو گەلوو کوردی عەبدوڵا ئۆجالانی محەمەد ئۆجالان و پارێزنەرەکەش مەزڵوم دینچ بە داواکاری ئەنجامدای دیڎاری چنی ڕابەرو گەلوو کوردی عەبدوڵا ئۆجالانی سەردای داواکاری گرڎیی کۆماری بورسای و ڕاوەبەرایەتی زیڼانو ئیمراڵیشا کەرڎ.
هەرپاسە ئەمینە کۆنارە واڵۍ عومەر خەیری کۆناری، پۆڵاد یەڵدرم براو حامیلی یەڵدرمی و مەلیحە چەتینە واڵۍ وەیسی ئاکتاشیچ بە هەمان داواکاریۆ سەردای ئا دووە ئەرەمەرزیایاشا کەرڎ.
*ڕابەرو گەلوو کوردی ماوەو ٢٥ ساڵان بە پیلانگێڵنیۍ مېیاننەتەوەیی گیریان و جە زیڼانو دوورگەو ئیمراڵینە وزیان دلۍ گۆشەگیریۆ.
داواکارییەکۍ پەی ئەنجامدای دیڎاری بەشێوەی هەڕەمەکی ڕەڎۍ کریاوە، یاخود بێ جواب مەناوە، یان دماو چن مانگۍ ئەرەیاۋیۆ کە سزاو دیسپلینی هەڕەمەکی و نایاسایی بڕیانۆ. مەڵامەتو سەپنای ئا سزا دیسپلینایچ نەزانیان.
جە ڕاو ئا قەراریۆ جە ماوەو ٨ ساڵی ۋییەردەینە لاو کەمیۆ ١٣ جارۍ و هەر جارەی پەی ماوەو شش مانگا سزاو قەڎەغەکەردەی دیڎارو ڕابەر ئاپۆی چنی پارێزنەراش سەپیان.
دمایین دیڎارو ڕابەر ئاپۆی و بنەیانەکەیش جە ٣ۍ ئادارو ٢٠٢٠ ئەنجامدریا. هەرپاسە دمایین پەیوەندی تەلەفونیش چنی بنەیانەکەیش جە ٢٥و ئادارو ٢٠٢١ینە بۍ.
ڕابەر ئاپۆ دماو ۋییەرنای ٤ ساڵا سەرو گۆشەگیری ڕەهایرە، جە ٢٣ۍ ئۆکتۆبەرو ٢٠٢٤ینە چەمش بە عومەر ئۆجەلانی برازایش کۆت. جە دیڎارەکەنە ڕابەر ئاپۆ ئەرەیاۋنابێش، کە هەڵای گۆشەگیری بەردەواما. |
پەیامو یەکڕیزی و مڎرامانی جە گەلا سەرنیشت و ۋەرکۆتوو سوریایۆ
ئەرەنیشتۍ سەرنیشت و ۋەرکۆتوو سوریای دژو هرووژمە ئەرەگیریەکا دۆڵەتو تورکی پەیامو یەکڕیزی و مڎرامانیشا ئەرەیاۋنا.
ئەرەنیشتۍ سەرنیشت و ۋەرکۆتوو سوریای دژو هرووژمە ئەرەگیریەکا دۆڵەتو تورکی پەیامو یەکڕیزی و مڎرامانیشا ئەرەیاۋنا.
سوپاو ئەرەگیرو تورکی و چەتەکێش جە ٢٣ۍ تشرینو یوەمیۆ هرووژمو ئەرەگیریەکێشا پەی سەرو هەرێمەکاو سەرنیشت و ۋەرکۆتوو سوریای دەسپنە کەرڎێنۍ. بە کاولکەردەی چێرخانی و کەرتە خزمەتگوزارییەکا و بە ئامانج گێرتەی ناوەندە مەدەنییەکا، ئامانجش دلێنەبەردەی سەروەری و سەقامگیری هەرێمەکەین کە بیەن بە جوگرافیاو پێوەرە ژیۋای و سەقامگیری پەی گەلاو هەرێمەکەی. چا بارۆ ئەرەنیشتۍ هەرێمەکەی پەی ئاژانسوو فوراتی قسێشا کەرڎۍ و جەختشا چانەی کەرڎۆ کە سەرەڕاو گرڎو هرووژمەکا گەل بەردەوام بۆنە جە مڎرامانی و ۋێڕاگری.
'ئامانج پڕۆژەو نەتەوەی دیموکراتیکین'
عوبێد عەتێیە هاموڵاتیێوە هەرێمەکەین و ئاماژەش پانەی دا کە ئی هرووژمۍ دۆڵەتو تورکی تازۍ نیەنۍ، ئامانج چنەشا قڕکەردەی و ئاوارەکەردەی گەلاو هەرێمەکەین، بەتایبەت سەرو گەلوو کوردی و واتش: "هەرێمەکە جە سوریانە تاکە جوگرافیێوەن کە جە ڕاو پڕۆژەو نەتەوەی دیموکراتیکیوە گرڎو گەلی پێوەرە مژیۋا، پۊکەی ئی هرووژمۍ پەی دلێنەبەردەی ئا پڕۆژەینۍ." عوبێد یاڎش ئارڎۆ کە گەلاو هەرێمەکەی بە ۋنەو گەشمەرڎا یاۋێنۍ پی ژیۋای و سەردەمیە پۊکەی گەل بە مڎرامان و یەکڕیزی ئامانجو ئی هرووژما هاڵی مکەراوە و سەرکۆتەی پەی گەلین.
'شکس بەشو دۆڵەتو تورکین'
ئیحسا قەسابییانەی ئەرمەنیە ئەرەنیشتۍ هەرێمەکەی دەسنیشانش کەرڎ کە دۆڵەتو تورکی پی هرووژما جارێوەتەر ئاستو ستەماکاری ۋێش بەروستۆ، کە نیشانۍ بێهێزی و بێچارەیشا ۋەرا ۋەر بە گەلی و واتش: "دۆڵەتو تورکی شکسو ۋێش قبوڵنمەکەرۆ، بەڵام بە ۋێڕاگری و ئەرەکۆشای گەلی توشو شکسی بیەن. هەرچڼە ئی هرووژمۍ بەردەوامۍ با گرڎو پێكئامایەکا هەرێمەکەی دژش مرداوە و شکس پەی دۆڵەتو تورکین."
'ژەنی بە مڎرامان جوابو هرووژمەکا مڎاوە'
فاتمە قاسم-ە هاموڵاتیەو هەرێمەکەی بە ئاماژەدای بە هرووژمەکا دۆڵەتو تورکی ئەرەیاۋناش مەرامو هرووژمەکا جە بەینبەردەی ژیۋای هەرێمەکەین و وەڵاکەردەیۆ تەرسی و کۆچبەرین و واتش: "گرڎو گەلا هەرێمەکەی پێوەرە پەی بنیاڎنیای وڵاتەکەیما کارمکەرمۍ و ژەنیچ سەرمەشقی ئی مڎرامانەیە مکەرا. پېسە چنی ڕابەر ئاپۆ ڕاو ئازادیش بە ژەنا نیشانەدا، پۊکەی گرڎ کاتۍ ژەنی ئامانجۍ دۆڵەتو تورکینۍ و دژو ژەنان و گەرەکشا ئیراڎەو ژەنا ماڕۆنە. بەڵام ژەنۍ ۋەرنیشتوو کوردەسانی جە گرڎ مێڎانێنە سەرمەشقی ئەرەکۆشای مکەرا و بە مڎرامانیشا جوابو هرووژمەکا مڎاوە." |
ژەنە جەنگاوەرەکۍ وان و گەڤەرەنە ناوەندەکۍ ئەرەگیریشا کەردۍ ئامانجو چالاکییەکاشا
ژەنە جەنگاوارا ئێری و ڕۆژێ ئەرەیاۋناشا، بە تەقەمەنی دەسکرد بارەگاو پۆلیسو وانی و بنکەو پۆلیسو ئەسەن تەپەو گەڤەریشا کەردەن مەرامو چالاکییەکاشا.
ژەنە جەنگاوارا ئێری و ڕۆژێ ئەرەیاۋناشا، بە تەقەمەنی دەسکرد بارەگاو پۆلیسو وانی و بنکەو پۆلیسو ئەسەن تەپەو گەڤەریشا کەردەن مەرامو چالاکییەکاشا.
ژەنە جەنگاوارا ئێری و ڕۆژێ ئەرەیاۋناشا، ناوەندێوە پۆلیسو تورکیایشا جە وانەنە و بارەگێوە پۆلیس-یشا جە گەڕەکەو ئەسەن تەپەی جە ناوچەو گەڤەرو جۆلەمێرگینە بە تەقەمەنی دەسکرد کەردێنۍ ئامانج.
جە ئەرەیاۋناکەینە سەبارەت بە چالاکییەکا پی جۆرە ئامان:
" شارو وانینە، ناوەندێوە پۆلیسی کە وەڵتەر جە لایەنو یەکینەکاماوە شۆنیرە لوایش پەی کریابۍ، بەرکۆت کە ئی یاگۍ ناوەندێوە پۆلیسی تایبەتا و بە ڕاوجای ئەمنی پاسەوانی مکریۆ. پۊکەی سەرەنجام جە لایەنو یەکینەکاماوە جە ١٧و ئۆکتۆبەری سەعات ٢٣.٠٠ بە تەقەمەنی دەسکرد دژو ناوەندو دژمنی چالاکی لواڕاوە.
دماو چالاکییەکەی، دژمن دەمودەس یاوا یاگۍ ڕووەداکەی و ناوچەکەشا وست چێرو تەوقۍ قورسێوە. سەرەڕاو ئانەیچ یەکینەکێما بە تاکتیکی تازە و سەرکۆتانە جە ئۆپەراسیۆنی دووەمەنە بە تەقەمەنی و گەمە ئایرینە دەسکردەکا گەشتەکۍ دژمنیشا کەردۍ ئامانج و بە سلامەتی یاوێوە یاگۍ ۋێشا.
هەرپاسە سەبارەت بە چالاکییەکاو شارو گەڤەری، ئەرەیاۋییان: "شەوەو ١٩و تشرینو یووەمی، جە گەڕەکەو ئەسەن تەپەو گەڤەری، یەکینەکێما جە دووۍ لێوە بە تەقەمەنی دەسکرد جە دژو بنکەو پۆلیسو تورکی ئەرەگیری چالاکیێشا کەرڎ. جە ئاکامەنە مۆلیدەو دلۍ بنکەکەی زەرەرۍ فرەش وەرکۆت.
پۆلیسە ئەرەگیرەکۍ کە نەیارێنۍ جە بارەگاکەشانە بەیا جبەر، جە ڕاو مکابەرەو زرێپۆشەکاشاوە هەڕەشێ جە گەلوو گەڕەکەکۍ کەرێنۍ.
هەرپاسە جە منارەو مزگی گەڕەکەو جمهوریەتیوە قسەکۍ ڕابەر ئاپۆی پەی جوانا و ژەنا وەڵا کریێوە. گەلەکەما جە دەلاقە(پەنجەرە) و باڵکۆنەکاوە بە بەرزکەردەیۆ پەنجۍ سەرکۆتەی پەشتگیریشا جە چالاکییەکەیما کەرد.
هەرپاسە جە دوۍ خاڵۍ مېیانو بازاڕینە ئامێرۍ دەنگیۍ نریێرە و نزیک بە دووۍ سەعاتا قسەکۍ ڕابەر ئاپۆی پەی جوانا و گەلوو ناوچەکەی وەڵۍ کریێوە. جوانۍ گەڤەری جە مېیانو بازاڕینە بە دروشمەو 'بژیۋۆ ڕابەر ئاپۆ' پاڵپەشتیشا جە چالاکییەکەیما کەرد. |
ئەرەنیشتۍ ئامەدی: نامونیشانو ئاشتی و چارەسەری ڕابەر ئاپۆن
ئەرەنیشتۍ ئامەدی پەی ئاشتیێوە هەمیشەیی ئاماژەشا بە ڕابەر ئاپۆی کەرد و داواشا جە حکومەتو ئاکەپە-مەهەپەی کەرد چا بارۆ هەنگامەی جدییە بنیۆ.
ئەرەنیشتۍ ئامەدی پەی ئاشتیێوە هەمیشەیی ئاماژەشا بە ڕابەر ئاپۆی کەرد و داواشا جە حکومەتو ئاکەپە-مەهەپەی کەرد چا بارۆ هەنگامەی جدییە بنیۆ.
ئەرەنیشتۍ ئامەدی بە وردی شۆنیرە لوای پەی گفتوگۆکا ئی دماییەو چارەسەری مکەرا و جە هەمان کاتەنە بە گومانۆ مامەڵە چنی ئی مژاریە مکەرا. هاموڵاتیا ماچا ئا هەنگامۍ کە پەی چارەسەری و ئاشتی گیریانە ۋەر مشۆم هەمیشەیی و یاگۍ قەناعەتو گرڎ کەسۍ با.
ئێمە هامشێوەو ڕابەرو ۋێما تەنیا ئاشتیما گەرەکا
ساڵح تۆرهان یۆن جە ئەرەنیشتا شارەکەی و ماچۆ: "دۆڵەتو تورکی بەرەو دما ملۆ. جە کاتو پڕۆسەو گفتوگۆینە چنی ڕابەر ئاپۆی گفتوگۆنە بێنۍ، دماتەر ڕێککەوتەی دۆلمەباخچەیشا هۆرشێوناوە. جە ساڵۆو ٢٠١٤یۆ 'پلانەو دلێنەبەردە'یشا وستە بوارو جابەجێکەردەیۆ و چا کاتۆ جەنگێوە جددی بەردەواما. جە کاتو پڕۆسەو گفتوگۆینە ئاژەو ئابووری تورکیای فرە خاس بۍ و حکومەتو ئاکەپەی ڕێژێوە فرە دەنگێش بەدەسئاوردۍ. بەڵام ئاژەکە ئیساتۍ پاسە نییا و گرڎ چێوۍ پەی دمای گێڵانۆ. پۊکەی حکومەت ناچار بی داواو ئاشتی بکەرۆ. ئی گەلە چا بارۆ ئەزموونش هەن، ڕەگەزپەرسێوە هۆرمێزۆ و پێشنیارێوە مکەرۆ. ئا کەسەی تا هێزی گەرەکش بۍ ڕابەرەکەیما جە قەنارە بڎۆ، ئەمڕۆ چێوۍ جیاواز ماچۆ. ئیتر کەس نمەتاوۆ گەلوو کوردی هۆرخەڵەتنۆ. ئێمە تەنیا داواو چارەسەری دیموکراتیکی مکەرمۍ. نامونیشانو ئی چارەسەریەیچە ڕابەر ئاپۆن. ئێمەیچ پېسە ڕابەرەکەیما تەنیا ئاشتیما گەرەکا.
ئەگەر دەسەڵاتدارۍ ڕاسواچانە ئامێنۍ وەڵۍ، پەنەوازا هەنگامەی جددیە بنیا
هەرپاسە جەلیل جەبەلی ماچۆ: "ئێمە تەنیا داواو ئاشتی مکەرمۍ. قسەکۍ دەوڵەت باخچەلی جە مەجلیسەنە متمانەما پنە مەبەخشۆ. قسەکۍ دەوڵەت باخچەلی جگە جە هۆرخەڵەتنای گەلوو کوردی هیچی تەر نییا. ئەگەر پەی فریودای کوردی نەبۆ، کەواتە چی عەیامێوەن ڕابەرو گەلوو کوردی بەڕێز ئۆجالان گۆشەگیر کریان؟ ئانەی ئاڎۍ گەرەکشانە درێژەداین بە سیاسەتو جەنگی تایبەتی. ئەگەر قسەکاشانە ڕاسواچێنۍ، ڕابەر ئاپۆی ئازاد بکەرا. تا ئیساتێچ حکومەتو تورکیای هەوڵو فریودای کوردی مڎۆ. ئینە تەنیا ئامانجو ئاڎیشان. هیچ کام جە قسەکاو ئەردۆغانی و باخچەلی ڕەگەزپەرسی پەی ئێمە یاگۍ متمانەی نییەنۍ. ئەگەر بەڕاسی چارەسەریشا گەرەکا، مشۆم هەنگامەی جددیە بنیا.
ئێمە گەرەکما نیا کەس مرۆنە
تورکان ئەرەنە یووەتەرەنە جە هاموڵاتیاو شارەکەی و ماچۆ: "ئێمە ئیساتۍ تەنیا چارەسەریما گەرەکا. جە گرڎی زیاتەر ژەنی داوای ئاشتی مکەرا. ئێمە جەنگەرانۍ نیەنمۍ. ئیتر گەرەکما نیا گەنجەکێما مرا. هەرپاسە گەرەکما نیا هیچ کەسۍ مرۆ.
هەوڵو هۆرخەڵەتنای کوردی مڎا
ئیلهام موتلوش ماچۆ: "من پېسە کوردێوە باوەڕم بە حکومەتو ئاکەپە-مەهەپەی نییا. ئاڎۍ فرە عال مزانا کە بەرەو کۆتایی ملا، پۊکەی هەوڵو هۆرخەڵەتنای کوردا مڎا. چیولای کەس نمەتاوۆ کوردی هۆرخەڵەتنۆ. ئێمە ئاشتیما گەرەکا. جە ئاشتی جوانتەرهەن؟ پەنەوازا پەیامو ڕابەر ئاپۆی جابەجێ بکەرا. ئیتر متمانەما پنەشا نەمەنەن. جەحەقەتینەنە ئەگەر خاوەنو قسۍ ۋێشانۍ، پەنەوازا گۆشەگیری هۆرگێرا و زینانییە نەوەشەکاما ئازاڎ بکەرا. |
سوپاو تورکی ئەرەگیری پانیشتوو کوردەسانینە پەی ئەرەگیری و تاڵانکاری جارێوەتەر هرووژمش کەردەن سەرو مېڎانوو مەدەنییەکا. دیمەنەکۍ دەگاو دەرگەلێ نیشانەش مڎا کە یانە و زەمینەکۍ دەگا نشینەکا بە چ جۆرۍ تاڵان مکریا.
سوپاو تورکی ئەرەگیری جە ٢٣ۍ نیسانو ٢٠٢١یوە بە مەرامو ئەرەگیری هرووژم مکەرۆ سەرو هەرێمو مەتینای. ئی ئۆپراسیۆنە ئەرەگیریۍ جە سەرنیشتوو کوردەسانی جە ١٦و حوزەیرانو ئێساڵیوە ۋەرفراوانتەرۍ بیێنۍ و پڕێنێوە پەی خاکو پانیشتوو کوردەسانی. بەتایبەت مەتینا، گۆلکا، شێلازۍ، دەرگەلێ، بازێ بیێنۍ بە ئامانجو ئەرەگیرکەردەی. هەر جە ئەوەڵ ڕۆو ئۆپراسیۆنەکەیۆ بە چڕی هرووژم مکریۆ سەرو یاگۍ ئەرەنیشتەبیەی و بە تاڵانکەردەی سەرچەماکاو ژیۋای، دەگا نشینەکۍ ناچار بە کۆچبەری مکریا.
سەرچەمە دلێینەییەکۍ ئەرەیاۋناشا هرووژمێوە قورس کریان سەرو یانەو مەنزڵو دەگانشینەکا دەرگەلێ.
سوپاو تورکی و پەدەکە هەوڵ مڎا دەگاکۍ بە دەگا نشینا چۆڵبکەرا، بەڵام خەڵکو دەگایەکا هەرجۆرە دەرفەتێوەشا پەی ڕەخسیۆنە گێڵاوە پەی سەرو یانەو مەنزڵو ۋێشا. ئاشکرا بی کە سوپاو تورکی بە فڕۆکەی جەنگی هرووژمش کەردەن سەرو یانە و مەنزڵو دەگا نشینەکا و دماتەر تاڵانێشا کەردێنۍ و کەلوپەل و پەنەوازیەکۍ دەگانشینەکاشا دزیێنۍ. ئینە فرە بە ڕۆشنی جە دیمەنەکانە بەرگنۆ.
پەدەکە هامبەشا جە تاڵانکارییەکانە
دەگا نشینەکۍ ئاماژەشا پانەی دا کە دۆڵەتو تورکی جە ڕاو پەدەکەیۆ داواشا ۋنەکەردێنۍ کە دەگاکاشا چۆڵۍ بکەرا. بەڵام کاتێ دەگا نشینەکۍ گێڵاوە پەی دەگاکاشا موینا هیچ چێوۍ پېسە ۋێش نەمەنەن و تاڵان کریان. پۊکەی پەدەکەیچ چی تاڵانییە بە ۋەرپەرس موینا.
یاگۍ ئاماژەینە، وەڵتەر جە دەگاو دەرگەلێنە چڼین کەسۍ بیێنۍ بە پێشمەرگۍ و جە هەرێمەکەنە جەنگشا کەردەن. بەڵام ئارۆنە بەمەڵامەتوو داردەسەیی و خیانەتو پەدەکەیۆ خاک و خەڵک، ۋنی و ڕەنجو سەڎان وڵاتپارێزنا تاڵان کریان و ورەشیان. |
بانگەوازو کۆن-مەدی پەی چالاکی ١٦و تشرینو دووەمی
هامسەرۆکاو کۆن-مەدی پەی چالاکی ١٦و تشرینو دووەمی کە شارو کۆڵنو ئەڵمانیاینە پەی ئازادی رابەر ئاپۆی ئەنجام مڎریۆ داواو بەشداریۍ قەوەتیشا کەرڎ.
هامسەرۆکاو کۆن-مەدی پەی چالاکی ١٦و تشرینو دووەمی کە شارو کۆڵنو ئەڵمانیاینە پەی ئازادی رابەر ئاپۆی ئەنجام مڎریۆ داواو بەشداریۍ قەوەتیشا کەرڎ.
پەی ڕاپیمای و گلێرۆبیەی ١٦و تشرینو دووەمی کە شارو کۆڵنو ئەڵمانیاینە جە چوارچێوەو هەڵمەتەو ئازادیینە پەی ئازادی رابەر ئاپۆی ئەنجام مڎریۆ داواشا جە ئازادیوازا کەرڎ بەشداریۍ فراوان جە چالاکیەکانە بکەرا.
چا بارۆ هامسەرۆکاو کۆنفیدراسیۆنو گلێرگەو کوردەسانیا جە ئەڵمانیا (کۆن-مەد) ڕوکەن ئاکچایە و کەریم گۆک بە ئەرەیاۋنێوە بانگەوازشا پەی بەشداربیەی کەرڎ و ئاماژەشا بە گۆشەگیری ئیمراڵی و قەرارەکا دادگاو مافەکاو مرۆڤو ئۆروپای کەرڎ.
١٦و تشرینو دووەمینە کۆڵنەنە گلێرۍ بیدێوە!
جە ئەرەیاۋناکەنە ئاماژە پانەی کریان کە ڕابەر ئاپۆ جە ۋەرا ۋەرو ستەمینە سەرو گەلوو کوردی نوێنەرایەتی ئەرەکۆشای ئازادی گەلوو کوردی مکەرۆ، پۊکەی پەنەوازا جە پڕۆسەو چارەسەری ئاشتینە بە موخاتەب هۆرگیریۆ.
جە دماینە هامسەرۆکا پەی ڕاپیمای و گلێرۆبیەو ١٦و تشرینو دووەمی جە کۆڵنەنە بانگەوازو بەشداریشا جە گرڎ کەسێ کەردەن و ئامان: "ئەرەکۆشایما پەی ئازادی عەبدوڵا ئۆجالانی بەردەوام مکەرمۍ. هەرپۆکەی داوا جە گرڎ کەسێ مکەرمۍ کە لایەنگرو دیموکراسی، مافەکاو مرۆڤی و چارەسەری سیاسی و ئاشتییانەو پرسو کوردین جە ١٦و تشرینو دووەمو ٢٠٢٤ینە جە دیوتزەر وێرفت و شارو کۆڵنینە بەشداری ڕاپیمای و گلێرۆبیەی گۆرەی بکەرا." |
مەحموود مەشهەدانی بی بە سەرۆكو پەرلەمانو عێراقی
جە گەڕو دووەمو دەنگداینە پەی دیارییكەردەی سەرۆكو ئەنجوومەنو نوێنەرا عێراقی، مەحموود مەشهەدانی بە بەدەسئاوردەی ١٨٢ دەنگا بی بە سەرۆكو پەرلەمانی.
جە گەڕو دووەمو دەنگداینە پەی دیارییكەردەی سەرۆكو ئەنجوومەنو نوێنەرا عێراقی، مەحموود مەشهەدانی بە بەدەسئاوردەی ١٨٢ دەنگا بی بە سەرۆكو پەرلەمانی.
جە گەڕو دووەمو دەنگداینە پەی سەرۆکایەتی پەرلەمانو عێراقی کە ٢٦٩ پەرلەمانتارۍ ئاماڎۍ ئەرەنیشتەی بێنۍ، مەحموود مەشهەدانی، کاندیدو هامپەیمانی عەزمی، کە جە لایەنو فرەینەو سوونەکا، چوارچێوەو هەماهەنگییوە پەشتیوانیش ۋنەکریۍ بە بەدەسئاوردەی ١٨٢ دەنگا بی بە سەرۆکو پەرلەمانی.
هەرپاسە سالم عیساوی ٤٢ دەنگێش بەدەسئاوردۍ و ٣٩ دەنگۍ پووچەڵێچ بێنۍ.
جە گەڕو یوەمینە کە جە کۆو ٣٢٩ پەرلەمانتارا، ٢٧١پەرڵەمانتارۍ ئاماڎۍ دەنگداکەی بێنۍ، مەشهەدانی ١٥٣ دەنگۍ و عیساویچ ٩٥ دەنگێش بەدەسئاردێبێنۍ، هەرپاسە هەریۆ جە تەڵال زەوبەعی سفر دەنگۍ و عامر عەبدولجەبار نۆ دەنگێش بەدەسئاردۍ و ١٤ دەنگۍ پووچێچ بێنۍ.
١٤و تشرینو دووەمو ٢٠٢٣، دادگاو فیدراڵی عێراقی، قەرارو دمایئاردەیش بە ئەندامیەتی هەر یۆ جە محەمەد حەلبووسی و لەیس دلێمی جە پەرلەمانو عێراقینە ئارڎ و پینەیچ ڕاسەوخۆ حەلبووسی جە پۆستو سەرۆكو پەرلەمانو عێراقی دووروزیاوە، دماو ئاڎیچی، موحسین مەندەلاوی بەشێوۍ کاتی سەرۆكایەتی پەرلەمانو عێراقیش کەرڎ. |
سزاو زینانیکەردەی ژەنە چالاکوانێوە جابەجێ مکریۆ
دادگاو سنەی ژەنە کوردەی چالاکە و ڕۆنامەنویسە، ژینا مودەڕیس گورجیەش ئاگاڎارە کەردێنۆ جە سەپنای سزاو زینانیکەردەی سەرشەرە.
دادگاو سنەی ژەنە کوردەی چالاکە و ڕۆنامەنویسە، ژینا مودەڕیس گورجیەش ئاگاڎارە کەردێنۆ جە سەپنای سزاو زینانیکەردەی سەرشەرە.
ژینا مودەڕیس گورجیە کە یووەنە جە ژەنە چالاکە باڵبەسکریایەکا شۆڕشو 'ژەنۍ، ژیۋای، ئازادی' بە پەیامێوە جە لایەنو دادگاو سنەیۆ ئاگاڎارە کریێنۆ کە سزاو زینانیکەردەیش سەرەرە جابەجێ مکریۆ.
چا بارۆ ژینا مودەڕیس گورجیە جە پەلیانەو ئینستاگرامو ۋێشەنە پەیامێوەش وەڵا کەردەنۆ ئاماژەش پانەی دان؛ جە لایەنو لقو ٤ و دادگاو جابەجێکارو سزاو سنەیۆ، بەڵگێوەش دەس یاوان کە مشۆم ڕۆو شەممەی ئاینڎەی ۋێش ڕادەسو زینانو ژەنا سنەی بکەرۆ بە مەبەسو جابەجێکەردەی سزاکەیش و نویستەنش: "بە تۆمەتەو پێکئاوردەی گرووپێوە 'نایاسایی و پڕوپاگەنڎە کەردەی' دژو حکومەتی سزاو ١٦ مانگا زینانیم سەرەرە سەپیان." |
هەپەگە بە ڕێزۆ یاڎو یەرێ گەریلایا گەشمەرڎاش کەردۆ
هەپەگە بەڕێزۆ یاڎو ئا یەرە گەریلایاشە کەردۆ کە گەشمەردێ بیێ و واتش: "بەڕێز و وەشەسیایۆ یاڎو هەمڕایاما مکەرمێوە کە بە گەشمەرڎەبیەیشا بیۍ بە مەڵامەتو گۆرەکەردەی ئەرەکۆشای."
هەپەگە بەڕێزۆ یاڎو ئا یەرە گەریلایاشە کەردۆ کە گەشمەردێ بیێ و واتش: "بەڕێز و وەشەسیایۆ یاڎو هەمڕایاما مکەرمێوە کە بە گەشمەرڎەبیەیشا بیۍ بە مەڵامەتو گۆرەکەردەی ئەرەکۆشای."
ئەرەیاۋناکەو ناوەندو ئەرەیاۋنای و چاپەمەنیی هەپەگەی پی جۆرەنە:
"جەنگاوەرا قارەمانۍ ئاپۆیی،هەمڕێما کورتای،مەروان و زنار جە حوزەیرانو ٢٠٢٣ێنە هەرێمەکاو پارێزناو مەدیاینە جە ئاکامو هجومەکا دژمنینە گەشمەردێ بیێ.بەڕێز و وەشەسیایۆ یاڎو هەمڕەیاما مکەرمێوە کە بە شەهادەتیشا بیۍ بە مەڵامەتو گەورەکەردەی ئەرەکۆشای و دڵسۆزیما پەی یاڎکەردەیۆیشا واوەی مکەرمێوە.
سوپاو تورکی ئەرەگیری کە جە هەرێمەکا زاپی، ئاڤاشین و مەتیناینە جە وەرا وەرو مڎرامانی ئەفسانەیی جەنگاوەری ئاپۆیینە گورزەی قورسەشا وەر گنۆ، جە هجومە ئەرەگیریەکاشانە جە بێچارەیی هەرە گەورەو تاریخینە مژیۋۆ.هەمڕاما کورتای باتمان کە فیداییێ ئاپۆییا، پاسشە کەرد کە دۆڵەتو تورکی جە ڕوو سەروازی، سیاسی و ئابوورییۆ گیر بوەرۆ،بە فیداییۆ جەنگش کەرد و گورزەو قورسەش ۋنەو دژمنی دا. بە پسپۆری و بێباکی وێشۆ جە پێکئاردەی تاکتیکی سەردەمی و ئەزموونو جەنگ کەردەیشەنە سەرکەوتێوە گەورەش بەدەست ئارد.هەمڕاما کورتای جە گرد لێوە کوردەسانینە دژو کۆلۆنیالی و ئەرەگیری ئەرەکۆشایۍ داستانیش ڕاوەبەر کەرد و ئەرکو شۆڕشگێڵنی وێش جابەجۍ کەرڎ، بە هەڵوێسێ خاکەڕای و بەشداربیەی مۆراڵییۆ جە ژیواینە، بی بە نمونەو جەنگاوەرێ ئاپۆیی پەی گردوو هەڤاڵاش.
ڕۆڵەی ئازاو گارزانی هەمڕاما مەروان هیزان پێسەو کەسێوە دڵسۆزو ویرو کوردایەتی، پەی پارێزناو دەسکۆتو گەلەکەیما جە مېڎانی جیاوازەنە ئەرەکۆشا. بە ئایدیا و قەرارداریێوە گەورۆ دلێ ڕێزەکا گەریلاینە یاگێش گێرتە و کۆشش کەرڎ کە ۋەرپرسیاری تاریخی وێش گێرۆ ئەستۆ، هەمڕاما مەڕوان کە جە مێڎانی سەختو ئەرەکۆشاینە بە گۆرەکەردەی ئەرەکۆشایش ئەرەکەکەش جا بەجۍ کەرڎ، بیی بەیۆ چا قارەمانا کە نامێ وێش جە تاریخو ئازادی گەلەکەیمانە نویستۆ.
هامڕاما زنار بە ئارەزوێ فرۆ ژیوای شۆڕشگێڵنیی وێش دەسپنە کەرد، گردو کاتەکاش بە پەرەپنەدای ئەزموونەکاشۆ بەردەوامیش بە ئەرەکۆشای دۍ. هامڕاما کە جە چڼین مێڎانەنە ئەرەکۆشا،گردو ساتەکا
ژیوایش پەڕ جە سەرکەوتەی کەرد و ئەرکو شۆرشگێڵنیش جابەجێ کەرد.بە بەشداربیەی قوڵی دڵسۆزانە، خاکیانە و ئازاییۆ بیی بە جەنگاوەرێوە نمونەیی ئاپۆیی. هەمڕاما چا کاتۆ بی بە گەریلێوە پسپۆڕ، جە مېڎانە گەرمەکا جەنگینە گورزەی قەوەتەش ۋنەو دژمنی ئەشا.
جارێوە تەر هەمڕایاما کورتای، مەروان و زناری بە ڕێز و پنەزانایۆ یاڎۍ مکەرمێوە، سەرساغی وێما پەی بنەیانەو قارەماناما و تەمامو گەلی وڵاتپارێزنو کوردەسانیما موازمێ.
زانیارییەکێ سەرو شناسنامەو هەمڕا گەشمەرڎەکاما پی جۆرەنە:
ناسنامۍ / کورتای باتمان
نامۍ و دما نامۍ / نوسرەت دەمیر
شۆنەماو جە ئەڎابیەی / ئێلح
نامۍ ئەڎۍ و نامۍ تاتەی / جەمیلە- محمەد ساڵەح
شۆنەماو کاتو گەشمەرڎەبیەی / حوزەیرانو ٢٠٢٣/ هەرێمەکاو پارێزنای مەدیای
*****
ناسنامۍ / مەروان هیزان
نامۍ و دما نامۍ / سەرحەد تاگای
شۆنەماو جە ئەڎابیەی / بەدلیس
نامۍ ئەڎۍ و نامۍ تاتەی / ئالمە- عاکیف
شۆنەماو کاتو گەشمەرڎەبیەی / حوزەیرانو ٢٠٢٣/ هەرێمەکاو پارێزنای مەدیای
*****
ناسنامۍ / زنار ڕاپەڕین
نامۍ و دما نامۍ / موحەمەد حەجی
شۆنەماو جە ئەڎابیەی / ڕەقە
نامۍ ئەڎۍ و نامۍ تاتەی / ئەمیرە- مەحمود
شۆنەماو کاتو گەشمەرڎەبیەی / حوزەیرانو ٢٠٢٣/ هەرێمەکاو پارێزنای مەدیای
***** |
ئەسەنیۆرتەنە گەمارۆ و مڎرامان بەردەواما
چواردەورو شارەوانیی دەسسەرەرەگیریاو ئەسەنیۆرتی گەمارۆ دریا. هامکات مڎرامانوو گەلیچ بەردەواما.
چواردەورو شارەوانیی دەسسەرەرەگیریاو ئەسەنیۆرتی گەمارۆ دریا. هامکات مڎرامانوو گەلیچ بەردەواما.
کاروەدایەکۍ جە دژو گێرتەی سەرۆک شارەوانیی ئەسەنیۆرتو ئیستەنبوڵی و نیایرەی قەیومی بەردەواما. جەهەپە ئارۆ داواش جە گرڎ کەسۍ کەرڎ بلا ۋەردەمو شارەوانی. ئەرەیاۋییا کە ٤١١ سەرۆک شارەوانیۍ سەر بە جەهەپەی ملا ئیستەنبوڵ و بەشداری جە کۆنفڕانسێوە ڕۆنامەوانینە مکەرا جە ئەسەنیۆرت.
پارتو یەکسانی و دیموکراسی گەلا (دەم پارتی)یچ داواش کەردە، بە شێوێوە جەماوەری نیایرەی قەیومی شەرمەزار بکریۆ. ئەنداماو دەسەی ڕاوەبەری ناوەندیی دەم پارتی ئارۆ جە بیناو رێکوستەی دەم پارتینە جە ئەسەنیۆرت کوۍ باوە. دماو کۆبیەیۆکەی، سەعات ١٥:٠٠ بەرەو ۋەردەمو شارەوانی گناڕا.
هەرپاسە پارتو کرێکارا تورکیای (تیپ)یچ بەشداریکەردەی ۋێش جە ناڕەزایەتیەکانە ئەرەیاۋنا.
پۆلیس چواردەورو شارەوانیی ئەسەنیۆرتیش گەمارۆدان و ۋەربەسش چا شۆنانە نیانەرە کە قەرارا چالاکییەکەش چنە ئەنجام بڎریۆ. |
ژمارێوە تازەو گۆڤارو جوانە ژەنا وڵاتپارێزنی وەڵابیۆ
ژمارێوە تازەو گۆڤارو جوانە ژەنا وڵاتپارێزنی بە دروشمەو ' ئینایمۍ چنی مافەکا ڕابەر ئاپۆی، سەرو هێڵۆو ژەنا ئازادی هەنگامە منیەیمۍ' وەڵا بیۆ.
ژمارێوە تازەو گۆڤارو جوانە ژەنا وڵاتپارێزنی بە دروشمەو ' ئینایمۍ چنی مافەکا ڕابەر ئاپۆی، سەرو هێڵۆو ژەنا ئازادی هەنگامە منیەیمۍ' وەڵا بیۆ.
چی ژمارەو مانگەو تشرینو دووەمو گۆڤارەکەینە بە تایبەت چنی تەوەرو هێڵۆو ژەنا، نویستەی پێوەس بە ٢٥و تشرینو دووەمی ڕۆو ئەرەکۆشای جە دژو تنوتیژی دژ بە ژەنا و ٢٧و تشرینو دووەمی ساڵوەگەڕو ئەرەمەرزنای پەکەکەی تەرخانکریان.
جە گۆڤارەکەنە چن نویستەیۍ سەرو ڕێبازەکا ژەنا چی قۆناغەنە ئامان.
هەر چی ژمارەنە نویستەیۍ جە بارەو ڕوانگەو ڕابەرایەتی بەنامۍ 'ژەنەی قەوەتە ژیۋای ئاوا مکەرۆ' یاگێش گێرتێنە. وە باس جە ڕوانگەکا 'هێڵۆو ژەنا، هێڵۆو ئازاڎ کەردەی ژیۋاین' و 'ئەرەکۆشایما چنی هێڵۆو ژەنا دەسشپنەکەرڎەن، ئازادی خوڵقنۆ'ی کریان.
جە بەشو دۆسییەینە سەرو ئەرەکۆشای ژیۋای گەشمەرڎە ئارمانج جەمرەی دۆسیێوە ئاماڎە کریان.
هەرپاسە جە بەشو کاتیگۆری گۆڤارەکەینە چن نویستەیۍ سەرو کار و ئەرەکۆشای ژەنا ئاماڎە کریان. |
پەی ئەنجامدای دیڎاری چنی عەبدوڵا ئۆجالانی داواکاری وزیا ڕووە
پاڕێزنەرا نوسینگەو یاسایی سەڎەی پەی ئانەی بتاوا موەکیلەکەیشا عەبدوڵا ئۆجالانی بوینا، کە جە گۆشەگیریۍ چڕەنە جە زینانەنە ڕاگیریان، سەر جەنۆ داواکاریشا بەرزکەردۆ.
پاڕێزنەرا نوسینگەو یاسایی سەڎەی پەی ئانەی بتاوا موەکیلەکەیشا عەبدوڵا ئۆجالانی بوینا، کە جە گۆشەگیریۍ چڕەنە جە زینانەنە ڕاگیریان، سەر جەنۆ داواکاریشا بەرزکەردۆ.
پاڕێزنەرا نوسینگەو یاسایی سەڎەی پەی ئانەی بتاوا موەکیلەکەیشا عەبدوڵا ئۆجالانی بوینا، داواکاریشا پێشکەش بە داواکارو گرڎیی کۆماری جە بورسانە و ڕاوەبەری زیڼانو ئیمراڵی کەرد.
پارێزنەرا بەهەمان شێوە بەمەبەسوو دیڎاری چنی عومەر خەیری کۆنار، حامیلی یەڵدرم و وەیسی ئاکتاشیچ کە ئیمراڵینە زیڼانیێنۍ داواکاریش وست ڕووە.
داواکارییەکە جەلایەنو پارێزنەرا نوسینگەو یاسایی سەڎەی ئیبراهیم بیلمەز، جەنگیز یورەکلی، سوزان ئاکیپا و عەمران ئەمەکچی پێشکەش کریا.
رابەرو گەلوو کورڎی عەبدوڵا ئۆجالان جە ساڵەو ١٩٩٩یۆ کە بە پیلانگێڵنیێوە مېیاننەتەوەیی گیریا، تا ئیساتۍ جە زیڼانو ئیمراڵینە گۆشەگیرکریان.
داواکارییەکۍ پەی ئەنجامدای دیڎاری بەشێوەی هەڕەمەکی ڕەڎۍ کریاوە، یاخود بێ جواب مەناوە، یان دماو چن مانگۍ ئەرەیاۋیۆ کە سزاو دیسپلینی هەڕەمەکی و نایاسایی بڕیانۆ. مەڵامەتو سەپنای ئا سزا دیسپلینایچ نەزانیان.
جە ڕاو ئا قەراریۆ جە ماوەو ٨ ساڵی ۋییەردەینە لاو کەمیۆ ١٣ جارۍ و هەر جارەی پەی ماوەو شش مانگا سزاو قەڎەغەکەردەی دیڎارو ڕابەر ئاپۆی چنی پارێزنەراش سەپیان.
دمایین دیڎارو ڕابەر ئاپۆی و بنەیانەکەیش جە ٣ۍ ئادارو ٢٠٢٠ ئەنجامدریا. هەرپاسە دمایین پەیوەندی تەلەفونیش چنی بنەیانەکەیش جە ٢٥و ئادارو ٢٠٢١ینە بۍ.
ڕابەر ئاپۆ دماو ۋییەرنای ٤ ساڵا سەرو گۆشەگیری ڕەهایرە، جە ٢٣ۍ ئۆکتۆبەرو ٢٠٢٤ینە چەمش بە عومەر ئۆجەلانی برازایش کۆت. جە دیڎارەکەنە ڕابەر ئاپۆ ئەرەیاۋنابێش، کە هەڵای گۆشەگیری بەردەواما. |
جمېیەرو گلێرگەی دیموکراتیکی (تەڤ-دەم)ی بۆنەو ١و تشرینی دووەمی ڕۆو جەهانیی کۆبانێوە ئەرەیاۋنێوەش وەڵا کەرڎۆ.
جە ئەرەیاۋناکەینە ئانە یاڎ وزیانۆ، کە چەتەکۍ داعشی جە ١٥و ئەیلولو ٢٠١٤ ینە بە هامکاری هێزە دەرەکی و هەرێمایەتیەکا، دژو شۆڕشو ١٩و تەموزو (٢٠١٢)ی پەلامارەو کۆبانێشا دا و دۆڵەتو تورکیچ بە گرڎو توانایشۆ پەشتیوانیش چا چەتا کەردەبۍ.
جە درێژەو ئەرەیاۋناکەینە ئانە وزیان ڕووە کە سەرو بانگەوازو سەفەربەری و ئامادەیی ڕابەر عەبدوڵڵا ئۆجەلانی، جە تەمامو کوردەسانی و جەهانیوە شۆڕشگێڵنا، دیموکراسیوازا و ئاشتیوازا کۆتۍ ۋۍ و هۆرئێستۍ سەرو پەیا و پی جۆرە درێژە بە ئەرەیاۋناکەی دریان: "جە کۆبانێنە مڎرامانێوە تاریخی نیشانەدریا. خیاڵە پیلانگێڵنیۍ و فاشیستیەکۍ تورکیای دلێنە بریۍ. سەرو خاکو کۆبانێنە مرۆڤایەتی پارێزیا. ۋەرو ئانەیچ بە دەیان براوۍ خەڵاتو نۆبڵی، تاریخ نویسۍ، فەیلەسوفۍ، نوێنەراو ڕێکوزیا مەدەنییەکا، کەسایەتییە نامیەکۍ جەهانی، ١و تشرینو دووەمو ٢٠١٤یشا پېسە رۆو ۋێنیشاندای و پەشتیوانی جە قەڵاو مڎرامانوو کۆبانێ بەنامۍ کەرڎ. جە سەرانسەرو جەهانینە ملیۆنان ئینسانۍ مجیێرە مېڎانەکا، کۆبانێ فاڕیا پەی شارێوە جەهانی. جەهان یاوانە کە کۆبانێ پەی بەها مرۆڤایەتییەکا پارێزگاری و داکۆکیش جە دیموکراسی و ئاینڎەی مکەرۆ".
جە دما دمایی ئەرەیاۋناکەینە سەرنج وزیان سەرو ئانەی کە جە ١٠ەمین ساڵیاڎو ١و تشرینی دووەمینە، مەترسییەکۍ سەرو دەسکۆتەکا مڎرامانوو کۆبانێ بەردەوامێنۍ و ئی بانگەوازە کریان: "دیسان چەمۍ ئەرەگیرا، چەتەکا و پیلانگێڵنا ئینۍ سەرو دلێنەبەردەی دەسکۆتەکا کۆبانێ و ۋەرنیشتوو کوردەسانی. ئێمە داواو قەوەتکەردەی هامپەشتیی جەهانی پەی ۋەرنیشتوو کوردەسانی و دەسکۆتەکا گەلا جە سەرنیشتو ۋەرکۆتوو سوریای مکەرمۍ. ۋەرنیشت پەی مرۆڤایەتی ۋێڕاگریش کەرد، پەنەوازا مرۆڤایەتیچ خاوەنداری جە ۋەرنیشتی بکەرۆ". |
هەپەگە: زاپ و خواکورکەنە ٥ ئەرەگیرۍ سزا دریۍ
هەپەگە ئەرەیاۋناش، کە هەڕێمەکاو زاپ و خواکورکینە جە چالاکییەکاو گەریلاینە لاو کەمیۆ ٥ سەروازۍ سوپاو تورکی ئەرەگیری بە سزا یاوۍ.
هەپەگە ئەرەیاۋناش، کە هەڕێمەکاو زاپ و خواکورکینە جە چالاکییەکاو گەریلاینە لاو کەمیۆ ٥ سەروازۍ سوپاو تورکی ئەرەگیری بە سزا یاوۍ.
مېیانو ئەرەیاۋنای و چاپەمەنیی هەپەگەی جە بارەو چالاکییەکاو گەریلای و هەرپاسە هرووژمەکا سوپاو تورکی ئەرەگیری ئەرەیاۋنێوەش وەڵا کەرڎۆ کە دەقەکەش پی جۆرەنە:
"زانیاریی ورد سەرو چالاکییەکا و هەرپاسە هرووژمەکا سوپاو تورکی ئەرەگیری پی جۆرەنە:
" هەرێمو گەشمەرڎە دەلیلینە جە ۋەرنیشتوو زاپی؛
٢٨ و ئۆکتۆبەری سەعات ١١:٠٠ جە مێڎانوو مڎرامانوو کەشو وەهاری بە چەکی قورس جە مۆڵگێوە بۆمبشانای ئەرەگیرا دریا. جە ئاکامەنە چەکێوە بۆمشانی بەزنجیرو ئەرەگیرا دلێنە بریا و گورزە جە مۆڵگەکەی شنیا.
٢٩ و ئۆکتۆبەری سەعات ٢١:٠٠ جە مێڎانوو مڎرامانوو کەشو وەهاری بە شێوازو نیشانەماڕۍ جە ئەرەگیرا دریا. ئەرەگیرێوە بەسزا یاوا.
٣٠ ی ئۆکتۆبەری سەعات ١٦:٣٠ دەیەقۍ جە مێڎانوو مڎرامانوو کەشو ئامێدینە بە چەکی قورس جە ئەرەگیرا دریا.
٢٩ و ئۆکتۆبەری جە مێڎانوو مڎرامانوو سەرگەلێنە هێزەکێما یەکینێوە ئەرەگیراشا وست چێرو چەمڎاریوە. ٣٠ی ئۆکتۆبەری سەعات ١٥:٢٠دەیەقۍ، سەرەتا یەکینەو گەشمەرڎە ئاخین موشی بە ئامرازی هەوایی چا یەکینەو ئەرەگیراشە دا. جە ئەنجامو چالاکییەکەینە ٣ ئەرەگیرۍ بەسزا یاوۍ،٢ ئەرەگیرێچ زامڎارۍ بیۍ. ئا تەقەمەنییەی بە ئەرەگیرە سزادریایەکا بۍ تەقاوە پۆرەشارە. سەعات ١٥:٣٨ دەیەقۍ ئا ئەرەگیرۍ گەرەکشا بۍ جە ڕاو دووۍ ترۆمبێلاوە کە ۋێشا پېسە مەدەنی نیشانە دێنۍ، دەسوەردای جە مېڎانوو چالاکییەکەینە بکەرا، جە دژشا بە شێوازو سابۆتاژی چالاکی ئەنجامدریا. جە ئاکامو چالاکییەکەینە گورزە جە ترۆمبێلێوە شنیا. ئەرەگیرا سەعات ١٦:١٥ دەیەقۍ کوشیۍ و زامڎارەکۍ ۋێشا فاڕێوە پەی بنکێوە پەدەکەی سەری سەرگەلێوە. سەعات ١٦:٢٠ دەیەقۍ هەلیکۆپتەرو سوپاو تورکی ئەرەگیری جە بنکەکەو پەدەکەینە نیشتۆ و کوشیۍ و زامڎارەکێش بە هامکاری پەدەکەی جە هەرێمەکەنە فاڕێوە. مېڎانوو مڎرامانوو سەرگەلێ جە لایەنو هەلیکۆپتەرە هرووژمبەرەکا سوپاو تورکی ئەرەگیریوە جە سەعات ١٦:٢٠ تا ١٧:٣٦ دەیەقۍ سەرە مڕە بۆمبۋاران کریا.
هەرێمو خواکورکی؛
٣٠ ی ئۆکتۆبەری سەعات ٠٩:٠٠ جە مێڎانوو مڎرامانوو لۆلان بە شێوازو نیشانەماڕۍ جە ئەرەگیرا دریا. جە ئاکامەنە ئەرەگیرێوە بەسزا یاوا.
هرووژمەکۍ سوپاو تورکی ئەرەگیری بە تەقەمەنی قەڎەغەکریا؛
٢٩ و ٣٠ و ئۆکتۆبەری هەرێمو گەشمەرڎە دەلیلینە جە ۋەرنیشتوو زاپی مەڕەکێما دەیەقۍ جە مێڎانوو مڎرامانوو کەشو ئێف ئێمی، ٤ جارۍ بە تەقەمەنیی قەڎەغەکریا بۆردومانۍ کریۍ.
٢٩و ٣٠ ی ئۆکتۆبەری جە هەرێمو خواکورکینە مەڕەکێما جە مێڎانوو مڎرامانوو لۆلانی، ١١ جار بە تەقەمەنیی قەڎەغەکریا بۆردومانۍ کریۍ.
هرووژمەکۍ سوپاو تورکی ئەرەگیری؛
٢٩ و ٣٠ ی ئۆکتۆبەری جە هەرێمو خواکورکینە؛ مېڎانەکۍ مڎرامانو لۆلانی، بەربزن، گەشمەرڎە شەریف ٥ جارۍ، جە هەرێمو گارەینە؛ مېڎانەکۍ سیان، چەمرۆبۆتکی، دەشتەو کافیای، دێرەشێ، زێڤکێ ٥ جارۍ، جە هەرێمو مەتیناینە؛ مېڎانوو مڎرامانوو دەرگەلێ جارێوە، جە هەرێمو قەندیلینە؛ مېڎانوو بێپاڵانی جارێوە، هەرێمو گەشمەرڎە دەلیلینە جە ۋەرنیشتوو زاپی؛ مېڎانەکۍ مڎرامانوو کەشو جودی، کەشو وەهاری ٢ جارۍ؛ بە گرڎیی ١٤ جارۍ ئا شۆنۍ بە فرۆکەی جەنگی بۆردومانۍ کریۍ.
٢٩ و ٣٠ ی ئۆکتۆبەری هەرێمو گەشمەرڎە دەلیلینە جە ۋەرنیشتوو زاپی؛ مېڎانەکۍ مڎرامانوو کەشو جودی، کەشو وەهاری ٢٣ جارۍ، جە هەرێمو خواکورکینە مېڎانوو مڎرامانوو کەشو شەکیفی ٤ جارۍ؛ وە بە گرڎی ٢٧ جارۍ ئا شۆنۍ بە هەلیکۆپتەری هرووژمبەر بۆردومانۍ کریۍ". |
'بە جەنگو گەلی شۆڕشگێڵنیوە ڕابەر ئاپۆی ئازاڎ مکەرمۍ'
ڕاوەبەرو تەڤگەرو جوانا شۆڕشگێڵنی منبجی، هارون گابار ئاماژەش پانەی دا جوانۍ بە ئایدییاکاو ڕابەر ئاپۆی و جەنگو گەلی شۆڕشگێڵنییوە ۋێشا بە ڕێکوستەی مکەرا و ڕابەر ئاپۆی ئازاڎ مکەرا.
ڕاوەبەرو تەڤگەرو جوانا شۆڕشگێڵنی منبجی، هارون گابار ئاماژەش پانەی دا جوانۍ بە ئایدییاکاو ڕابەر ئاپۆی و جەنگو گەلی شۆڕشگێڵنییوە ۋێشا بە ڕێکوستەی مکەرا و ڕابەر ئاپۆی ئازاڎ مکەرا.
جەنگو گەلی شۆڕشگێڵنی ڕێبازێوە ئەرەکۆشاین کە گەل گێرۆشەنە ۋەر پەی پارێزنای جە خاکی و بیەی ۋێشا. پی ئاییدیا شۆڕشگێڵنوە جوانۍ سەرنیشتوو ۋەرکۆتوو سوریای بە گرڎ کۆششێوەشاوە هەوڵو جە دژ-مردایۆ هروژمەکا مڎا، چا بارۆ ڕاوەبەرو تەڤگەرو جوانا شۆڕشگێڵنی منبجی، هارون گابار پەی ئاژانسیما قسێش کەردۍ و ئاماژەش پانەی کەرڎ کە جە چوارچێوەو ستراتیجیی جەنگوو گەلی شۆڕشگێڵنی و ئایدیاکاو ڕابەر ئاپۆینە هەنگامە منیەیمۍ و بنەماو ئەرەکۆشایمانە.
هارون گابار جە بەردەوامی قسەکاشەنە ئاماژەش پانەی دا پەنەوازا جوانۍ ۋێشا بڕارە جە گرڎو مەرامە سیاسییە پیسەکا و واتش: "جەنگو گەلی بەماناو ۋەرگریکەردەی گەلین جە خاک و بیەیش. پەنەوازا پېسە جوانا پەرە بە ئەرەکۆشایما بڎەیمۍ و ڕامانەکاو ڕابەر ئاپۆی بە بنەما هۆرگێرمۍ، بە وەڵا کەردەیشۆ گرڎو دنیێرە ئازادی ڕابەر ئاپۆی دەسەبەر بکەرمۍ."
'پەی تەمامو گەلاو ۋەرکۆتوو مېیامینی ئەرەکۆشمۍ'
جە دما دمایی قسەکاشەنە گابار جەختش چانەی کەرڎۆ پېسە جوانا هێز جە مڎرامانو ڕابەر ئاپۆیۆ هۆرگێرا و واتش: "سەرو گەلەکەیمارە جەنگی تایبەت ڕاوەبەر مکریۆ. پەنەوازا ۋێما چا جەنگە پیسەیە بەدوور گێرمۍ و بە ئەرەکۆشایما گەلەکەیما ڕزگار بکەرمۍ. ئی ئەرەکۆشایچما پەی گرڎو گەلا ۋەرکۆتوو مېیامینین. پەنەوازا گرڎ جوانۍ ژیۋایش پەی ڕزگاری گەلەکەیش تەرخان بکەرۆ. پەنەوازا جە جەنگو گەلی شۆرشگێڵنینە بە فکر و فەلسەفەو ڕابەر ئاپۆیۆ بەردەوامۍ بیمۍ. سەرو ئی بنەمایۍ بتاومۍ ئازادی ڕابەر ئاپۆی مسۆگەر بکەرمۍ." |
کەجەکە ئەرەیاۋناش، هەڵمەتەو ئازادیی کە سەرو ئاستی مېیاننەتەوەیی ملۆڕاوە، بیەن مایۍ ئانەی کە دیڎار چنی رابەر ئاپۆی ئەنجام بڎریۆ و ئانەیچش وست ڕووە، "جە ئەنجامو ئەرەکۆشای ساڵەی یووەمینە کە چێرو نامونیشانو هەڵمەتەو مېیاننەتەوەیی ئازادینە لواڕاوە، ئانە ئیسپات کریا کە متاویۆ گۆشەگیری جە ئیمراڵینە بە تەمامی مەڕیۆنە، بە دەسەبەرکەردەی ئازادیی جەسەیی رابەر ئاپۆی متاویۆ پەی چارەسەرکەردەیی پرسو کوردی هەنگامە بنریۆ".
کەجەکە جەختش کەردەنۆ کە پەی ئانەی جە دووەم ساڵۆو هەڵمەتەی مېیاننەتەوەیینە ئازادی رابەر ئاپۆی مسۆگەر بکریۆ، مشۆم ئەرەکۆشای بەگوڕتەر بکریۆ و ئەرەیاۋنانیچش، "سەرو ئا بنەمایۍ ئێمە بە شێوێوە قەوەتتەر بەشداری مکەرمۍ جە قۆناغەی تازۍ چالاکییەکانە، کە جە سەرەتاو مانگەو تشرینی دووەمینە دەس پنە مکەرۆ. داوا جە گەلەکەیما و دۆساما جە ئۆروپا و کوردەسانەنە مکەرمۍ کە پەو پەڕو قەوەتیشاوە و بە شێوێوە جەماوەری بەشداری چی قۆناغێنە بکەرا، کە جە ١ و ٢ ۍ تشرینی دووەمینە دەسپنە مکەرۆ".
ئەرەیاۋناکەو کەجەکەی پی جۆرەنە:
"ئینایمۍ سەردەمێوەنە کە پێشئامایۍ گرنگۍ ئینۍ ئارانە. پېسە مزانیۆ، دماو پەنج ساڵا دیڎارێوە چنی رابەر ئاپۆی ئەنجامدریا. پەیامێوە کوڵ، پەی رای گرڎیی وەڵاکریاوە، رابەر ئاپۆ ئی قۆناغەشە پێناسەکەرد کە ئێمەش ئینایمۍ چنە و هەڵوێسش پەی چارەسەری وست ڕووە. گۆشەگیری هەتا ئیساتۍ هۆرنەگیریان، بەڵام ئەنجامدای دیڎاری چنی رابەر ئاپۆی بەرش وست کە ئەرەکۆشایما ئەنجامش چنە بەرهەم مۍ. بێگومان جە یاوای پی ئەنجامیە، دەورو هەڵمەتەی مېیاننەتەوەیی ئازادی یەکلاکەرەوەن. جە ئەنجامو ئەرەکۆشای یەک ساڵەینە کە چێرو نامونیشانو هەڵمەتەی مېیاننەتەوەیی ئازادیدا لواڕاوە، ئانە وزیاڕووە کە کریۆ بە تەمامی گۆشەگیری جە ئیمراڵینە هۆربگیریۆ و مەڕیۆنە، بە دەسەبەرکەردەی ئازادیی جەسەیی رابەر ئاپۆیچ متاویۆ بە ئاراسەو چارەسەری دیموکراتیکی پرسو کوردی هەنگامە بنریۆ. پا ورە و مۆڕاڵۆ هەرپاسە پا ۋەرپرسیاریەی کە ئینە وزۆش سەرو شاناما؛ پەی ئانەی هەڵمەتەو ئازادیی مېیاننەتەوەیی جە دووەم ساڵشەنە بیاوۆ سەرکۆتەی، مشۆم ئێمە بە شێوێوە قەوەتتەر بەشداری مکەرمۍ جە قۆناغەی تازۍ چالاکییەکانە، کە جە سەرەتاو مانگەو تشرینی دووەمینە دەس پنە مکەرۆ. داوا جە گەلەکەیما و دۆساما جە ئۆروپا و کوردەسانەنە مکەرمۍ کە پەو پەڕو قەوەتیشاوە و بە شێوێوە جەماوەری بەشداری چی قۆناغێنە بکەرا، کە جە ١ و ٢ ۍ تشرینی دووەمینە دەسپنە مکەرۆ".
گرنگیی خاوەنداری کەردەی جە شۆڕشو ۋەرنیشتی جە گرڎ وەختۍ زیاتەر بیەن
فرە گرنگا چی کاتەنە پەشتیوانی جە گەلا سەرنیشت و ۋەرکۆتوو سوریای بکریۆ و خاوەنداری جە شۆڕشو ۋەرنیشتی بکریۆ. ١ و ٢ۍ تشرینی دووەمی کە پېسە ڕۆو جەهانیی کۆبانێ و رۆو جەهانیی ۋەرنیشتی بە نامۍ کریان، ئا هەڵوێسەو خاوەنداری مشۆم بە قەوەتەرین شێوە نیشانە بڎریۆ. چا ڕووە ماناڎارەنە یەکجار گرنگا کە گەلوو کوردی، گەلاو ۋەرکۆتوو مېیامینی و جەهانی، ژەنا، دۆسا، هێزە سۆسیالیست، دیموکراتیک و ئازادیوازەکۍ، جوانۍ وڵاتپارێزنۍ کورڎەسانی و جوانۍ دیموکراتیکۍ ئینترناسیۆناڵیستۍ جەهانی پەوپەڕو قوەتیۆ خاوەنداری جە شۆڕشو ۋەرنیشتی بکەرا. گرنگیی خاوەنداری جە شۆڕشو ۋەرنیشتی جە گرڎ کاتۍ زیاتەر بیەن. هرووژمەکۍ ئی دماییە کە دۆڵەتو تورکی کۆلۆنیالیستی قڕکەری ئەنجامش مڎۆ، جارێوەتەر سەلەمناش کە ۋەرنیشت رووبەڕوو چ جۆرە مەترسیێوەن. هرووژمە قڕکارییەکۍ دۆڵەتو تورکی، تاوانێنۍ جە دژو مرۆڤایەتی. بە رۆشنی بەرکۆت کە دۆڵەتو تورکی جە ڕاو ئا هرووژماوە گەرەکشا شۆڕشو ۋەرنیشتی دلێنە بەرۆ و قڕش بکەرۆ. هەرپۆکەی مشۆم جە ئاستێوە بەرزتەر جە جارانی خاوەنداری جە شۆڕشو ۋەرنیشتی بکریۆ. شۆڕشو ۋەرنیشتی شۆڕشی هامبەشو گەلان. پی بۆنۆ جارێوەتەر شۆڕشی تاریخی هامبەشو گەلا جە گرڎو گەلا پیرۆز مکەرمۍ. ۋەرپرسیاری تاریخی و سەرەکی گەلان کە ئی بەها هامبەشەیشا پارێزنا. مشۆم ئی ۋەرپرسیاریەیە بە ئەنجام بیاونا، جە دژو هرووژمەکا بە شێوێوە قەوەت خاوەنداری جە شۆڕشو ۋەرنیشتی بکەرا". |
قەیوم سەرو شارەوانی ئەسەنیورتیرە سەپیا
دماو ئانەی شارەوانی ئەسەنیورتی جە لایەنو دەسەڵاتداری ئاکەپە-مەهەپەیۆ دەسش سەرەرە گیریا، جە لایەنو دەسەڵاتدارییوە قەیومش سەرەرە سەپیا.
دماو ئانەی شارەوانی ئەسەنیورتی جە لایەنو دەسەڵاتداری ئاکەپە-مەهەپەیۆ دەسش سەرەرە گیریا، جە لایەنو دەسەڵاتدارییوە قەیومش سەرەرە سەپیا.
شالیارو دلێینەی، ئەحمەد ئۆزەری سەرۆک شارەوانی ئەسەنیورتیش جە پلەو پۆسەتەکەشەنە لادا و قەیومش یاگێشەنە نیارە.
جە ئەرەیاۋناکەو شالیارینە ئاماژە بە پڕوپاگەندەو 'ئەندامیەتی ڕێکوستەی' دەربارەو ئۆزەری کریان و ئاماژە پانەی کریان کە یاگەگیرو پارێزگارو ئەستەنبوڵی جان ئاکسۆی پێسە قەیومی جە یاگۍ ئۆزەرینە نریانەرە. |
سەرۆک شارەوانی ناوچەو ئەسەنیۆرتی ئیستەنبوڵی باڵبەس کریا
سەرسەعبو ئارۆی پۆلیس هۆرشکوا سەرو یانەو سەرۆک شارەوانی ناوچەو ئەسەنیۆرتی ئیستەنبوڵی ئەحمەد ئۆزەری و باڵبەسشا کەرڎ.
سەرسەعبو ئارۆی پۆلیس هۆرشکوا سەرو یانەو سەرۆک شارەوانی ناوچەو ئەسەنیۆرتی ئیستەنبوڵی ئەحمەد ئۆزەری و باڵبەسشا کەرڎ.
سەرۆک شارەوانی ناوچەو ئەسەنیۆرتی ئیستەنبوڵی ئەحمەد ئۆزەر کە سەر بە جەهەپەین، سەرسەعبو ئارۆی جە پرۆسەو هۆرکوای سەرو یانەکەیشەنە باڵبەس کریا.
پۆلیس تەوقەو بیناو شارەوانی ئەسەنیۆریچش دا. تا ئیساتۍ مەڵامەتو ۋنەپەرسایۆ و باڵبەسکەردەی ئا سەرۆکشارەوانیەو سەر بە جەهەپەی نەزانیان. |
دوران کاڵکان: گرڎ چێوۍ پێوەسا بە ئازادیی رابەر ئاپۆیۆ
ئەندامو کۆمیتەو ڕاوەبەری پەکەکەی دوران کاڵکان ئەرەیاۋناش، کە تا ئازادیی جەسەیی رابەر ئاپۆی دەسەبەر نەکریۆ، هیچ وەڵێکۆتەیۍ نمۍ ئاراوە و واتش: "گرڎ چێوۍ بینیان بە ئازادی جەسەیی رابەر ئاپۆیۆ ".
ئەندامو کۆمیتەو ڕاوەبەری پەکەکەی دوران کاڵکان ئەرەیاۋناش، کە تا ئازادیی جەسەیی رابەر ئاپۆی دەسەبەر نەکریۆ، هیچ وەڵێکۆتەیۍ نمۍ ئاراوە و واتش: "گرڎ چێوۍ بینیان بە ئازادی جەسەیی رابەر ئاپۆیۆ ".
ئەندامو کۆمیتەو ڕاوەبەری پەکەکەی دوران کاڵکان جە بەرنامێوە تایبەتی تەلەڤزیۆنو مەدیا خەبەرینە هۆرسەنگنایش پەی پرسەگەرمەکا رۆی کەرد. دوران کاڵکان سەرنجش وست سەرو گرنگی ئا هەڵمەتە جەهانیۍ کە پەی ئازادیی رابەر ئاپۆی دەسشپنەکریان و واتش: "مشۆم ئێمە هەڵمەتەی جەهانیە کە ئامانجەکەش ئازادی جەسەیی رابەر ئاپۆیا، جە گرڎ مېڎانێنە بە شێوێوە ۋەرفراوان و کاریگەر وەڵۍ وزمۍ. پەنەوازا بەشێوێوە قەوەتتەر ئەرەکۆشمۍ".
دوران کاڵکان باسش چانەیچ کەرڎ کە تا ئازادی ڕابەر ئاپۆی دەسەبەر نەبۆ، هیچ وەڵێکۆتەیۍ نمۍ ئاراوە و پی جۆرە بەردەوام بی: "مشۆم زیاتەر ئەرەکۆشمۍ و ڕای کاریگەرتەر بگێرمێنە ۋەر. پەنەوازا گرڎ ڕووۍ کۆشش بکەرمۍ، گرڎو دەرفەتەکا قۆزمێوە. چې مژارەنە جە هەر چوار پارچەو کوردەسانینە ئەرەکۆشای هەن، جە گرڎو دنیێنە ئەرەکۆشای هەن. مشۆم پەرە پانیشا بڎریۆ. بەتایبەت جە ئۆروپانە پەی ١و کەڵەهەرزی سەفەربەری ئەرەیاۋییان. گرڎ ڕوۍ چالاکی و گلێرۆبیەکۍ ئەنجام مڎریا. جە ١٠و کەڵەهەرزینە جە بەریتانیانە چالاکی ئەنجام مڎریۆ. جە ١٦و کەڵەهەرزینە کۆڵنەنە ڕاپیمای و گلێرۆبیەی ئەنجام مڎریۆ. پەی ئانەیچ سەفەربەری ئەرەیاۋییان و بانگەواز کریان. مشۆم ژەنی، پیا، جوان، پیر و زاوڵە، گرڎو وڵاتپارێزنا، گرڎو کوردا، گرڎ کەسۍ ئازادیواز بەشدارۍ ئی ئەرەکۆشایە با. مشۆم هەوڵبڎەیمۍ گرڎ کەس بەشدار بۆ."
هۆرسەنگنایەکۍ دوران کاڵکانی پی جۆرەنە:
"وەڵۍ گرڎ چێوێنە بە حورمەتۆ سڵام ۋنەو رابەر ئاپۆی مکەرو. جە ٢٣ی ئۆکتۆبەرینە چنی برازاکەیش دیڎارش ئەنجامدابۍ. دماجار و دماو ٤٣ مانگا ئیجارە دیڎارەکە پێکئاما.
کەمیچ بۆ فاڕیایۍ هەن. فاڕیایۍ ریشەیی نییا، بەڵام فاڕیایۍ رێژەیی ئینا ئارانە. هەڵبەت ئاگاڎارۍ ئاژەو رابەر ئاپۆی بێنمۍ و ئێمە سڵامو ئاڎیما لا یاوا. هەر ئاڼەیچ وەسۍ بۍ پەی فاڕیای ئاژەکەی. سڵامەکەو رابەر ئاپۆی، ژنەویەو دەنگو ئاڎی و ئاگاڎاربیەی جە ئاژەو تەندروسی ئاڎیی، کاریگەریش سەرو ئاژەکەی وەشکەرد. گرڎو هێزە دیموکراتیکەکا، ژەنا، جوانا، گەلەکەما، دۆسەکێما ئینۍ جۆش و خرۆشەنە. ورەشا فرە بەرزبیەنۆ.
هەرپاسە کاریگەریێوە ئەرێنیچش سەرو کەشی سیاسی نیارە. ئانەیچ بە ڕۆشنی کاریگەری رابەر ئاپۆی نیشانە مڎۆ. سەرەڕاو گرڎو قسۍ و واچە دژبەرەکا، ئانە وینیا کە رابەر ئاپۆ چن کاریگەریش سەرو گلێرگەی منیۆرە، سەرو لایەنە دیموکراتیکەکا، سەرو ژەنا، جوانا، رەنجدەرا و کرێکارا و سەرو سیاسەتی کاریگەریش هەن. مشۆم بە ڕۆشنی هەڵوێسە سەرو ئانەی بکەرمۍ.
ئی ئاژە بە ئەرەکۆشای ئامان ئاراوە. مشۆم ئانەی پێسە ئامانجو ئەرەکۆشای جە دژو پیلانگێڵنیی مېیاننەتەوەیی کە ماوەو ٢٦ ساڵان ملۆڕاوە، بوینیۆ. جە ڕوانگۍ تەریچۆ مشۆم پېسە ئەنجامو هەڵمەتەو جەهانی ئازادیی بوینیۆ، کە جە ١٠و ئۆکتۆبەرو ٢٠٢٣ دەسش پنەکەرڎ.
ئەرەکۆشای مېیاوۆ ئەنجام
جە ئاخرو ساڵۆو یووەم و ئی ئەرەکۆشاینە هەنگامێوە گرنگە نریا و پەی ماڕای گۆشەگیری سەرەتێوەش ئارڎ ئاراوە. جاری وەڵین باسما کەردەبۍ، ۋەرو ئانەیچ پرۆسەکە بەرەو بەدەسئاوردەی ئەنجامی ملۆ. ئێمە هیوا و چەمەڕایما چا بارۆ هەن، عالتەر ئەرەکۆشمۍ. بەراسیچ ئانە بی بە سەرەتێوە. ئەرەکۆشای مېیاوۆ ئەنجام، ئەرەکۆشای سەرگنۆ. ئێمە جە ڕاو ئا دەرەنجامەیۆ ئانەما بە ڕۆشنی دی.
پا مەڵامەتۆ من بەنامۍ پارتەکەیماوە سڵام و پیرۆزبایی ئاراسەو گرڎو ئا کەسا مکەرو کە جە چوارچێوەو هەڵمەتەو جەهانی ئازادی جەسەیینە پەی رابەر ئاپۆی و چارەسەری پرسو کوردی کە ئینا دووەم ساڵشەنە، رەنجشا کێشان.
رابەر ئاپۆ بە کەلیمێوە جوابو گرڎ کەسێش داوە و هەڵوێسێوەش نیشانەدا کە ڕا ۋەردەمو گفتوگۆی تازەینە مکەرۆوە. ئانە فرە گرنگا. مشۆم ئانەیچ بوینیۆ. ۋەرو ئانەی بانگەواز کریابۍ، ئاڎ ۋێش جوابش داوە. واتش، خاوەن هێزی تیۆریک و پراتیکیا کە بتاوۆ پرسو کوردی بەرەو زەمینە و بوارێوە یاسایی و سیاسی فاڕۆوە. سەرو ئا بنەمایە ئانۍ ماچا رابەر ئاپۆ هێزش نییا، نمەتاوۆ هیچ چێوۍ بکەرۆ، رێکوستەی گۆشش چنە مەگێرۆ، ئاشکرا بی کە دروۍ مکەرا. هێزو ۋێش نیشانەدا. دماتەریچ هامسەرۆکایەتیما بە نامۍ جمېیەرەکەیما و گەلەکەیماوە ئەرەیاۋناش کە بە گرڎ جۆرۍ پەشتیوانی جە ئەرەکۆشای و هەڵوێسو رابەر ئاپۆی مکەرا.
نمەبۆ ڕابەر ئاپۆ دلۍ سیستەمو ئیمراڵینە بۆ
سەرو ئی ئەساسیە چێش گوزەر مکەرۆ، چ دەورۍ گێڵنۆ؟ بڕۍ دواشا جە ڕابەر ئاپۆی کەردەبۍ کە دەورو ۋێش گێڵنۆ. ڕابەر ئاپۆ واتش؛ ئاماڎەن و ئا هێزشە هەن. بێگومان پەی ئینەیچ مشۆم ئاژێوە عال بڕەخسیۆ. بێگومان پی گۆشەگیریۆ نمە بۆ. چونکی هەرمانێوە عالەش گەرەکەنە. پەی ئینەیچ هەوڵدایۍ ٢٤ سەعاتیش گەرەکا. مشۆم چنی گرڎ کەسی عیلاقە بنریۆرە. مشۆم پەیلوای گرڎ کەسی هۆربگیریۆ. ۋەرو ئینەیچ نمەبۆ دلۍ سیستەمو قڕکەردەی، گۆشەگیری و ئەشکەنجەو ئیمراڵینە بۆ.
گەر کەرەکشانە ڕابەر ئاپۆ دەورو ۋێش گێڵنۆ، مشۆم هەلومەرجۍ لەبار بڕەخسیۆ. گەر هەنگامێوە پی جۆرە نەنریۆ، ئانە حەجگیز نمەتاومۍ باوەڕیما بە چێوەکەی بۆ.
مشۆم هەلومەرجی تەندروس، ئاسایش و کارکەردەی بە شێوێوە ئازاد پەی ڕابەر ئاپۆی بڕەخسیۆ. هامسەرۆکایەتیما فرە بەڕۆشنی ئینەش نیشانە دا.
مشۆم بتاوۆ چنی گرڎ کەسۍ چەمپنەکۆتەی بکەرۆ. هەر وێش گرڎ کەسۍ ئانەش گەرەکا. پېسە ڕاوەبەریچ گەرەکمانە بوینمێش. هیچ کەسێ نمەتاوۆ بە تەنیا ۋێش کارۍ بکەرۆ. کەسێوە سەرمەشقایەتی مکەرۆ، تەڤگەرێوە بنیاڎ منیۆ، ڕا پەی گلێرگەی مکەرۆوە. مشۆم دەرفەتێوەش بۆ تا ئا چێویە بکەرۆ. ۋەرو ئینەینە رابەر ئاپۆ هەڵوێسو ۋێش نیشانەدا، هێزو ۋێش بەروست. ئانەی مەنەنۆ ڕەخسنای هەلومەرجی گونجیاین پەی ئینەی. بێگومان ئانەی ئا هەلومەرجیە مڕەخسنۆ ڕابەر ئاپۆ نیا. ئانۍ ئینۍ جبەرو ڕابەر ئاپۆیۆ مشۆم ئی ئاژەیە ڕەخسنانۍ.
ڕەخسنای ئی ئەرکەیە گنۆ ئەستۆو گردیما. هامکات ئی ئەرکە گنۆ ئەستۆو ئانیشا کە سیستەمو ئیمرڵیشا ئەرەمەرزنان و دواشا کەرڎ. فاڕیای جە ۋێشانە بکەرا. مشۆم هەڵوێسو ئیساتێشا فاڕانە. متاویۆ ئینە وچیۆ.
تەنیا کەسێوە کە بتاوۆ چارەسەری سیاسی دیموکراتیکی بارۆنە ئاراوە ڕابەر ئاپۆن
تەنیا کەسێوە کە بتاوۆ چارەسەری دیموکراتیکی پرسو کوردی وەش بکەرۆ، ئاشتی تورکیانە مسۆگەر بکەرۆ و سەرمەشقی پڕۆسەکەی بکەرۆ ڕابەر ئاپۆن. ئینە ڕۆشنا. ڕاوەبەریما ئینەش ئاشکرا کەرڎ. ڕابەر ئاپۆ نوێنەرو ئیرادەو دیموکراسی و ئازادی گەلوو کوردین. نوێنەری سەرەکیمانە. با هیچ کەسێ بە قسۍ پوچۍ مژارەکەی لێڵ نەکەرۆ.
دما قسێشەنە ڕابەر ئاپۆ چێشش وات؟ واتش، گۆشەگیری بەردەوامە. ڕاسا گۆشەگیری بەردەوامە. گۆشەگیری سیستەمو ئەشکەنجە و قڕکەردەی ٢٦ ساڵەو ئیمراڵییا. گۆشەگیری ئاژێوە ٣ مانگی نیا. ئینە خودو سیستەمێوەن.
ئا کاتە پەی ماڕای گۆشەگیری، پەی پێکئامای ئازادی جەسەی ڕابەر ئاپۆی مشۆم ئەرەکۆشایۍ قەوەتتەر و کاریگەرتەر بکەرمۍ. ئینە پەی گرڎیما داواکاری و ئەمرێوەنە. گۆشەگیری هەن و گەر ئاڎۍ فاڕیایشا گەرەکا، چارەسەری پێکبۍ و داوا جە ڕابەر ئاپۆی مکەرا کە دەورو ۋێش گێڵنۆ، ئا کاتە شمە جە دژو گۆشەگیری کۆشش بکەردۍ. شمە ئەرەکۆشای قەوەتتەر بکەردۍ. جارێوەتەر پەنەوازی و گرنگی ئینەیما دیۆ. چنەش یاوایمێنە.
ئا کاتە نمەبۆ هیچ کەسێ سستی برمانۆ، کە چەمپنەکۆتەی چنی ڕابەر ئاپۆی ئەنجامدریان و ئاژەو تەندروسیش خاسا. نمەبۆ هیچ کەسێ واچۆ گۆشەگیری مەڕیان. نمەبۆ هیچ کەسێک بە ئاسایی تەماشەو ئاژەکەی بکەرۆ.
گرڎ چێوۍ بینیان بە ئازادی جەسەیی ڕابەر ئاپۆیۆ
بێگومان مشۆم وریاتەرۍ بیمۍ، فرە زیاتەر ڕێکوزیۍ بیمۍ. مشۆم هەڵمەتەو مېیاننەتەوەیی پەی ئازادی جەسەیی ڕابەر ئاپۆی گرڎ یاگێنە قەوەتتەرو ۋەرفراوانتەر بکەرمۍ. هیچ کاتێ ئەرەکۆشایما لاواز نەکەرمۍ. گرڎ چێوۍ بینیان بە ئازادی جەسەیی ڕابەر ئاپۆیۆ. تا ئینە نەرەخسیۆ هیچ وەڵێکۆتەیۍ وەش نمەبۆ.
پۊکەی ئا ئەرکەی گنۆ ئەستۆما. مشۆم قەوەت و کاریگەرتەر ڕاوەبەرش بکەرمۍ. هەروێش ساڵەی دووەمو هەڵمەتەکۍ سەرو ئی بنەمایە دەسش پنەکەردەن. جە گرڎ مێڎانێنە ئەرەکۆشای بەردەواما. جە ئامەدۆ دەسشپنەکەرڎ، گرڎو دنیێرە وەڵا بیۆ. جە گرڎ مېڎانێنە کوردۍ، دۆسەکێشا، لایەنە دیموکراتیکەکۍ، گەلا، ژەنا، جوانا بەڕاسی بە قەوەتۆ ئەرەکۆشایشا ڕاوەبەرکەرڎ.
مشۆم گرڎ ڕوۍ ئەرەکۆشای ڕاوەبەر بکریۆ، گرڎ هەلومەرج و دەرفەتێوە بەکاربریۆ. بەتایبەتی جە جبەرو وڵاتینە ، جە ئۆروپانە پەی ١و کەڵەهەرزی و دماتەری سەفەربەری ئەرەیاۋېیان. گرڎ ڕوۍ چالاکی ئەنجام بڎریۆ. ئانۍ سەفەربەریشا ئەرەیاۋنان داوا مکەرا. مشۆم ژەنی، پیا، جوان، پیر، زاوڵە، وڵاتپارێز، کورد و گرڎ دیموکراتیک وازا بەشدارۍ ئی ئەرەکۆشایە با. مشۆم کارۍ بکریۆ پەی ئانەی گرڎ کەس بەشدار بۆ.
جە جبەرو وڵاتینە مشۆم جوانۍ ٢٤ سەعاتۍ نەمردا و کۆشش بکەرا. مشۆم هەڵوێسێوە فرە ڕۆشن جارێوەتەر کۆڵنەنە نیشانە بڎریۆوە. مشۆم جارێوەتەر ئا گلێرۆبیەیە یەکلاکەرەوە و کاریگەرتەر بۆ. ئامانج ئینەنە. هەرۋێش ئامانجێوە پی جۆرە دەسنیشان مکریۆ. موینمۍ دەسوستەی ئامانجەکەی نزیکا.
ئازادی جەسەیی ڕابەر ئاپۆی ئیتر فاڕیان پەی ئامانجێوە کۆنکرێتی و پراکتیکی. بیەن بە پرسێوە ڕوانەی و پەنەوازیێوە. ئا کاتە مشۆم پەی پێکئارڎەی ئینەیە بە شێوێوە سەفەربەر ئەرەکۆشمۍ. ئینە بانگەوازییمانە پەی ئی ئەرەکۆشایە.
جەنگ بەردەواما
جەنگ هەن، بەردەواما، دمایش نامان، هیچ چێوۍ نییا گرڎ کەسی پانەیۆ بینۆوە. ئەنەیاوای نییا کە ئاڎۍ هەوڵ مڎا ئینەی بکەرا بەهانۍ. ڕاوەبەریما ئەرەیاۋناش کە هیچ عیلاقێوەش بە پرۆسەکەیۆ نییا. ئینە حەقەتینەکەن. کەس ئەمرەش نەکەردە فڵان کار جە فڵان کاتەنە ئەنجام بڎریۆ. ئانۍ کاتەکەشا دەسنیشان کەرڎ و جابەجێشا کەرد، خودو چالاکوانانۍ. ئاڎۍ بە تەمامی بێ هەڎەرۍ بێنۍ جە دیڎاری چنی ڕابەر ئاپۆی. ئێمە ۋێما مزانمێش.
چالاکی پەی هۆشیارکەردەیۆین
نمە بۆ ئینسان ناڕەحەت بۆ. گەرەکما ئینەی واچو. ئانۍ کە بەڕاسی گەرەکشانە پرسو کوردی چارەسەر بۆنە، ئانۍ گەرەکشانە چی چارەسەرییەینە دەور گێڵنا، مشۆم ئەنجامێوە پا جۆرە چی ڕوەدایە هۆرگێرا کە گەر چارەسەری نێنە ئاراوە ئانە ئاژەکە مەترسیڎارتەر بۆنە. نمەبۆ گنۆ دلۍ هەڵوێسێوە پێچەوانەو ئینەیۆ. هەرپاسە گەمەکە چڼین هێزۍ و کەسێش خراپۍ کەردۍ کە جە چوارچێوەو جەنگی تایبەتینە نزیکۍ باوە. دماو ئانەی کە گەمێوە خراپشا کەرڎ، ئی جارە پەی ئانەی ۋێشا ڕزگار بکەرا تاوانە و ۋەرپرسیاریشا وست ملو ئەویشا تەری.
بەڕاسی چێوۍ تازەما جە دەوڵەت باخچەلی و ئۆزگور ئۆزەلیوە ئەژنی. واتشا کورد، پەرسو کوردی. بەتایبەت ئۆزگور ئۆزەل، سەرۆکی تازەو جەهەپەی ئامەدەنە باسش جە چارەسەری دیموکراتیکی، بەشداربیەی تەمامو گلېرگەی و ڕا کەردەیۆ جە سیاسەتی دیموکراتیکی کەرد. بەراسی ئینە چێو گەلۍ گرنگێنۍ. ئیسە ماچا کورد. ئامۍ ئاستێوە کە بیەو کوردی قبوڵ بکەرا. بێگومان ئینەیچ دەرەنجامو ئەرەکۆشای بۍ. پەنەواز پانەی نمەکەرۆ ئی مژارە جارێوەتەر هۆرسەنگیۆوە. بەڵام دەرەنجامەکۍ چی ئاستەنە بێڼۍ.
چی مژارەنە پێوەس بە سەرۆکو گرڎیی جەهەپەیۆ گەرەکما ئینەی واچو. گەر بەردەوام بۆ سەرو گێڵایش کوردەسانەرە ئانە خاس بۆ. چا یاگانە تەنیا چبی ۋەرپەرسا ڕسمی یان ئەرەمەرزیاکا، بەڵکم چنی ۋەرپەرسا ئەرەمەرزیاکا چەمپنەکۆتەی بکەرۆ. گەر بەشدارو دلۍ گەلی بۆ، گۆش جە ژەنۍ، جوانا، دوکاندارا کوردی..بگێرۆ، بەڕاسی کورد چنین ویر مکەرۆوە؟ پۊکەی ئینەم وات. تا کورد قبوڵش نەکەرا ئی چێوە پێكنمۍ. ئا کاتە داواو کوردی چێشەنە؟ مشۆم سەرنجشا وزا سەرو ئی مژاریە.
مشۆم ئی چێوە بەڕای گرڎی تورکیای ئەرەیاۋییۆ. جە ئامەدەنە جیاواز نەبۆ، جە ئەنقەرە و ئەستەنبوڵنە جیاواز نەبۆ. پەنەوازا گرڎ کەسێ بەشێوێوە دروس ئاگاڎار بکریۆوە. پۊکەی پێشنیارو ئینەی مکەرمۍ.
پەنەوازا ئاگاڎارۍ لایەنە مەسڵەحەت وازەکا بیمۍ
پەنەواز پانەی نمەکەرۆ مەسڵەحەتی شەخسی نیشانە بڎریۆ. هەرپاسە پەنەواز نمەکەرۆ جە ۋەرا ۋەرو ڕابەر ئاپۆینە ڕوانگێوە ئاڵۆز نیشانە بڎریۆ. ئینە هەڵویسێوە ئەرێنی نیا. ئاڼە سەرش قسۍ مکریۆ و هۆرمسەنگیۆنە. ئاڼنە ئەرەکۆشان، فکرش خوڵقنان. جە جەهانەنە ئاڼنە تەرەفڎارێش هەنۍ. مشۆم ڕێزو ئانەی بگیریۆ. ئێمە بێ ڕێزی ۋەرا ۋەر پایشا نمەکەرمۍ. بەڵام مشۆم گرڎ کەسێ بزانۆ بە ڕێزۆ جمۆوە. مەگەر پەی مەسڵەحەتو ۋێش ئینەی مکەرۆ؟ ٢٦ ساڵێن پەی مەسڵەحەتو ۋێش ئینا ئیمراڵینە؟ کێ متاوۆ ئینەی واچۆ؟ ئینە کەموکوڵییا. مشۆم جە واتەی و هەڵوێسمانە یۆگێرتێبیمۍ. نمەبۆ ئینسان بکەرۆش بە ئامرازێوە سیاسەتو ڕوانەی. نمەبۆ ئینسان ڕاسی ڕابەر ئاپۆی، پرسەکاو کوردی بکەرۆ ئامرازێوە مەسڵەحەتی سیاسی.
ئینە جە بنەڕەتەنە ئانەنە کە چێنە ماچووش. پەنەواز نمەکەرۆ زیاتەر واچو. چونکی چا هیچ چێوۍ نییا. بەڵام ئێمە گەرەکما بۍ چێوۍ زیاتەر ڕووە بڎۆ. ئێمە گەرەکما بۍ بە وردی گۆش گێرمۍ و بیاومێنە. ئاژەو ئێمە هەڵای ئینا چی چوارچێوەنە. بەڵام ئینە وینیا. هەرپاسە مشتومڕێوە چی ئاستەنە ئینەش نیشانە دا.فرەرە و لایەن و بازنا هەنۍ سەرو پرسەکا کوردی و جەنگینە مەسڵەحەتوازی مکەرا. جە حەقەتینەنە ئی باسۍ هیچشا وەش نەکەرڎ. چیولای نمەزانمۍ وەشش مکەرۆ یان نا.
بازنێوە گۆرە هەنۍ کە رانتخۆری ئی جەنگیە مکەرا. هۆرمێزا و ماچا دەوڵەت باخچەلی باسو چێشی مکەرۆ، نمەبۆ قسۍ بکەرۆ. مەهەپە لایەنێوەن چی جەنەگە ٤٠ ساڵەنە. پەنەوازا گرڎ کەسێ ئینەی بزانۆ و بوینۆ. تەنانەت زیاتەر جە دەوڵەت باخچەلی. ئێمە فرە عال مزانمۍ کێ چا بەرەنە جەنگ مکەرۆ. چونکی جەوهەرو ئی ئەرەکۆشایە ئەرەکۆشایۍ عەقڵیەت، ئەرەکۆشایۍ ئایدیۆلۆژییا. ویرۆکەو دیموکراسی سەرو بنەماو ئازادی کوردی، ئایدۆلۆجیای وڵاتپاریزنی جە دژو نەتەوەپەرسی، دژو رەگەزپەرسی، دژو ناسیۆنالیزیمی و پاوانوازی گژیۆ. مشۆم مشەوەرەکۍ ئانۍ کە سەرو جەنگیۆ مژیوا نیشانە بڎریا و ڕسوۍ بکریا.
ئڼە باسو پەکەکەیشا کەرد کە هیچ زانیاریاریێوەشا نییا. هیچ کام جە قسەکاشا ڕاسۍ نیەنۍ. هەمیشە دروۍ مکەرا. بەڵام مرۆڤەکا هۆرخەڵەتنا، مەخزشا شۆراوە. پەی ئانەی مەسڵەحەتەکاشا جە دەس نەڎا. مشۆم ئینە بوینیۆ. هەر پۊکەی ئی پرۆسە مشەوەری نیشانە مڎۆ. وەڵۍ گرڎ چێوێنە پەنەوازا خەڵک جە دژو مشەوەرەکا گژیانە.
چالاکیی توساش جە لایەنی سەروازییوە سەرکۆتە بۍ
هەپەگە و یەژا ستار سەبارەت بە جەنگی ئەرەیاۋنایشا وەڵا کەرڎۆ. فەرماندەیی ئێمە جە قەرارگەو ناوەندییوە هۆرسەنگنایۍ وردش سەرو پرۆسەو ١٠ساڵی ۋییەردەی کەرڎ. فرە بە ڕۆشنی زانیاری وردش ئەرەیاۋنا.
جە ڕوانگەی سەروازییوە، چالاکییەکە هەماهەنگ و جە گرڎ لێوە سەرکۆتەبۍ. پۊکەی هەڤاڵا ئاسیا عەلی و ڕۆژگەر هێلینی بە ڕێزداریی و پنەزانایۆ یاڎ مارووە. جە حەقەتینەنە هێڵۆو زیلانۍ بە شێوێوە بێوێنە و سەرکەوتانە جابەجێ کریا. شۆنەو سارۍ، ڕووکەنۍ، ڕۆژهاتی و ئەرداڵی کۆتۍ و ڕێبازو ئاڎیشاشا بە سەرکۆتەیی بەردەوام کەرد. چالاکییەکە جە ڕوو ئەنجامیوە سەرکۆتەن. ئامانجێوە سەروازییا. شۆنێوەنە کە عەیامێوەن کوردەسانەنە پېسە مەکینەو کۆمکوژی هەرمانەو بەرهەم ئاوردەی چا بوارەنە مکەرۆ. هیچ مێڎانێوە سەروازی چانەی گۆرەتەر نییا. ئا قسۍ فرە بێ بنەمێنۍ کە ماچا ئینە ناوچێوە مەدەنییا. پۊکەی هێڵۆو ئاپۆیی و ڕۆحو فیدایی بیەی جە بەرزتەرین ئاستەنە نیشانەدریا، گرڎو حەقەتینەکاما نیشانە مڎۆ. مشۆم پی جۆرە باس چی مەسەلۍ بکەرمۍ. بێگومان چالاکییەکۍ گەریلای تەنیا ئینە نەبیەن. فەرماندەیی ئێمە جە قەرارگەو ناوەندی ئەرەیاۋنای و زانیاریی وەڵاش کەردۆ. هەڤاڵ جەماڵ و هەڤاڵ زۆزانە ئەرەیاۋنایشا دا. جەنگ جە سەرنیشتەنە بەردەواما. جە گرڎ بوارێنە جەنگ هەن. دژمن گورزەش ۋنە مڎریۆ، گەریلا گەشمەرڎە بۆ. چالاکییەکۍ جە هەرێمەکاو پارێزنای مەدیاینە جە ئاستێوە بەرزەنە ملۆڕاوە. جە زاپ، کەشو وەهاری، کەشو جودی گورزەی قورسە ۋەرو دژمنی گنۆ.
سوپای تورکیای ۋێش قفڵ کەردەن، گەریلا هرووژمەکۍ دژمنیش قفڵۍ کەردۍ. واتشا مانگەو تشرینو دووەمی، دلێڕاسەو پایزینە دمایی بە گەریلای مارا و کار و چالاکییەکاو جمېیەری ئازادی قفڵ مکەرا. ئیساتۍ مانگەو تشرینو دووەمینە، هەڤاڵا گرڎ چێوۍ دیاری مکەرا. ئیجارە ماچۆ مانگەو خوڎای نییەنە. مانگەو ئاداری، یان مانگەو تشرینو دووەمی ئاینڎەی، یان هامنی ئاینڎە ٤٠ ساڵێن ئی قسا مکەرا و دەسشا بە جەنگی کەردەن ئەنجامەکەیچ تا ئیساتۍ دیارا. دماو چالاکییەکاو دھێ و شەمزینانی واتشا جە ماوەو ٢٤ سەعاتانە ئی ئەوەمەڼنا جەنگی و پاکتاوکارییە دلێنە بەرمۍ. ٢٤ سەعاتۍ لواو دمایش ناما، ٤٨ سەعاتۍ دمایش ناما، ٧٢ سەعاتۍ لواو دمایش ناما، ئیتر دەسشا جە سەعاتەکا هۆرگێرت. چا ڕوۆ بەدماوە پی جۆرە درێژەش پنەمڎا. پۊکەی ئاژەو ئەرەکۆشای گەریلای، هەرپاسەهێڵۆو مڎرامانی جە هەرێمەکاو پارێزنای مەدیاینە، هێڵۆو مڎرامانی جە سەرنیشتەنە گرڎ جە لایەنو فەرماندەیی قەرارگەو ناوەندیماوە هۆرسەنگنایشا پەی کریا.
ڕووەدایەکۍ ڕوانە پەی ڕای گرڎیی ئەرەیاۋییا. گرڎ کەسۍ ئاگاڎارو گرڎ چێوێنۍ. پۊکەی جەنگ و مڎرامانێوە گۆرە هەن. ئێمەیچ ئینەما باس کەرد. هەڤاڵەکێچما باسشا کەردۍ بۆیە پەنەواز بە واوەی کەردەیشاوە نمەکەرۆ. ئینۍ ئا چێوێنۍ کە متاوو باسشا بکەرو. بەنامۍ ڕاوەبەری پارتیماوە سڵام ۋنەو گرڎو گەریلایا، فەرماندە و هێزە شۆڕشگێڵنەکاما جە هەپەگە و یەژا ستاری مکەرو کە قارەمانانە جەنگ ڕاوەبەر مکەرا، وەڵۍ گرڎ چێوێنە مڎرامانەکۍ زاپی و ئاڤاشین، مەتینای و خواکورکی گرڎو گەشمەرڎە قارەمانەکا مڎرامانی جە گرڎو مېڎانەکانە بە ڕێز و حورمەتۆ یاڎشا مارووە.
پەکەکە مڎرامان مکەرۆ و جە ڕێخۆ بەرش مارۆ کاتێ مەیمۍ سەرو بەرەو جەنگی چنی دژمنی؛ دەسشا بە ئەوەکۆڵیای تازەی کەرڎەن، پێشا بەرکۆتەن کە جە جەنگەکەنە چەقێنۍ واتە قفڵۍ بیێنۍ. ئینەیچ ئەنجامو ئا جەنگەینە کە واچێنۍ قفڵشا مکەرمۍ. هرووژمەکۍ ئاکەپە و مەهەپەی سەرو بنەماو پلانەو مەڕیای و دلێنەبەردەی شکسش ئارڎ و ۋێشا قفڵۍ بیێنۍ. پەنەوازا گرڎ کەسێ ئینەی بوینۆ، ناچارێنۍ ۋێچشا قبوڵش بکەرا. ئەگەر قبووڵش نەکەرا و بەردەوامۍ با بە دڵنیاییوە زەرەری فرەتەرشا وەرگنۆ، حەقەتینەکە ئانەنە.
نمەزانمۍ چیولای چێش ڕووە مڎۆ و چنی هەڵوێس هۆر مگێرا. بەڵام ڕۆشن بیەنۆ کە ئا پلانۍ ئیساتۍ بەردەوامۍ نمەبا چوونکی هرووژمەکۍ ئیساتۍ نەتاواشا هیچ ئەنجامێوە بەدەس بارا. فرە پنەشا ماچا گێڵدۍ، بەردەوام بیەی زەرەری زیاتەرتا پنە میاونۆ. پنەش ماچا نمەتاوی چینەینە سەرگنی. ئایا ئاڎ متاوۆ پا عەقڵیەتۆ هەڵسوکەوت بکەرۆ یان نا؟ ئایا ئاڎۍ متاوا ئا ئیرادەیە نیشانە بڎا؟ ئایا ئاڎۍ متاوا ئی جۆرە ۋەرپرسیاریە هۆرگێرا یان نا؟ ئێمە نمەزانمۍ. ئەگەر پاسە نەکریۆ ئانە تورکیای وزا دلۍ کارەساتێوە گۆرەیۆ. ئا کاتە هیچ کەسێ نمەتاوۆ ڕزگارش بۆ. ئاڎۍ گۆرەتەرین کارەساتشا جە تورکیانە خوڵقنان.
شەنگاو و ۋەرنیشتەنە یاساو جەنگی پاشێل مکریۆ کریۆ جە چوارچێوەو گفتوگۆی تازەینە کە باس جە دۆسایەتی چنی کوردی مکەرا. جە هەمان کاتەن هرووژم مکەرا سەرو شەنگالی، سەرو ۋەرنیشتی. ئاو و کارەبا جە کوردی بڕا، کوشاشاو فەخرش پۆوەوە مکەرا. با باسو ئی هرووژما بکەرمۍ. مەبەسی حەقەتینە چێشا، پەنەوازا چێش بکریۆ؟ چی کاتەنە زیاڎ جە جارانی هرووژم کریا. گەمەکەشا شێویا. ئاشکران کە ئی بانگەوازییە گردش پەی لاوازکەردەی مڎرامانو گەلوو کوردین. ۋەرو ئانەی گەمەکەشا شێویا، بە تووڕەیۆ هرووژمشا کەرد. بە مەعنێوەتەر بە بەهانۍ چالاکیی فیدایی گەریلایۆ ئەنقەرەنە، هرووژمشا کەرڎ سەرو ۋەرنیشتی، شنگالی و هەرێمەکا تەری. چالاکیی گەریلای ئەنقەرەنە چالاکیێوە سەروازی بۍزەرەرش بە خەڵکی مەدەنی نەیاونا. بە پاو یاساو جەنگی چالاکی بۍ. بەڵام ئانەی جە شەنگال، وەرنیشتەنە ڕووە مڎۆ، چنی حیچ یاسێوە، ئەخلاقی و پیمەرەکا جەنگی مەگونجیۆ. بە گرڎی هرووژمشا کەرڎ سەرو خەڵکی مەدەنی، زاوڵا، یانە و دەرفەتەکا ژیۋای هاموڵاتیا. ئینە چ عیلاقێوەش بە چالاکییەکەو ئەنقەرەیۆ هەن کە کوردی جە ۋەرنیشتو شەنگالەنە کۆمکوژ مکەرۆ؟ هەڵبەت وەڵتەریچ ئا جۆرە هرووژمێشا جە سەرنیشت و هەرێمەکاو پارێزنای مەدیاینە ئەنجامدان. هەمان هەرمانەشا جە عەفرین و سەرێکانیچەنە ئەنجامدا. ئیساتۍ دیسان جە ۋەرنیشت و شەنگالەنە هەمان تاوانە واوەی مکەراوە.
ڕاوەنەرایەتیما ئاماژەش بە گرڎ چێوۍ کەردەن، هەڤاڵەکێما هۆرسەنگنایش پەی مکەرا. تاوانەو جەنگی ڕووەشدان. ۋەرو چەما گرڎو دنیێوە تاوانە ئەنجام مڎا و کۆمکوژی مکەرا. ۋەرا ۋەرو ئی تاوانانە گەل مڎرامانێوە گۆرە نیشانە مڎۆ. سڵام ۋنەو مڎرامانو گەلی و هێزەکا ئازادی سەرنیشت و ۋەرکۆتوو سوریای مکەرو.
بەتایبەتی سڵام ۋنەو چالاکیەکاو هێزەکا ڕزگاری عەفرینی مکەرو، ۋێشا مافو ئانەیشا هەن بە هەر شێوێوە بە عالش بزانا جەنگ و ئەرەکۆشای بکەرا، بەڵام جە هەمان کاتەنە مشۆم بە ئەرکو ۋێشا بزانا. ئانەی عەفرینەنە ئەنجامدریان ئینا ۋەرو چەماوە و قەد جە یاڎ نمەکریۆ. جە حەقەتینەنە هەڵای چالاکییەکەو ئەنقەرەی جە میدیاکانە وەڵا نەبیەبێوە، جە لێوە ئەمریکا و جە لێوەتەرۆ ڕوسیا راسەوخۆ ئەرەیاۋناشا؛ ئێمە پەشتیوانی تورکیای مکەرمۍ. ئیساتۍ جە ۋەرنیشت و شەنگالەنە کۆمکوژی مکریۆ. ڕووەدایەکۍ غەززەی جە شۆنەکا تەرینە گفتوگۆشا سەر کریۆنە. سەرۆک شالیارو ئیسرائیلی ئەرەیاۋناش؛ "تۆ ڕەخنە جە من گێری، ئەی ئانەی جە سەرنیشت و ۋەرکۆتوو سوریانە مکەریش چێشا؟ هەر ئانڼەش مەنەبۍ واچۆ، ئێمەیچ جە تۆوە فێرۍ بیێنمۍ. ئاژەکە پا جۆرەنە و کەس دەنگ نمەکەرۆ. کاتێ کورد دژو قڕکاری و ئەرەگیری هەڵوێس و چالاکی ئەنجام مڎۆ تاوانبارا و مەحکوم مکریۆ. بەڵام تورک متاوۆ جە هەر کۆنە گەرەکشا هرووژم بکەرۆ سەرو کوردی و گرڎ کەسێ بە مافو ۋێش مزانۆش، کەسێوە نیا دژ بە جەنگ و تاوانکارییەکا دۆڵەتو تورکی هەڵوێس نیشانە بڎۆ.
هەڵوێس جە ۋەرا ۋەرو هێزە مېیاننەتەوەییەکانە
دادپەروەری ئینا چکۆ؟ ئایە هیچ ماف و یاسێوە هەنە؟ ئایە ئینە دادپەرەرییا؟ مەگەر ئینە ماف و یاسان؟ نەعلەت جە سیستەمی جەهانی پا جۆرەیە. سیستەمێووە ئانڼە نادادپەروەر، بێ ماف و زاڵمانە ئیسفاڎەش پەی هیچ کەسێ نیا. جە دماینە ئیسفاڎەیچش پەی ساحیبەکەیچش نمەبۆ. ڕۆشنکەردەیۆ و دەسنیشانکەردەی ئینەی گرنگا.
مەرامو هرووژمەکا دۊڵەتو تورکی ئەرەگیری ئانەن کە جە بنەڕەتەنە گەرەکشا سەرنیشت و ۋەرکۆتوو سوریای جە بەین بەرۆ. گەرەکشا گلێرگەی کوردی، گەلا کە سەرو هێڵۆو نەتەوەی دیموکراتیکینۍ چنی کوردا مژیوا چا هۆرشا کەنۆ. بەڕاسی پەنەوازا گرڎ کەسێ ئینەی عال بوینۆ. مشۆم گەلوو کوردی کە چا مژیۋا عال چینەی ئاگاڎار بۆ. مشۆم گرڎ کەس دژو ئی ئامانجیە مرداوە و ڕاش پنە نەڎا. دژمن بە گرڎو ڕەفتەکا ۋێشۆ گەرەکشا گەلی چا هۆرکەنۆ. مشۆم گرڎ کەسۍ خاوەنداری جە خاک و دەگاو ۋێشا بکەرا. گەر مرمۍ با سەرو خاکو ۋێماوە مرمۍ، با قەبرەکێما چا بۆ، ئێسقانەکێما چا مەناوە. هیچ شۆنۍ تەرە بیەیش نیا پەیش بلا. مشۆم بە مڎرامان ئی ستەمە مەڕیۆ.
بە دڵنیایوە نمەبۆ هیچ کەسێ یاگۍ ۋێش جیابازۆ. جەمۍ پلانۍ پەی ئینەی مجیێنێڕە. نمەبۆ هیچ کەسێ گنۆ دلۍ ئا گەماوە. مشۆم مڎرامان فرە قەوەتتەر وەڵۍ وزیۆ.
ۋەرنیشت شۆڕشو گرڎ کەسێن
١و تشرینو دووەمی ١٠ەمین ساڵوەگەڕو ڕۆو جەهانی کۆبانێن. کۆبانێ جە ١و تشرینو دووەمو ٢٠١٤ینە جە گرڎ لێوە جەهانیۆ بە مڎرامانی مېیاننەتەوەیی گرڎو گەلا، ژەنا و جوانا، نەکۊت و یاوا بە ئارۆی. یانی ڕەنجو گرڎ کەسێوەن. شۆڕشو ئازادی ۋەرنیشتی، شۆڕشو گرڎ کەسێوەن. سەرنیشتوو ۋەرکۆتوو سوریای پەی گرڎ کەسۍ یاگۍ-هیواینە. پەی گرڎ کەسێ ڕۆشناییا، پېسەنە هەسارێوە گەشی.
بە ڕۆحو ١و تشرینی دووەمیۆ داوام جە گرڎ کەسێوەن کە ١٠ ساڵۍ چێوەڵی شۆڕششا پارێزنا، ئیساتێچ پەی سەرکوتکەردەی شۆڕشی گرڎ جۆرە هرووژمێوە ئینا ئارانە. ئا کاتە داعش هرووژم کەرۍ. ئارۆنە ساعیبە بنەڕەتییەکۍ داعشی هەمان هرووژم مکەرا. هەم مکەرا سەرو کۆبانێ. فرە زیاتەر هرووژمو هەمان شۆنۍ مکەرا.
دەسەڵاتدارا وهێزە مېیاننەتەوەییەکۍ فزەشا چۆوە نمۍ، بەڵام مشۆم گەل، ژەنی، جوانۍ، شۆڕشگێڵنۍ، هێزە دیموکراتیک و سۆسیالیست-چەپەکۍ جە گرڎ لێوە جەهانیۆ جارێوەتەر بە ڕۆحو کۆبانێ، بەڕۆحو تشرینی دووەمیۆ هۆربێزا سەرو پەیا. مشۆم خاوەنداری جە شۆڕشو ۋەرنیشتی بکەرا. بانگەواز و من سەرو ئی بنەمێنە.
حەرچی مکەرا نمەتاوا ۋێشا ڕزگار بکەرا
جەنگ جە ۋەرکۆتوو مېیامینینە جە تشرینو یووەم و ساڵۆو پاریوە بەردەواما. بە هرووژمەکا حەماسی جە غەززەنە دەسش پنەکریا. گرڎو ناتۆی و ئەمریکا ئینۍ پەشتەو ئیسڕائیلێۆ. ئینە پېسە جەنگی یەرەمی جەهانی پێناسەکەرد، ڕاسا. ئێمەیچ پاسما هۆرسەنگنا.
ڕابەر ئاپۆ جە گرڎ ڕوێوە هۆرش سەنگنا. جەنگی جەهانی یەرەمش چنی پێناسە کەرڎ؟ واتش، بە سیستەمو سەرمایەداری سەرو نەتەوەی، ئا جەنگەی کە بی بە مەڵامەتو ناکۆکی جە ما بەینو نەتەوە-دەوڵەتینە وەش بۆ. ئا هێزەی هرووژم مکەرۆ هێزو سەرمایەیا. ئانەی کە ۋەرگریش ۋنە مکەرۆ وەشکەردەی دەوڵەت نەتەوەی و ستاتۆکگەرا دەوڵەت نەتەوەین. گرڎو دۆڵەتا ۋەرکۆتوو مېیامینی پی جۆرەنۍ. عێراق، سوریا و ئەوۍ تەریچ بە تەمامی بیێنۍ بە ئامانج. جە ئیساتێنە ئێران ئینا ئامانجەکێنە. ئێرانیچ جە لاو وێشۆ ئینا دلۍ ستاتۆکگەری دۆڵەت نەتەوەینە. هێزی هەرە دەوڵەت نەتەوە و هەرە ستاتۆکگەر دۆڵەتوو تورکین. هەرپۆکەی وەڵتەر ڕۆشنم کەردۆ کە ناوەندو جەنگەکەی تورکیان. جە ئاکامەنە هەر مۍ دلێش هەرچێوۍ بکەرۆ. ئیدارەو ئیساتۍ، ئاکەپە، مەهەپەی و ئەویشا تەری با بلا ناتۆ، یۆبیەی ئەوروپای، جە ئەمریکانە چێش مکەرا با بکەراش، گەر گەرەکشانە بلا ڕووسیا، چین، با بەشدارۍ برێکسیچ با، نمەتاوا ۋێشا ڕزگار بکەرا. مشۆم ئینە بزانیۆ.
جەنگی جەهانی یووەم سەرو سەرجە نۆ بەشکەردەیۆ جەهانی بۍ. پێکئامایۍ قووڵی هەژموونگەرایی جە لایەنو سیستەمی سەرمایەدارییوە وەش بی. ئامانجەکە ۋەرکۆتوو مېیامینی، عوسمانییەکۍ و ئیمپراتۆریەتەکەیشا بۍ. دەوڵەت نەتەوەشا ئاردەنە، ئیمپراتۆریەتشا بەشکەرد. تورکیا بی بە مۆدێل، سەڎ ساڵێن سەرمەشقایەتی تورکیای پی جۆرە بیەن. ئیساتۍ جەنگی یەرەمی جەهانی گەرەکشا ئی سەڎ ساڵەو ئاژەو ستاتۆو دۆڵەت نەتەوەی ۋییەرنۆ. ئی ئاژەو ئیساتۍ ڕاو سەرمایەی سنووردار مکەرۆ. کۆلۆنی لاواز مکەرۆ. هەرپاسە سەرمایە گەرەکش نیا ئاستەنگی ۋەردەمشەنە بۆ. گەرەکشا ئیسفاڎەی زیاتەر بەدەس بارۆ. چانە ناتەمامیێوە هەن. ئیساتۍ ئی هرووژمە بەردەواما.
مشۆم دژۍ هرووژمەکا بیمۍ
دیسان ڕاو وزەی هەنە، مژارو سەرچەمەکا وزەی هەن. متاومۍ واچمۍ ئا چێوەی ئینسانەکۍ وەڵۍ هەزاران ساڵانە، پەنج هەزار ساڵۍ چێوەڵی جە ۋەرکۆتوو مېیامینینە خوڵقنێنێش، جە ئیساتێنە گرڎ چێوۍ مارۆ سەرو ۋەرکۆتوو مېیامینی. ئی گرڎو جەنگا، گرڎو ئی ئامرازا جە لایەنو خەڵکو ۋەرکۆتوو مېیامینیۆ وەشێکریێنۍ. گرڎو چێوە یوەمینەکا جە ۋەرکۆتوو مېیامینینە ڕووەشا دان و چا پەرەشا سانان. ئیساتێچ قوربانی ئا چێوانۍ کە وەششا کەردێنۍ. بەڵام ئینە پەی گرڎ کەسێ ڕەوا نییا. بڕۍ هەوڵو زاڵبیەی مڎا، بڕێچ قوربانیێنۍ. جەنگێوە دڕندانە و بێ پیمانە هەن. ئینە ئاژێوە فرە ڕۆشنا.
جە حەقەتینەنە ئی نەتەوەپەرسی، ئاینگەرایی، رەگەزپەرسی و زەڕ پەرسیە خەریکا زەرەرۍ فرە بە ۋەرکۆتوو مېیامینی و گرڎو جەهانی مېیاونۆ. ئی جەنگە دەرەنجامو ئینیشان. ئیساتۍ گەرەکما چێگەنە ئینەی واچو. لایەنێوە ماچۆ با هومێڎ بۆ بە یۆ. لاکەی تەریچ ماچۆ سەرمایە سەرو گرڎ چێوێرە حوکمڕانی بکەرۆ. کێشەو ئاسایش و ئازادیم هەن. پەی نموونەی ئیسرائیل هرووژم مکەرۆ. ماچۆ جولەکەکۍ کێشەو ئاسایش و ئازادیشا هەن و منیچ ئینەی چارەسەر مکەرو. ئی هرووژمۍ پاسە هۆرۍ مسەنگیا. پەی ئاسایشو ئیسرائیلی ئەنجام مڎریا. ڕابەر ئاپۆ سەرنجش سەرنجش وست سەرو ئینیشا. بە مەعنێوەتەر ئایا جولەکەکۍ بە کاولکەردەی ناوچەو دەوروبەرو ئیسرائیلی ئاسایشو ۋێشا مسۆگەر مکەرا؟ یان بە دەسەبەرکەردەی ئاشتی چنی گەلا دەوروبەری مسۆگەر مکریۆ؟ ئایا جولەکەکۍ بە کۆیلەکەردەی بڕۍ گەلا تەری ئازادۍ با؟ یان بە هامبەشیکەردەی چنی گرڎی ئازادۍ با؟ واتە ئی جەنگە ئاسایش و ئاشتی و دیموکراسی نمارۆ. ناڕەزایی دژو ئینەی هەن. پۊکەی پی جۆرە نە ئاسایش و نە ئازادیی جولەکەکا مسۆگەر بۆ، نە موسڵمان، مەسیحی، تورک، فارس، کورد و عەرەب.
چێش پەنەوازا؟ رابەر ئاپۆ پەی ۋەرکۆتوو مېیامینی، نەتەوەی دیموکراتیکیش پێشنیار کەرد. چا چوارچێوەو سیاسەتینە کۆنفیدراڵیزمی دیموکراتیکش پێشنیارکەرد. چارەسەری پینەی ئیمکانە، چارەسەری وابەسەو هامبەشیکەردەین. دلێنە شیەی چارەسەری نیا. جگە چینەی هیچ چارەسەرێوەتەر بیەیش نیا. پێچەوانەو ئینەی جەنگو کارەسات شۆنەو ۋێشەرە مارۆ. ڕەنگە جە ڕوو مادییوە بڕۍ کەسۍ فرۍ دۆڵەمەڼۍ با. بەڵام ئانەیچ دمایش نیا. ۋەرو ئانەی مشۆم جە ۋەرا ۋەرو ئینەینە ناڕەزایبیەی ۋێما نیشانە بڎەیمۍ. مشۆم جە دژو گرڎو جەنگە بەرژوەندیوازیەکا سەرمایەداری ناڕەزایی نیشانە بڎەیمۍ. مشۆم گرڎ کەسۍ ئینەی فاڕۆ پەی بنەماو ئازادی ۋێش و جەنگ پێناوو دیموکراسینە. مشۆم گرڎ کەسۍ هۆرش چەرخنۆ پەی جەنگو واڵە-برایەتی چنی گەلا تەری. مشۆم فاڕمێش پەی نەتەوەی دیموکراتیکی، کۆنفیدراڵیزمی دیموکراتیکی و شۆڕشەکا وەڵۍ وزمۍ. ڕزگاری و چارەسەری تەنیا پی جۆرە ئیمکانش هەن.
کۆمار و گەلو کوردی ٢٩و تشرینو یوەمی ١٠١ساڵەو ئەرەیاۋنای کۆمارین جە تورکیانە. دماو ئانەیچ جە ٣٠ی تشرینو یووەمینە بۆ بە ١٠٢ساڵۍ. پا بۆنۆ چن چێوۍ ماچو. ئا چێوۍ گەرەکما واچوشا عیلاقەشا بە بڕۍ چێوا تەریۆ هەن. ڕابەر ئاپۆ بە وردی و جە چوارچێوێوەنە ئینەش ڕۆشن کەردەنۆ. یوەم: گەلوو کوردی ئەندامی سەرەکی و چالاکو بنیاڎنیای ئی کۆمارەینە. ئینەی یاڎو ئا کەسا وزمۍ کە دەسشا سەرو ئی کۆمارەیرە گرتەن و پېسە ئامرازێوە فشاری مەسڵەحەتو ۋێشانە بەکارش مارا. دووەم؛ گەلوو کوردی خیانەتش چی کۆماریە نەکەردەن. کۆمار ۋێش نەتاواش دەورو کۆماری برمانۆ، ۋەرو ئانەی نەتاواش دیموکراتیک بۆ. نەتاواس بۆ بە کۆمارێوە دیموکراسی. کۆمار ۋێش خیانەتش جە ڕێساکاو ئەرەمەرزنای ۋێش کەرد و نەتاواش بە پاو دلێینەکەیش بەردەوام بۆ. جە کاتو پڕۆسەو ئەرەمەرزیاینە ۋێڕاوەبەری بە گەلوو کوردی دریا. سەرو بنەماو یۆبیەی-واڵە و برایەتی تورک و کوردی ئەرەکۆشای لواڕاوە و ئی کۆمارە ئەرەمەرزیا. بەڵام فاڕیا پەی کۆمارێوە کە گەلوو کوردیش ۋەرو چەما نەگێرت و هەوڵو دلێنەبەردەیش دا. کۆمار ۋێش پەی دلێنەبەردەی گەلوو کوردی ئی هەرمانێشە کەردە. کاتێ گەلوو کوردی دژو ئا سیاسەتا مرداوە، واتشا مویندۍ گەلوو کوردی جەنگ مکەرۆ، چەک دژو ئێمە هۆرگێرا، سەرهۆردای مکەرا و پېسە تاوانباری جە قەڵەم دریۍ. ئینە بە فێڵ کەردەی نمەبۆ. گرڎ چێوۍ ڕۆشن و ئاشکران.
سێیەم، کۆمارو تورکیای کۆمارو گەلوو تورکیای نییا. دۆڵەتو کۆمارو تورکیای بۍ. دۆڵەتو تورکی دۆڵەتو گەلوو تورکی نەبۍ. ئانۍ گەلوو کوردیشا ۋەرو چەما نەگێرت جە پرەنسیپەکا ئەرەمەرزناو کۆماری خیانەتشا کەرڎ و کۆمارشا وست ئی حاڵەو ئیساتۍ و کۆمارو تورکیایشا کەرڎ بە کۆمارو گەلوو تورکی. تورک و تورکیا جیاوازیشا هەن. کاتێ کۆمار ئەرەمەرزیا تورکیا پېسە وڵاتێوە هامبەشو گەلاو تورکی و کوردی پێناسە کریا. تورکیا گوزارشت جە وڵاتێوە چامنەی مکەرۆ. بەڵام پی فاڕیایە ئیساتۍ گوزارشت جە نەتەوێوە مکەرۆ. تورکیا و تورک نمەتاوا جە یۆی جیۍ بکریاوە. سەرەتا چا خاکەنە تەنیا تورک نەبیەن، تورک پېسە یۆ چا پێکئامایا بیەن، بەڵام گرڎ ۋەرو چەما نەگیریۍ. هەرپاسە جە سەری سەرینو دەستوورینە بڕۍ چێوشا نویستەن. دۆڵەتو تورکی، کۆمارو تورکی چامنە نیا، پی جۆرە نیا. چی؟ ئینە بەرەو خراپتەر ملۆ. لایەنی ڕاسی ئاشکران. چا ڕووەیچۆ پەی ڕاسی و بەختەوەری داوا جە گرڎ کەسۍ مکەرمۍ. چا کاولش بکەرا ، چێوە کاولش بکەرا، دماتەر بەپاو ۋێشا مجاشەراوە و کەسانێوە بە تاوانبار ئەرەیاۋنا. هەروەخت تۆزێ دەسەڵاتشا بەدەست ئارڎ، دەشا ۋنەو ۋێت سەپنە سەرشارە. پی جۆرە نمەبۆ. دماتەر کێشە وگرفتێوە تەر مسەمپیۆ. هەر چێوۍ مکەری دژو ۋێت بەکار مێوە، ئا کاتە ڕاگیریت پنەمەکریۆ و ئانەیچ بۆ بە دمایی ۋێت. مشۆم پێناسەکۍ بە دروسی بەکار بۍ و بە دروسی پێناسە بکریۆ.
جەنگی جەهانی یوەم جەنگێوە بۍ پەی بەشکەردەی ۋەرکۆتوو مېیامینی سەرو دەوڵەت نەتەوەکارە. ئینەیچ جە ڕاو تورکیایۆ ڕووەشدا. ئیساتۍ جەنگی جەهانی یەرەم هەوڵمڎۆ سەرو ئاژەو ئیساتێرە زاڵ بۆ. کۆمارو تورکیای بە پەیماننامەو لۆزانی ئەرەمەرزیا. عەرەبەکۍ جە ڕاو کۆمارو تورکیایۆ بیۍ بە ٢٠ دۆڵەتۍ.
ئیساتۍ هامپەیمانی جوولەکەی و عەرەبی و هامپەیمانی ئیسرائیلی و عەرەبی و پەیمانی ئیبراهیمی هەن. سیستەمو سەرمایەداری گەرەکشا سەرو بنەماو ئی ڕێککەوتەیە ۋەرکۆتوو مېیامینی تازەی مجیۆراوە. تورکیا چی ئاژەو ئیساتێنە چێش مکەرۆ؟ ئیتر نمەتاوۆ بە هەمان ڕێبازەکاو سەدەی ۋییەرڎەی بەردەوام بۆ.
مشۆم گرڎ کەسۍ بێوە هۆش. مشۆم فاڕیایەکا بوینۆ. شمەیچ دەستورەکاو سەرمایەی بەبنەما گێردۍ و بەپاو لۆژیکو سەرمایەی مامەڵە نمەکەرا. واقیعو سەرمایەی ۋەرو چەما نمەگێرا. دماتەر پا جۆرە قبوڵ نمەکریۆ. هیچ ئەنجامێوە بەدەس نمارا. قەد نمەزانا بەرەو کۆ ملا. جە دماینە ماچوو؛ ئەرەمەرزنای ئی کۆماریە بە مەڵامەتوو شۆڕشو تشرینو یووەمی و بە پەشتیوانی یۆبیەی سۆڤیەتی و پەشتیوانی گەلوو کوردی ئەرەمەرزیا. ئەگەر شۆڕشو تشرینو یووەمی ڕووەش نەڎابیۍ و یۆبیەی سۆڤیەتی وەش نەکریابیۍ و کورد پەشتیوانیش نەکەردەبیۍ، سەدێوە چێوەڵی حکومەتێوە پا جۆرە وەش نەبۍ. با کەس نەواچۆ ئێمە پەی ۋێما ئەرەمەرزنانمارە. مشۆم حەقەتینەکۍ پېسە ۋێش بوینیۆ.
ئیساتۍ یۆبیەی سۆڤیەتی نەمەنەن. ئانۍ ماچا متاوا پاڵپەشتی تازە بێزاوە بە لوای پەی ڕووسیا، چینی یان هەوڵدای پەی پەیوەندیکەردەی بە بریکسی، ۋێشا هۆرخەڵەتنا. ئەگەر ئاڼڼە هەوڵو دلێنەبەردەی کوردی مڎا، ئەگەر ئا کوردەی کە ئا کۆمارەشە بنیاڎ نیا هرووژم بکریۆ سەرش و جە هەوڵو دلێنەبەردەیشەنە با، کەواتە پەی ژیۋای و مەنەیۆ چێش مکەرۆ؟ پەشتی بە چێشی بینۆ؟ سیستەم پا جۆرە دەس و قاچۍ ۋێش بڕۆوە.
ئیساتۍ ئا تورکۍ کوردی پېسە کورت کارتی پێناسە کەرێنۍ، کۆمکوژیی پەرەپنەدێنۍ، ئامێنۍ هۆشو ۋێشارە. ماچا ئێمە واڵە و برێنمۍ، کورد بەبێ تورکیای بیەیش نییا، تورکیایچ بەبێ کوردی بیەیش نییا. خاسا، بەڵام کورد ئانە سەڎ ساڵێن ئینەی ماچۆ. هیچ چێوۍ نەمەنەن چی بوارەنە نەکەراش، هیچ چێوۍ نەمەنەن کە پەشتگیریشا ۋنە نەکەردەبۆ. چی قەد تا ئیساتۍ گرنگیشا پنە نەڎریان؟ ئایا تازە مەیاوە هۆش؟ بەڵام هەڵای چی مژارەنە خاوەن قسۍ ۋێشا نیەنۍ. هەوڵو هۆرخەڵەتنای کوردی مڎا.
ماچا: "کورد بەبێ تورکی بیەیش نییا، تورک بەبێ کوردی بیەیش نییا، کورد هەر متاوۆ تورک بۆ و پەشتیوانیما بکەرۆ". پا جۆرە نمەکریۆ. کورد مافو ۋێش بەدەس مارۆ. کورد ئازاڎ بۆ. تورکیا بۆ بە وڵاتێوە دیموکراتیک سەرو بنەماو ئازادی کوردی و ئازادی ژەنۍ. تەنیا پا جۆرە متاوۆ ۋێش پارێزنۆ.
تەنیا پی جۆرە پېسە سیستەمێوە ئەڵتەرناتیڤی متاوۆ ڕووبەڕوو هرووژمەکا سیستەمی سەرمایەداری بۆوە، واتە بە سیستەمی سەرمایەو تایبەتی ۋێڕاگری بکەرۆ و مەنۆوە. ئەگینا هیچ شانس و دەرفەتێوە تەر نییا پەی مەنەیۆ. واتە بە نیایرەی ئێی و ئاڎی پېسە بەهانۍ، بە فێڵ و تەڵەکە هیچ ئەنجامێوە بەدەس نمۍ.
ئینۍ بڕۍ کەسێنۍ کە جە هیچی نمەیاوانە. ئاڎۍ تەنیا شۆنەو قازانجو ۋێشارە گێڵا و تورکیای بەرەو کارەساتی مبەرا. بە مەعنێوەتەر پەنەوازا ڕۆشنۋیرا، نوویسەرا، هونەرمەڼا و سیاسەتمەدارا تورکیای ۋەرا ۋەر پا کەسا وریۍ با. پەنەوازا ڕاسی کوردی، پاڵپەشتی کوردی و پەشتیوانی هەزاران ساڵەو کوردی بەرز نرخنا.
پۊکەی بە پاو ئی ئەرەمەرزیا (کۆمار)یە مشۆم بتاوا کۆمارێوە دیموکراتیک سەرو بنەماو ئازادی و یەکسانی گرڎ لایۍ جە خاکو کوردی و تورکینە بنیاڎ بنیەیمۍ. ئەگینا شانسو ژیۋای دەسەنە ملۆ.
جە دماینە ملمێنە دلۍ مانگەو تشرینی دووەمی، مانگەو ئەرەمەرزنای پارتەکەیماوە. بە مەعنێوەتەر داوا جە گرڎ لێوە مکەرو کە بە عالی جە مانگەو ئەرەمەرزنای پارتیما(پەکەکە)ی بیاوانە و بە ئەنەیاوایۍ ڕاسی شۆڕشگێڵنی و وڵاتپارێزێزنیوە هۆرسەنگنایش پەی بکەرا و بە درێژایی هێڵەکاو ڕابەرایەتی و گەشمەرڎا، پەی ئازادی جەسەیی رابەر ئاپۆی بە شێوێوە کاریگەرتەر ئەرەکۆشای پەرەپنە بڎا.
جە کەسایەتی هەڤاڵاما کەریمی و دەلالی و ڕەشیدینە یاڎو گرڎو گەشمەرڎا مانگۆو تشرینو دووەمی بە ڕێز و منەتدارییوە ماروە وە یاڎ و پا بۆنۆ داوا جە گرڎ لایۍ مکەرو کە بە ڕێزداریوە یاڎو گەشمەرڎا مانگۆو تشرینو یووەمی جە گرڎ بوارێنە ئەرەکۆشای ئازادی پەی ڕابەر ئاپۆی ۋەرفراوانتەر بکەرا و هیواو سەرکۆتەیشا پەی موازو. |
نێرگز محەمەدیە فاڕیاوە پەی خەسەخانەی
چالاکەو کوردی نێرگز محەمەدیە کە براوۍ خەڵاتو ئاشتینە و جە گێرتەخانەو ئەوینینە زیڼانیەنە، دماو ٩ حەفتا ڕەوانەو خەسەخانەی کریا.
چالاکەو کوردی نێرگز محەمەدیە کە براوۍ خەڵاتو ئاشتینە و جە گێرتەخانەو ئەوینینە زیڼانیەنە، دماو ٩ حەفتا ڕەوانەو خەسەخانەی کریا.
جە ئەرەیاۋنێوەنە سەرو پەلیانەو ئێکس و نێرگز محەمەدیێنە جە(توویتەری وەڵینشەنە) ئاماژە پانەی کریان، چالاکە کوردەکۍ فاڕیێنۆ پەی خەسەخانەی، جە کاتێنە پەی ماوەو نۆ حەفتا داواو فاڕایشۆ پەی خەسەخانەی ڕەڎ کریاوە.
جە ئەرەیاۋناکەینە ئامان: "ئینە جە سەیەو چالاکا و پەشتگیری هامپەیمانی (Free nergis) و فشارو گلێرگەی مېیاندەوڵەتی و ئەرەیاۋناکانە ئامان دی".
ئی چالاکەوانە ٥٢ ساڵۍ، بە مەڵامەتوو "پەشتگۆش وستەیش و بێبەشکەردەیشۆ" چڼین مانگێن دەسو "کێشەو تەندرووسیی جدی"ۆ مناڵنۆ
چی ئاژەنە، فاڕایشۆ پەی خەسەخانۍ ئاسایی چارەسەرش نمەکەرۆ پەی گرفتە تەندروسییەکا نێرگز محەمەدیۍ داوا کریا بەبێ مەرج ئازاڎە بکریۆ.
نێرگز محەممەدیە جە تشرینو دووەمو ٢٠٢١یوە جە گێرتەخانەو ئەوینینە جە ئێرانەنە زیڼانیە کریێنە. ئی چالاکۍ خاوەن خەڵاتو نۆبڵینە، ماوێوە فرەن ئینا زیڼانەنە. نێرگز محەممەدیە بە تایبەتی بە مەڵامەتوو ئەرەکۆشایش دژو سزاو جە قەنارەدای، جە ساڵۆو ٢٠٢٣ێنە بە لایەقەو خەڵاتو نۆبڵو ئاشتی هۆرەچنیا.
یاگۍ یاڎ وستەیۆین، نێرگز محەمەدیە نەوەشی زېڵێش هەن، هەرپاسە بە پاو گوزارشتێوە مانگۆو ئەیلولی، دەمارو زېڵێش تووشو کێشەو مەترسیڎاری بیەن. |
١٠ نووسینگۍ یاسایۍ ناڕەزایشا بەربڕی ۋەرا ۋەر بە هرووژمە ئەرەگیریەکا: خەڵکی مەدەنی کوشیۆ
١٠ نووسینگۍ یاسایۍ جە کوردەسانەنە ناڕەزایشا بەربڕی ۋەرا ۋەر بە هرووژمە ئەرەگیریەکان و واتشا، خەڵکی مەدەنی کوشیۆ.
١٠ نووسینگۍ یاسایۍ جە کوردەسانەنە ناڕەزایشا بەربڕی ۋەرا ۋەر بە هرووژمە ئەرەگیریەکان و واتشا، خەڵکی مەدەنی کوشیۆ.
١٠ نووسینگۍ یاسایۍ دلێشانە نووسینگەو یاسایی ئامەدی و وانی و ڕحای دژو هرووژمەکا دۆڵەتو تورکی پەی سەرو سەرنیشت و ۋەرکۆتوو سوریای ئەرەیاۋنێوە هامبەششا وەڵا کەردۆ.
جە ئەرەیاۋناکەینە تەئکید کریاوە، دۆڵەتو تورکی بە فڕۆکەی جەنگی هرووژمش کەردەن سەرو کۆبانێ و شارەکاو سەرنیشت و ۋەرکۆتوو سوریای، جەختکریاوە کە جە هرووژمەکانە خەڵکی مەدەنیۍ کوشیانە و زەرەر بە یانەو مەنزڵیشا میاوۆ.
جە ئەرەیاۋناکەینە ئاماژە پانەی کریان، بەدرێژایی تاریخی جیای ئانەی چارەسەری ئاشتیانە پەی پرسو کوردی بکریۆ پەنابریان ۋەرو سیاسەتی ئەمنی ئینەیچ تەنیا ئێش و ڕێشش شۆنەو ۋێشەرە ئارڎەن، ماچا: "بێگومان پەیوەندیی ئاشتییانەو کۆمارو تورکیای چنی گەلا هامسای کاریگەریێوە ئەرێنیش بۆنە سەرو ئارامی و ئاشتی کۆمەڵایەتی جە تورکیانە. نووسینگە یاساییەکۍ هەرێمەکەی، جە چوارچێوەو ۋەرپرسیاری پارێزنای ئاشتینە، ئی ئۆپراسیۆنا دژو هەرێمەکەی بە مەترسی موینۆ و داوا جە گرڎ کەسۍ کاریگەری مکەرۆ، سیاسەت و چارەسەری ئاشتییانە پەرە پنە بڎا".
ئا نووسینگە یاسایۍ ئەرەیاۋناکەشا ئیمزا کەرڎەن: نووسینگە یاساییەکۍ ئاگری، ئێلح، ئامەد، جولەمێرگ، ئیدر، موش، سێرت، ڕحا، شەرناخ، وانەنۍ. |
ئامەدەنە جە بارەگاو ڕێکوستەی پارتو هەرێمە دیموکراتیکەکا (دەبەپە)ی سەبارەت بە هرووژمەکا دۆڵەتو تورکی پەی سەرو شارەکا سەرنیشت و ۋەرکۆتوو سوریای بەیاننامۍ ۋنیاوە و هرووژمەکۍ شەرمەرزار کریۍ. ڕاوەبەرا پارته سیاسیەکا، ڕێکوزیاکا گلێرگەی مەدەنی و جەماوەرێوە فرە به شدارۍ چالاکیەکەی بێنۍ و دروشمەو "جەنگ کوشتوبڕ و مەرگا، ئاشتی ژیۋای خوڵقنۆ" بەرزکریاوە.
سوڵتان یارای هامسەرۆکو دەبەپەو ئامەدی جە چالاکییەکەنە ئەرەیاۋناش؛ "ئاکەپە و مەهەپە دەسشا پەی کوردا درێژ کەرڎ و واتشا: 'ئێمە پرۆسێوە تازە دەس پنەمکەرمۍ'، بەڵام کاتێ تەماسەو کردەوەکاما کەرڎ دژمنایەتی ۋێشا ۋەرا ۋەر بە کوردا نیشانەدا و خەڵکی مەدەنی ۋەرنیشتەنە مکەرا ئامانج. هاموڵاتیا مەدەنی و زاوڵا جە هرووژمەکا سەرو خەسەخانەی و کارگەکانە گیانشا جە دەسدان. ئێمە ئینەیە بە دووڕوویی نامۍ بەرمۍ. ئیتر کورد پا قسا هۆرمەخەڵەتیۆ. دمایی بە جەنگی باردۍ. تا ئا کاتەی ئی جەنگیە مردندۍ بەردەوامۍ بیمۍ جە ئەرەکۆشایما."
هەرپاسە عەباس شاهین هامسەرۆکو پارتو یەکسانی و دیموکراسی گەلا ئاماژەش پانەیچکەرڎ کە جە هرووژمەکا ئی دماییەینە ٢٧ کەسۍ کوشیێنۍ کە زاوڵەیچشا ئینا چنە. شاهین ئاماژەش پانەی دا، کۆمکوژییەکۍ جە کاتێنە ڕووە مڎا کە قسۍ "ئاشتی دلێینەی" مکریۆ و واتش، "بەسیاسەتو جەنگی و چارەسەری نمۍ دی. بە دەسەڵاتدارا ماچمۍ؛ ڕا نمەڎەیمۍ ئی خاکە بکریۆ بە مێڎانو جەنگی. هەرپاسە داواو دمایی ئارڎەی بە هرووژم و ئەرەگیریەکا مکەرمۍ".
عەدالەت کایا پەرلەمانتارو دەم پارتی ئامەدی، ئەرەیاۋناش نانەواخانە و خەسەخانەکۍ کریێنۍ ئامانج و واتش: "هرووژمەکۍ دژو ئا کەسا کە ئیراڎەو ئاشتی و چارەسەریشا متەنەرە ئەنجام مڎریۆ. ئارۆ سەڎەنە ٨٠و گلێرگەی دەسو هەژارییوە ناڵنۆنە. ناوچە گرڎیەکۍ جە لایەنو چەتەکاوە ڕاوەبەر مکریا، ژەنی کۆمکوژۍ مکریا، زاوڵۍ عەزیەت مکریا ئیساتۍ کاتو ئانەی ئامان ئاشتی جە دلێنەو و جبەرو وڵاتی بەدی بۍ. داوا جە گرڎو ڕێکوزیا دێموکراتیکەکا مکەرمۍ دژو هرووژم و سیاسەتە جەنگەوانەکا دۆڵەتی مرداوە. ئێمە عەیامێوەن پەی ئاشتی هەمیشەیی ئەرەکۆشمۍ." |
هرووژمەکۍ دۆڵەتو تورکی جە کۆبانێنە شەرمەزارۍ کریۍ
بە سەڎان کەسۍ جە ئەرەنیشتا ناوچەو چەلەبی بە مەبەسو شەرمەزارکەردەی هرووژمەکا دۆڵەتو تورکی ئەرەگیری ڕاپیمایشا کەرڎ.
بە سەڎان کەسۍ جە ئەرەنیشتا ناوچەو چەلەبی بە مەبەسو شەرمەزارکەردەی هرووژمەکا دۆڵەتو تورکی ئەرەگیری ڕاپیمایشا کەرڎ.
بەمەبەسو شەرمەزارکەردەی هرووژمەکا دۆڵەتو تورکی ئەرەگیری پەی سەرو هەرێمەکاو سەرنیشت و ۋەرکۆتوو سوریای، کۆنگرە ستار و هێزەکۍ پارێزنای کۆمەڵایەتی (هەپەجە) جە ناوچەو چەلەبی کۆبانێ، ڕاپیمایشا کەرڎ.
بەسەڎان هاموڵاتیۍ ۋەردەمو مەجلیسو گەلوو چەلەبینە کوۍ بیێوە و چالاکیشا کەرڎ.
جە ڕاپیماکەینە وێنەو زاوڵە گەشمەرڎەکا و زامڎار هرووژمەکا و وێنەو ڕابەر ئاپۆی، ئاڵاکاو کۆنگرە ستاری و هێزەکاو پارێزنای کۆمەڵایەتی، لافیتەو "هرووژمەکا دۆڵەتو تورکی شەرمەزار مکەرمۍ"، "هەتا گۆشەگیری بەردەوام بۆ، ئەرەکۆشایما بەردەوام مەبۆ" بەرزکریۍ بێنێوە.
جە میانو ڕاپیماکەینە گەل دروشمەکا "نا پەی هرووژمەکا دۆڵەتو تورکی ئەرەگیری"، "بژیۋۆ مڎرامانوو گەریلای" و "بژیۋۆ سەرۆک ئاپۆ"یشا واچێنێوە.
ڕاپیماکەی تا ۋەردەم و مېیانو کۆنگرە ستاری جە ناوچەو چەلەبینە بەردەوام بی، چا بە دەیەقێوە بێدەنگی چالاکیی گلێرۆبیەی لواڕاوە.
دماتەر ڕاوەبەرو ناوچەو چەلەبی کۆنگرە ستاری، زەلال عەلی، هرووژمەکۍ دۆڵەتو ئەرەگیرو تورکیش پەی سەرو هەرێمەکا سەرنیشت و ۋەرکۆتوو سوریای شەرمەزارۍ کەردۍ.
زەلال جە قسەکاشەنە ئەرەیاۋناش؛ دۆڵەتو تورکی بە بوردوومانەکاش قەد نمەتاوۆ ئیرادەو گەلەکەیما ماڕۆنە و واتش، چێوە بە گرڎو دنیۍ ماچمۍ ئەرەکۆشایما هەمیشە بەردەوام بۆ و سەرو ڕاو ڕێبازو گەشمەرڎەاماوە ڕووبەڕوو هرووژمەکا بیمێوە."
'بێ ڕابەر ئاپۆی ئاشتی نمەبۆ'
زەلال جە دما دمایی قسەکاشەنە واتش: "چارەسەرو گرڎو کێشەکا ئینا ئیمراڵیی، بەبێ ڕابەر ئاپۆی هیچ چارەسەریێوە نمۍ دی. پېسە گەلوو کوردی جە گرڎو دنیێنە درێژە بە ئەرەکۆشایما مڎەیمۍ، مڎرامان ئیرادە و ئەرەکۆشایمانە. گەلوو کوردی چکۆ بۆ، جە لایەنو دۆڵەتو تورکیوە مکریۆ ئامانج. بەبێ ئانەی زاوڵە و پیر و نەوەش ۋەرو چەما گێرۆ گرڎ کەسێ مکەرۆ ئامانج. هەڵوێسو ئێمە پېسە گەلوو ۋەرنیشتی دیارا، تامسۆگەر کەردەی ئازادیی ڕابەر ئاپۆی بەردەوامێنمۍ جە ئەرەکۆشای."
ڕاپیماکەی بە دروشمەو "مڎرامان ژیۋاین" دمایش پنە ئاما. |
هەپەگە یاڎو دووۍ گەریلایا گەشمەرڎەیش بەرزڕاگێرت
هەپەگە فەرماندە گەڤەر زەفەر و ئاندۆک تەندورەکش بەرێزۆ یاڎۍ کەردێوە و ئەرەیاۋناش، "قەول واوەی مکەرمێوە کە یاڎو گەشمەرڎا ۋێما بە زیڼەیی راگێرمۍ و ئامانجەکاشا بارمێنە دی".
هەپەگە فەرماندە گەڤەر زەفەر و ئاندۆک تەندورەکش بەرێزۆ یاڎۍ کەردێوە و ئەرەیاۋناش، "قەول واوەی مکەرمێوە کە یاڎو گەشمەرڎا ۋێما بە زیڼەیی راگێرمۍ و ئامانجەکاشا بارمێنە دی".
ناوەندو ئەرەیاونای و چاپەمەنی هەپەگەی درەبارەو گەریلا گەشمەردەکاما ئئ زانیاریەشە ئەرەیاونا:
"فەرماندەو ئەیالەتو وانی کە یۆن جە جەنگاوەرا سەرمەشقی فیدایی پارتەکەیما پەکەکەی و هامڕاما گەڤەر زەفەر و ئاندۆک تەندورەک کە چنیش بێێ، ٢٨و ئۆکتۆبەرو ٢٠١٨ جە ئەنجامو هجومێ ئاسمانینە جە مێڎانو کاتۆ ئۆرتێی مەنتیقەو خیزانی وانینە گەشمەردێ بیێ. جە ساڵڕۆو گەشمەردەبیەیشانە بە رێز و پنەزانایۆ یاڎو فەرماندەی قارەمانی هەمڕا گەڤەر زەفەری و جەنگاوەری فیدایی ئاپۆیی ئاندۆک تەندورەی بەرزڕاگێرمێ.
هامڕا گەڤەر پیسەو ڕۆڵێوە عەشیرەتو گەودانی کە بە رەسەنایەتی، قارەمانی و وڵاتپارێزنی وێشا مشناسیاوە بەشدارو دلێ ریزەکا گەریلای بی. هامراما گەڤەر، کە ڕاپیمای ئازادی ئاڎیی جە ١٩٩٣نە دەسش پنەکەرد، جە زاگرۆسۆ تا بۆتان، جە کەڵارەشیوە تا قەندیل، جە خواکورک و خنێرۆ تا هەرێمو مەتینای، هەفتانین و ئەیالەتو وانی ٢٥ ساڵێ بێ مدرای ئەرەکۆشایش بەردەوام بێ.
هامڕاما گەڤەر جە ئەنجامو جەنگینە جە دژو خائیناو داردەسا و ئەرەگیرانە ٣ جارێ بە قورسی زامڎار بیی. سەرەڕاو ئانەی کە ڕوو وە ڕو فرە بێدەرفەتی و دژواریایچ بیۆ، بەڵام بێ مدرای درێژەش بە ئەرەکۆشاو وێش دا. پێسەو فەرماندێوە قارەمانی و پاگیر جە جەنگەکا سەرنیشتی و زاپەنە دەورۍ تاریخیش گێڵنا و چڼین چالاکیۍ سەرکۆتێ و ئۆپراسیۆنێ شۆڕشگێڵنیێش بەردێنێ ڕاوە. بە ئازایەتی و جەنگکەردەی وێشۆ قارەمانێوە حەقەتینە بۍ. ئاڎ شۆڕشگێڵنێوە گیانباز بێ جە گرد ئاستێوە جەنگەوانینە تا فەرماندەیی مانگە، تاقم، یەکینە و تابوریوە تا فەرماندێوە ئەیالەتی ئەرکش گێرت ئەستۆ. ئاڎ فەرماندێوە ئاپۆیی بێ کە قارەمانیەتی عەشیرەتو گەودانی کە کولتورۍ بێهامتاو گەلوو کوردیشا دلۍ وێشانە گێرتەن ئامێزۆ، بە ئایدۆلۆجیای ئاپۆیی جە کەسایەتی وێشەنە یاگەگیر کەردەن و بە بنیاڎنیایۆیۍ سەردەمیانۆ دەوری گەورەش جە ئەرەکۆشای ئازادی گەلەکەیمانە گێڵنا، ڕاپیمای ئازادیی ئەفسانەیی هەمڕا گەڤەری کە ٢٥ ساڵێ بێمردای بەردەوام بۍ جە لایەنو گردو جوانا کوردی قارەمانی عەشیرەتو گەودانی و هامڕەیاشۆ بە نمونە هۆرگیریۆ و یاڎو ئاڎی جە ئەرەکۆشاو ئێمەنە بەردەوام بە زیڼەیی ڕاگیریۆ و ئامانجەکۍ ئاڎیی بە دڵنیاییۆ سەرێگنا.
هامڕاما ئاندۆک تەندورەک پێسەو رۆڵیوە بەقیمەتو گەلەکەیما جە سەرحەدەنە جەئەڏۍ بییەن. جە دژو سیستمو سەرمایەداری، نوێنەرایەتی راسی، گیانبازی و پاکی یاگێ جە ئەڏا بییە و گەورەبییەی وێش کەردەن و بە بەشداربییەش جە ریزەکا ئازادینە وێش سەرو فەلسەفەو ئاپۆیی پەروەردەکەرد و جە ڕاو بنیاڎنیایۆ پێسەو جەنگەوانێوە راسی سەرکەوت. جا وەختۆ بەشداریش جە ریزەکا گەریلاینە کەرڎ هامڕاما بە جۆش و خرۆشۆ بە پەیوەستبییەی بە دۆزەکەیماوە، شانەش دان وەرو گرد هەرمانێ. پێسەو گەریلێوە ئازاو چنە ئامای، ئەرک و ۋەرپرسیاری وێش چی قۆناغێنە جا بەجۍ کەرڎ و بی بە جەنگاوەرێوە کە مشۆم گرد جوانێ کوردی پێ وێش بە نمونە هورشگێرۆ. هامڕاما ئاندۆک کە جە دژوارتەرین ساتەکا جەنگینە بەشداریش جە ئەرەکۆشای ئازادینە کەردەبێ، بە ئازایەتی وێشۆ ئشناسیێوە. ئەرەکۆشای و جەنگ جە دژو دۆڵەتو تورکی کۆلۆنیالیستی کە چنین ساڵێن سەرو گەلەکەیمارە هجومو قەڕکەردەی ئەنجام مڎۆ، پێسەو قەرزێوە وینمێش و پێسەو گرد جوانێ شکۆمەندو کوردی تا دما هەناسەو وێش بە شێوێوە گیانبازانە جەنگش کەرد و هەوڵشدا بۆ بە شایستەو گەلەکەیما. هامڕاما پا هەڵوێسۆو ۋێشۆ یاگێش جە تاریخو ئەرەکۆشایمانە کەردۆ. پێسەو هامڕایاش ئێمە قەول مڎەیمێ کە پابەندۍ ئەرەکۆشای هامڕایما ئاندۆکی بیمۍ و وەرم و ئاواتەکاش بارمێنە دی.
سەرەوەشی جە تەمامو گەلی وڵاتپارێزنو کوردەسانی بە تایبەتی بنەیانەی بەقیمەتو هەمڕا گەشمەردەکاما مکەرمێ، جە عەشیرەتو گەودانی وڵاتپارێزنی و چلدارانی مکەرمۍ. قەول واوەی مکەرمێوە کە یاڎو گەشمەرڎاما بەزیڼەیی ڕاگێرمۍ و ئامانجەکاشا بەدیبارمۍ.
زانیاری سەرو ئشناسنامەو هەمڕا گەشمەرڎەکاما پی جۆرەنە:
ناسنامۍ / گەڤەر زەفەر
نامۍ و دما نامۍ / عەلی بۆر
شۆنەماو جە ئەڎابیەی / فەراشین
نامۍ ئەڎۍ و نامۍ تاتەی / سینەم- محەمەد
شۆنەماو کاتو گەشمەرڎەبیەی / ٢٨و ئۆکتۆبەرو ٢٠١٨ / کاتۆ
*****
ناسنامۍ / ئاندۆک تەندورەک
نامۍ و دما نامۍ /میرحاج کاراکۆش
شۆنەماو جە ئەڎابیەی / وان
نامۍ ئەڎۍ و نامۍ تاتەی /گوڵچین- کەمال
شۆنەماو کاتو گەشمەرڎەبیەی /٢٨و ئۆکتۆبەرو ٢٠١٨ / کاتۆ
***** |
جە وێرەگاو ٢٣ۍ ئۆکتۆبەریۆ دۆڵەتو ئەرەگیرو تورکی هجومێوە وەرفراوانش پەی سەرو سەرنیشت و وەرکەوتو سوریای دەسپنە کەردەن و بەدەیان هاموڵاتیێ مەدەنیێش گەشمەردێ و بەدەیان کەسۍ تەرێچش زامڎارێ کەردێنۍ. هەرپاسە دەیان سەنتەرێ خزمەتگوزاریێ کۆمەڵایەتی و چێرخانو ئابووری مەنتیقەکەی کریێ ئامانج. یۆ چا مەنتیقا کە زەرەرێ گۆرەش وەرکۆت و دلێشەنە ژمارێوە فرە هاموڵاتیێ مەدەنیۍ گەشمەرڎێ بیێ، کانتۆنو شەهباو- عەفرینی بێ.
حەسەن حەسەن، هامسەرۆکی ئەنجوومەنو کەمپینو سەردەمی جە دیڎارێنە چنی ئاژانسوو هەواڵوو فوراتی ئەرەیاوناش؛ دماو ئەرەگیرکەردەی عەفرینی و کۆچکردەی گەلی پەی هەرێمو شەهبای، دۆڵەتو ئەرەگیرو تورکی ڕوانە بەبەردەوامی هجوم مکەرۆ سەرو هاموڵاتیا مەدەنی و واتش: "بەتایبەت جە ٢٣ۍ ئۆکتۆبەریۆ هجومێوە وەرفراوانش ئەنجامدا."
حەسەن حەسەن ئاماژەش پانەی دا، پەنەوازا گرد کەسۍ دژو ئی هجوما هەڵوێسو وێشا نیشانە بڎا و واتش: "٧ ساڵێ سەرو ئەرەگیرکەردەو عەفرینی و کۆچکەردەو گەلی پەی هەرێمو شەهبایرە موییەرۆ، چی ماوەنە گەلوو عەفرینی وەرگەو گرد جۆرە هجومێشا گێرتەن و جە سەختترین ئاژەنە بە هیواو گێڵایۆیشا پەی ماواو وێشا مدرامانشا کەردەن. جە ئەنجامو هجومەکا ئی دماییەو دۆڵەتو تورکی پەی سەرو کەمپینو سەردەمی ژمارێوە فرە جە هاموڵاتیا مەدەنی گەشمەردێ بیۍ واتش : "دۆڵەتو تورکی بەگرد نەوعۍ هجوم مکەرۆ سەرو مەنتیقەکەی و تاوانەو جەنگی ئەنجام مڎۆ، پەنەوازا گرد دژو ئی هجومەیە هەڵوێسو وێما نیشانە بڎەیمۍ."
هەرپاسە فازیلە محەمەڎە ئەرەنیشتۍ کەمپو سەردەمی و ئەکرەم بەکری ئەرەنیشتەو لادەگاو تل قەرەی سەبارەت بە هجومەکا ئاماژەش پانەیە کەرد؛ هیچ هجومێوە مدرامانیشا مەمردنۆ دۆڵەتو تورکی ساڵانە هجومی کۆمکوژیی دژو گەلو کوردی ئەنجام مڎۆ. ئارۆ وەرچەما گردو جەهانیۆ درێژە بە هجوم و کۆمکوژییەکاش مڎۆنە و کەس دەنگ نمەکەرۆ، مشۆم گرڎ کەسۍ ئانەیە بزانۆ کە ئێمە پێسەو گەلوو کوردی وەرەنگارۍ گردو ئا هجوما بیمێ و خاوەنداریی جە ڕۆڵە قارەمانەکاما مکەرمێ و دۆڵەتو تورکی سەر ئەنجامەنە وەرا وەر بە مدرامانو بەشکۆو گەلەکەیمانە مەڕیۆ، بەڵام گەلما پەنەوازا یەکڕیزی وێش قەوەتتەر بکەرۆنەو سەرکۆتەیما مسۆگەرا." |
سەرو ڕاو دێرەلوک-ئامێدینە درۆنێوە کۆتەرە واری
هامکات چنی بەردەوامی هرووژمە ئەرەگیریەکا دۆڵەتوو تورکی، سەرو ڕاو دێرەلوک – ئامێدینە درۆنێوە بەبۆمب چنیا کۆتەرە واری و پا مەڵامەتۆ ئامووشۆو ڕەوت چا جاڎەنە مردا.
هامکات چنی بەردەوامی هرووژمە ئەرەگیریەکا دۆڵەتوو تورکی، سەرو ڕاو دێرەلوک – ئامێدینە درۆنێوە بەبۆمب چنیا کۆتەرە واری و پا مەڵامەتۆ ئامووشۆو ڕەوت چا جاڎەنە مردا.
بە پاو زانیارییەکا، سەرسەعبو ئارۆی سەرو ڕاو دێرەلوک – ئامێدینە درۆنێوە بەبۆمب چنیا کۆتەرە واری.
چا شۆنێنە درۆنەکە کۆتەنەرە واری ئاموشۆو ڕەوت مردان.
کاربەدەسا دلێینەی هەڵای هیچ قسێوەشا نەکەردێنە. ئا رووەدایە ئینا وەختێنە کە سەرە مڕە هرووژمەکۍ دۆڵەتو تورکی ئەرەگیری بەردەوامێنۍ. |
هەڵمەتۆو 'ئازاڎیی پەی رابەر ئاپۆی' کە سەرو ئاستۍ میاننەتەوەینە ملۆ ڕاوە، دووەمین ساڵ وەگەڕشەنە بە ڕاپیمای و گلێرۆبییەی جەماوەری بەردەوامەنە.
چوارچێوەو چالاکییە جەماوەرییەکانە کوردەسانیا جە سکۆتلاندا، وێڵز و ئینگلتەرانە ١٠و کەڵەهەرزیچنە لەندەنەنە کوۍ باوە و چوارچێوەو هەڵمەتەکێنە بە بەشداری هەزاران کەسا ڕاپیمای و گلێرۆبییەکەی مکەرا.
ڕاپیماکەی بە سەرمەشقایەتی ئەنجومەنو گەلوو کوردی جە بەریتانیانە و پێکئامایەکا جە ١٠و کەڵەهەرزینە وەردەمو بیناو بی بی سی لەندەنینە دەسپنە مکەرۆ و تا مێڎانوو ترافالگاری بەردەوامیش بۆ. ئامادەکاریەکۍ پەی ڕاپیمای بەردەوامێنۍ. جە چوارچێوەو ئامادەکارییەکانە جە شارو ئێدیبرۆی سکۆتلەندای، شارەکا مانچستەر، لیڤەرپول، شێفێڵد و بریتۆنی ئینگلتەرای بەشداربییەکا بە پاس بەرەو لەندەن فاڕاوە.
سەبارەت بە ڕاپیماکەی جە ئەنجومەنو گەلوو کوردی جە لەندەنەنە ئامادەکاری ۋەرفراوان ئینا ئارانە. جمېیەرو جوانا شۆڕشگێڵنی بەریتانیای، ئەنجومەنو ژەنا ژیانۍ، کۆمسیۆنو پەیوەندییەکا جبەرو ئەنجومەنو گەلو کوردی جە لەندەن، کۆنگرەو ستراری، پەژاکی شارەکەنە جە چوارچێوەو ڕاپیماکەینە هەرمانەمکەرا و چا بەینەنە یانەو دوکانەکا کوردەسانیا کەراوە سەر پەی ئانەی خوڵقەشا بکەرا پەی بەشداربیەی جە ڕاپیماکەینە. |
گەریلا سیسەر: بێریتانە رۆحو سەرکۆتەی و ئازادینە
گەریلاو هەپەگەی ئاسلان سیسەر ئانەش وست ڕووە کە هەڵوێسو بێریتانۍ جە دژو نۆکەرا فرە گرنگا و واتش، "بێریتانە رۆحو سەرکۆتەی و ئازادینە".
گەریلاو هەپەگەی ئاسلان سیسەر ئانەش وست ڕووە کە هەڵوێسو بێریتانۍ جە دژو نۆکەرا فرە گرنگا و واتش، "بێریتانە رۆحو سەرکۆتەی و ئازادینە".
جەنگەوانا ئازادیی کوردەسانی بە رۆح و جۆش و خرۆشو شۆڕشیوە ئەرەکۆشایشا جە دژو دژمنی درێژە پنەمڎا. یۆ چا جەنگەوانایچە گەریلاو هەپەگەی ئاسلان سیسەرا.
ئاسلان سیسەر کە ئینا دلۍ تیمە گێڵیارەکانە، قسێش پەی ئاژانسوو هەواڵوو فوراتی (ANF)ی کەردۍ. گەریلا ئاسلان سیسەر واتش، "وەڵۍ گرڎ چێوێنە جە ساڵیاڎو گەشمەرڎەبیەیشەنە بە رێز و پنەزانایۆ یاڎو هەڤاڵ بێریتانۍ مکەرووە. هەمڕا بێریتانە دژو ۋێدایدەسۆی هێڵۆو مڎرامانیش پەی ۋێش بە بنەما گێرت، سەرەش پەی دژمنی نەنامنارە. ئا هێڵۍ کە وەششکەردە بیە بە بناغەو بە سوپابیەی ژەنا. چالاکی ئاڎۍ پەی ئێمە فرە گرنگ و تاریخیا. ئێمە بەردەوام بەهاکاو هەڤاڵ بێریتانۍ پارێزنمۍ. بێریتانە رۆحو سەرکۆتەی و ئازادییا. با دژمن عال بزانۆ کە جە کەشەکا کوردەسانینە شکس مارۆ.
'تا دما نەفەس ۋێڕاگری مکەرمۍ'
ئامانجو دژمنی چا هرووژمانە ماڕای هیواو گەلەکەیمانە. پەی ئانەی بتاومۍ پەی ئازادی ئەرەکۆشمۍ و ۋێڕاگری بکەرمۍ، ئێمە هێز جە رابەریما هۆر مگێرمۍ. جە فەلسەفە و مڎرامانوو رابەر ئاپۆی ئیسفاڎە هۆرگێرمۍ. رابەرایەتی چڼین ساڵێن جە ئیمرآڵینە ئەرەکۆشایۍ بێهامتا ڕاوەبەر مکەرۆ. سەرو ئا بنەمایۍ ئێمە تا دما نەفەس جە ۋەرا ۋەرو هرووژمەکا دژمنینە ۋێڕاگری مکەرمۍ. ئێمە جە یاگۍ و کاتو ۋێشەنە جوابی پەنەواز بە دژمنی مڎەیمێوە. ئێمە تا دما نەفەس خاوەنداری جە رۆحو مڎرامانو بێریتانۍ و عەگیدی مکەرمۍ. ئا مڎرامانە پەی ئێمە فرە تاریخیا. پا مەڵامەتۆ جارێوەتەر گەشمەرڎە بێریتانۍ بە رێز و پنەزانایۆ یاڎە مکەرووە. سەرو هێڵۆ و رێبازو ئاڎۍ کە پېسە میراتی پەی ئێمە مەنەنۆ، بەردەوامۍ بیمۍ جە ئەرەکۆشای". |
هەپەگە: ٥ سەروازۍ تورکی ئەرەگیری سزادریۍ، ڕادارێوە دلێنەبریا
گەریلاکۍ ئازادیی کورڎەسانی جە زاپ، خواکورک و مەتینانە چالاکیشا کەرڎ. جە چالاکیەکەنە ٥ سەروازۍ تورکی ئەرەگیری سزادریۍ، ڕادارێوە دلێنە بریا.
گەریلاکۍ ئازادیی کورڎەسانی جە زاپ، خواکورک و مەتینانە چالاکیشا کەرڎ. جە چالاکیەکەنە ٥ سەروازۍ تورکی ئەرەگیری سزادریۍ، ڕادارێوە دلێنە بریا.
ناوەندو ئەرەیاۋنای و چاپەمەنی هەپەگەی دەربارەو چالاکییەکا گەریلای و هرووژمەکا سوپاو تورکی ئەرەگیری ئەرەیاۋنێوەش وەڵا کەرڎۆ. ئەرەیاۋناکەی پی جۆرەنە:
" هەرێمو خواکورکی؛
٢٥ و ئۆکتۆبەری سەعات ١٤:٣٠ دەیەقۍ جە مېڎانوو مڎرامانوو لۆلانینە بە چەکی نیم ئۆتۆماتیک جە ئەرەگیرا دریا کە گەرەکشا بۍ جە مەڕەکا جەنگیما نزیکۍ باوە. جە ئاکامو ئا جەنگەینە ٤ ئەرەگیرۍ بە سزا یاوۍ.
٢٧ و ئۆکتۆبەری سەعات ٠٩:٠٠ جە مېڎانوو مڎرامانوو لۆلانینە بە ڕێبازو نیشانەماڕۍ گورزە جە ئەرەگیرا شنیا. چالاکیەکە جە لایەنو هێزەکاو یەژا ستاریماوە ئەنجامدریا.
٢٥ و ئۆکتۆبەری سەعات ١٥:١٠ دەیەقۍ جە مېڎانوو مڎرامانوو مەسەکەنێنە بە چەکی قورس گورزە جە ئەرەگیرا شنیا. چالاکیەکە جە لایەنو هێزەکاو یەژا ستاریماوە ئەنجامدریا.
هەرێمو گەشمەرڎە دەلیلی جە ۋەرنیشتوو زاپی؛
٢٦ و ئۆکتۆبەری سەعات ٠١:٣٥ دەیەقۍ جە مېڎانوو مڎرامانوو کەشو ئامێدینە بە چەکی نیم ئۆتۆماتیک گورزە جە ئەرەگیرا شنیا.
٢٦ و ئۆکتۆبەری سەعات ٠٢:١٥ دەیەقۍ جە مېڎانوو مڎرامانوو کەشو جودینە بە شێوازو نیشانەماڕۍ گورزە جە سیستەمێوە ڕاداری شنیا و بەتەمامی دلێنەبریا.
٢٦ و ئۆکتۆبەری سەعات ١١:٠٥ دەیەقۍ جە ۋەرا ۋەرو ئەرەگیرانە کە ڕووەشا جە مەڕەکا جەنگیما جە مېڎانوو مڎرامانوو کەشو جودینە کەردەبۍ ٢ جارۍ بە چەکی کەسی دەسوەردای جە جموجوڵیشا کریا.
٢٦ و ئۆکتۆبەری سەعات ١٠:٣٠ دەیەقۍ جە مېڎانوو مڎرامانوو کەشو وەهارینە بە چەکی قورس گورزە جە ئەرەگیرا شنیا. چالاکیەکە جە لایەنو هێزەکاو یەژاستاریماوە ئەنجامدریا.
هەرێمو مەتینای؛
٢٤ و ئۆکتۆبەری سەعات ١١:٢٠ دەیەقۍ جە مېڎانوو مڎرامانوو دەرگەلێنە بە چەکی قورس گورزە جە ئەرەگیرا شنیا.
٢٥ و ئۆکتۆبەری سەعات ١٢:٤٩ دەیەقۍ جە مېڎانوو مڎرامانوو دەرگەلێنە بە چەکی قورس گورزە جە ئەرەگیرا شنیا.
هرووژمەکۍ سوپاو تورکی ئەرەگیری بە تەقەمەنی قەڎەغەکریا؛
٢٥ و ٢٦ و ئۆکتۆبەری هەرێمو گەشمەرڎە دەلیلینە جە ۋەرنیشتوو زاپی مەڕەکێما جە مېڎانوو مڎرامانوو کەشو ئێف ئێمینە ٢ جارۍ بە تەقەمەنی قەڎەغەکریا بۆمبۋاران کریۍ.
٢٥ و ئۆکتۆبەری هەرێمو گەشمەرڎە دەلیلینە جە ۋەرنیشتوو زاپی مەڕەکێما جە مېڎانوو مڎرامانوو کەشو ئامێدینە ٢ جارۍ بە تەقەمەنی قەڎەغەکریا بۆمبۋاران کریۍ.
هرووژمەکۍ سوپاو تورکی ئەرەگیری؛
٢٥ و ٢٦ و ئۆکتۆبەری جە هەرێمو خواکورکینە؛ مێڎانەکۍ مڎرامانو لۆلانی، بەربزن و قەلە ٤ جارۍ، جە هەرێمو گارەینە؛ مېڎانەکۍ دەشتەو کافیای، سێدارێ، سیسەر، چەم ڕۆبۆتکی، دێڕەشێ ٦ جارۍ، جە هەرێمو مەتیناینە؛ مێڎانوو مڎرامانوو سەری مەتینای جارێوە، هەرێمو گەشمەرڎە دەلیلینە جە ۋەرنیشتوو زاپی مېڎانوو مڎرامانوو کەشو ئێف ئێمی ٢ جارۍ؛ بە گرڎی ١٣ جارۍ بە فڕۆکەی جەنگی بۆمبۋاران کریۍ.
٢٥ و ٢٦ و ئۆکتۆبەری جە هەرێمو خواکوڕکینە؛ مېڎانەکۍ مڎرامانوو کەشو شەکیفی، گەشمەرڎە شەریفی ١١ جارۍ، جە هەرێمو مەتیناینە؛ مېڎانەکۍ مڎرامانوو سەری مەتینای و بێشیلی ١٤ جارۍ، هەرێمو گەشمەرڎە دەلیلینە جە ۋەرنیشتوو زاپی؛ مېڎانوو مڎرامانوو کەشو وەهاری، کەشو جودی ١٠ جارۍ؛ بەگرڎیی ٣٥ جارۍ بە هەلیکۆپتەری جەنگی بۆمبۋاران کریۍ." |
ئایەتوڵا خامنەیی سەرو دیجیتاڵ میدیاو ئێکسیۆ ئەرەیاۋنێوەش وەڵا کەرڎۆ و ناڕازایی ۋێش ۋەرا ۋەر بە هرووژمەکا ئیسرائیلی نیشانە دا ئاماژەش پانەی کەرڎ کە ئیسرائیل هەرمانۍ غەڵەتەش کەردێنەو واتش: "مشۆم زەرەرەکۍ رژێمی زایۆنیی گۆرۍ نەکریا، وە گولانەیچ نیشانە نەڎریا."
ئیسرائیل ئەرەیاۋناش پېسە حەقکەردەیۆ ۋەرا ۋەر بە هرووژمەکا ١و ئۆکتۆبەرو ئێرانی پەی سەرو خاکەکەیش، سەرسەعبو ڕۆو یەرە شەممەی هرووژمی ئاسمانیش پەی سەرو ئەرەمەرزیاکا بەرهەمئاوردەی مووشەکا جە ٣ پارێزگۍ ئا وڵاتەینە ئەنجام دان، کە تارانی پایتەختیچش ئینا چنە.
جە ۋەرا ۋەرو ئا هرووژمانە دەسەڵاتدارا ئێرانی و میدیاکێش ستایشو تواناو ۋەرپەرچدایۆ هێزو ۋەرگری وڵاتەکەیشا کەرد جە ۋەرا ۋەرو ئا هرووژمانە.
دماو هرووژمەکەو ئیسرائیلی ڕۆو شەممەی، ئێران ئەرەیاۋناش کە مافو ۋێشا وەرگری جە ۋێش بکەرۆ.
ئیسرائیل هەرپاسە هەڕەشۍ ئانەیچش کەرڎەن کە ئەگەر جوابو هرووژمەکەی بڎریۆوە 'باجێوە قورس' مڎریۆ. |
باقرخان: بەرەو ئیمراڵی بکەردێوە، با فکرەکێ ئێژا ئۆجالانی بیاوا بەگەلی!
هامسەرۆکو گردی دەم پارتی تونجەر باقرخان ئاماژەش پانەیە دا کە ئانەی مژارەکەی چارەسەر مکەرۆ ڕابەر ئاپۆن و واتش: "بەرەو ئیمراڵی بکەردێوە، با فکرەکێ ئێژا ئۆجالانی بیاوا بە گەلی."
هامسەرۆکو گردی دەم پارتی تونجەر باقرخان ئاماژەش پانەیە دا کە ئانەی مژارەکەی چارەسەر مکەرۆ ڕابەر ئاپۆن و واتش: "بەرەو ئیمراڵی بکەردێوە، با فکرەکێ ئێژا ئۆجالانی بیاوا بە گەلی."
هامسەرۆکو گردی دەم پارتی تونجەر باقرخان جە بەشداریکەدەیش جە ٤ەمین کۆنگرەو ئاسایی پارتو سۆسیالیستی چێردەسانە ئاماژەش پانەیەدا کە سیستەمو سەرمایەداری ئیتر تواناو مەنەیشۆ نیا و سەرچەمەو قەیرانەکا تورکیای و جەهانیا. هەرپاسە نامبریا هۆرسەنگنایش پەی هجومەکا دۆڵەتو تورکی ئەرەگیری کەرد کە جە ٢٣ۍ ئۆکتۆبەرینە پەی سەرو سەرنیشتو و وەرکەوتو سوریای دەسشپنەکەردەن، سەرەڕاو شەرمەزارکەردەو هجومەکا رەخنەش چانەی گێرت کە ئی هجومێ جە لایەنو دەسەڵاتدارییۆ پێسەو دەسکەوتێوە نیشانە مڎریۆ.
جە بەردەوامینە باقڕخان سەرنجش وست سەرو داواکاریەکەو دەوڵەت باخچەلی فاشیستی و دەسنیشانش کەرد کە مەڵامەتو ئی داواکارییە دەرەنجام و کاریگەری یۆبیەی و ئەرەکۆشای ئێمەن. وە ئاماژەش پانەیەکەرد مشۆم تاریخو کوردا و تورکی سەرو بنەماو دیموکراتیکی پێوەرە ژیوای بۆ و واتش: "کاتێ کورد قازانج مکەرۆ، ئانە مەڵامەتا پەی قازانجو تورکیچ، وە دماجار گەلو تورکیای قازانج مکەرۆ چی پێوەرە بییەینە. چەمەڕاو ئاشتی و چارەسەریما جە کەسی نیا و یەکڕیزیما مەڵامەتو چارەسەری دیموکراتیکانەی و پەرسو کوردین."
'ئێژا ئۆجالان چارەسەرین'
جە دما دماینە باقڕخان ئاماژەش بە چەمپەنەکەوتەکەو عومەر ئۆجالانی چنی ڕابەر ئاپۆی کەرد و بە ڕووەدایێ گرنگ وەسفش کەرڎ و واتش: "بە دەسەڵاتی ماچمۍ؛ ئانەی مژارەکەی چارەسەر مکەرۆ ئێژا ئۆجالانا. بەرەو ئیمراڵی بکەردێ، با فکرەکێ ئێژا ئۆجالانی بیاوا بە گردو گەلا. ئینایمێ قۆناغێ هەستیارەنە. باوەڕما بە وێما هەن." |
ماوەو ١٨ ڕووان وەریشە مورادییە ئەندامەو گلێرگەو ژەنا ئازادی جە وەرکەوتوو کوردەسانینە (کەژار) و چالاکەو مافەکا ژەنا ئینا زینانو ئێڤینینە، جە دژو سەپنای و جابەجێکەردەو سزاو جەقەنارەدای ئێرانەنە دەسش بە مانگێرتەی جە واردەی ماوە نادیاری کەردەن.
تامێ بەمەڵامەتو مانگێرتەیۆ ئاژەو تەندروسی وەریشە مورادیی خراپتەر بۆ و سەرو ئاستو ئێرانی و وەرکەوتو کوردەسانی و بەریچ پەشتیوانییەکێ جە چالاکییەکەو ئا زینانییە سیاسییۍ فراوانتەر بۆنە.
دەیان چالاکۍ ئێرانی و وەرکەوتوو کوردەسانی جە ئەرەیاونێوەنە باسشا چانەی کەردەبۍ کە ڕۆو شەممەی پەی پەشتیوانی جە مانگێرتەکەو وەریشە مورادیێ، مانی گێرا.
جە ئەرەیاوناکەو ئا چالاکانە ئامان،
"چی ساتە هەستیار و گرنگەنە، ئێمە پێسەو بەشێوە جە گلێرکەکەی کە بڕواما بە دادپەروەری، ئازادی و مافەکا مرۆڤی هەن، هامسۆز و هامپەشت شان بە شانو وەریشە مورادیێ مدرێنمێ. وەریشە هێمانە پەی وێڕاگری و مڎرامانێوە مەدەنی کە بە درێژایی زیاتەر جە دووێ حەفتا ویەردەی بە مانگێرتەی جە واردەی، ناڕەزایی جە دژو ستەمی، نادادی و سزای نادادپەروەرانەی و بەرزبیەیۆ ئاستو جەقەنارەی نیشانەدان.
مانگێرتەکەو ئاڎێ نەک هەر هێمانە پەی ئیراڎە و ویستی پۆڵایینو ئاڎێ وەرا وەر بە ستەمی، بەڵکم دەنگێوەن کە هاوارو راسی و مدرامانی میاونۆ بە دنیۍ. فرە بە خاسی چانەیە میاومێنە کە ئاڎە بە چ ئاژێوە نارەخەتو ناهەمواریرە ۋییەردێنە و چ قەرارێ و مەترسیڎارش پەی بەربڕییەی ناڕەزایەتی وەرا وەر پی بێ دادییە هۆرچنییەن".
ئا چالاکۍ سەرەڕاو بەربڕییەی پەشتیوانی وێشا پەی چالاکییەکەو وەریشە مورادیی داوایچشا کەردێنە، کە دمای بە مانگێرتەکەیش بارۆنە و چا ڕوانگۆ ئەرەیاونانشا. "پێسە هەمڕایاش چی ڕێنە داواش ۋنە مکەرمێ کە دمای بە مانگێرتەکەیش بارۆنە. ئەرەکۆشای ئاڎێ نەک هەر جە مانگێرتەکەو ئیسەی، بەڵکم جە گرڎو چالاکییەکاشەنە و هەوڵەکا ویەردەیشەنە، ڕۆشنا و ئینا وەروچەماوە. ئاڎە کەسایەتیێوەنە کە گلێرکەکەما پەی درێژەدای بە ئەرەکۆشای مەدەنیی رەواو وێش پەنەوازش پنەشا. ئاڎە نوێنەرێنە پەی گردو ئانیشا کە تامەزرۆو گلیرگێوە ئازادی و دادپەروەرانەینێ".
هەرپاسە ئەرەیاونانشا: "داواش ۋنە مکەرمێ کە پەی دمای ئاردەی بە مانگێرتەکەیش، ئا دەرفەتیە بە ئێمە و کەسا تەری بڎۆ کە شان بە شانو ئاڎۍ مردمۍ و بە کەڵک هۆرگێرتەی جە گرڎو توانا و هێزو وێما، درێژە بە ئەرەکۆشای پەی ئازادی و دادپەروەری بڎەیمێ. هیچ چێوێ بە قیمەتتەر نییا جە گیانو مرۆڤەکا، ئێمە پەنەوازیما پنەشا پەی ئانەی بە گرڎو بییەیشۆ، نەک هەر چی کاتەنە، بەڵکم بە درێژایی ڕاو ئەرەکۆشای ئامادەیش بۆنە" .
ئا چالاکۍ پێسەو پەشتیوانیێوە هێماییێنۍ پەی مانگێرتەکەو وەریشە مورادیێ ڕۆو شەممەی مانیشا جە واردەی گێرتەبێ.
وەریشە مورادییە کە زیاتەر جە ١٤ مانگان دەسبەسەرەنە تۆمەتەو (بەغی) یاخوڎ یاخیبیەیش دریان پاڵ و جە ١٠و ئۆکتۆبەرو ئیساڵی کە هاموەختا چنی رۆو جەهانی ۋەرەنگاربییەیۆ جەقەنارەدای دەسش بە مانگیرتەی جە واردەی کەردەن.
نامی ئا چالاکا کە پەشتیوانیشا پەی مانگێرتەکەو وەریشە مورادیۍ بەربڕیەن:
محەممەد کەریم ئاسایش
فەخرەدین ئامیدیان
مەعسومە ئیبراهیمی
تەیب ئەحمەدی
دلێر ئەسکەندەری
شەهریار ئۆسکویی
نازی ئۆسکویی
موژگان ئەسڵانی
زارا ئەمجەدیان
سروە ئەمجەدی
پەرەستو ئەڵاهیاری
هەستی عامری
فەریبا باباخانی
شیوا بەسیری
سۆهراب بەهرامی
تەکتەم بەهرامی
سۆهەیلا بەهرامی
سیما بێورانی
شەریفە پاشایی
لەیلا پاشایی
سروە پوور محەممەدی
سۆما پوور محەممەدی
سارا پور نیک
سۆهراب جەلالی
سیمین چایچی
فیردوس حاتەمی
نەسرین حسێن زادە
ئارزوو حسێنی
ڕۆیا حێشمەتی
فەریدە حەمیدی
مەهین خاتوونی
قانع خاتری
سورەییا خدری
خەلیل دورگیر
خەبات دێهدار
فەرزانە ڕاجی
سوسەن ڕازانی
ژیلا ڕەحیمی
ژاڵە ڕۆستەمی
سپێدە ڕەشنۆ
شەهرازاد ڕەزایی
عەلیرەزا ڕەزایی
مریەم ڕەزایی
روناک زەمانی
کاوە زاهیدی
بژوێن زەندی
فەرەح زەندی
بەهار زەنگی بەند
کامەران ساختمانگەر
باران ساعدی
پەیمانی سالم ویشکایی
فەوزیە سەتاری
ڕامیار سەرسەیفی
چنور سەعیدی
لادەن سەعیدی
شیرین سەلیمی
کولثوم سەید ئیبراهیمی
شادی شاڵاوی
محەممەد شوعایی
فەتانە سادقی
فەریدە سادقی
سۆما سەفاری
مریەم تالێبی
مریەم تەهرانی
ڕەزا تەهماسبی
شۆڕش تەهماسبی
لەیلا عەباسی
فەتانە عەبدولحوسێنی
زیبا عەزیم خانی
ئایدا عەمویی
لەیلا عێنایەتزادە
جەمشید غوڵامی
پەرستو فەج شێخو لئیسلامی
سیمین فروهەر
دینا قاڵیباف
پەرستو قوربانی
چیاکۆ قوربە
شەمسی قوربەیی
گۆڵباخ کاکەخانی
مێلیکا کاوەندی
موژگان کاووسی
سەعادەت کوردپور
شیرین کەریمی
مەجید کەریمی
عەزیمە گوڵچینی
شەرافەت لوتفی
سابر لوتفی
ژینا مودەرس گورجی
ئارینا مودەڕس گورجی
فائیزە مودەڕس گورجی
هۆنیا مودەڕس گورجی
مەرزیە مورادوەیسی
سەعدیە مورادی
شادی مورادی
مەرزیە مورادیان
شیدا مەردوخی
نەفیسە محەمەدزادە
واران محەمەد نژاد
ویدا محەمەد نژاد
چنور محەمەدی
زارا محەمەدی
مونیر محەمەدی
نیشتمان محەمەدی
نوشین محەمەدی
سروە مەجیدی
سۆگۆل مشکین قەڵەم
سەیران منبەری
مریەم منبەری
نادیە منبەری
فاتیمە مەهدەوی
شوکڕوڵا ناسحی
سەعید نادری
هێرش ناوگران زاد
شێری نەجەفی
سورەییا نور
نەفیسەل نووری
ژیلا یوسفی
شیلان یوسفی |
جە ئەنجامنامەو گلێرۆبییەو ئەنجومەنو دەم پارتینە کە ئەنقەرەنە کریا، رۆژەڤە ئابوورییە هەرێمی و جەهانییەکۍ، کۆمەڵایەتی و سیاسی هۆرسەنگیۍ و جەختکریاوە سەرو بەرنامەو هەرمانکەردەیشا.
جە ئەنجامنامەکەنە سەرنج وزیا سەرو ڕووەدایەکا فەلسەتینی و لوبنانی، هەرپاسە گرژییەکێ بەینو ئیسرائیلی و ئێرانی و ئاماژە بە کاریگەری پێگەی جوگرافی کوردەسانی و تورکیای کریا چا پشێویانە.
هەرپاسە جە ئەنجامنامەکەنە سەرنج وزیا سەرو سیاسەتە ئەرەگیریەکا دۆڵەتو تورکی و سەبارەت بە سیاسەتو دەسەڵاتداری فاشیستی ئاکەپە-مەهەپەی مەنتیقەکەنە و وەرکەوتو مېیامینینە و بەتایبەت ئاماژە دریا بە هجومە ئەرەگیریەکا سەرو سەرنیشتو و وەرکەوتو سوریای کە دۆڵەتو تورکی ئەرەگیری دەسش پنەکەردێنۍ و ئانە وزیا ڕووە، ئی سیاسەتۍ دەسەڵاتداری ئاکەپە-مەهەپەی گەلو تورکیایش توشو ئاژێوە مەترسیڎاری کەردەنۆ.
جە ئەنجامنامەکەنە ئاماژە با قسەو باسەکا سەبارەت بە 'ئاسایبییەیۆ'ی کریا کە سەرجەنۆ کۆتەن دلێ ڕۆژەڤیۆ و ئاماژە پانەیە کریا کە دەم پارتی ساڵانێوەن قوربانی فرەش دان پەی ئاردەی دی ئاشتی و گردو ئا بەرا کە دژ بە ئاشتیینێ یاگێ شەرمەزاری بیێنێ و وچیان: "مشتومڕکەردەی سەرو چارەسەری تازەی خاڵێوە ئەرێنیەنە، بەڵام سەرجەنۆ وەڵاکەردەیۆ واچەو 'تەسلیم بییەی' هامکاری چارەسەرو پەرسو کوردی و کێشەکا تورکیای نمەکەرۆ."
'ڕۆڵو ئۆجالانی جە چارەسەرینە ڕیشەییا'
جە ئەنجامنامەکەنە ئاماژە پانەی کریا کە پەی ئاردەی ئارای ئاشتی و چارەسەری حەقەتینەی لابەردەی گۆشەگیری شەرتەی بنەڕەتیەنە و وچیان: "پێسەو هەنگامێوە سەرەتای و کاریگەری مشۆم گۆشەگیری سەرو بەرێز ئۆجالانی لابریۆنە. ڕۆڵو کاریگەری ئێژا ئۆجالانی جە پرۆسەو چارەسەریینە ئینا وەرچەماوە و یاگێ گومانۍ نیەنە. دماو ٤٣ مانگا جە گۆشەگیری قورسی، چەمپنەکۆتەکەی ماناڎار و گرنگا، بەڵام گۆشەگیری هەڵای بەردەواما. پێسەو ئانەی ئێژا ئۆجالان ئاماژەش پنە کەردەن، 'ئەگەر هەلومەرجێ چانەم پێ ڕەخسیۆ هێزو تیۆری و پراکتیکی ئانەیم هەن قۆناغەکۍ جە زەمینەو جەنگیۆ پڕنووە پەی زەمینەی یاسای و سیاسی' پۆکەی وەڵێ گرد چێوێنە دەسەبەرکەردەی ئازادی جەسەیی، ئاسایش و تەندورسی ئاڎیی پەی کەردەیۆ ڕاو ئاشتی کۆمەڵایەتی فرە گرنگا. زەمینەو ئەرەنیشتەی و دیالۆگی، تەنیا جە چوارچێوەو ئژێوە ئازادی و یەکسانینە متاوۆ حەقەتینە و هەمیشەیی بۆ." |
عومەر ئۆجالان پەرلەمانتارو دەم پارتی ٢٣/١٠/٢٠٢٤ دماو ٤٤ مانگا چنی ڕابەر ئاپۆی چەمنەکۆتەیش کەرڎ. دیڎارەکە هەم جە ڕای گرڎیی و دلێینەینە و هەم جە ئاستی مېیاننەتەوەیینە دەنگش داوە. ڕابەر ئاپۆ جە ڕاو برازاکەیشۆ پەیامێوەش پەی ڕای گرڎیی کیاست و واتش: " ئیمرالینە گۆشەگیری بەردەواما، ئەگەر هەلومەرج بڕەخسیۆ، هێزی تیۆری و پراکتیکی ئانەیم هەن کە ئی پرۆسەیە جە زەمینەو جەنگیۆ فاڕووە پەی بواری سیاسی و یاسایی."
یووە جە سەرمەشقەکا هەڵمەتەو 'ئازادی پەی عەبدوڵا ئۆجالانی، چارەسەری سیاسی پەی کێشەو کوردی'، لۆڕێنس فێلمان ڕیێلە، پەرلەمانتارەی سۆسیالیستەو سویسرای جە پەرلەمانی فیدراڵینە، دیڎار و پەیامەکەو ڕابەر ئاپۆیش پەی ئاژانسوو فۆراتی هۆرسەنگنا.
'هۆرگێرتەی زانیاری سەرو عەبدوڵا ئۆجالانی فرە گرنگا'
لۆڕێنس فێلمان ڕیێلە، پەرلەمانتارەی سۆسیالیستەو سویسرای، دیڎارەکەو ڕابەر ئاپۆی فرە گرنگا و واتش: "دماو 44 مانگا جە گۆشەگیریی رەهای، ئی دیڎارە یاگۍ سەرنجینە، چونکی جە مانگەو ئادارو ٢٠٢١یوە عەبدوڵا ئۆجالان ڕاش پنە نەڎریان دیڎار چنی کەسوکارەکەیش ئەنجام بڎۆ. بەتایبەتی نەتاوانیچش پارێزنەرەکاش بوینۆ". ئێمە مزانمۍ ئی گۆشەگیرییە نیگەرانی جە بارەو ئاژەی دەروونی و تەندروسی عەبدوڵا ئۆجالانیۆ وەش مکەرۆ.
عەبدوڵا ئۆجالان کە بە شێوێوە ئاسایی مافو ئانەیش هەن ئازاد بۆ، ماوەو ٢٥ساڵان جە زینانەنە ئینا چێرو گۆشەگیریۍ ڕەهاینە. هەرپاسە مزانمۍ کە (CPT) سەردای ئیمرالیش کەردەن، بەڵام هەڵای چا بارۆ گوزارشتەی دماینەو ۋێش وەڵا نەکەردێنۆ و پەی بەربڕیەی پەیلواکاش سەبارەت بە مەرجەکا گۆشەگیری ئۆجالان دەسەڵات و تواناکێش بەکار ناردێنۍ. دلۍ ئی هەلومەرجانە دیڎارو ئۆجالانی چنی برازاکەیش ئاژێوە تازە و گرنگا.
ئایا ئی ڕووەدایە نیشانۍ ئانەینە کە دەسەڵاتدارا بەتایبەتی ئەردۆغان چنی عەبدوڵا ئۆجالانی دەسشا بە دیالۆگی کەرڎەن؟ ۋەرو ئانەی عەبدوڵا ئۆجالان هەڵای دلۍ گەلوو کوردینە خاوەن کاریگەریێوە گۆرە و کەسایەتیێوە سەرەکییا جە پرۆسەو ئاشتی و چارەسەرینە. ئایا ئینە ئەوەڵجارا ئی هەوڵە مڎریۆ؟ ئایا عومەر ئۆجالان پېسە ئەندامێوە بنەیانەی یان پېسە نوێنەرو دەم پارتی چنی عەبدوڵا ئۆجالانی کۆبیەنۆ؟ گرنگ ئانەنە مشۆم وەش وینێبیمۍ: ئینە ئاماژێو ئەرێنییا."
'عەبدوڵا ئۆجالان ئینا هەوڵو ئانەینە ڕا پەی ئاشتی و چارەسەری بکەرۆوە'
پەرلەمانتارە فێلمان ڕیێلە ئاماژەش بە پەیامەکەو ڕابەر ئاپۆی کەرد و ئەرەیاۋناش؛ پەنەوازا دۆڵەتو تورکیای جوابو ئی پەیامیە بڎۆوە. بەپەیلواو من عەبدوڵا ئۆجالان جە ڕاو پەیامەکەیشۆ سەبارەت بە گفتوگۆی و ئاشتی گەرەکشا دۆڵەتو تورکیای وزۆ کۆششۆ، عەبدوڵا ئۆجالان سەرەڕاو ئانەی کە ئینا زینانەنە بەڵام لاو گەلوو کوردیۆ ئاکتەرێوە گۆرە و قارەمانا. ڕەنگە ئاژەو ناسەقامگیری جەهانیچ فاکتەرێوە بۆ پەی ئی گلێرۆبیەیە: ڕەنگە تورکیا چێرو فشارینە بۆ. پەی نموونەی جەنگو بەینو ئیسرائیلی و فەلەستینی فرە یاگۍ نیگەرانییا و چانەینە بۆ بە مەڵامەتوو ئانەی کە پشێوییەکا دلۍ تورکیای زیاتەرۍ بکەرۆ بەڵام پەنەوازا بزانمۍ ئایا ئی گلێرۆبیەیە بەردەوام بۆ یان نا، هەرپاسە ئەنجامێوە عالش چنە گنۆوە یان نا، گرڎ هەوڵێوە پەی چارەسەری ئی جەنگە درێژخایەنەیە ئەنجامێوە عالش بۆنە. ۋەرو ئانەی ئی جەنگە نە ئینا مەسڵەحەتو گەلوو کوردینە نە ئینا مەسڵەحەتو تورکیاینە."
'هێزو عەبدوڵا ئۆجالانی ئاشکرا بی'
پەرلەمانتارە فێلمان ڕیێلە بانگەوازیەکەو سەرۆکو مەهەپەی دەوڵەت بەغچەلیش هۆرسەنگنا و واتش: "داواو دیڎاری چنی عەبدوڵا ئۆجالانی هێزو سەفەربەری عەبدوڵا ئۆجالانی و کوردا نیشانە مڎۆ کە سەرەڕاو فشاری و سەرکوتکەردەی هەڵای بەردەواما و مەبەزیۆ.
مزانمۍ کە سوپاو تورکی هرووژم مکەرۆ سەرو سوریای و عێراقی هەرپاسە مزانمۍ کە گەرەکشانە نوێنەرا ۋەرنیشتی کە هەوڵو ئەرەمەرزنای گلێرگێوە ئاشتیانەی و یەکسانی مڎا، ئاستەنگ بکەرۆ. پا جۆرە هەوڵ مڎۆ هەرێمەکەی وزۆ چێرو کۆنترۆڵو ۋێشۆ. سەرەڕاو ئا فشار و سەرکوتکاریی و ئاستەنگیا، گەلوو کوردی و کوردا دیاسپۆرای بەتایبەتی جە مانگۆو ئۆکتۆبەرو ساڵۆو ٢٠٢٣ێوە پەی ئازادیی عەبدوڵا ئۆجالانی بەردەوام چالاکی ئەنجام مڎا. بێگومان ئی چالاکیۍ دەنگشا دانۆ. بەدڵنیاییوە ئی ئاژە پاسشەکەردەن کە دۆڵەت و ئەردۆغان هەڵوێسەکاشا فاڕانە."
'ئامانجی سەرەکی مشۆم ئازادی عەبدوڵا ئۆجالانی بۆ'
فێلمان ریێلە پەرلەمانتارەو سویسرای جە دمادمایی هۆرسەنگنایەکاشەنە ئەرەیاۋناش؛ دیڎارەکە چنی ڕابەر ئاپۆی کافی نییا، بەڵکم مشۆم ئامانجی سەرەکی ئازاڎکەردەیش بۆ و واتش، کاتو ئانەی ئامان هەڵمەتەی مېیاننەتەوەیی پەی ئازادیی عەبدوڵا ئۆجالانی ۋەرفراوانتەر بکریۆ. فرە گرنگا یاڎ وزیۆوە؛ عەبدوڵا ئۆجالان ئاکتەرێوە گۆرەن جە چارەسەری کێشەو گەلوو کوردینە و پەنەوازا هێزە دیموکراسیەکۍ چا بارۆ سەفەربەری دەس پنە بکەرا. چونکی ئینە جە هەمان کاتەنە بە ماناو سەفەربەری پەی سەربەخۆیی گەلوو کوردین." |
دووێ هێڵێ، دووێ دەنگێ پێوەرە هاوار مکەرا؛ مڎرامان و خیانەت پێوەرە مژنەوییا. ساڵەو ١٩٩٢ جە خواکورکەنە تاریخ جارێوە تەر شایەتو جەنگێوە چەپەڵی بۍ. جە گەریلا سەرمەشقەکا پەکەکەی بێریتان هێڤی (گوڵناز کاراتاش)ە تاریخو کورداش فاڕا و بە مڎرامانو وێش هێڵەو خیانەتیش ماڕا.
گەریلاو هەپەگەی باوەر روبار و گەریلۍ یەژاستاری ئامارگیە عیسیان رەقا کە سەرو هێڵۆو بێریتانۍ جە مەڕەکا جەنگینە ئەرەکۆشا قسێشا پەی ئاژانسوو هەواڵوو فوراتی (ANF)ی کەردۍ و باسشا جە کاریگەری چالاکییەکەو بێریتانێ دلێ ریزەکا جمېیەرو پەکەکەینە کەرد.
گەریلا باوەڕ روبار بە یاڎکەردەیۆ گەشمەردا شۆڕشی دەسش بە قسەکاش کەردو و واتش، "هەڵوێسو هەڤاڵ بێریتانێ دژو خیانەتکەرا فرە گرنگا. پلانەکۍ پەدەکەی بە جوابدایۆ هامڕێ بێریتانێ مەڕیا. مڎرامانو بێریتانێ بە گرد لێوەرە وەڵا بیۆ و جە ئارۆیچەنە سەربارو هەلومەرجی دژوارەی مڎرامان بەردەواما. بەتایبەتی مڎرامانێ کە هەمڕێما ئیساتێ جە زاپ ، مەتینا، خواکورک و سەرنیشتو کوردەسانینە ڕاوەبەرش مکەرا، هێڵەو بێریتانێ نیشانە مڎا. دژمن وەرا وەرو هەمڕاکامانە گرد جۆرێ چەکێ بەکارمارا، بە چەکی کیمیاویی هجوم مکەرۆ. ئانەیچ نیشانەش مڎۆ کە دژمن چ ئاستێنە تەنگەتاو بییەن.
چالاکی هەمڕایاما دژمنشا قەڵس کەردەن. سەرەڕاو پەشتیوانییەکا پەدەکەیچ، دۆڵەتو تورکی وەرا وەرو گەریلاینە نمەتاو سەرگنۆ. دۆڵەتو تورکی تەنیا پەشتی بە تەکنەلۆجیای بینۆ جەنگەنە، ٢٤ سەعاتێ بە بەردەوامی درۆنی سیخوڕی خولیۆوە، مێڎانەکا بۆمبۋاران مکەرا. خەڵکەکەیما کوشا، خیانەت و سیخوڕی سەپنانە. سەرەڕاو گردو هجومە وەحشیانەکا دژمنیچ جە کەشەکا کوردەسانینە باڵادەسی و زاڵبیەی ئینا دەسو ئێمەنە. دژمن جە وەرا وەرو گەریلاینە نمەتاوۆ جەنگ بکەرۆ و گورزەی قورسەشا وەرگنۆ. پەی ئانەی بڕواو گەلی وەرا وەر بە پەکەکەی وڕنۆ، گرد ڕوێ دژو گەلی جەنگێ تایبەت ڕاوەبەر مکەرا. بەڵام دژمنێ و هامکارەکێش حەجگیز سەرێ مەگنا.
'بڕوای تەمامەما بە ڕابەرایەتما هەن'
جەنگەوانەی عەرەبە ئامارگی عیسیان رەقاسە جەبارەو بێریتانێوە واتش، "جە کەسایەتی هەڤاڵ بێریتانێنە گردو گەشمەردا شۆڕشی گردی بە رێزۆ یاڎۍ مکەرووە، قەولۍ کا پایشاما دان، بە تەئکیدی جابەجێش مکەرمێ. ئا میراتەو مڎرامانی کە هەمڕا بەریتانێ پەیش جیائاستێنمێ، کاریگەری فرەش سەرو من نیانەرە، پا هەڵوێسەی ئا کاتە نیشانەش دا ئانەش بە ئێمە نیشانەدا کە مشۆم وەرا وەر بە دژمنی چ هەڵوێسێوە گێرمێنە وەر. چا ڕوۆ مڎرامان تا ئیسە بەردەواما، پێسەو ژەنێ عەرەبۍ چۍ جەنگ مکەرو، ئانەیچ ئەرەکۆشایما قەوەت مکەرۆ. مشۆم سەرو هێڵۆو گەشمەرڎە بێریتانێوە هەنگامە بنییەیمێ و ئیراڎەما قەوەت کەرمێ. وڵاتەکەما پەنەوازیش بە چیشی بۆ ئانەیە مکەرمێ؛ پێسەو هێزەکا یەژاستاری ئێمە درک بە سەنگەو ئەرک و ۋەرپرسیاریەکەیما مکەرمێ.
هجومی دڕندانەو دژمنی پەی سەرو پارتەکەیما، بەرش وزۆ کە چن تەنگەتاو بییەن. ئیتر نمەزانا چێش بکەرا، چ چەکێوە بەکاربارا. سەرەڕاو ئانەی چەکی کیمیاویچ بەکارمارا، نمەتاوا مڎرامانما بماڕا و ئیسە هەوڵمڎا چێوی تازە بکەرا. هەمڕاکێما هەم جە مەڕەکا جەنگی و هەم جە مێڎانەکانە بە چالاکییەکاشا دژمنشا بێچارە و بێتاقەت کەردەن. بڕوای تەمامما بە ڕابەرایەتی و تاریخیم هەن. ئا ئەزمونەی جە تاریخیما ورگێرتەن، بناغەو گیانبازی و ئەرەکۆشایمانە. ئێمە جارێوە تەر قەول مڎەیمێ کە سەرو هێڵۆو مڎرامانوو گەشمەرڎا بێریتانێ و زیلانێ هەنگامە بنییەیمێ". |
ماک لجێنە چالاکیش کەرڎ
جەنگاوەراو ماکی ناوچەو لجێنە ئامێرە تەکنیکیەکۍ سوپاو تورکی ئەرەگیریشا دلێنەبەردۍ.
جەنگاوەراو ماکی ناوچەو لجێنە ئامێرە تەکنیکیەکۍ سوپاو تورکی ئەرەگیریشا دلێنەبەردۍ.
جەنگاوەراو ئازادیی کورڎەسانی (ماک) جە ٢٦و ئۆکتۆبەرینە سەعات ١٧:٠٠ جە ناوچەو لجێی ئامەدی جە دۆروبەرو دەگاو دەرخوستێ جە مېڎانوو گەشمەرڎە کەنداڵی جە دژو ئامێرە تەکنیکییەکا ئەرەگیرا چالاکیشا کەرڎ.
جە ئەرەیاۋناکەو ماکینە ئامان، "ئامێرێوە تەکنیکی و وێنەگێرتەی جە مېڎانەکا گەریلاینە دەسنیشانکریۍ، کریۍ ئامانجو جەنگاوەراما. جە ئاکامو چالاکییەکەینە جە مێڎانەکەنە ٢ ئامێرۍ وێنەکێشای، ٢ پانێلۍ وزەی و ٢ ئامێرۍ دەنگهۆرگیرۍ دلێنەبریۍ". |
منبجەنە چالاکی جوابدایۆ: ٧ ئەرەگیرۍ کوشیۍ
هێزەکاو ئەنجومەنو سەروازی منبجی و هێزەکاو بەرەو ئەلکوردی جە دژو هرووژمەکا دۆڵەتو تورکی ئەرەگیری چالاکی ۋەرپەرچدایۆیشا ئەنجامدا. ئەرەیاۋییا کە جە ئاکامەنە ٧ سەروازۍ تورکی کوشیۍ.
هێزەکاو ئەنجومەنو سەروازی منبجی و هێزەکاو بەرەو ئەلکوردی جە دژو هرووژمەکا دۆڵەتو تورکی ئەرەگیری چالاکی ۋەرپەرچدایۆیشا ئەنجامدا. ئەرەیاۋییا کە جە ئاکامەنە ٧ سەروازۍ تورکی کوشیۍ.
ئەنجومەنو سەروازی منبجی ئەرەیاۋناش، کە چنی هێزەکاو بەرەو ئەلکوردی جە دژو سوپاو تورکی ئەرەگیری چالاکی ۋەرپەرچدایۆیشا جە ۋەرا ۋەرو چن بارەگێوەنە ئەنجامدان.
ئەرەیاۋییا کە سەرسەعبو هێزی سەعات ٠٨:٣٠ دەیەقۍ هێزەکاو ئەنجومەنو سەروازی منبجی و هێزەکاو بەرەو ئەلکوردی بۆمبۋارانو بارەگاکا بەلدەق، شێخ، ناسر، قەراتە و شقەیفی دۆڵەتو تورکی ئەرەگیریشا کەردەن.
ئەرەیاۋییا، کە جە ئاکامو چالاکیەکەینە ٧ سەروازۍ تورکی ئەرەگیری سزادریێنۍ، ژمارێوە فرە ئەرەگیرێچ زامڎارۍ بیێنۍ. |
ئیدارەو ۋێڕاوەبەری دیموکراتیکی هەرێمەکاو سەرنیشت و ۋەرکۆتوو سوریای دەربارەو هرووژمە ئەرەگیریەکا دۆڵەتو تورکی پەی سەرو هەرێمەکەی ئەرەیاۋنێوە نوویسیاش وەڵا کەرڎۆ.
جە ئەرەیاۋناکەینە وچیان:
"دۆڵەتو تورکی ماوەو ٣ ڕووان بەردەواما جە هرووژمەکاش دژو چێرخانی و خەڵکی مەدەنی. ئارۆ فرەو یاگا پێسە عامودای و خەڵکی مەدەنی، فەرمانگەی پەروەردەیی، ناوەندەکۍ بیناسازی جە تەل تەمر و گر زیرۆنە، ناوەندەکۍ ئەرەنیشتەی سەر سنورەنە کریۍ ئامانج.
جە ئاکامو ئا هرووژمانە گەشمەرڎۍ و زامڎارۍ بێنۍ. ئی هرووژمۍ تەرسی و دڵە تەپێش لاو هاموڵاتیاوە وەش کەرڎ کرد. ئامانج جە بۆمبۋاران کەردەی ناوەندە خزمەتگوزارییەکا تەمامکەردەی تەوقێن سەرو گەلەکەیما و زیاڎکەردەی بارگرانیی گەلین، تا ئاستەنگی ئابووری و بژێوی وەش بکەرا. پینەیچ قەیرانێوە سەختی مرۆیی وەش بۆنە، هەرپاسە کەرتو خزمەتگوزاری و پیشەسازی بە سووتەمەنی و واردەیچۆ مردۆنە.
"١٧ مەدەنیۍ گەشمەرڎۍ بیۍ و زاوڵەیچشا ئینا چنە"
تا ئیساتۍ جە ئاکامو هرووژمەکانە ١٧ هاموڵاتیۍ گەشمەرڎۍ بیێنۍ و ٤٨ یچ زامڎارۍ بیێنۍ، کە زاوڵەیچشا ئینا دلێنە. ئی هرووژمۍ جە سەیەو بێدەنگی هێزەکاو هامپەیمانی مېیاندەوڵەتی و ڕووسیای و لایەنەکا تەریۆ بەردەواما. ئینەیچ "مەترسی قۆناغەکە"ی نیشانە مڎۆ. پەنەوازا ۋەرا ۋەر پی هرووژما هەڵوێسێوە تن و ۋەرپرسیار بۆنە، ئەگەر نا دۆڵەتو تورکی گرڎ چێوۍ مکەرۆ پەی ڕاگێرتەی جە ۋەرەنگاربیەیۆ تیرۆری و پشێوی وەڵا مکەرۆوە و کارەساتێوە مرۆیی خوڵقنۆ.
ئێمە بە پەشتیوانی گەلەکەیما پلانەو دژمنی هۆرشێونمۍ و جە ۋەرا ۋەرو هرووژمەکانە، ئیرادە و پاگیری ئازادیما سەرگنۆ". |
چالاکییەکە بە پلانسازیی کۆمیتەو هەڵمەتەکۍ و پێکئامایەکا جە چوارچێوەو هەڵمەتەو "ئازادی پەی ڕابەر ئاپۆی، چارەسەری سیاسی پەی پرسو کوردی"نە ئەنجامدریا و ئەنداما تەجەشەی سەرمەشقایەتی چالاکییەکەیشا کەرد.
جوانەکۍ سڵامشا ۋنەو چالاکیی تابووری نەمرانی جە ٢٣ ۍ ئۆکتۆبەری جە دژو توساشی کە ناوەندو بەرهەمئاوردەی چەکین کەرڎو کە دۆڵەتو ئەرەگیرو تورکی جە کۆمکوژی کوردینە بەکارشا مارۆ.
جە چالاکییەکەنە وێنەو ڕابەر ئاپۆی و ئاڵاو پەکەکەی جە کەنیسەو نۆتردامینە هۆرواسیا کە شۆنێوە هەرە گرنگ و گەشتیاریی ستراسبۆرگینە. گەلوو فەرەنسای و گەشتیارۍ بە گرنگیۆ تەماشەو چالاکییەکەیشا کەرڎ.
جوانۍ جەختشا کەرڎۆ، کە "تا ئازادی ڕابەر ئاپۆی و چارەسەری پرسو کوردی، چالاکییەکێشا بەردەوامۍ با"، داواشا جە گرڎو جوانا کوردی و ئەنتەرناسیۆنالیستەکا کەرد پەی گۆرەکەردەو ئەرەکۆشای. |
کەناڵو گەریلا تیڤی ئەرەیاۋنێوە نوویسیاش پەی گرڎو فۆڵۆوەرەکاش وەڵا کەرڎۆو ئەرەیاۋناش کە فۆڵۆوەرەکێشا نمەتاوا بلانە دلۍ کەناڵەکەیشا و ئاستەنگکرینۍ و سەرو لینکو
درێژە بە وەڵاکەردەیۆ مڎا.
جە ئەرەیاۋناکەو گەریلا تیڤینە وچیان:
"کەناڵەکۍ تەلەگرامیما بە نامەکا گەریلا تیڤی و هەپەگەی کرمانجی و هەپەگەی عەرەبی و هەپەگەی ئەنتەرناسیۆنال و هەپەگەی کاستیلانۆی و هەپەگە تورکی، سنووردارۍ کریێنۍ، فۆڵۆوەرەکێما نمەتاوا بلانە دلۍ کەناڵەکەیشا ئاستەنگیشا پەی وەش کریان.
دیسان بەرکۆت، پی چالاکییەو دمایی چنی ئێر کۆت زېڵۍ ئەنقەرەی و گەرەکشانە ئی ئێرەیە بە ئاستەنگکەردەی کەناڵەکاما کوشناوە. بەڵام ۋێشا هۆرخەڵەتنا. پېسە چنی هیچ هێزێوە نمەتاوۆ ڕاپیمای فیداییا ئاپۆیی مردنۆ، نمەتاوا ڕاپیمای شۆنکۆتا ئاڎیشایچ مردنۆ.
ئێمە کاریگەر و قەوەتتەر درێژە بە کارەکاما مڎەیمۍ. ئێمە بە کەناڵە تازەکاما بەردەوامۍ بیمۍ. متاودۍ سەرو ئی لینکەیۆ دەستا بیاوۆ بە کەناڵە تازەکاما: |
ئەرەیاۋناکەو ناوەندو ئەرەیاۋنای و چاپەمەنی هەپەگەی پی جۆرەنە:
"ئەرەیاۋنابێما کە فیداییا ئاپۆیی تابوری نەمرانی هەمڕێما ئاسیا عەلی و رۆژگەر هێلین ٢٣ۍ ئۆکتۆبەرو ٢٠٢٤ جە ۋەرا ۋەر بە توساشینە جە ئەنقەرە کە ناوەندو بەرهەمئاوردەی چەکی کۆمکوژیا جە دژو گەلەکەیما، چالاکی گیانبازیشا کەرڎ.
هەمڕێما ئاسیا و رۆژگەر جە ۋەرا ۋەرو راسی سیستەمو دۆڵەتو تورکی ئەرەگیرینە کە مافو ژیۋای ئازادانەو ئاڎیشا بە ڕسمی نمەشناسۆ، زۋان، ئشناسنامە و کولتورو ئاڎیشا بە نەبیەی منیۆرە و کاتێ ۋەرا ۋەر پانەی ئەرەکۆشا رووبەڕوو گرڎ جۆرە ستەمێوە باوە و مافو رابەربڕیەیچشا پنە مەڎریۆ، پېسە جوابدایۆیۍ ڕووەشا کەردە کەشەکا کوردەسانی. جە کەشەکا کوردەسانینە جە روو ئایدۆلۆجی و رۆحی گیانبازیی ئاپۆییوە ۋێشا پەروەردەکەرد و بیۍ بە جەنگاوەرۍ قارەمانۍ و نەبەزیۍ. بەشداریشا جە هێزە تایبەتەکانە کەرد و جە راسی خوڎاوەنو ئازادی زیلانێنە قووڵۍ بیێوە. بە قەرارداری، بڕوا و پێوەسبیەیۍ گۆرۆ بە رابەرایەتی و گەشمەرڎاوە، ۋێشا ئامێتەو هێڵۆو فیداییبیەی کەرد و سەرکۆتۍ و شکۆو بەشداریشا دلۍ تابوری نەمرانینە بەدەسئارڎ.
پېسە تیمو ۋێڕاوەبەری تابوری نەمرانی هەمڕێما ئاسیا و رۆژگەر پەی پارێزنای گەلەکەیما رووەشا کەردە ئامانجەکا دژمنی، نیشانەشا دا کە جەنگاوەرا فیدایی ئاپۆیی کە بە رۆحی فیدایی ئاپۆیی ئاماڎۍ کریێنۍ، سەرو هێڵۆو گیانبازانەی ۋێشا قەراردار کەردەن، بە پسپۆڕی و بە تەمامی ۋێشا پەی ئامانجەکەیشا تەرخان کەردەن و متاوا گرڎ جۆرە چالاکیێوە ئەنجام بڎا. نیشانەشا دا کە جەنگاوەرا فیدایی ئاپۆیی کاتێ کە قەرارۍ مڎا و ۋێشا پەی ئامانجێوە تەرخان مکەرا جە لایەنو هیچ هێزێوە دژمنیۆ نمەتاویۆ مردناشا. جە هەمان کاتەنە هەمڕێما ئاسیا و رۆژگەر کە پیمانەکۍ بەشداربیەی و شێوازو جەنگی فیدایی گەریلایەتی ئازادیشا جە کوردەسانەنە یاۋنا بە قۆناغێوە تازە جارێوەتەر سەلمناشا کە گەریلا پا چالاکییە تاریخی، پرۆفیشناڵ و وەڵێکۆتەیە کە ئەنجامشا دان متاوا بیاوا گرڎ ئامانجێ و گرڎ چالاکیێوە ئەنجام بڎا. بە چالاکی گیانبازانەیشا کە ئەنجامشا دا بیۍ بە هێماو قارەمانیەتی کە راسی ژەنۍ ئازادۍ و پیای ئازادی و راسی خوڎاوەڼو زیلانێشا جە کەسایەتی ۋێشانە چەسپنان و لوۍ دلۍ تاریخی شکۆمەندانەیما.
ئێمە قارەمانا گۆرۍ تابوری نەمرانی هەمڕا ئاسیا و رۆژگەری بە رێز، وەشەسیای و وەفاڎاری قووڵۆ یاڎۍ مکەرمێوە. قەول مڎەیمۍ کە ژیۋای، هەڵوێس، ئەرەکۆشای و چالاکی ئەفسانەیی نەمرانیما، جە ژیۋای و جەنگو ۋێمانە بکەرمۍ ڕا نیشاندەرو، یاڎو ئاڎیشا بە زیڼەیی ڕاگێرمۍ و مەرامو ئاڎیشا بیاونمۍ بە سەرکۆتەی.
سەرەوەشی جە بنەیانەی قارەمانو هەمڕایاما و گەلی وڵاتپاڕێزنو کوردەسانی مکەرمۍ، کە گرڎ کاتۍ خاوەندارییشا جە گیانبازیشا کەردەن.
زانیاری سەرو ئشناسنامەو هەمڕا قارەمانەکاما پی جۆرەنە:
ناسنامۍ / ئاسیا عەلی
نامۍ و دما نامۍ / مینە سەڤژین عەلی چیچەک
شۆنەماو جە ئەڎابیەی / ئیزمیر
نامۍ ئەڎۍ و نامۍ تاتەی / بەهیجە- فازیل
شۆنەماو کاتو گەشمەرڎەبیەی / ٢٣ۍ ئۆکتۆبەرو ٢٠٢٤/ ئەنقەرە
*****
ناسنامۍ / رۆژگەر هێلین
نامۍ و دما نامۍ / عەلی ئۆرەک
شۆنەماو جە ئەڎابیەی / شڕنەخ
نامۍ ئەڎۍ و نامۍ تاتەی / لەیلا – محەمەد نەزیر
شۆنەماو کاتو گەشمەرڎەبیەی / ٢٣ۍ ئۆکتۆبەرو ٢٠٢٤/ ئەنقەرە |
سوپاو ئەرەگیرو تورکی عامودانە ٣ خاڵێش بۆمبۋارانۍ کەردۍ
ئەرەیاۋییا کە دۆڵەتو ئەرەگیرو تورکی عامودانە ٣ خاڵێش بۆمبۋارانۍ کەردێنۍ.
ئەرەیاۋییا کە دۆڵەتو ئەرەگیرو تورکی عامودانە ٣ خاڵێش بۆمبۋارانۍ کەردێنۍ.
بەپاو هەواڵێوە ئاژانسوو هاواری، دۆڵەتو ئەرەگیرو تورکی جە عامودانە ٣ شۆنێش بۆمبۋارانۍ کەردێنۍ یۆ چا شۆنا بیناو ئاسایشینە.
دەربارەو ئەنجامو بۆمبۋارانەکەی زانیاری زیاتەر ۋەردەس نییا. |
دۆڵەتو ئێرانی کۆڵبەرێوەتەرش کوشت
جە ئەنجامو دەسڕێژو گولـلۍ هێزەکاو دۆڵەتو ئێرانینە، کۆڵبەرێوە تەر کوشیا.
جە ئەنجامو دەسڕێژو گولـلۍ هێزەکاو دۆڵەتو ئێرانینە، کۆڵبەرێوە تەر کوشیا.
بەپاو سەرچەمەکا هەواڵوو ۋەرکۆتوو کوردەسانی، سەرسەعبو هێزی کۆڵبەرێوە کورد بە نامۍ ئیبراهیم ئەحمەد نەژادی کە خەڵکو مەهابادین، جە سنوورو سەردەشتینە جە ئاکامو تەقەو هێزەکا ئێرانینە گیانش جە دەسدان.
ئەرەیاۋییا کە دماو رووەداکەی تەرمو ئیبراهیمی فاڕیانۆ پەی خەسەخانەو سەردەشتی و دماتەر فاڕیانۆ پەی شارو مەهابادی. |
فەرماندەو قەرارگەو ناوەندی پارێزنای گەلی (نەپەگە) موراڎ قەرەیلان ئەرەیاۋناش، کە دۆڵەتو تورکی ٣-٤ ساڵێن بانگەشە مکەرۆ کە گەریلا جە سەرنیشتەنە نەمەنەن و دمایش پنە ئامان، بەڵام ئەگەر نەمەنەن پەی چێشی تا ئیساتێچ ئۆپراسیۆنەکۍ بەردەوامێنۍ؟ قەرەیلان باسش چانەی کەرڎ، کە ئاژەکە جە سەرنیشتوو کورڎەسانینە پا جۆرە نییا کە دۆڵەتو تورکی باسش مکەرۆ و واتش، "ئێمە هێزو ۋێما جە یاگۍ و کاتی گونجیانە بەکار مارمۍ. ئێمە پەرە بە ستراتیجێوە مڎەیمۍ؛ شارەزابیەی زیاتەر، قووڵبیەیۆ جە رێبازەکا دلێنەبەردەی گرڎو ڕاوجا تەکنیکی و فیزیکییەکا. جیای رێبازە ناپڕۆفیشناڵ، ئاسایی و کلاسیکیەکا، بەڵکم بە ئەنجامۍ پشوودرێژانەتەر، ستراتیجیکتەر و رێبازی پڕۆفیشناڵتەر. بابەتو کاتی و شۆنەمای راس و دروس گرنگا. ئێمە پېسە بنەمێوە سەرش مردمۍ. چی سەردەمەنە ئێمە بەین بەین پنەدای بڕۍ پەیامۍ بە پەنەواز موینمۍ و ئانەیچ پەی ئێمە فرە راستتەرا. هەم جە روو سیاسی هەم جە روو سەروازیۆ پەی هامسەنگی قۆناغەکەی، مامەڵێوە پا جۆرە فرە خاستەرا.
بەشی دماینو چەمپنەکۆتەکەو فەرماندەو قەرارگەو ناوەندی پارێزنای گەلی (نەپەگە)ی موراڎ قەرەیلانی چنی رۆنامەو یەنی ئۆزگور پۆیتیکای پی جۆرەنە:
ئەرەیاۋییا کە دژو تاکتیکو شمە پەی جەنگو تیمی گێڵیاری و مەڕەکا، سوپاو تورکی جە دووری مەڕەکانە بنەشا وستێنە و مێڎانەکەشا تۆقە دان؛ پا جۆرەیچە هێڵۆو زارگەلی گیریا و نیازشا بۍ کە عیلاقەو بەینو مېڎانەکا پڕچیۆنە. ئایا متاودۍ ئانەی بڕۍ ڕۆشن بکەردێوە؟
فەرماندەیی گرڎیی تورکی یاخود شالیارو جەنگی سەبارەت پا تاکتیکەی گێراشەنە وەر تەنگنشا پنە هۆرچنیان. ئینسان متاوۆ جە ڕوانگەو کردەوەکاشاوە بیاوۍ پا ئەنجامیە. سوپاو تورکی سەرەڕاو ئانەی جە مېڎانوو زاپینە ماوەو یەرۍ ساڵان گرڎ جۆرە رێباز و تەکنەلۆجیێوە بەکارمارۆ، نمەتاوۆ مەڕەکا دلێنەبەرۆ. هەڵای چا مەڕانە مڎرامان بەردەواما. چا جە ئاکامو هرووژمەکا جوابدایۆ گەریلاینە سوپاو تورکی بەردەوام زەرەری گیانیش وەرگنۆ. گەریلایچ بە کەمتەرین زەرەری گیانیوە درێژە پی جەنگیە مڎۆ، رەنگە ئی زەرەرە گیانیۍ جە تاریخو جەنگینە کەمتەرین زەرەرۍ گیانیۍ با. بێگومان ئی ئاژەیچە جەنەڕاڵەکا ئا سوپۍ فرە تەرسنۆنە.
فەرماندەو جەنگو ئیساتۍ جە ڕاو ئا ئەنجاماوە کە بەدەسش ئارڎێنۍ، چا مېڎانانە کە ئێساڵ ئەرەگیرێشا کەردێنۍ، جە دژو مەڕەکا تاکتیکی جیاواز بەکارمارانە. جە یاگێنە واتەبێش، "من هەر پاسە بە ئاسانی هێزەکا خەسار نمەڎەو؛ بە ئاسانی مەبەزیا. کەواتە من جە دوورۆ مېڎانەکا ئەرەگیر مکەرو، دەسۍ لۆجستی و هامکاری گەریلاکا جە مەڕەکانە بڕوو. پی جۆرە بە بێ ئانەی زەرەری گیانی بڎەو، بە تەوقێوە درێژخایەن مېیاوو ئەنجام". ئینە هامشێوەو ئا تەوقانە( گەمارۆ)یانە کە جە تاریخەنە دژو ئا هێزا کە جە قەڵاکانە بێنۍ ئەنجام دریۍ. ئانە تاکتیکێوە پا جۆرەنە کە بە شێوەی ماوەدرێژ تەوقەشا مڎا، چەمەڕا مکەرا گرڎ چێوشا چنە بڕیۆ و مێڎانەکەی جیا بازا ، واتە پا جۆرە ئا تاکتیکیە ڕاوەبەر مکەرۆ.
دژوو مەڕەکا گرڎ جۆرە رێبازێوە بەکارمارا
جە هەمان کاتەنە جە مەڕەکانە کە ماوەو ٣ ساڵان جەنگ مکەرا، بە سیستەمو جەنگی نزیکی هەوڵ مڎا دلێشانە بەرا. هەم تاکتیکە قەڎیمیەکەیشا بەکارمارا، هەمیچ پەی ئا مێڎانا کە تازە ئەرەگیرۍ کریێنۍ، تاکتیکی تازە بەکارمارا. ئیساتۍ مەتینانە جە کەشو ۋەهاری تاکتیکو تەوقدای جە دوورۆ ڕاوەبەر مکریۆ. جە ۋەرا ۋەرو ئا مەڕانە کە وەڵتەر گەرەکش بۍ بەدەسشا بارۆ، سەرەڕاو میقدارۍ گازی کیمیاویی زیاتەری و چەکی قورسی، بە درۆن تەقەمەنی وزۆ دەروازەو مەڕەکا و جە ڕاو توتەکایچۆ گەرەکشا دلۍ مەڕەکا وشکنۆ و ئی جۆرە چێوۍ.. واتە گرڎو رێبازەکا کە زەینو ئینسانیرە مەیا، بەکار مارۆ.بە پەنەوازما نەزانا کە ئانیشا گرڎ جە ئەرەیاۋناکاوە وەڵا بکەرمێوە، بەڵام ئینۍ گرڎ جە ئیساتێنە جە ئەیالەتو گەشمەرڎە دەلیلینە جە ۋەرنیشتو زاپی ئەنجام مڎریا. ئا شۆنە تازێچە کە گەرەکشانە ئەرەگیرشا بکەرا، بە دووری زیاتەر جە کیلۆمەترێوە جە نزیکو مەڕەکا جەنگینە مردا و بە چەکی قورس و ئاسمانی هرووژم مکەرا و گەرەکشانە پی جۆرە لۆجستیە دمایش پنە بۍ.
ئا تاکتیکەی بەکارش مارا جە دووۍ یەرۍ ساڵێنە نمەیاوا ئەنجام
ئیساتۍ شالیارو وەرگریی تورکی یاشار گولەر هەم تاکتیکێوە بەکارمارۆ کە جە دووۍ یەرۍ ساڵێنە هیچ ئەنجامێوەش پەی ئاڎیشا نمەبۆ و هەمیچ ماچۆ، 'ئێمە جە مانگەو کەڵەهەرزینە قوفڵەکەی وزمێرە '. ئانە بە ئاشکرا هۆرخەڵەتنای رای گرڎینیا. هیچ چێوۍ پا جۆرە نییا کە جە مانگەو کەڵەهەرزینە بیاوا ئەنجام. جە پرسو تاکتیکینە تووشو تەنگەتاوی و بێچارەیی بیێنۍ، ئانە ئاشکران. یاۋێنۍ بنبەس و چەقشا بەستەن.
گروپە گێڵیارەکێچشا نمەتاوا سەرۍ گنا
تاکتیکێوە یاشار گولەری هەن کە فرەو وەختی بە تاریفکەردەی باسش مکەرۆ. ئانەی پنەش ماچا "ئۆپراسیۆنی چەمەڕا نەکریا و هەمیشەیی" کە جە ئەساسەنە تاقمی ٢٠-٣٠ کەسیێنۍ و بە شێوۍ پەنهان ملا مېڎانەکا و دماتەر کیشیاوە. تەمامو ئێساڵینە ئانەی تازە بۍ ئانە بۍ. تاکتیکەکۍ تەریشا بێ ئاکامۍ بێنۍ. ئا تاکتیکە تازەو گروپە گێڵیارەکا جە هەرێمەکاو پارېزنای مەدیاینە نمەتاوۆ بیاوۆ ئەنجام. رەنگە جە شۆنۍ ۋەرفراوانی پېسە سەرنیشتینە جە بڕۍ شۆنێنە ئەنجام گێرۆ، بەڵام جە شۆنێوە پېسە بادینانینە کە جەنگ چنەشەنە فرەن، نمەتاوا بیاوا ئەنجام. ۋێش جە ۋێشەنە هێزەکێشا جە ئاستێوەنە گورزەشا ۋنە دریا، بەڵام بە قەناعەتو من کریۍ زیاتەر گورزەشا ۋنە بڎریۆ. جارێوە گەرەکشابۍ بلا گارە. بە دووری چن سەڎ مەترێوە جە گارەی کۆتۍ دامیۆ. گورزەی قورسەشا ۋنەشنیا و گێڵێوە. جە یاگۍ پېسە بنارو کەشو وەهارینە و جە بڕۍ شۆنۍ تەرێنە چن جارۍ تەر گورزەشا ۋنە شنیا. پېسە واتم؛ ئا تاکتیکە تازەن، بەڵام ئینەیچ ئیسفاڎەش نمەبۆ پەیشا. ئانە جۆرێن کە جاران سەرنیشتەنە بەکار ئۍ.
بە پوختی هێڵۆو سەرگەلێ، واتە چا هێڵێنە بە گرڎی بە بەشداربیەیۍ چالاکانەو پەدەکەی ڕا وەشە مکەرا، ئینۍ گرڎ ۋەرو ئانەینە. ئینۍ ئا چالاکیانۍ کە جە چوارچێوەو تاکتیکێوە تەوقدای مەڕەکا جەنگینە ئەنجام مڎریا.
بە پاو ناوەندو یەژاستاری؛ بە بەشداربیەی پەدەکەی و عێراقی دلۍ هرووژمە ئەرەگیریەکانە بە وستەیرەو هێڵۆو گۆشینی، ئەرەگیری تەمامو لۆلانی و پانەیچ پڕچنای هێڵۆو ما بەینو قەندیلی و خنێرە، گارەی و قەندیلی، گارە، مەتینای و زاپی مکریۆ ئامانج. ئایا چا روانگۆ هەنگامێوە گیریێنە ۋەر. چێش کریان، گەریلا پەی ئانەی چێش مکەرۆ؟
هەمڕایاما جە قۆڵە سیاسی وسەروازییەکانە بەین بەین سەرو پەرەئەسایەکا جە مېڎانی سەروازینە زوو پەیلوای ۋێشا وزا ڕووە. بڕۍ هۆرسەنگنایۍ پېسە ئانەی کە دژمن خیاڵشەرە نامێنۍ یاخوڎ خیاڵشەرە ئامێنۍ و نە وستێنێش بوارو جابەجێکەردەیۆ بە ئامانجو ئاشکراکەردەیشا وزیا ڕووە. مامەڵەکەردەیۍ پېسە ئانەی بەرەو دژمنی چ پلانێوەش هەنە، خیاڵ جە گرڎ چێوۍ مکەرۆوە و بە شێوەو پلان پەی مجیایرەی جابەجێش مکەرۆ، ئانە راس نییا. مشۆم جە ڕوو سەروازییوە بڕۍ ڕاوجۍ بگیریانە ۋەر. جە کات و شۆنەماو ۋێشەنە قسۍ و هۆرسەنگنایۍ بکریا.
ئێساڵ جە هەڕێمو گۆشینینە ئۆپراسیۆنێوە پا جۆرە جە لایەنو هێزەکاو عێراقی و پەدەکەیۆ پێسە ویرش چنە کریێوە ئەنجامنەدریا. هێزە پەیوەندیدارەکایچ ئانەی مزانا؛ ئۆپراسیۆنێوە چا ئەنجام بڎریۆ، بە مەعناو جەنگێوە تەمامەتی مۍ. تا ئیساتۍ چێوۍ پا جۆرە نەبیەن؛ ئێمە هیواڎارێنمۍ کە حەجگیز رووە نەڎۆ. ئەگەر ڕووە بڎۆ پېسە واتم ڕا ۋەر دەمو جەنگی و پێوەرەدای ناچارینە مکەرۆوە. ۋەرو ئانەی تەنیا متاوا سەرو بنەماو پاکتاوکەردەی هێزەکاما بەیا وەڵێوە.
جە لێوەتەرۆ راسا؛ دۆڵەتو تورکی تاکتیکو گەمارۆدای هەرێمەکا هەم جە سەرنیشت و هەم جە پانیشتەنە جابەجێ مکەرۆ. تاکتیکێوە کە هەرێمەکا جە یۆترینی بڕۆرە، ئاماو لوای ئاستەنگ مکەرۆ، ۋەر بە یۆگێرتەی و پێوەرە بەستەیۆ هەرێمەکا گێرۆنە و جە یۆترینی بڕۆشارە. ئانە پا مەعنۍ نیا کە ئی تاکتیکە راسەوخۆ جە بادینانەنە جابەجێ مکریۆ. دژواری و ئاستەنگی هەن. ۋەرو ئانەی فرەو ئا پلانا کە ئا هەمڕۍ جە بارەو ئێساڵیوە باسشا کەرڎۍ، جابەجێنەکریۍ یاخوڎ نەتاواشا جابەجێشا بکەرا.
دلۍ هەلومەرجی تەکنیکی ئارۆینە، شمەیچ دژوارییەکا گەریلایەتی جە سەرنیشتوو کورڎەسانینە پەشڕاس مکەردێوە. ئێساڵیچ جە ئەیالەتەکاو سەرحەدیوە تا بۆتان حاڵەتی گۆرەو گەشمەرڎەبیەی ڕووەشا دا. شمە رۆڵ و گرنگی بیەی و ئەرەکۆشای گەریلای جە سەرنیشتەنە چی قۆناغۍ ئیساتێنە پەی ئەرەکۆشای ئازادیی کورڎەسانی چنی هۆرسەنگندۍ؟
راسا ئێساڵ جە سەرنیشتوو کوردەسانینە زەرەری گیانی گۆرەما وەرکۆت. پاریچ جە سەرنیشتوو کورڎەسانینە زەرەری گیانی گۆرەما دابۍ. فەرماندۍ قارەمانەی پېسە لەیلا سورخوێنۍ، ئاخین موش و دڵگەش گوزەڕەشێما جە ساڵەو ٢٠٢٣ێنە گەشمەرڎۍ بیۍ. ئێساڵیچ پاسەن. جەنگو پێوەرەدای گۆرەی ڕووەشا دا و جە ئاکاموو ئانەینە چڼین فەرماندۍ بە تایبەتی ئەندامەو کۆمیتەی ناوەندیما باوەڕ دێرسیمە و جەنگەوانۍ بە قیمەتێما گەشمەرڎۍ بیۍ. جە ئەیالەتەکاو سەرحەد، وان، بۆتان، گابار، ئامەدی و مێردینینە جەنگ ڕووەشدا و زەرەری گیانیما ۋەرکۆت.
دۆڵەتو تورکی بانگەشەو ئانەی مکەرۆ کە جە ماوەو یەرۍ پەی چوار ساڵا ۋییەرڎەینە دمایش بە هێزەکاما ئارڎەن جە سەرنیشتەنە و ماچۆ ئیتر گەریلا نەمەنەن یاخود کەمۍ بیێنۍ. ئانە جە لایەنو شالیارو دلێینەو ئا کاتەو دۆڵەتو تورکیوە سولەیمان سۆیلۆیۆ وچیابۍ. بڕێچ ئانەی پەی موزایەدەی سیاسی بەکار ئارێنۍ. ئیساتۍ کەس نمەتاوۆ پاشەکشێ بکەرۆ، گرڎ ئانەی ماچاوە. جە ڕوانی ۋیەردەیچەنە چنین شرۆڤەکارۍ سیاسیێچ جە قسەکاشانە باس چانەی مکەرا. ئەگەر پا جۆرەنە، چی ئۆپراسیۆنە سەرەمڕەکۍ جە سەرنیشتوو کورڎەسانینە ملاڕاوە؟ چی ساتە وەختیچەنە ئۆپراسیۆن هەن. ئۆپراسیۆنێوە سەرەمڕە هەن. ئەگەر دمایشا پنە ئاردێنۍ، چی ئی گرڎ ئۆپراسیۆنا پا خەرجیە گۆرۆ ئەنجام مڎا؟ ۋەرو ئانەی ئاژەکە پېسە ئانەی نییا کە ماچاش. بڕۍ جیاوازا. گرڎو ئا قارەماناما کە ئێساڵ جە سەرنیشتوو کوردەسانینە گەشمەرڎۍ بیۍ جە کەسایەتی فەرماندە قارەمانەکا پێسە شێخموس مەلازگرتی، بەروار دێرسیمۍ، هەرەکۆل شیار گەڤەری، بروسک کاتۆی و هەمڕا هەبوون ئامەدینە بە رێز و پنەزانایۆ یاڎشا مکەرمێوە. ئا قەولەی پایشاما دابۍ واوەیش مکەرمێوە.
سەرنیشتەنە ئامانجی سەرەکیما چالاکیی نییا
ماوەو چوار ساڵان ئامانجو ئێمە سەرنیشتەنە جە چوارچێوەو 'پرۆژەو سەرجە نۆ رێکوستەیۆینە' تازەبیەیۆ و فاڕیای بۍ. بەڵام بە مەڵامەتو دژواری و ئاستەنگیەکاوە تا ئیساتۍ ئا قۆناغەو فاڕیایما تەمام نەکەردەن. ئانەیچ کریۆ پېسە کەموکوڵیێوە ئێمە جە روو شێوەی و هامسەنگیۆ هۆرسەنگیۆ. ئا فاڕیای و تازەبیەیۆ تەسەور مکریۆ، جە کاتی دیاریکریانە جابەجێ نەکریان. ئیتر شێوازو گەریلایەتی قەڎیمی-کلاسیکیش ۋییەرنان. ئانە پەی ئێمە ئەنجامێوە ڕۆشنا. مشۆم ئێمە پەرە بە گەریلایەتی سەردەمی تازەی بڎەیمۍ کە پنەش ماچمۍ گەریلایەتی مۆدێرنیتەی دیموکراتیکی. ئێمە مزانمۍ تا ئانە نۍ ئاراوە سەرنیشتەنە هیچ وەڵێکۆتەیۍ گەریلای ڕووە نمەڎۆ. چا رووانگۆ گەرەکمانە شێوێوە تازەو گەریلایەتی وەڵۍ وزمۍ. سەرو ئا بنەمایۍ، گەریلا متاوۆ وەڵۍ گنۆ و جەنگێوە پرۆفیشناڵ وەڵۍ وزۆ. تا ئانەی نەکەرۆ، گورزەش ۋەرگنۆ. ۋەرو ئانەی سەرو ئا مژاریە مردای مکریۆ. جە ئیساتێنە ئامانجو ۋەردەمو گەریلای جە سەرنیشتەنە چالاکی نییا، سەرجە نۆ رێکوستەیۆ و فاڕیاین. زیاتەر مردای سەرو ئانەی مکریۆ. ئێمە پاسە ویر مکەرمێوە کە تا سەرو ئی مژاریە سەرجە نۆ رێکوستەیۆیۍ نۍ ئاراوە، جە چالاکی و شێوەو جموجوڵیمانە فاڕیای رووە نمەڎۆ، ئا چالاکیۍ کە کریانە، مەعناشا نمەبۆ. پەی گەریلایەتی جە سەرنیشتەنە کۆششۍ پا جۆرە هەن و مردایش سەر مکریۆ.
بڕۍ یەکینۍ سەر بە جمېیەرو ئازادیی کوردی وەڵتەر جە گۆرەشارەکا تورکیاینە چالاکی سەروازی پېسە (کەردەی ئامانجو ترۆمبێلەکا سەروازا-پۆلیسەکا و ناوەندەکاشا) ئەنجام دێنۍ. مردنای ئا چالاکییا ئایا پېسە دۆڵەتو تورکی بانگەشەش پەی مکەرۆ جە ئەنجامو 'راوجای و ئۆپراسیۆنی سەرکۆتەین'، یاخود جە ئەنجامو قەرارێوە ناوەندییا؟
هەردوویشا کاریگەریشا هەن. پېسە شمە باستا کەرڎ دیاردێوە کە ئینا دلۍ هامسەنگینە و تەمامکەرۍ یۆترینینۍ ئینا ئارانە. ئێمە عال مزانمۍ کە جە ۋەرا ۋەرو تەکنەلۆجیاکا پېسە کامێرەی و هتد و تۆڕەو سیخوڕی کە جە ساڵانی ۋییەردەنە پەرەش پنەدریان، بە شێوۍ فرە ورد نەبۆ ئینە نمەکریۆ، ئێمە جمېیەرێوە خاوەن ئەزمونێنمۍ. چی ئاژەنە کە هرووژمەکۍ سەرو بنەماو تەکنەلۆجیای جە ڕاو تۆڕەی سیخوڕی وەڵێکۆتەی و سیستەمو هەواڵگری کە بە تەکنەلۆجیای وەڵێکۆتۆ قەوەت بۆنە، ئێمە راسەوخۆ هێزەکاما نمەکیانمۍ پەی ئا شۆنە مەترسیڎارا. جە ماوەی ۋییەردەنە ئەزمونی فرەما دەسوستەن. ئاژەو کیانای و یاگەگیرکەردەی هێزی جە شۆنە ناسڵامەت و ناپارێزیاکانە، جە ساڵەکا نەوەڎەکایچەنە فرەو وەختی ئەنجام دریۍ و بیۍ بە مەڵامەتو زەرەرۍ گیانی فرەی. چا ڕوانگۆ جە ۋەرا ۋەرو ئا هرووژمانەی کە بەشێوۍ پەنەواز ڕاوجا ۋەرا ۋەرشا نەگیریان ۋەر، مشۆم ئێمە بە وریاییوە جمێوە و هێزەکاما پارێزنمۍ. پەی نمونەی سیاسەتو سوککەردەی کیانای هێزی فرەی پەی ئەیالەتەکا سەرنیشتی، بە زانابیەی یاخود بێ زانابیەی جە لایەنو کاربەدەسا دۆڵەتو تورکیوە بە شێوێوە جیاواز شرۆڤەش پەی مکریۆ و پېسە ئامرازێوە و بنەمایۍ پەی چەواشەکاری بەکاربریۆ؛ بەڵام هەر کە کاتش ئاما ئاڎۍ موینا کە حەقەتین چێشا.
رێبازی پرۆفیشناڵ پشوودرێژانە و ستراتیجیێنۍ
ئێمە پەرە بە ستراتیجی مڎەیمۍ: جە ڕاو ئا ستراتیجەیۆ ئامانجما دلێنەبەردەی ئی رژێمەینە و ئێمە جە پێکای ئا ئامانجەینە سەرۍ گنمۍ. چا رووانگۆ ئێمە ئامانجمانە کە چا شۆنێنە یاخود ئا کاتۍ کە مشۆم وریۍ بیمۍ چێوی پەنەواز بکەرمۍ، ڕا ۋەردەمو سەرکۆتەینە بکەرمێوە. ئەنجامی سەرکۆتانە تەنیا بە قووڵبیەیۆ چا رێبازا کە گرڎو ڕاوجاکا هەواڵگری جە روو تەکنیکی و فیزیکیوە بماڕۆ، متاویۆ بەدەسبۍ. تا ئانە دەسەبەر نەبۆ، پا جۆرە بەشێوازی ناپرۆفیشناڵ، ئاسایی و کلاسیک رووەبکەرا جەنگو ئی سەردەمیە، شکس شۆنەو ۋێشەرە مارۆ . چا ڕوانگۆ گرنگا کە ئینسان ئەنجامی پشوودرێژانەتەر، رێبازی ستراتیجیتەر و پڕۆفیشناڵتەر هەڵوێسەش سەر بکەرۆ و جە ئاکامەنە ئا جەنگەیە بیاونۆ بە سەرکۆتەی. پېسە لایەنگرا ئاکەپەی پەنەوازما بە پروپاگەندە، وتار و جموجۆڵێوە کە جەماوەری و گەلی چەواشە مکەرۆ نییا. پەنەوازما بە سەرکۆتەی شۆڕشگێڵنیا و ئێمە سەرو بنەماو وردبیەیۆ مکەرمێش. ئیساتێچ بە چنە ۋییەردەیۆ سەرو ئانەی و قووڵکەردەیۆ رێبازە ئەنجامگیرەکا، ئێمە متاومۍ سەرو بنەماو چالاککەردەی هێزەکاما جە شۆنەما و کاتی راسەنە ئەنجامی سەرکۆتانە بەدەس بارمۍ. چا بوارەنە شۊنەما و کاتی دروس گرنگا. ئانەې سەرش مردمۍ ئینەنە. چی قۆناغەنە جە بڕۍ وەختێنە جار جار پەیام کیانای پەی ئێمە راستتەرا. مامەڵێوە کە هەم جە روو سەروازی و هەمیچ جە روو سیاسیوە کە قۆناغەکۍ وزانە دلۍ هامسەنگیۆ گرنگا.
کاتێ تەماشەو توانستی سەروازی و پەشتیوانی گەلی جە هەر چوار پارچەو کوردەسانینە مکەرمۍ کە سەرنج وزیۆ سەرو دەورو هێزە جەهانی و هەرێمایەتیەکا، ئاستەنگە سەرەکییەکۍ ۋەردەمو بە سوپابیەو دژە-ئەرەگیریی کامێنۍ؟
رەنگە ئارۆ جە کوردەسانەنە ۋەردەمو وەڵێکۆتەی جەنگەوانا ئازادینە و پێوەس پانەیچ ۋەردەمو رێکوستەی بە سوپابیەینە بڕۍ دژواری بۆنە، بەڵام چارەسەرکەردەی ئانیشا دژوار نییا. ڕا و رێبازو ئانەی وەردەسا کە گرڎو دژواریە کردارییەکا چارەسەر بکەرۆ. جە بنەڕەتەنە پرسو بە سوپابیەی گەریلای ئەنجامگیری ئینا ئارادانە. چا خاڵێنە زەحمەتی بیەیش هەن. وەڵۍ گرڎ چێوێنە راس یاواینە سەردەمی فرە گرنگا. جە حەقەتینەنە گرنگتەرین خاڵە ئینێنە.
فۆرمول و تیۆرییە کلاسیکەکۍ باوشا نەمەنەن
رابەر ئاپۆ جە سەرەتاو سەدەینە شرۆڤەش پەی ئا فاڕیایا کەردەن کە چانەینە جە ڕاو شۆڕشی زانستی و تەکنەلۆژیاینە بەیا ئاراوە، ئینەیچ پەی ئێمە ئیمتیازێوە گۆرەن. جە سەردەمو ئێمەنە شۆڕشی زانستی و تەکنەلۆجیا فاڕیای و وەڵێکۆتەی گۆرەی شۆنەو ۋێشەرە مارۆ. ڕوانە ئاردەینە و تەکنۆلۆجیای تازە ئەرەیاۋیۆ، چنی ئانەیچ ئینە جە سەرانسەرو جەهانینە کاریگەریش سەرو شێوازو ژیۋای گلېرگەکا، پەیوەندییە کۆمەڵایەتییەکا، ئابووریی ڕۆشنۋیری هەن، بەڵام کاریگەریچش سەرو بواری سەروازیچ هەن و فاڕیای گۆرەش شۆنیرە مۍ. ئا چەکە تەکنەلۆجیۍ کە پەرەشا پنە مڎریۆ، فرەشا نەمەنەن کە تیۆرە کلاسیکە کۆنەکا و فۆرمولەی سەروازی پێچەوانە بکەراوە. ئانۍ فاڕیای زانست و تەکنەلۆجیای سەرو واقیعو جەنگی نمەوینا، نمەتاوا جە جەنگەنە سەرکۆتەی بەدەس بارا. ئینەیچ نمە بۆ تەنیا جە چوارچێوەو فاڕیای و پەرەپنەدای چەکینە ۋەرو چەما بگیریۆ. جە ڕۆزگارو ئارۆینە ئیتر سەروازا ئاسایی نمەتاوا دەورشا بۆ جە جەنگەنە. ئیتر هێزو پێکئامایۍ سەروازی بە ژمارەو ئەنداماش مەپیمیۆ. ئارۆنە ئەنجامەکۍ بە جەنگەوانا متمانە بە ۋۍ بیەی، بەئیرادە و پرۆفیشناڵی و شارەزای بەدەس مەیا. تا ئا حەقەتینە نەزانیۆ، شێوازو جموجۆڵی دروسی، گەشەکەردەی دروسو سەروازا، سەنگەرگێرتەی راس و چەکڎارکەردەی دروس محاڵا. هەر پۊکەی جە جەنگەنە سەرکۆتەی بە دەسنمۍ.
نمونێوە پەی شکسی، سوپاو ئەرمینیاینە
ئینە تەنیا گەریلای نمەگێرۆوە بەڵکم پەی گرڎ کەسۍ راسا. ئارۆ گرڎو دنیێنە، کاتێ هێزێوە سەروازی بە دروسی چی پرۆسەیە نەیاوۆنە، نمەتاوۆ سوپاکێش تازۍ بکەرۆوە و دەرەنجامو ئینەیچەنە شکس مارۆ. متاومۍ سوپاو ئەرمینیای پێسە نمونێوە بارمۍ. ئەگەر جەنەڕاڵەکۍ سوپاو ئەرمینیای بە دروسی چی مژارەیە یاوێبیێنێنە، ئانە یاگەگیرکەردەی کلاسیکی تانکی و یاگەگیرکەردەی سەروازی جە سەنگەرەکاشانە ۋییەرنێنۍ. جگە چانەیچ سوپاو ئازەربایجانی ئەگەر پەشتیوانیش جە دۆڵەتو تورکیای هۆرنەگێرتۍ، بەدەسئاوردەی ئەنجامی ئانە ئاسان نەبۍ. پەی نموونەی جە جەنگو ساڵەکا نەوەڎەکانە، سوپاو ئەرمینیای قەوەتتەر بۍ، بەڵام سوپاو ئەرمەنی دماتەر پەشتیش پا سەرکۆتەیە بینا و پەرەش بە ۋێش نەڎا؛ ۋێش تازە نەکەردۆ و پېسە سوپێوە بە سیستەمی کلاسیکی یاگۍ ۋێشەنە مەنۆ. هەر پۊکەی نەتاواش ۋەرەنگارو چەکی تەکنەلۆجی سەردەمی بۆوە. ئینە بە هەمان شێوە پەی گرڎو گەریلاکا راسا.
سەرەکیتەرین ئاستەنگ و لەمپەر ۋەردەمو بەسوپابیەینە گرفتو هێڵێن
جە کوردەسانەنە ئەنەیاوای دروس جە هێڵۆو رابەرایەتینە و متەیشەرە جە چوارچێوەو فەلسەفەو رابەرایەتینە پەی ئێمه فرە گرنگا و سەرکۆتەیچ پانەیۆ بینیان. پراکتیک و رابەرایەتیێوە کە ۋێش جە جەنگی شۆڕشگێڵنی گەلینە قوڵ نەکەرۆوە، جە تاکتیک و وردەکارییەکاشەنە ۋێش قووڵنەکەرۆوە و بە پاو ئانەی هێز و گلێرگە ئاماڎە نەکەرۆ، سەرکۆتەی بەدەس نمارۆ. ڕاسا چی مژارەنە ڕووبەڕوو جەمۍ دژواری و تەنگوچەڵەمەی جددی بیمۍ. ئەگەر ئێمە لوێنمۍ دلۍ هێڵۆو جەنگی شۆڕشگێڵنیی گەلیوە، ئا خاڵۍ کە جە چوارچێوەو پرسیارەو یووەم و شمەنە باسم کەرد، نێنۍ ئاراوە. جەنگو شۆڕشگێڵنی گەلی تەنیا شێوازێوە جەنگو گەریلای یان جەنگێوە نییا کە تەنیا بڕۍ جەنگاوەرێش چنە با. ئێمە باس جە بناغێوە چامنەی مکەرمۍ کە گەلیچ جە ۋێش گێرۆ و گرڎو گلێرگەی جە پێگەو پارێزناینە بۆ. ئەگەر چێوۍ چیمنە ڕووەشدا، ئایا ٦٠ فیدایۍ متاوا بە تەنیا پەی ماوەو ١٠٥ ڕوا جە گەمارۆنە جەنگ بکەرا؟ ئشیۍ گرڎو شارەکەیچ بەشداری ئا جەنگەیشا کەردەبیۍ. نەکەردەی ئا کاریە ئانەی نیشانە مڎۆ کە ئێمە نەکۆتیمۍ سەرو هێڵۆو جەنگی شۆڕشگێلنی گەلی. ئانا جە گرڎی زیاتەر چی مژارەنە تووشو دژواری بیمێوە. نەلای دلۍ هێڵەکۍ بە تەمامی، مەنەیۆ جە جبەرو ئا هێڵێنە. ئینەیچ ۋەربەسی سەرەکییا ۋەردەمو گەشەسانای بەسوپابیەیمانە. هەڵبەتە چی ساڵا دماینە جەمۍ وەڵێکۆتەیۍ ئاشکرۍ چی مژارەنە ئامۍ ئاراوە؛ قاڵبیەیچۆ زیاتەر بیەن. ئێمە قەناعەتما پاسەن کە هێڵەکۍ هیچ گرفتێش نمەبۆ.
گۆرەتەرین دژمنما ڕا ئامای و خووەکێمانۍ
هەرپاسە جە پراکتیکەنە بڕۍ وەختۍ هەڵوێسی کۆنەپەرستانە و ئانۍ تازۍ نیەنۍ ئێنۍ ۋەردەمما. جە گلێرگەکا ۋەرکۆتوو مېیامینی و بەتایبەتی جە کوردەسانەنە، پارێزگاریوازی فرەن؛ فاڕیای ڕووەنمەڎۆ. ڕابەر ئاپۆ فرەو کاتیش وەڵتەر پەی ئانەی تەرخان کەرد، شیکاریێوە فرەش کەردەن، کتێبش ئاماڎە کەرڎەن و چا بارۆ پەروەردەش دان. نەفاڕیای و تازەنەبیەیۆ کەسایەتی کلاسیکی کۆنی گرفتۍ گۆرەن. متاومۍ بە ئەرەکۆشای ۋێما ۋەرا ۋەر پانەی بە پاو ئازەو سەردەمی و هێڵۆو ۋێما، پەرە بە سوپابیەی ئاپۆیی ۋێما بڎەیمۍ. پەی ئێمە دژمنی سەرەکی رائامای و خووەکێمانۍ. وەڵێنەکۆتەی و واوەی بیەیۆ هەمان چێوی مەڵامەتی سەرەکی زەرەری گیانی گۆرەینۍ. مېڎانو جەنگی بەردەوام پەنەوازش بە ئاردەینە و تازەبیەیۆ هەن. کاتێ ئینسان جە یاگێوە پەی یاگۍ تەری ملۆ، مشۆم پەی جاری دووەمی جە هەمان یاگێوە نە لۆنە. پەنەوازا ئینسان بە تاکتیکێوە تازە و میتۆدێوە تازۆ مامەڵە بکەرۆ. کاتێ ئینسان جە چوارچێوەو فێربیەینە هەمان چێو واوەی مکەرۆوە، زەرەر و دۆڕنایش چنە گنۆوە.
تا ئا کاتەی ئاستێوە فەرماندەیی سەرمەشقی بە جەنگاوەربیەی کە جە فەلسەفەو رابەرایەتینە قووڵبیەنۆ و بەرەو وەڵێش بەردەن، وەش نەکەرمۍ و پەرەش پنە نەڎەیمۍ، محاڵا کە سەرکۆتەی بەدەسبارمۍ. بەتایبەتیچ ژیۋای ئازاد و یەکسانی مۆدێرن کە پەشتی بە ئازادی ژەنا بینۆ، دلۍ سوپاکێمانە گرنگتەرین بنەماو ژیۋاین. هەڵوێسی جەنگاوەری کە سەرکۆتەیش چنە گنۆوە، پەشتیش پانەی بینێنە. جە پراتیکەنە گرڎ کەسۍ عال ویناش کە هەمڕا ژەنەکێما کە پەشتی پانەی بینا چێش خوڵقنا و چ جۆرە سەرمەشقیێشا پەرەپنەدان. بەسوپابیەیۍ کە جە ۋەرا ۋەرو سیستەمی کلاسیکی کۆنینە، مۆدێرنیتەی سەرمایەداری، دماکۆتەیی کە پەشتی بە هەڵوێسی دەرەبەگانەی بینانە، ۋێڕاگری مکەرا، ۋێشا تازە مکەراوە و ئاستو سەرمەشقی بەدەس مارانە و سەرکۆتەی مسۆگەر مکەرا. ئێمە بەتایبەتی هەڵوێسە سەرو ئا خاڵا مکەرمۍ و زیاتەر بە هەندشا هۆرگێرمۍ. |
تەرمو جەنگەوانا یەبەشەی ئەسپەردە بە خاکی کریۍ
تەرمو ٥ جەنگەوانا یەبەشەی کە جە هرووژمەکا دۆڵەتو تورکی ئەرەگیرینە گەشمەرڎۍ بیێبێنۍ، بە مەراسیمێوە ئەسپەردە بە خاکی کریۍ.
تەرمو ٥ جەنگەوانا یەبەشەی کە جە هرووژمەکا دۆڵەتو تورکی ئەرەگیرینە گەشمەرڎۍ بیێبێنۍ، بە مەراسیمێوە ئەسپەردە بە خاکی کریۍ.
فەرماندەیی یەکینەکاو مڎرامانوو شەنگالی (یەبەشە)ی هێزی ئەرەیاۋنابێش، جە ٢٤ و ٢٥و ئۆکتۆبەرینە جە ئەنجامو هرووژمە ئاسمانییەکا دۆڵەتو تورکی ئەرەگیرینە ٦ جەنگەوانۍ یەبەشەی بە نامەکا نەمر حەلیقی (هەڤاڵ نەمر قاسم عەلی)، ئۆرهان شەنگالی (عومران ئەحمەد قاسم قۆلۆ)، دلبرین شەنگالی (عەزیز خەیرۆ جردۆ(، ئازاد شەنگالی (رائید خالید حسێن)، دڵگەش شەنگالی (سەلاح حەسەن عەمەر) و رۆژهات عەرەب (وەعد حەمەد حیوەد هیکلێ) گەشمەرڎۍ بیێنۍ.
هێزی تەرمو جەنگەوانا یەبەشەی کە جە پزیشکو دادو موسڵی هۆرگیریێبێنۍ و گێڵنێشاوە پەی شەنگالی، هێزی شەوۍ دێرۍ جە چن قەبرسانێوە شارەکەینە ئەسپەردە بە خاکی کریۍ. |
ئیسرائیل جە ئێرانەنە چن بارەگێوە وەشکەردەی موشەکا و درۆناش کەرڎ ئامانج
ئیسرائیل هرووژمە چەمەڕاکریاکەش جە دژو ئێرانی ئەنجامدا. ئەرەیاۋییا کە جە کاتو ئۆپراسیۆنەکەینە زیاتەر بنکەکۍ وەشکەرڎەی موشەک و درۆنا کریێنۍ ئامانج.
ئیسرائیل هرووژمە چەمەڕاکریاکەش جە دژو ئێرانی ئەنجامدا. ئەرەیاۋییا کە جە کاتو ئۆپراسیۆنەکەینە زیاتەر بنکەکۍ وەشکەرڎەی موشەک و درۆنا کریێنۍ ئامانج.
هرووژمەکۍ سەعات ٣ بە کاتو ئێرانی دەسشا پنەکەرڎ و تا سەعات ٥:٤٥ دەیەقۍ بەردەوامۍ بێنۍ.
جە هرووژمەکانە چن بنکێوە سەروازی و پیشەسازی جە پارێزگاکاو تاران، خوزستانی و ئیلامی کریێنۍ ئامانج.
ئێران جە ئەرەیاۋنێوەنە پەشراسش کەرڎەنۆ، کە ژمارێوە فرۍ موشەکۍ جە لایەنو سیستەمی ۋەرگری ئاسمانیشاوە وزیێنێرە واری، بەڵام میدیاو ئیسرائیلی بانگەشە و ئانەی مکەرۆ کە هیچ موشەکێوەشا نە وزیانەرە واری.
جگە جە ئێرانی، جە عێراق و سوریایچەنە چن شۆنۍ کریێنۍ ئامانج، بەڵام سەبارەت بە وردەکارییەکا هیچ زانیاریێوە ئاشکرا نەکریان. |
کۆردیناسیۆنو کەژەکەی ئەرەیاۋنێوەش وەڵا کەرڎۆ و دیاریشکەرڎ کە دیڎارەکەو ٢٣ۍ ئۆکتۆبەری چنی ڕابەر ئاپۆی فرە گرنگ و ماناڎارا، بەڵام بەماناو دمایئاردەی بە گۆشەگیری نمۍ.
ئەرەیاۋناکەو کەژەکەی پی جۆرەنە:
"هەمڕێ گەشمەرڎێما بێریتانە کە تا دما گوللۍ جە دژو کۆلۆنیالی، تەسلیمبیەی و خیانەتی بە هەڵهەلە دایۋنۆ جەنگش کەرد و دماتەر سەرو کەشەکەیۆ ۋێش وستەرە واری و گەشمەرڎۍ بیە، جە ٣٢ەمین ساڵوەگەڕشەنە بە پنەزانای، حورمەت و وەشەسیایۆ یاڎەش مکەرمێوە. گەشمەرڎە بێریتانە کە پیمەرو 'مڎرامان ژیۋاین'یش جە مەزڵوم دۆغانیوە هۆرگێرت و بە فیدایۆ جابەجێش کەرڎ و ئەرەکۆشایماش تاجدار کەرد، بیە بە هێڵۆو سەرمەشقەو گرڎو تەڤگەریما، تەڤگەرو ژەنۍ و بە سوپابیەی ژەنۍ، پی جۆرە یاوا بە کارەوانو نەمرا. ئی هێڵۍ کە سەلمناش مڎرامانوو ژەنۍ سەرکۆتەین، پەی میلیتانا پەکەکەی و پاژکی و گەریلاکا هەپەگەی و یەژا ستاری پەی هەمیشەی بیە بە هێڵۆو بنەمای. ڕۆحو خیانەتی، تەسلیمبیەی و مەڕیایش دلێنە بەرڎ، پېسە هێڵۆو ڕۆحو مڎرامانی و سەرکۆتەی جە گرڎ ساتێوە ئەرەکۆشایمانە زیڼێنە و مژیۋۆ.
گەشمەرڎا مانگۆو ئۆکتۆبەری
مانگۆو ئۆکتۆبەری جە هەمانکاتەنە مانگۆو شەهادەتو گەشمەرڎا ژەنە سەرمەشقەکاما عەزیمەی، مرێمۍ، هێلین چەرکەسۍ، غوربەتلی ئەرەسۆزۍ، ڕوناهی ئالامانۍ، مزگین توراکۍ، جاندا تورکۍ، ڕۆژین گەڤدایۍ، گەشمەرڎە گوڵناز ئەگۍ، چیچەک کورتالانۍ، چیچەک کچی، ڕوکەن بینگۆلۍ و گەشمەرڎا دۆڵەو تەیارێ، گەشمەرڎە ئارین میرکان، گەشمەرڎا فیدایما هەمڕایا ڕۆژهاتی و ئەرداڵی، هەمڕایا فیدایی چالاکی گۆرەو 'نمەتاوا ڕۆما تاریک بکەرا' کە جە دژو پیلانگێڵنی ٩و ئۆکتۆبەری چالاکیشا ئەنجامدا و گەشمەرڎۍ بیۍ. چی کاتەنە جە سەرنیشت، هەرێمەکاو پارێزنای مەدیاینە، زاپ، مەتینا و خواکوڕکەنە جەنگێوە سەخت ئەنجام مڎریۆ، چا جەنگە ئاوارتەیەنە گەریلاکێما بە ئیراڎێوە بێهامتاوە جەنگ مکەرا و گەشمەرڎۍ با. پی بۆنۆ گەشمەرڎا مانگەو ئۆکتۆبەری و جە کەسایەتیشانە گرڎو گەشمەرڎا ئەرەکۆشایما بە ڕێز و حورمەتۆ یاڎۍ مکەرمێوە و قەولما واوەی مکەرمێوە کە ئەرەکۆشایشا ۋەرفراوانتەر بکەرمۍ و بیاونمێش بە سەرکۆتەی.
زانیاری هۆرگێرتەی جە بارەو ڕابەر ئاپۆیۆ فرە گرنگا
مانگەو ئۆکتۆبەری جە لێوە مانگەو پیلانگێڵنینە جە دژو ڕابەر ئاپۆی، جە لێوەتەرۆ مانگەو ماڕای ئی پیلانگێڵنیەینە. مڎرامانو ڕابەر ئاپۆی جە دژو سیستەمی قڕکەرو ئیمراڵی، مڎرامانی گۆرەو گەریلاکاما کە سەرو ڕێچکەو ئی مڎرامانەینە و چالاکییە کاریگەرەکا گەلەکەیما جە گرڎو مېڎانەکانە، جە ڕەڎ کەردەیۆ پیلانگێڵنی و لاوازکەردەینە دەوری کاریگەرشا دی. بە تایبەت بە دەسپنەکەردەی ساڵۆو دووەمو هەڵمەتەی مېیاننەتەوەی پەی ئازادی جەسەیی رابە ئاپۆی، ئی هەڵمەتۍ وەڵێئامایۍ فرە گرنگێش چنی ۋێش ئارڎۍ ئاراوە. چی دماییانە چەمپنەکۆتەی ڕابەر ئاپۆیش چنی عومەر ئۆجالانی جە ٢٣ۍ ئۆکتۆبەرینە ئارڎ ئاراوە، زانیاری هۆرگێرتەی دماو ٤٤ مانگا ڕووەدایۍ فرە گرنگ و ماناڎارا. گەلەکەما کە سەرو هێڵۆو مڎرامانو ڕابەر ئاپۆی هەنگامە منیۆ و پەی ساتێوەیچ دەسەبەردارو ئەرەکۆشای نەبی. ئی دەرەنجامۍ کە بە مڎرامانوو گەلەکەیما، گەریلاکاما و دۆسەکاما ئامان ئاراوە پیرۆز مکەرمۍ. هۆرگێرتەی سڵامو رابەر ئاپۆی، ژنەویەی دەنگی و تەندروست خاسیش ئا مۆراڵ و وەشحاڵیەشە بە گرڎو مڎرامانەکاما یاۋنا. جارێتەر بەرکۆت کە مڎرامان دلۍ هەر هەلومەرجێوەنە، گۆرەکەردەی مڎرامانی بە ماناو ژیۋای و سەرکۆتەی مۍ.
ئەنجامدای چەمپنەکۆتەی بەماناو دمایی ئامای گۆشەگیری نمۍ
ڕابەر ئاپۆ چی چەمپنەکۆتەینە بە تایبەت ئاماژەش پانەی کەرڎ کە گۆشەگیری بەردەواما. ئەنجامدای چەمپنەکۆتەی بە دڵنیاییوە بە ماناو دمایئارڎەی بە گۆشەگیری نمۍ. جە ١و ئۆکتۆبەریوە جە بەرەی هامپەیمانی کۆمارییوە جە دەورو ڕابەریمانە دەربارەو چارەسەری پرسو کوردی بڕۍ قسۍ مکریا، مشتومڕ ملۆڕاوە. حکومەتو ئاکەپە-مەهەپەی چا کاتەنە کە تەنگە تاو بۆ، جە ڕوو دەسەڵاتدارییوە سەختی و زەحمەتی کێشۆنە، ڕووە جە تاکتیکی پی جۆرەیە مکەرۆ، جە پرۆسەکا وەڵتەریۆ گرڎ کەسێ عال ئینەی مزانۆ.
ڕانیشاندەری بنەڕەتیما ڕابەر ئاپۆن
ڕابەر ئاپۆ جە سەرەتاو ساڵەکا نەوەڎەکاوە خەریکو هەوڵی ماناڎار، ئازایانە و چالاکانەن پەی وەشکەردەی چارەسەرێوە واقیعی و دیموکراتیکی. ڕابەر و جمېیەرەکەما هەمیشە بە ڕۆشنی پەیلواو ۋێشا پەی ئی پەرسیە وستەن ڕووە. چێگەنە پیمەرە سەرەکییەکە ئانەنە کە ڕابەر ئاپۆ بە موخاتەب هۆرگیریۆ، سیاسەتی دڵسۆزانە جابەجێ بکریۆ و هەنگامە بنریۆ. چېرو هەر نامێوەنە بۆ، ئەگەر ئی پیمەرە جەوهەری نەبۆ، تەنیا بە ماناو پیلانگێڵنیێوە تازەی و گەمێوە تازەی بۆنە. جە کاتێ چیمنەنە کە گرڎو زانیاری و قسەکا تێکەڵۍ بیێنۍ، فرە گرنگا کە گەلەکەما، ژەنی و دۆساما سەرنجو ۋێشا وزا سەرو ڕابەر ئاپۆی کە نامونیشانی بنەڕەتی و مېیانی و چارەسەری و ئاشتی و حەقیقەتی پێوەرە بەروزۆ، سەرو ئا بنەمایۍ ئەرەکۆشایشا گۆرە بکەرا. ڕانیشاندەری بنەڕەتیما ڕابەر ئاپۆن، ئا قسۍ کە کەردێنێش و مکەرۆشا.
مشۆم دمایی بە گۆشەگیری ئیمراڵی بارمێنە
هەرچڼە چەمپنەکۆتەیۍ ئەنجامدریان، بەڵام هەڵای گۆشەگیریی سەرو ڕابەر ئاپۆی دمایش نامان. تا ئا گۆشەگیرییە دمایش پنە مۍ و ڕابەرما بتاوۆ سیاسەتێوە ئازاد جە ڕو تەندروسی و سلامەتیۆ ڕاوەبەر بکەرۆ، هەلومەرجێوە پەی ئینەی وەش بکریۆ، فرە گرنگا خەباتو ۋێما زیاتەر بکەرمۍ. سەرو ئی بنەمایە هەنگامە پەی ئازادی جەسەیی ڕابەر ئاپۆی گۆرەتەر بکریۆ، ئانڼەی تەر فراوان بکریۆ، گرڎ کەسۍ سەرفەربەر بۆ. پەنەوازا گرڎ کەسۍ جە تەمەنو حۆت پەی حەفتا ساڵی بە دڵ و گیان بەشداری ئی پرۆسەیە بکەرۆ، پەنەوازا ژەنی سەرمەشقۍ ئی پرۆسەیە با، جە ساڵەو دووەمو هەڵمەتەکێنە ئەرەکۆشای قەوەتتەر بکریۆ و دمایی بە گۆشەگیری ئیمراڵی بێنە
پېسە کەژەکەی داوا جە ژەنا، گەلی و دۆسەکاما مکەرمۍ کە ئی کۆششە پیرۆز و ماناڎارەیە بکەرا، بە ڕۆحو ئازادی گەشمەرڎە بێریتانۍ و گەشمەرڎا ئۆکتۆبەریما ئی هەڵمەتۍ بیاونا بە سەرکۆتەی.
بە تنی هرووژمەکا ئی دماییە شەرمەزار مکەرمۍ
هرووژمەکۍ ٢٣ۍ ئۆکتۆبەری جە لایەنو دۆڵەتو تورکیوە پەی سەرو تل ڕەفعەتی، سەرنیشت و ۋەرکۆتوو سوریای، شەنگالی و هەرێمەکاو پارێزنای مەدیای ئەنجامدریا بە تنی شەرمەزار مکەرمۍ. چی هرووژمانە جە سەرنیشت و ۋەرکۆتوو سوریای ژەنی و زاوڵۍ و بە گرڎیی ١٣ کەسۍ گەشمەرڎۍ بیۍ، بە دەیان ئەرەمەرزیۍ خزمەتگوزاری و تەندروسیۍ کاولۍ کریۍ. هەرپاسە شەنگالەنە گەشمەرڎۍ و زامڎارۍ هەنۍ. سەرساغی ۋێما پەی بنەیانەو گەشمەرڎەکا، پەی گەلوو سەرنیشت و ۋەرکۆتوو سوریای، پەی خەڵکی ئێزدیما بەربڕمۍ و هیواو خاسبیەیۆی خێرای پەی زامڎارا موازمۍ. چی هرووژمە نا ئینسانیانە دۆڵەتو تورکی حەجگیز ئەنجامش نە گێرتەن و نمەیاوۆیچ بە ئەنجامو ۋێش." |
چالاکی یاڎکەردەیۆ جە لایەنو گەریلایۆ: ٥ سەروازۍ تورکی ئەرەگیری سزادریۍ
جە چالاکیەکاو گەریلاینە کە بۆنەو ساڵوەگەڕو شەهادەتو فەرماندە بێریتانۍ (گوڵناز کاراتاش)ێوە ئەنجامدریۍ، پەنج سەروازۍ تورکی ئەرەگیری سزادریۍ و یەرۍ تەریچ زامڎارۍ کریۍ.
جە چالاکیەکاو گەریلاینە کە بۆنەو ساڵوەگەڕو شەهادەتو فەرماندە بێریتانۍ (گوڵناز کاراتاش)ێوە ئەنجامدریۍ، پەنج سەروازۍ تورکی ئەرەگیری سزادریۍ و یەرۍ تەریچ زامڎارۍ کریۍ.
ناوەندو ئەرەیاۋنای و چاپەمەنی هێزەکاو پارێزنای گەلی (هەپەگە)ی بە ئەرەیاۋنێوە چالاکیەکۍ گەریلایش وەڵۍ کەردێوە و ئاماژە پانەی کریان جە چالاکیێوەنە پەنج سەروازۍ سوپاو تورکی ئەرەگیری سزا دریێنۍ، کە فەرماندێوە پلەبەرزشا ئینا دلێنە.
ئەرەیاۋناکەو ناوەندو ئەرەیاۋنای و چاپەمەنی هەپەگەی پی جۆرەنە:
"هێزەکێما جە چالاکی یاڎکەردەیۆ فەرماندۍ نەمرێمانە هەمڕۍ گەشمەرڎێما بێریتان – گوڵناز کاراتاشێنە پەنج ئەرەگیرێشا بەسزا یاۋنێنۍ، کە یۆشا فەرماندێوە پلە باڵان نامێش یوسف بۍ، وە یەرۍ ئەرەگیرێچ زامڎارۍ بیۍ. هەرپاسە چەک و کەرەسە سەروازییەکۍ ئەرەگیرایچ دەسشا سەرەرە گیریا.
وردەکاری سەرو چالاکیەکاو گەریلای و هرووژمەکا سوپاو تورکی ئەرەگیری پی جۆرەنە:
جە هەرێمو گەشمەرڎە دەلیلینە جە ۋەرنیشتوو زاپی؛
٢٤ و ئۆکتۆبەری سەعات ١١:٣٠ دەیەقۍ جە مېڎانو مڎرامانوو کەشو وەهارینە ئەرەگیرەکۍ گەرەکشا بۍ جە جە مەڕەکاما نزیکۍ باوە. دماتەر هێزەکێما ئا ئەرەگیرێشا وستۍ چێرو کۆنترۆڵو ۋێشاوە و هرووژمەکەشا ئەنجامدا. جە نزیکۆ بە بۆمبی دەسی و چەکی کەسی سەرەتا جە فەرماندەو یەکینەکەی و دماتەر جە ئەرەگیرا گورزە شنیا. چا یاگێنە بە گرڎیی چوار ئەرەگیرۍ سزادریۍ و دووۍ ئەرەگیرێچ زامڎارۍ بیۍ. سەلەمیان ئا فەرماندەی کە بە سزا یاوان نامێش یوسفا. هێزەکێما لوۍ سەرو تەرمو ئەرەگیرە سزادریاکا و دەسشا سەرو چەک و کەرەسە سەروازییەکارە گێرت کە چینیشا پێک ئامێبێنۍ؛ HK-416، ٣٠ گوللۍ، لێزەرێوە چەکی، لایتێوە سەرو چەکی، دووۍ کاردی، هێلەکێوە سەروازی، یەرۍ مەخزەنۍ گوللا، تەلەفونێوە، ئامێرێوە پەیوەندیگێرتەی و بەڵگە و ئشناسنامەو ئەرەگیرا.
٢٥ و ئۆکتۆبەری سەعات ١٤:١٠ دەیەقۍ جە مېڎانو مڎرامانوو کەشو مەسکەنینە بە چەکی قورس جە لایەنو هێزەکاو یەژا ستاریماوە گورزە جە ئەرەگیرا شنیا.
هەرێمو مەتینای؛
٢٤ و ئۆکتۆبەری سەعات ١٢:٣٠ دەیەقۍ جە مېڎانو مڎرامانوو سەری مەتیناینە بە چەکی نیم-ئۆتۆماتیک جە لایەنو هێزەکاو یەژا ستاریماوە گورزە جە ئەرەگیرا شنیا و جە ئەنجامو چالاکیەکەینە ئەرەگیرێوە بەسزا یاوا.
٢٥ و ئۆکتۆبەری سەعات ٠٨:٠٠ جە مېڎانو مڎرامانوو سەری مەتیناینە بە چەکی نیم-ئۆتۆماتیک جە لایەنو هێزەکاو یەژا ستاریماوە گورزە جە ئەرەگیرا شنیا و جە ئەنجامو چالاکیەکەینە ئەرەگیرێوە زامڎار کریا.
هرووژمەکۍ سوپاو تورکی ئەرەگیری بە تەقەمەنی قەڎەغەکریا؛
٢٤ و ئۆکتۆبەری جە هەرێمو گەشمەرڎە دەلیلینە جە ۋەرنیشتوو زاپی؛مەڕەکێما جە مېڎانو مڎرامانوو کەشو ئێف ئێمینە جارێوە بە تەقەمەنی قەڎەغەکریا بۆمبۋارانۍ کریۍ.
هرووژمەکۍ سوپاو تورکی ئەرەگیری؛
٢٤، ٢٥ و ئۆکتۆبەری جە هەرێمو قەندیلینە؛ مېڎانەکۍ شێخانی، سلێ، بێپالا، سورەدێۍ ٨ جارۍ، جە هەرێمو خواکوڕکینە؛ مېڎانەکۍ مڎرامانوو سنین، بەربزنەی ٣ جارۍ، جە هەرێمو گارەینە مېڎانەکۍ کەشو مەسکەنی، گەشمەرڎە ئاسڵانی، سێدارێ، کەشو ڕەشیدی، سیانێ، ئەرگەنێ، مام نێچیر ١١ جارۍ؛ بە گرڎی ٢٢ جارۍ بە فرۆکەی جەنگی بۆردوومانکریۍ.
٢٤ و ئۆکتۆبەری جە هەرێمو خواکوڕکینە مېڎانەکۍ مڎرامانوو سنین، کەشو شەکیفی، گەشمەرڎە شەریفی ٦ جارۍ، جە هەرێمو گەشمەرڎە دەلیلینە جە ۋەرنیشتوو زاپی؛مېڎانوو مڎرامانوو کەشو وەهاری ٥ جارۍ؛ بە گرڎی ١١ جارۍ بە هەلیکۆپتەری جەنگی بۆمبۋارانۍ کریۍ. |
بنەیانەکۍ پەی ئەنجامداو دیڎاری داواکاری تازەشا پێشکەش کەرڎ
پارێزنەر و بنەیانەو ڕابەرو گەلوو کورڎی عەبدوڵا ئۆجالانی پەی ئەنجامدای دیڎاری، سەردای داواکارو گرڎیی کۆماری بورسای و ڕاوەبەرایەتی زیڼانو ئیمراڵیشا کەرڎ.
پارێزنەر و بنەیانەو ڕابەرو گەلوو کورڎی عەبدوڵا ئۆجالانی پەی ئەنجامدای دیڎاری، سەردای داواکارو گرڎیی کۆماری بورسای و ڕاوەبەرایەتی زیڼانو ئیمراڵیشا کەرڎ.
براو رابەرو گەلوو کوردی عەبدوڵا ئۆجالانی محەمەد ئۆجالان و پارێزنەرەکەش مەزڵوم دینچ بە داواکاری ئەنجامدای دیڎاری چنی ڕابەرو گەلوو کوردی عەبدوڵا ئۆجالانی سەردای داواکاری گرڎیی کۆماری بورسای و ڕاوەبەرایەتی زیڼانو ئیمراڵیشا کەرڎ.
ئەمینە کۆنارە واڵۍ عومەر خەیری کۆناری، پۆڵاد یەڵدرم براو حامیلی یەڵدرمی و مەلیحە چەتینە واڵۍ وەیسی ئاکتاشیچ بە هەمان داواکاریۆ سەردای ئا دووە ئەرەمەرزیایاشا کەرڎ.
دماو چوار ساڵا جە گۆشەگیری سەختی، ڕۆو ٢٤و ئۆکتۆبەرو ٢٠٢٤ ڕابەر ئاپۆ دیڎارش چنی عومەر ئۆجالانی برازایش ئەنجامدا. جە دیڎارەکەنە ڕابەر ئاپۆ پەیامێوەش پەی ڕای گرڎیی کیاست و ئاماژەش پانەی دا کە گۆشەگیری بەردەواما. |
دۆڵەتو تورکی ١٦ جارۍ بۆمبۋارانو شەنگالیش کەرڎ
دۆڵەتو تورکی ئەرەگیری شەوەو پەنج شەممەی لاو کەمیۆ ١٦ جارۍ بۆردوومانو ١٠ ناوچا شەنگالیش کەرڎەن.
دۆڵەتو تورکی ئەرەگیری شەوەو پەنج شەممەی لاو کەمیۆ ١٦ جارۍ بۆردوومانو ١٠ ناوچا شەنگالیش کەرڎەن.
بە پاو سەرچەمە هەرێمییەکا فڕۆکەی جەنگی و درۆنەکۍ دۆڵەتو تورکی ئەرەگیری بۆمبۋارانو شەنگالی مکەرا.
ئەرەیاۋییا کە دۆڵەتو تورکی ئەرەگیری جە نیمە شەوو ئێشەوینە لاو کەمیۆ ١٦ جارۍ بۆردوومانو ١٠ ناوچا شەنگالیش کەرڎەن. پێوەس بە دەرەنجام و زەرەرو زیانەکا بۆردوومانەکاوە زانیاری فرە دەس نەوزیان.
ئا ناوچۍ کە ۋەرو بۆردوومانەکەی کۆتێنۍ پی جۆرەنە:
- چل مێرا و ئامۆد ٤ جارۍ
- دلێڕاسەو شەنگالی ٢ جارۍ
- سکێنی جارێوە
- کەشو گەشمەرڎە سیپانی جارێوە
- گەڕەکەو حەی نەسری جارێوە
- سیبا شێخ خدر ٢ جارۍ
- هێڵۆو عەرەبانی ٤ جارۍ
- دۆڵەو شلۆی جارێوە |
ئەرەیاۋناکەو فەرماندەیی قەرارگەو ناوەندی گەلی (نەپەگە)ی پی جۆرەنە:
"چالاکیی فیدایی کە جە سەعات ٠٣:٣٠ دەیەقۍ دما نیمەڕۆو ڕۆو ٢٣ۍ ئۆکتۆبەری کە جە ئەنقەرەنە دژو ناوەندو TUSAŞ ی ئەنجام دریا، جە لایەنو تیمێوە تایبەتی تابوورو نەمرانیوە ئەنجام دریا، ئی چالاکییە تاریخیە بە قەرارداریێوە بەرز، هونەرێوە ئاورڎەینە و ڕۆحی فیدایی ئاپۆیی ئەنجام دریا، پاڵەوانەکۍ ئی چالاکییە تاریخیە هەمڕێما ئاسیا عەلی-مینە سەڤژین ئالچیچەکە و ڕۆژگەر هێلین-عەلی ئۆرەک بێنۍ.
ئی چالاکییە کە ماوێوە فرە چێوەڵتەر پلانەش پەی نریێبێرە و بە شێوێوە سەرکۆتانۍ جابەجێ کریا، هیچ عیلاقێوەش بە ڕۆژەڤی سیاسیی ئی مانگە دماینێوە کە تورکیانە باسش چۆوە کریۆ نییا، تابووری نەمران پېسە پڕەنسیپی هەمیشە چالاکی نمەکەرۆ، بەڵام بڕۍ وەختۍ جە ۋەرا ۋەرو ئامانجە ستراتیجیی و گرنگەکانە، دوور جە ڕۆژەڤی ڕوانەی جە ۋەراۋەرو کردەوە کۆمکوژ و کردەوەکا گۆشەگیریی دۆڵەتو تورکینە، چالاکیی گیانبازیی پەی هۆشیارکەردەیۆ و پەیامداری ئەنجام مڎۆ، چالاکییەکەیچ کە ئەنجام دریا جە چوارچێوەو کردەوەکانە جە دژو کورڎەسانی ئەنجام دریا.
مزانیۆ، ئا چەکۍ کە جە لایەنو TUSAŞ یوە بەرهەم مەیانە جە کوردەسانەنە، بە هەزاران خەڵکۍ مەدەنیۍ کە ژەنی و زاوڵێچش گەشمەرڎۍ کەردێنۍ، مافو گرڎو ڕێکوزیا، ناوەند و کەسانی وڵاتپارێزنو کوردەسانییا کە جە ۋەرا ۋەرو ناوەندەکا بەرهەمئاوردەی چەکی کۆمکوژینە، چالاکی ئەنجام بڎا، تەڤگەرەکەما و هێزەکێش، کە نەک تەنیا پەی گەلوو کوردەسانی بەڵکم پەی گەلا تورکیای و قازانجکەردەیشا دەسش بە ئەرەکۆشای کەرڎەن، هیچ وەخت مەدەنیی نمەکەرۆ ئامانج، چی مژارەنە، وەڵتەر بێ داواکاریی، جە ناچاریی یان بە شێوێوە جیاواز بڕۍ کارۍ کریێبا، تەڤگەرەکەما ئینەش پەی گەلا ڕۆشن کەردەنۆ و ڕەخنەو ۋێش چنەش گېرتەن، هەر TUSAŞ کە چالاکی جە ۋەرا ۋەرشەنە ئەنجام دریا مەرامێوە سەروازییا، چی چالاکییەنە بە ناچاری مەدەنیێوە گیانش جە دەس دا، کە جگە چی مەدەنییە هیچ هرووژمێوە جە دژو کەسانی مەدەنیی ئەنجام نەڎریان، چەپ، سۆسیالیست، دیموکرات و وڵاتپارێزنە حەقەتینەکۍ تورکیای ئەگەر بە هامسۆزیۆ چی ڕووەدایە نزیکۍ باوە، ڕاسیی مافدار موینا.
دماو ئی چالاکییە سەروازییە، گوایە پەی حەقکەردەیۆ ئی چالاکییەیە بە ئەمرەو وەزارەتو وەرگریی تورکی، جە دژو بڕۍ نوقتا هێزەکاو گەریلایما هرووژمی ئاسمانیی ئەنجام دریا، چی هرووژمانە هیچ زەرەرۍ ۋەرو هێزەکاما نە کۆتەن، بەڵام جە دژو ۋەرنیشتوو کوردەسانی و شەنگالی کە جە ڕوو ئۆرگانیکیوە هیچ عیلاقێوەشا بە ئێمە و چالاکییەکەیماوە نییا، دژ بە ئامانجە مەدەنییەکا هرووژم کریا کە ئی هرووژمە جە ڕوو جەنگیوە هیچ قیمەتێوەش نیا، تەنیا بە دژمنایەتی کوردی متاویۆ پێناسە بکریۆ، سەرەڕاو ئانەی کە جە ۋەرا ۋەرشانە هێزێوە سەروازیی هەن کە ئەرەکۆشۆ، هرووژم پەی سەرو شۆنەماو ژیۋای، کۆگاکاو ئاوۍ، نانەواخانەکا، وێستگەکاو کارەبۍ و وزەی و خەسەخانەکا بەشێوەتەرو کوردەسانی تاوانەو جەنگینە، پاشێلکەردەی یاسا مېیاندەوڵەتییەکان، هەر بەپاو ئا زانیارییا کە جە ئەرەیاۋناکاوە هۆرما گێرتێنۍ، جە ئاکاموو ئی هرووژمانە نزیکەو ١٥ هاموڵاتیا مەدەنی کە زاوڵێچشا ئینۍ چنە گەشمەرڎۍ بیێنۍ، ئینە کۆمکوژییا، قڕکەردەیا، سوپێوە شەرەفمەندە بە شێوێوە نامەردانە تۆپە و مووشەکۍ جە شۆنەماو چێرخانی مەدەنیی و خەڵکی مەدەنیی نمەڎۆ و پی هرووژمەیە نمەواچۆ 'حەقەما کەرڎۆ ' و فەخر بە ۋێشۆ نمەکەرۆ، ئینە تەنیا نیشانۍ ترسنۆکی و لاوازییا.
بڕۍ هێزۍ کە ماوێوەن نزیکبیەیۆ تاکتیکی هێزەکاو گەریلایما پېسە لاوازی پێناسە مکەرا، پی چالاکییە جە پراکتیکەنە دیشا کە غەڵەت مکەرا، ئی چالاکییە بە تایبەتی جە ۋەرا ۋەرو ئا هێزانە کە چی مژارەنە هەڵوێسێوە غەڵەتشا نیشانە دان، جوابێوەن، مشۆم بزانیۆ، هێزێوە کە چالاکیێوە ئاڼنە پڕۆفیشناڵ مکەرۆ، هیچ ئامانجێوە نییا کە نەتاوۆ پنەش بیاوۆ، هیچ چالاکیێوە نیا کە نەتاوۆ بکەرۆش، هێزەکێما بە تەمامی سەرو ئی بنەمایە ۋێشا قووڵ مکەراوە و هەنگام بە هەنگام ئینە جە پراکتیکەنە جابەجێ مکریۆ، بەڵام دماو چوار ساڵا هۆرگێرتەی پەیامێوە گەرم جە ڕابەر ئاپۆیۆ کە دلۍ ڕای گرڎینە وەڵا بیۆ، پەی گرڎو هێزەکاو گەریلای مایۍ وەشحاڵینە و ئاژێوە چامنەن کە مشۆم ۋەروچەما بگیریۆ، ئینەیچ خاڵێوەنە کە بەپاو پێشئامایەکا مکریۆ هۆرسەنگیۆ.
پاڵەوانە گۆرەکۍ تابووری نەمرانی هەمڕا ئاسیا و ڕۆژگەر بە ڕۆحێوە فیدایی بەرز و پڕۆفیشناڵۆ هێڵۆو هەمڕا گەشمەرڎە بێریتانۍ-گوڵناز کاراتاشۍ جە ٣٢ەمین ساڵیاڎو گەشمەرڎەبیەیشەنە پی چالاکییە یاونا بە ئاستێوە هەرە بەرز، ئێمە هەمڕایاما ئاسیا و ڕۆژگەری بە ڕێز و منەتباریوە یاڎۍ مارمێوە و جە ۋەرا ۋەرو چالاکی، هەڵوێس، ڕۆحی مرۆیی گۆرەو ماناڎار و دڵسۆزیشانە بە ڕێزۆ سەرە منامنمێرە، قەول مڎەیمۍ کە یاڎەوەریەکاشا، ڕاو 'ڕابەری ئازادی و کوردەسانی ئازاد'ینە بە سەرکۆتەی تاجدار بکەرمۍ.
زانیارییەکۍ سەرو ئشناسنامەو هەمڕایاما کە چالاکیەکەشا ئەنجامدان پی جۆرەنە:
ناسنامۍ / ئاسیا عەلی
نامۍ و دما نامۍ / مینە سەڤژین ئالچیچەک
شۆنەماو جە ئەڎابیەی / ئیزمیر
نامۍ ئەڎۍ و نامۍ تاتەی / بەهیجە – فازڵ
شۆنەماو کاتو گەشمەرڎەبیەی / ٢٣ۍ ئۆکتۆبەرو ٢٠٢٤ / ئەنقەرە
ناسنامۍ / ڕۆژگەر هێلین
نامۍ و دما نامۍ /عەلی ئۆرەک
شۆنەماو جە ئەڎابیەی /شڕنەخ
نامۍ ئەڎۍ و نامۍ تاتەی /لەیلا – محەمەد نەزیر
شۆنەماو کاتو گەشمەرڎەبیەی /٢٣ۍ ئۆکتۆبەرو ٢٠٢٤ / ئەنقەرە |
پەی ڕای گرڎی و ژەنا کۆششکاری
بە پاو ئا هەواڵا کە زیڼانو ئەوینیوە لاما یاۋێنۍ، هەمڕێما وریشە مورادیە (جوانا سنە) بەمەڵامەتو وەستەیرەی فرەو پەستانو ۋنێوە ئینا ئاژێوە فرە مەترسیڎارەنە و ئەگەری فرەش هەن هۆش جەدەس بڎۆ گنۆ حاڵەتو کۆمایۆ.
هەمڕێما وریشە مورادیە ئەندامەو گلێرگەو ژەنا ئازادی ۋەرکۆتوو کورڎەسانی (کەژار) جە مانگەو ئابو ٢٠٢٣ جە کورڎەسانەنە جە لایەنو هێزەکاو ڕژێمو ئێرانیوە باڵبەسە کریا و ماوەو چن مانگێوە ئەشکەنجەی جۆراوجۆری جەسەیی و دەروونیش سەرەرە سەپیا. دماتەر جە لایەنو دادوەر سەڵواتیۆ بە تۆمەتو "بەغی" خیانەتکەردەی تۆمەتبارە کریا و تا ئیساتێچەنە جە ئاژێوە نادیار و بێ قەرارەنە ڕاگیریێنە. هەرپاسە وریشە جە ئەرەنیشتەی دووەمو دادگاییکەردەکەینە پېسە ناڕەزایی بەربڕیەی ۋەرا ۋەر بە سەپنای سزاو جە قەنارەدای سەرو شەریفە محەممەدیۍ و پەخشان عەزیزیێرە ئاماڎۍ نەبیە. یاگۍ ئاماژەیا وریشە جە ١٠و تشرینو یووەم و ٢٠٢٤یوە کە هامکاتە چنی ڕۆو جەهانی دژ بە سزاو جە قەنارەدای جە دژو بەرکەردەی و جابەجێکەردەی سزاو جە قەنارەدای جە ئێرانەنە، دەسش بە مانگێرتەی کەردەن. مانگێرتەی ئازایانەو وریشەی بیەن بە قۆناغێوە جە ئەرەکۆشای ژەنا کۆششکاری جە زینانەکانە و دەنگو مڎرامانی و ئازادیوازی یاوان گۆشو ئازادیوازا و بانگەوازو مڎرامانوو ژەناش یاۋنان بە چوار گۆشەو جەهانی.
ئێمە پېسە گلېرگەو ژەنا ئازادی ۋەرکۆتوو کورڎەسانی ( کەژار ) سەرەڕاو سڵامی شۆڕشگێڵنانەیما پەی هەڤاڵەی قارەمانە و سەرمەشقێما، بە هەست و ئەرکی ۋەرپرسیارانەو ۋێما جە ۋەرا ۋەرو ئی ئاژەینە، سەرو بنەماو ڕۆحو ئەرەکۆشایما داوا جە هەمڕێما مکەرمۍ دمایی بە مانگێرتەکەیش بارۆ پەی ئانەی کۆمیتەکێما بتاوا جە درێژەو مانگێرتەی جە واردەکەیشەنە درێژە بە مانگێرتەی بڎا. چی ڕوانگەیچۆ ئەرەیاۋنمێش کە جە سەوایۆ بە شێوێوە بازنەیی جە وڵاتە جیاجیاکاو ئۆروپایۆ پەی پەشتیوانی جە وریشە مورادیۍ و گرڎو زینانیا سیاسی و گرڎو ئا ئینسانا کە مەترسی جە قەنارەدایشا سەرا و ڕووبەڕوو کوشتەی بەزانا بیەی دۆڵەتی(جە قەنارەدای) بیێنێوە، مانگێرتەی جە واردەی پەی ماوەو یەرۍ ڕوا دەس پنەکەرمۍ. هەرپاسە داوا جە گرڎو ئازادیوازا مکەرمۍ بەردەوامۍ با جە پەشتیوانی و کۆششیشا جە پارێزنای و خاوەنداری جە وریشەی و گرڎو سەرمەشقەکا تەرو گلێرگەی جە زینانەکا کۆمارو ئیسلامی ئێرانینە.
مرۆڤایەتی و ئازادیوازی سەرکۆتۍ مېڎانەکا ئەرەکۆشاینۍ.
ژەنی، ژیۋای، ئازادی
گلێرگەو ژەنا ئازادی ۋەرکۆتوو کورڎەسانی (کەژار)
جومعە ٢٥/١٠/ ٢٠٢٤ |
Subsets and Splits
No community queries yet
The top public SQL queries from the community will appear here once available.